حب يفوق السحر

البارت السابع

الساعه كانت واحده بالليل والجو ضلمه اوى حسيت بوجع جامد فى جسمى مقدرتش اقوم انور النور ندهت لاسماء
.... اسماء يا اسماااء
اسماء بصوت كله نوم ... شكلى غلطت لما خليتك تباتى معايا
.... نورى النور
اسماء ... نعاااام يا اختى بقى انتى مصحيانى الساعه واحده وتقولى نورى انور
.... انجزى يا اسماء جسمى وجعنى اوى مره واحده  وعاوزه اشوف من ايه
اسماء ... طيب هقوم انوره. اهو
قامت اسماء نورت النور وبصت على السرير مكان ما انا نايمه وراحت مصوته وقالت الحقوووووونى وفجأه اغمى عليها فضلت انادى عليها كتير
..... اسماء يا اسماء ردى عليا
أسماء ..............
بردوا مردتش عليا قولت ابص اشوف فيه ايه لانى مش قادره اقوم اروح لها
بصيت على جسمى واتصدمت وقولت ايه ده  لقيت اثار ضرب فى جسمى كله  وفى اماكن فى جسمى منزله دم كتير بقيت اسأل نفسي مليون سؤال اذاى ده حصل ..؟  محدش دخل عندى اصلا وكمان محستش ان حد ضربنى انا جسمى وجعنى فجأه
المهم دلوقتى اصحى اسماء تساعدنى
.... اسماء يا اسماء
اسماء ..........
سمعت صوت مرعب ومش غريب عليا الصوت لانى سمعته قبل كده والصوت بدأ يظهر ويختفى وفجأه ظهرلى القط تانى ولكن كان حجمه اكبر من كل مره وشكله يخوف وبدأ يقرب منى وكل ما يقرب حجمه بيكبر وصوته بيعلا واغمى عليا من كتر الخوف
__________
النهار طلع وفهد ومحمد قرروا يروحوا للبنات بدرى
فهد ... يلا يا محمد عشان نروح للبنات
محمد ... لسه بدرى
فهد ... انا قولتلهم انى هروحلهم بدرى عشان اشوف روضه عامله ايه وكمان اكيد ليث الله يرحمه قالها حاجه قبل ما يموت
محمد ... خلاص وتبقي نطلع على الشركه
فهد ... تمام
خرج فهد ومحمد واتجهوا لشقه اسماء
محمد ... تفتكر لسه نايمين
فهد ببرود  ... نصحيهم عادى يعنى
محمد ... يعنى نروح نزعجهم كده
فهد ... يا اخى وانت مالك
فهد ومحمد وصلوا شقه اسماء وفضلوا يخبطوا كتيير ومفيش رد
محمد ... تفتكر نايمين ومفيش واحده فيهم سمعت
فهد ... حاسس ان فى حاجه
محمد ... خلاص انا هرن على أسماء
فهد ... تمام
محمد بيرن مش بترد
فهد ... يا ابنى انا سامع صوت التليفون يبقي اكيد فى حاجه
محمد ... طب هنعمل ايه
فهد ... ده سؤال هكسر الباب
محمد وفهد كسروا الباب ودخلوا بينادوا على البنات محمد شاف اسماء مغمى عليها على باب الاوضه
محمد ... الحق يا فهد ادخل انت شوف روضه وانا هفوق اسماء
محمد راح جاب شويه ميه ورماهم فى وش اسماء  وفاقت
اسماء قبل ما تفتح عينها  ... اه يا  غبيه *فى حد يصحى حد كده يا حيوانه طب مش هصحى ولا هروح الكليه ولو صحيتينى هقول لامك على اللى عملتيه اول يوم فى الكليه
محمد وهو بيضحك على طريقتها الطفولية .... اسماء قومى انتى نايمه ولا اغمى عليكى
قامت اسماء وبصت لقتنى انا و محمد وفهد فركت عينها بطريقه طفوليه
اسماء ... هو فى ايه
.... ولا حاجه كنتى هتودينا فى داهيه بس 😂😂😂
فهد ... بص يا محمد انزل هات شاش وقطن ومطهر وهات معاك عصير وفاكهه
فوقت قبل اسماء   وببص حواليا لقيت اسماء فى الارض وفهد قاعد جنبي  حاولت اتعدل
فهد ... خليكى مرتاحه
.... انت مين (قولتها بتعب )
فهد ... انا دكتور نفسي
اتكلمت بعصبيه ... هو انت كمان مفكرنى مجنونه انا مش مجنونه مش مجنونه فاهمين
اسماء ببكاء  ... أهدى يا قلبي ده هيساعدنا مين قال انك مجنونه
فهد وهو حاسس بحزن كبير جواه ... انتى مش مجنونه خالص انتى معاكى حق فى إللى انتى بتقوليه
..... يعنى مصدق انى مش مجنونه
فهد بنظره حب ... لا خالص انت ست العاقلين المهم انتى حصلك كده اذاى
... مش عارفه حسيت ان جسمى وجعنى فجاه ووجعنى جامد نديت على أسماء واول ما شافتنى اغمى عليها
فهد ... ده بس كل اللى حصل
انا وانا بفتكر حكايه القط .... لا فى حاجه كمان القط الاسود
فهد كان قاعد جنبي وبيسمع كل كلامى بتركيز من اول الحكايه من وقت ما شوفت الكلب وكمان حكايه البحر وظهور ليث  لحد علامات الضرب وبانت علامات الذهول والدهشه من اللى بقوله
فهد ... كل ده حصلك
.... للأسف اه صحيح هو حضرتك اسمك دكتور ايه
فهد بإبتسامه ... اسمى فهد
.... نفس اسم اخو ليث وبدور عليه لأن اخوه قالى اطلب منه يسامحه وذكر اسم واحد اسمه الشيخ مسعود وانا عاوزه افهم منه حاجات كتير لان اعتقد أن فهد الصقر ده الشخص الوحيد اللى معاه اجابه لأسئله كتير
فهد ... انا معرفتكيش بنفسي
... مش قولت اسمك فهد وكمان دكتور نفسي اعتقد أن الباقي ميخصنيش
فهد ... لا طبعا يخصك جدا
.... اذاى بقا
فهد ... انا فهد الصقر اللى بتدورى عليه
شهقت بصدمه ... نعم انت فهد
فهد ... ايوا انا
.... طب ممكن تفهمني فى ايه لانى تعبت بجد
دخل محمد ومعاه العصير والاسعافات ( الشاش والقطن والمطهر )
فهد ... اهو محمد جه هات يا محمد الحاجه دى وبصلي وكمل كلامه بصي بقا انتى هتشربي العصير ده كله ومفيش اعتراض وكمان هبعت اجيب اكل عشان تاكلى  لانك فقدتى دم كتير وكمان جسمك ضعيف وده غلط
بصتله وقولت بتزمر .... لا مش هشرب ومش هاكل الا لما افهم الاول
فهد ... وانا قولت هتشربي وتاكلى كمان
ومسك العصير وبدأ يشربنى وانا بصاله وركزت  فى ملامحه وبعدين بصيت لمكان تانى وفى عقلي مليون سؤال كل ده ومحمد واقف مستغرب صاحبه ومتنح وبيقول بقي ده اللى كل الناس بتخاف منه بيتنحنح كده
محمد ... اسماء ما تيجى اشربك عصير شكلك هفتانه يعينى
اسماء ... دى مين دى اللى هتفانه ده انا ممكن اكلك دلوقتى
محمد ... ايه يا شيخه منك لله يا شيخه ( كانت بيتكلم وهو بيجرى عند فهد )
..... الحق اسماء هتاكل محمد
فهد ... هى مش صاحبتك
اتكلمت بإبتسامه .... معرفهاش يا باشا
اسماء ... اصيل يا ابو رحاب 😂😂😂
محمد ... ده انتو فصلوتنى
انا وأسماء فى صوت واحد ... روح اشحن 😂😂
فهد ... المهم وجودك هنا خطر عليكى انتى واسماء
اسماء ... وانا مالى يا لمبى 😂😂🙄
فهد ... عشان انتى اقرب واحده ليها
.... طب مين دول اللى عاوزين يموتونى انا عمرى ما أذيت حد
فهد ... ممكن تهدى وهفمك
.... تمام طب ولما هنا خطر وفى بيتى كمان خطر هروح فين انا والبت الغلبانه دى
محمد وهو بيبص لأسماء ... دى غلبان والنبي ده انا اللى غلبان
اسماء ... سمعتك على فكره بس مش فايقه كمل يا فهد هنروح فين
فهد ... القصر عندى
انا وأسماء ... نعم ياروح امك انت
فهد ... بت لمى لسانك انتى وهى ده أأمن مكان ليكوا
رديت بهدوء عكس اللى جوايا .... طب وهو حضرتك شايف انه ينفع ان بنتين يعيشوا مع شابين لوحدهم
فهد ...  وفيها ايه
.... نعم ده إللى هو اذاى لا طبعا ده موتى اهون
فهد ... مش عيب لما البنت تعيش فى بيت جوزها
.... نعاااام جوز مين ده انتى اتجوزتى من ورايا يا اسماء
اسماء ... والنعمه ما حصل يا اختى منك لله يا فهد هتودينى فى داهيه
فهد ... انا مقولتش اسماء انا اقصدك انتى
.... اذاى بقا
فهد ... انا طلبت ايدك من باباكى امبارح وهو هيرن عليكى النهارده ياخد رأيك وهتوافقى
..... نعم انا مش فاهمه حاجه
فلاش باك _______
بعد ما محمد وفهد خرجوا من شقه اسماء ركبوا العربيه
محمد ... انت رايح فين يا ابنى ده مش طريق القصر
فهد ... ما انا مش رايح القصر
محمد ... امال رايح فين
فهد ... هتعرف دلوقتى
وصل محمد وفهد قدام بيت نزلوا ورنوا جرس البيت
محمد ... انت مودينى فين
فهد ... ده بيت روضه
خرج ( احمد ) والد روضه
احمد "الاب " .... اتفضل يا فهد يا ابنى
فهد ... اخبار حضرتك ايه
دخل فهد ومحمد وقعدوا فى الصالون
فهد ... طبعا يعمى حضرتك عارف ان انا  جاى اطلب ايد روضه بنت حضرتك
احمد .... يا ابنى بس بنتى تعبانه الفتره دى
قاطعه فهد  ... بعتزر انى قطعت كلام حضرتك ولكن انا عارف كل حاجه وموافق
احمد ... بص يا ابنى شكلك محترم وابن ناس انا اهم حاجه عندى تحافظ على بنتى
فهد ... وهى فى عينى يا عمى
احمد ... تسلم يا ابنى فاضل رأي العروسه هاخد رأيها وارد عليك بكره بإذن الله
فهد ... تمام يا عمى استأذن انا بقا
خلص محمد وفهد قهوتهم وخرجوا من البيت ومحمد كان فى زهول من تفكير صاحبه
باك________
... يعنى انت طلبت ايدى وبابا وافق كمان
فهد ...  وهو هيتصل بيكى وهتقوليلوا انك موافقه وهخلى كتب الكتاب اخر الاسبوع لان لو المده طولت هيبقي فى خطر عليكى
.... مش فاهمه حاجه
فهد مش مهم تفهمى دلوقتى المهم تكونى بخير
اسماء ... هو ده الكلام يعنى هيبقي عندنا فرح والبس سواريه بقا وأحط ميكب واخربها
محمد ... نعم يا اختى مفيش الكلام ده
اسماء ... وانت مالك انت
محمد ... مالى ونص كمان واسكتى عشان مضربكيش
اسماء ... انت اهبل تضرب مين
وانا وفهد بنضحك على محمد وأسماء وآخر ما زهقنا
..... باااااس اسكتوا مفيش فرح اصلا
فهد ... لان ببساطه اللى عاوز يقتلها هيستغل الفرح ويموتها
.... وكمان ده جواز مؤقت لحد ما اكون فى امان
فهد اتصدم من كلامى وقال ... ايوا عندها حق
__________
مجهول ... اذاى مامتتش
= فهد لحقها
مجهول ... لازم فهد يبعد عنها عشان اعرف اموتها
= طب يا شيخنا هنقتلها ليه ما هى قالت لفهد كل حاجه
( هو ده الشيخ مسعوده عنده خمسه وخمسين سنه ومربي دقنه وشكله مرعب )
الشيخ مسعود ... لان البنت دى لو فضلت مع فهد ممكن يعرفوا السر اللى مخبيه من عشرين سنه
= حاضر يا شيخنا  هنبعدهم عن بعض بس هو ليه فهد منعرفش نئذيه
الشيخ مسعود ... ...........
= طب ما احنا نخليه يبعدها وبكده نقدر نموته هو كمان والسحر يأثر عليه
انتهى البارت السابع تفاعل ورأيكوا فى الكومنتات ❤️❤️🍂
واللى جاى اجمد واجمل 🙂😌😌😌🍂
الكاتبه Rawda Gamal
روايه #حب_يفوق_السحر
#كاتبه_المستقبل