"ဆုံဆည်းခွင့်လေးပေးပါ"

Ep 5 (Uni +Z)

အိမ်က အကျွေးတွေ ကြေဖို့
Rainတို့ဆိုင်အပြင် တခြားအချိန်ပိုင်းအလုပ်တွေပါ
လုပ်သေးသည်
မနက်ဆိုလည်း အစောကြီးထ...
ညဆိုလည်း 12ကျော်မှ အိပ်ရသည်
-
-
-

Tay .... နိုင်ငံခြားက လုပ်ငန်းရှင်တစ်ယောက်နဲ့
တွေ့ဆုံဆွေးနွေးရာ...ဆိုင်မှာNewကို တွေ့လိုက်ရတာမို့
အလုပ်ထဲတောင် အာရုံမစိုက်နိုင်...

_
_
_
"ပိုက်ဆံအရမ်းလိုနေလို့လား...ဘာလဲ...ကောင်မလေးကို
ထောက်ပံ့ပေးရမှာမို့လို့လား..."

*မင်းမှာ ရည်းစားရှိမရှိ သိချင်လို့ပါ...ကောင်လေးရာ*

"ဘာရည်းစားမှမရှိဘူး...ပြီးတော့ ခင်များနဲ့ ဘာဆိုင်လို့လဲ... "

"ခုတော့မဆိုင်ဘူးပေါ့...နောက်တော့ ဆိုင်ချင်ဆိုင်လာနိုင်တယ်..."

"ဘာတွေလာပြောနေတာလဲ...စားလို့သောက်လို့ပြီးရင်လည်း ပြန်တော့..."

"အင်းပါ...အလုပ်ရှိလို့ ပြန်တော့မယ်...ညနေကော်ဖီဆိုင်မှာ တွေ့မယ်နော်..."

သူသိချင်တာသိလိုက်ရပေမဲ့
Newဆီကတော့ Tayမျက်စောင်းတစ်ချက်သာ ရလိုက်၏😅

>>>

ကုမ္ပဏီကိုရောက်တာနဲ့ Tay ဟာ
အလုပ်တွေမနားတမ်းလုပ်သည်

သူကိုင်တိုင် အလုပ်လုပ်ရာတွင် စေ့စပ်သေချာသလို
ဝန်ထမ်းတွေကိုလည်း အမှားအယွင်းလုံးဝမရှိအောင်
သေချာသွန်သင်ထားသည်
အလုပ်ရှင်ဆိုပြီး ဝန်ထမ်းတွေကို ဖိအားပေး အမိန့်ပေးတာမျိုးမရှိပဲ
အလုပ်လုပ်ချင်လာအောင် အမြဲတမ်းတက်ကြွမှုရှိအောင်
လှုံ့ဆော်ပေးသည်...
လုပ်ပိုင်ခွင့်အာဏာကို အားမကိုးပဲ စိတ်ကောင်းစေတနာကို အားကိုးပြီး လုပ်သင့်လုပ်ထိုက်တာကိုလုပ်သည်

ဒါကြောင့်လည်း Tayက  စီးပွားရေးလောကမှာ 
အောင်မြင်တဲ့လုပ်ငန်းရှင်တစ်ဦးအဖြစ် နာမည်ကျော်ကြားနေခြင်းဖြစ်သည်....

"ဒုဥက္ကဌ... ဈေးကွက်ထဲမှာ ကျွန်တော်တို့ ကုမ္ပဏီကထုတ်တဲ့
Polca တံဆိပ်နဲ့ ဆင်တူယိုးမှားအတုတွေ ပျံနှံ့နေတယ်..."

{တို့ကောင်လေးရာထူးတိုးသွားပြီနော်...}

"ခုချက်ချင်း မာကတ်တင်းဌာနကို အစည်းအဝေးခေါ်....Customer တွေကို
အတုအစစ် ခွဲခြားသိနိုင်တဲ့ အမှတ်အသား ...
ကုမ္ပဏီရဲ့HomePageမှာ တင်လိုက်..."