عهد... يمه جماعه الدايت
فدك... لا والله لا دايت ولا بطيخ بس اني هذا طبعي
الحجيه... اكلي يمه تره جسمج خربان خربان باجر عكبه عندج حمل ولاده خرب جسمج وتكورشين
فدك بضحكه... لا حجيه ع بختج بسرعه حمل
الحجيه... ليش يمه شنو وليدي مو رجال
عهد... يمه تركي منج هذا الحجي البنيه لحد هسه ماتعرف منو رجلها
فدك... ضلو يسولفون وبعدها كل واحد راح الغرفته ينام اني رحت ويه عهد للغرفه بدلت لبست كيمونه وبجامه
عهد... بعد تصلخي ليش لابسه هاي
فدك... شمو شبيج
عهد... نايمه بهاي شنو لبسي ملابس
فدك... لا حبي ما البس اني هيج انام
عهد... ولج عيب نايمه هيج يمي كومي
فدك... ولي منا ماكو عيب احنه بنات واني متعلمه انام هيج ضلينه نسولف شوي ونامت اني ضليت كاعده لبست جاكيت و اخذت روايه و طلعت من الغرفه رحت للمطبخ حضرتلي كوب قهوه سمعت صوت وراي انداريت
ايمن... شسوين هنا
فدك... ما جايني نوم واريد اقرا شوي
ايمن... شدسوين
فدك... قهوه تريد
ايمن... بربج اكو واحد يشرب قهوه ب12
فدك... يي اني
ايمن... تعالي كعدي خلي نسولف
فدك... تفضل
ايمن... شبيج مو ع بعضج
فدك... ماكو بس اليوم عدنه قضيه ومااعرف شنو صار وياهم
ايمن... انتي ليش تنازلتي واجيتي هنا
فدك... علمود اهلي
ايمن... بس انتي راح تندفنين بالدنيا
فدك... عادي اهم شي اشم الهوى إخواني بخير
ايمن... الهل درجه تحبيهم
فدك... اكثر مما تتصور
ايمن... احجيلي عنج ليش الهذا آلعمر ما متزوجه
فدك... اني عاديه مثلي مثل كل بنيه ماكو شي مميز بيه ليش لحد الان مامتزوجه جنت مخطوبه بس انفصلت عنه
ايمن... ليش انفصلتي
فدك... طلع متزوج ونفصلت بس ماتاركني براحتي
ايمن... شلون يعني
فدك... لحد اليوم جاي متعارك ويه اهلي ومن عرف اتزوجت كام يصرخ بالشارع
ايمن... تحجين صدك
فدك... لعد اجذب عليك
ايمن... هاي شلون سالفه وأنتي تتمنين ترجعيله
فدك... ليش ناقصني شي حته ارجع الواحد نذل مثل هذا
ايمن... حبيتي اسد
فدك... اسد حلوو وهادء حبيت اتعامل وياه بحب والسلوب الحلو ماكو داعي اتصرف وياه تصرف ثاني مثل الضرب او السب لان راح يكرهني
ايمن... تفكيرج حلوو
فدك... هه يسلموو عذا من ذوقك اكلك
ايمن... كولي
فدك... زين ليش كارهني
ايمن... مو كارهج بس لان اخوي بعده ماصارله هواي من مات وهوه يحبه ومتضايق من وجودج بس صدكي راح يحبج
فدك... ان شاء الله
عباس... شكو متجمعين هنا
ايمن... ماكو شي تعال اتعرف ع مره اخوك
عباس... شنو عقدو
ايمن... يي عقدلهم الشيخ
عباس... بس ابو اسد ماموجود
ايمن... ابوي وكيل عن ابو اسد وعقدلهم
عباس... اسمعي اني عباس اخو زوجج عمري 17 اخر واحد بالعائلة والمدلل اذا تعرفين تلعبين بلي اتحداج واكييد ماتكدرين تهزميني و اذا تعرفين الرياضيات علمود تحلين كل واجباتي واذا تردين نت عندي
فدك... هلا عباس اني فدك عمري 24 اخر وحده بالعائلة المدلله اعرف العب بلي واكدر اهزمك واعرف للرياضيات بس ما احلك ونت عندي محمول
عباس... باجر العب وياج لان هسه ليل والله يطلعنه ابوي يكسره ع راسي
فدك... اوك باجر أنتظرك
ايمن... يلا كومو نامو
فدك.. يلا تصبحون ع خير
ايمن عباس... وانتي من اهلوو
فدك... رحت نمت ما حسيت غير عهد تمشي بالغرفه رفعت رأسي وكتلها... صباح الخير
عهد... صباح النور يلا كومي
فدك... شكد الساعه
عهد... ب6 كومي
فدك... شعندج بعد وكت
عهد... كومي هسه يجون عمامي هم يالله تلحكين
فدك... كمت دخلت للحمام اخذت شور وطلعت لبست فستان طويل اسود وبي رسمات مثل السلاسل رفعت شعري ذيل حصان وطلعت الكل كاعدين سلمت عليهم ورحت للمطبخ ويه البنات حضرنه الريوك وكعدو ياكلون اني متعلمه اكل توست ونوتيلا من الصبح رحت العباس كتله... عبسي
عباس... هاا
فدك... تروح للاسواق
عباس... شتردين
فدك... توست
عباس... هسه
فدك... لا باجر طبعا هسه
عباس... يي يي رايح
فدك... هاي الفلوس
عباس... استحي ع نفسج مو عيب رجال اخذ فلوس من مره
فدك... مايصير هاي اخذ الفلوس
عباس... ما أخذ
فدك... لعد لا تروح
عباس... مو هوه بكيفج
فدك... طلع شوي ورجع بيده التوست
عباس... واني عبالي فد شي طلع الجيس ب1000 مال ثول
فدك... 😒😒
عباس... هسه هذا شنو تاكلين وياه
فدك... بس لحظه رحت للغرفه طلعت النوتيلا ورحت للاستقبال اخذت قطعه توست وخليت عليها واكلتها
عباس... كاكاو من الصبح
فدك... اكل حلو علمود اصير حلوه
عهد... يلا ام حلوه كملي اكلج بسرعه علمود نشتغل
فدك... انتي ماعندج كليه
عهد... اليوم جمعه يا ثوله
فدك... والله نسيت
موسى... بويه هسه شوي ويجي الطباخ يطبخ بالكراج انتن بس حضرن البهارات وهاي السوالف
البنات... ان شاء الله شيخفدك... رحنه للمطبخ وكعدنه نحضر ونسولف زينه وزهور نضفن البيت واحنه بالمطبخ شوي ودخلت بنيه سلمت
أماني... السلام عليكم
عهد فدك.. وعليكم السلام
أماني... هلا عهوده شلونج اخبارج
عهد... هلا تمام انتي شلونج
أماني... بخير احممم منو هاي الحلووه
عهد... هاي فدك زوجه ابو اسد
أماني... عود صدك هيه هاي الفصليه
عهد... لا هاي مو الفصليه هاي زوجه ابو اسد
أماني... اووه نسيت ابوي ضد هاي الفكره هلا بيج حبيبه اني أماني اخت زوجج
فدك... هلا بيج
عهد... البومه هم وياج
أماني... لا ولج ما يجون لان أمس صخام ساهر مكتول كتله معدله
عهد... ليش
أماني... هم راجع رايح البيت البنيه واهلها كاضبينه غاسلين شراعه
عهد.... يستاهل
أماني... ولج سليم جابه بلكوه يمشي من كثر الدك انوب اخوانها كلهم دايرين عليه
عهد... يستاهل البنيه كلتله ما تريده بعد ليش يلطش بيها
أماني... هذا هوه ابن عمتج وهذا عقله عوفج منه ابو اسد يمته يوصل
عهد... قبل شوي ابوي اتصل عليهم كالت طالعين يعني ويه الصلاه يوصلون
أماني... ان شاء الله خير يي فدك شلونج
فدك... تمام
أماني... يلا بنات خلي نكمل قبل لا يجن المسعدات ويضلن يقلدن
عهد... لا هله ولا مرحبا شكد اموت منهن
أماني... يمعوده اهم شي بناا صبيحه ما يجن
عهد... يي والله اهم شي
فدك... ضلينه نحضر شوي واجه الطباخ الولد وكفو يمه و البنات بالمطبخ يشتغلن هاي اللي تسوي السلطه وهاي اللي تسوي لبن واجن نسوان ماعرف شنو يصيرون منهم هم يشتغلن ويقلدن عهد كل كلمه وترد عليهن عرفتهن بنات عمهم بس كبار هواي واجت اختهم الثالثه اميره هم حبابه ع ابوهن وامهن ضلينه نشتغل اذان وصلو شوي وصارت هوسه والسياره ومفت بالباب طلعو الولد والشيخ وصار اطلاق نار بالهوى البنات كالن اجه ابو اسد طلعن سلمن عليه ودخلو للديوان هذا كله واني ما شايفته ابو اسد منو حته اسمه ما اعرفه شوي وصبو الاكل جان الجو بدايه الشتا حلو الجو كملنه الاكل الزلم وانوب نسوان هم صبولهن اكلن وكعدنه اني وعهد نغسلن بالمواعين واماني واميره ويانه كملنه وطلعنه نغسلن الجدوره بالحديقه كاعد نغسل وانفتحت الباب ودخل اخر واحد اتوقع اشوفه يي هوه بشحمه ولحمه شفته مباشره اتغير لوني غسلت ايدي وردا انسحب بدون ما يشوفني بس اميره كالت
اميره... هلا بساهر هلا بالكاطع اني درت وجهي
ساهر... هلا بنت الخال
اماني... مو كلت ما تجي
ساهر... شسوي ابو اسد اخوي شلون ما اجي اشوفه
اميره... هلا بيك يمته ما تجي
ساهر... وبيج أكثر منو هاي
عهد... هاي زوجه ابو اسد
ساهر... السلام عليكم
فدك... وعليكم السلام
عهد... فدك انعدلي وسلمي
فدك... انصمي اشو
ساهر... شبيج خويه انداري خلي نشوفج
فدك... لا جواب
عهد... اشو انداري
ساهر بصدمه ع عصبيه... انتي هنا
فدك... 😦😦
ساهر... وراج وراج وين ترحين
فدك... انته شتريد مني اتركني
ساهر بعلو صوته... انتي الي اني وبس فاهمه امشي كدامي يلا كدامي
فدك ع صوته طلعو الولد كلهم والشيخ وياهم
فدك... ما امشي وياك انته منووو
ساهر... كتلج امشي عبالج تفلتين مني
فدك... اتركني ماريدك يا اخي افهم عاد
ساهر... انجبي لا اكسر راسج امشي
فدك... اتركني مالك دخل بيه هسه اني ع ذمه رجال ثاني روح واتركني
ساهر... فدك امشي لا أجرم بيج رجال ثاني شنو اني رجلج اني وبس
فدك... مو بكيفك خلص افهم احنه انتهينه
ساهر... ماكو شي انتهى انتي الي اني وبس فاهمه ماعاش اللي ياخذج مني ولا تفكرين تخلي ابو اسد يستفرد بيج أنتي مالتي اني وحدي
فدك بعد ما خلص صبرها وهيه تشوف الكل يباعلها ومحد اتدخل بيهم الشيخ واكف والولد كلهم يتفرجون كانو عارضين شي فلم او مسرحيه محد حاول يفهم السالفه فدك وبنتر... ساهر تترك ايدي لا تشوف شي ما يعجبك
ساهر... اعلى ما بخيلج ركبي امشي
فدك طفح الكيل وياه سحبت ايدها من ايد ساهر وضربته راشدي وكتله... حذرتك يا ساهر اذا ما تتركني تشوف شي ما يعجبك
ساهر... فدك امشي دخيل ربج جايه هنا وشنو فصليه امشي
فدك... فصليه ولا الذل يمك
ساهر... مو ع كيفج امشي
فدك وهيه تتذكر ازاد و فهد من يتكلمون ع الدخيل بسد الشيخ مايردهم... شيخ دخيله ع بابك كلشي ولا ارجع وياه
الشيخ موسى... فدك شنو سالفه بويه وانته ساهر هيج تتهجم ع حرمه
ساهر... شيخ انته اطلع منها حرمتي وحر بيها
فدك... جذاب شيخ والله جذ.... ممكمله وقاطعني صوت من ورانه
... شنو صاير هناا
الكل اندار ع مصدر الصوت
يتبع....
