هلا اسمي فدك عمري 22 سنه طالبه جامعيه كليه حقوق اخر سنه وراح اخلص من هم اني انسانه عنيده ما اسمع الكلام ابد البنيه الوحيده عند اهلي ما محجبة اخواني ملوو مني يردوني اللس حجاب بس اني ما مقتنعه بي المهم عندي خوان 3 مهدي عمره 33 و كرار 29 و مسلم 25 واني اصغر وحده كعت الصبح ع صوت المنبه كمت من الفراش وكفت كدام المرايه واتغزل بنفسي
رحت غسلت وبدلت وطلعت يم ماما جانت محضره الريوك كعدت اكلت بسرعه وطلعت اجه ابو الخط طلعت رحنه للكليه دخلت شفت الشباب كلهم واكفين
ساهر... هلا بأم شعر الاخضر تفضلي
فدك... صباحووو ياحلوين شلونكم
الشباب... بخير وانتي
فدك... تمام هلا ب ازاد اليوم هنا
ازاد.... لا هناك
فدك... يي شلونك من تخرجت بعد ما شفناك
ازاد... والله اني حته من اتخرجت لازم الكليه
فدك... والله الك خلك تكعد من الصبح
ازاد.... ولي منا راح تبده المحاضره مالتج روحي
فدك... يي يلا باي رحت للمحاضره والدكتور يشرح واني مركزه وياه خلصت المحاضره طلعت شفت ازاد واكف وحده رحت عليه
ازاد... فدك
فدك... نعم
ازاد... ليش صابغه شعرج مو حلو
فدك... عجبني شفته ع النت وعجبني اضبغ اطراف اخضر
ازاد... مو حلو
فدك... عادي فتره واغير شنو شي جديد علي
ازاد.. مو خربتي شعرج كافي اول ما اجيتي للكليه يجنن هسه صاير مدري شلونه كافي صبغ
فدك... اوك اوك ما اصبغ خلص اليوم عادي مرت ايام دراسه بالكليه وتعب دراسه اروح للكليه اذا خلصنه المحاضرات ع وكت نطلع نفتر بغداد وازاد يضل يحجي دايحات وحدجن تفتران والولد بكل مكان طبعا ازاد انسان معقد بشكل مو طبيعي
ازاد... كعدن وين رايحات
فدك... نريد نتونس تره بس هذا الاسبوع راحه وبعدين كله دراسه
ساهر... ازاد لا تصير معقد هسه تريد امشي ويانه
ازاد... ماريد خليني هنا احسن وانتن كعدن مو بس تفتران
نهله... لو تموت مانكعد نريد نتونس طالعه روحنه من الكليه
فدك... واني اريد اروح اخذ جنطه لان اشتريت حذاء ماعندي جنطه وياه
ازاد... الحمد الله ع نعمه العقل
فدك... يلا ساهر كوم بسيارتك
ساهر... من عيوني كومن خلي نديح ونخلي هذا المعقد هنا
فدك... يلا كووم طلعنه من الكليه رحنه المول بغداد ضلينه نفتر وناخذ شنو يعجبنه رحنه للمطعم نشرب عصير
ساهر... فدفد حبيبي
فدك... هاا حبيبي
ساهر... يوم الخميس امي راح تجي تخطبج
فدك... شنووو
ساهر... شبيج تره راح نتخرج واني اريد اخطبج قبل التخرج
فدك... مابيه بس صدمتني اوك خلي تجي هلا بيها
ساهر... واني اجي وياها
فدك... امممم لا هاا عباره خطبت نسوان انته ما تجي
ساهر... هاا
فدك... للخمسه يلا طلعنه من المول كلنه الساهر احنه نرجع ما قبل يكول اني اوصلجن احنه قفلنه اني ونهله احنه نرجع هوه كال ع راحتجن عافنه وراح
نهله... انتي خبله ولج هذا لاعوب تردين تتزوجينه
فدك... احبه مو بيدي
نهله... حب اعمه امشي امشي
فدك... بس اريد اعرف ليش تكرهينه شنو مسويلج
نهله... ما مسويلي شي بس انته ما تعرفينه لا من مستواج الدراسي ولا من اخلاقج شوفي شلون بايع نفسه للبنات
فدك... بس هوه يحبني لو ما يحبني ما راح يخطبني
نهله... تبقين ثوله امشي
فدك... رجعنه للبيت دخلت شفت امي كاعده بالصاله رحت سلمت عليها ورحت الغرفتي غيرت ملابسي ونمت كعدت ع صوت الأذان كمت صليت وطلعت يم ماما ع العشه فتحت موضوع ساهر
فدك... بابا تعرف ساهر صديقي بالكليه
بابا... يي اعرفه شبي
فدك... يوم الخميس امه راح تجي علمود تخطبني
بابا... يي وانتي شنو تردينه لو لا
فدك... بصراحه يي اريده
مسلم... ولج خجلي شوي وسوي مثل البنات اللي يخجلن شبيج بايعه كلش
فدك... انته مدخلك
مسلم... يي باجر ترحين يمهم وهذا السانج
فدك... يي هوه اني احلا شي بيه الساني وشعري الاخضر
مسلم... اريد اعرف بشنو جنتي تفكرين من صبغتي أخضر
فدك... ماافكر بشي بس شفته ع النت عجبني ثلجي والاطراف أخضر
مسلم... خبال
فدك... مثل اخبالك يي بابا هسه شنو تكول
بابا... بابا خلي يجون واحنه نسئل ع الولد
فدك... اوك بابا يلا اني اروح ادرس
مهدي... وين تعالي لمي السفره وروحي محد يشتغل عندج
فدك... مهدي عندي امتحان
مهدي... اششش تعالي لمي السفره
فدك... اوك ضليت كاعده ع ما خلصو لميت السفره ورحت للمطبخ غسلتهن ورحت للغرفه كعدت أدرس خلصت ردت انام راسلني ساهر
ساهر... نايمه
فدك... لا قبل شوي خلصت دراسه
ساهر... هاا اهلج عرفو راح تجي امي
فدك... يي عرفو
ساهر... هااا فدفد
فدك... نعم
ساهر... احبج
فدك... واني هم احبك
ساهر... يمته نتزوج ولج بعد مااصبر
فدك... عن قريب بس اكلك
ساهر... كولي
فدك... ماريد احد بالكليه يعرف قبل لا يصير كلشي رسمي
ساهر... اوك حبيبي محد يعرففدك... يلا اروح انام
ساهر... اوك حبيبي تصبحين ع خير
فدك... وانته من اهلووو نمت كعدت يوم ثاني صليت درست شوي وطلعت شوي واجه ابو الخط طلعت رحت للكليه نفس يوميه محاضرات وكعده ويه الشله واحلا شي ازاد خلص كليه ودرس ماجيستير علمود يضل ويه الشله مرت الايام واجه يوم الخميس رحت للكليه كعدنه اني وساهر
ساهر... اليله حبيبي اليله
فدك... ليله عمرنا
ساهر... اليوم راح تصيرين اللي
فدك... لا مو اليوم تره اهلي بعدهم ما وافقو
ساهر... راح يوافقون امييد همه يردون سعادتج
فدك... هممممم يلا امشي راح تبدي المحاضره
ساهر... ولج خلي نضربها
فدك... نوووو اني راح ادخل وانته اذا يعجبك تعال
دخلت المحاضره
نهله... بعد ساهر وين
فدك... مثل العاده راح يضرب المحاضره
نهله.. مو اكلج مو من مستواج
فدك... نهله مو وكتج خلي ننتبه لا نطلع من المحاضره خلص اليوم رجعت للبيت قبل لا ادخل اتصل ساهر
الوو
ساهر... هاا وصلتي للبيت
فدك... بس وصلت بس بعدني ما دخلت
ساهر... يلا دخلي
فدك... ادري امك شعدها جايه من الظهر
ساهر... مو يردون يرجعون
فدك... اوك هاي راح ادخل فتحت الباب دخلت سلام
الكل... وعليكم السلآم
فدك... يلا بعدين أتصل باي
ساهر... اوك باي
فدك... سلمت عليهم من رخصتكم رحت خليت الكتب بالغرفه وطلعت صحت ماما شنو الغده
ماما... روحي بالمطبخ الأكل
فدك... اوك رحت للمطبخ شفته مركه شجر صحت ماااااما
ماما... هاا يوم شبيج
فدك... شنو هاي مركه شجر تدرين بيه ما احبه
ماما... اخوج رادها اليوم اكلي لا تضلين تحجين
فدك... ماريد ماريد تدرين بيه ما احبه مسويته رحت كعدت يمهم بالصاله
إم ساهر.... ام مهدي اكييد تعرفين ع شنو جايه ومتعنيه
ماما... يي يا إم ساهر
إم ساهر... وتعرفين ابني ويه بتكم بالمدرسه ويعرفون بعض
فدك بضحكه.... خاله اسمها كليه مو مدرسه
إم ساهر... والله يمه انتم كل شوي طالعين بإسم المهم اليوم جايه اطلب بتكم الابني ساهر
ماما... والله ياخيه نتشرف بيكم بس لازم اخوانها وأبوها يوافقون ونشالله خير
إم ساهر... ان شاء الله خير يمه فدك هااي ليش هيج شعرج مو حلو مشيبه
فدك... لا خاله مو شيب بس اني صابغته هيج
إم ساهر... ولج ليش حلاته أسود
ماما... والله يا إم ساهر طاح من الساني ذرة واني اكلها لا تصبغين بس عنيده
إم ساهر... يي ان شاء الله ع العرس تصبغه غير لون وانشالله حته تتحجب
فدك... خاله لهنا كافي حجاب مالبس ابنج رادني واني مومحجبه مال البس حجاب صعبه
يتبع....
