= صدقينى يا حبيبتى كل حاجه هتبقي زى ما احنا عاوزين ومش هضيع حب سنين
.... ان شاء الله خير خلى بالك من نفسك كويس
= تمام يا حبيبتى انتى عارفه انى مش هعرف اوصلك
.... اصلا لو كنت انت اللى قولتلى توصلنى مكنتش وافقت المهم انا عندى فرح النهارده فرح بنت خالتى
= بنت خالتك مين صحيح مكلمتنيش عن خالاتك مبتتكلميش غير عن اعمامك
.... اصل قرايب ماما دول قمرات بس للأسف مش بنزورهم كتير عشان كده مش بتكلم عنهم كتير
= ماشي يا حور قلبي
خرجت حور وسابت الشاب فى مكان معزول عن العالم
فى مكان آخر ___________
جهزت عشان كتب الكتاب والفرح فهد كان جايب فستان لونه اوف وايت وشبه فساتين الاميرات وكان حلو جدا
اسماء لابسه فستان سهره نبيتى وعليه خمار اوف وايت
چودى لابسه فستان زهرى
سمعنا صوت زغاريط عرفنا أن فهد وصل وبابا طلع اخدنى من الاوضه عشان ينزلنى لفهد
احمد ... ماشاء الله عليكى ربنا يحميكى ياقلبي
.... تسلم يابابا يارب ربنا يديمك فى حياتى
نازلين وسط زغاريط وفرحه كبيره وانا مش عارفه هتكمل ولالا
نزلنا ولقينا فهد واقف قدام البيت ومحمد واقف جنبه
احمد ... اتفضل يا فهد يا ابنى دى امانه فى رقبتك
فهد ...مفيش رد
احمد ... هى لحقت تاكل عقلك فهد نادى عليه بصوت اعلى
فاق فهد من شروده
فهد ... نعم يا عمى
احمد ... لا خالص خد عروستك عشان نروح القاعه
محمد واقف جنب فهد ولكن عيونه فى مكان تانى (طبعا الكل عرف 😂😂😂)
محمد ... إذيك يا اسماء
اسماء ... الحمد لله وبعدين ما انا كنت معاكوا الصبح ياعم
محمد ... الشياكه والحلاوه اللى انتى فيها والقمر ده مينفعش معاه لماضه خالص
اسماء ... انت بتعاكس ولا ايه 🤨🤨
محمد ... واحد بيقول رأيه عيب يعنى
اسماء ... اه يا اخويا عيب
محمد ... اخويا 🙄طب حلوه وزى القمر كمان
اسماء ابتسمت على طريقته
محمد ... ضحكت يبقي قلبها مال
اسماء بإبتسامه خجل ... يلا عشان هيمشوا ويسيبونا
محمد ... ياريت قصدى يلا
وركبنا كلنا العربيات
انا وفهد فى عربيه ومحمد وأسماء وجودى وحور
( حور اللى بتحب الشاب الهربان تبقي بنت خالتى وهنعرف مين ده ) والباقى متوزعين على العربيات وصلنا القصر اللى كان آيه فى الجمال الفرح معمول فى جنينه القصر اللى بتسحر من جمالها روحت انا وفهد وقعدنا فى الكوشه وفهد استأذن عشان كتب الكتاب
المأزون" بارك الله لكما وبارك عليكما وجمع بينكما في خير" اتقالت الجمله دى وحسيت ان قلبي اتنقل من مكانه والفرحه ملت المكان
فهد ... مبروك
رديت بخجل ... الله يبارك فيك مبروك ليك
فهد ... مبروك عليا انتى
..... احم لاحظ ان الموضوع مؤقت
فهد لنفسه ... قال مؤقت ده انا بحبك ومستحيل اتخلى عنك
.... سرحان فى ايه
فهد ... لا ولا حاجه
عند اسماء ومحمد
محمد ... انسه اسماء ممكن دقيقه
اسماء ... حاضر عن اذنكم يا بنات
اسماء ... خير
محمد ... انتى عايشه لوحدك
اسماء ... اها عايشه لوحدى وفيها ايه ما انا طول عمرى عايشه كده
محمد ... بس قبل كده كانت روضه بتقعد معاكى أو انتى بتروحيلها ودلوقتى حمايتك انك تقدر فى القصر
اسماء بتذكر ... ياربى تصدق نسيت الحكايه دى بس هقعد بصفتى ايه
محمد ... مراتى
اسماء بدهشه ... نعم
محمد ... بقول بصفتك مراتى لأن بره القصر حياتك فى خطر ولازم تقعدى فيه ها موافقه
اسماء ... مش عارفه
محمد ... المأزون موجود والشهود فاضل بس موافقتك
اسماء بحزن ... بس انا معنديش أهل وكمان مش معايا أوراقي كلها فى الشقه ومفيش حد يبقي وكيلي
محمد ... انا اهلك ولو على مين يبقي وكيلك عمى احمد هو وكيلك والورق هبعت اجيبوه
اسماء ... الصراحه انا مش جاهزه
محمد ... بت انتى تعبتينى يلا عشان هكتب الكتاب
اسماء ... أهدى على نفسك كده مفيش كتب كتاب
محمد بنبره رجوليه ... قولت يلا
اسماء ... يا نهار ضرب الوان ايه ياعم ده ما انت كنت حلو ليه تعصب نفسك انا اساسا واحده تافهه ميتاخدلهاش على كلام
وفعلا محمد خد اسماء وراح لاحمد
محمد ... عمى بعد اذن حضرتك ممكن ثانيه
احمد ... اتفضل يا ابنى
محمد ... انا عاوز اتجوز اسماء واكتب الكتاب دلوقتى
احمد ... الف مبروك يا ابنى هاخد رأيها الاول وبعدين كتب كتاب ايه اللى دلوقتى
محمد ... هى موافقه على كل حاجه ولكن عاوزه حضرتك تبقي وكيلها لان حضرتك عارف ان ملهاش حد
احمد ... اخص عليها ده زى ابوها تقول ملهاش حد على العموم يا ابنى ربنا يتمملكوا على خير
اسماء ومحمد كتبوا الكتاب ومحمد كان مجهز فستان فرح لاسماء (كان مرتب كل حاجه) وعملوا فرحهم وخلص الفرح والمعازيم مشيوا ودخلنا القصر انا وفهد وأسماء ومحمد
..... ماشاء الله جميل اوى
(القصر كان عباره عن دورين الدور الاول فيه الرسيبشن والسفره والمطبخ ومستودع والدور التانى فيه اوض النوم وكل اوضه ليها الحمام الخاص بيها )
فهد بنظره حب ... ميغلاش عليكى
محمد ... عجبك يا اسماء
اسماء بصه للقصر وفاتحه بوقها ... هه نعم عجبنى بس ده فوق الخيال
فهد ... طب يلا يا محمد خد مراتك واطلع على اوضتكوا ويلا يا روضه نطلع احنا كمان
محمد وأسماء طلعوا
محمد ... ايه القمر ده
اسماء ... انشالله تنستر يارب
محمد ... بحبك
اسماء ... نعم قولت ايه
محمد وهو يقترب منها ويحاوط خصرها ... بقولك بحبك يا ام لسانين يا اجمل بنوته فى الكون بحب جنانك وشقاوتك وضحكك وهزارك بحبك كلك على بعضك كده
اسماء وهى سرحانه فى عيونه ومتوتره من قربه ... نعم الكلام ده ليا انا
محمد ... اكيد طبعا ليكى انتى وبس ايه مفيش كلمه حلوه
اسماء ... طب انا جعانه
محمد ... نعم يا اختى هو ده وقت اكل
اسماء ... مليش دعوه 🥺صحيح المهم
محمد ... خلاص هناكل عاوزه تقولى ايه بقي يا ست البنات
اسماء ... هو ليه ده المكان الوحيد اللى آمان لينا
محمد ... عشان فهد عايش هنا وفهد مبيأثرش السحر عليه
اسماء ... طب اشمعن فهد
محمد ... انتى رغايه اوى مش ملاحظه ان النهارده فرحنا
اسماء ... خلاص بس انا عاوزه اكل 😭😭😭 جعاااانه
محمد ... الله يخربيتك هتفضحينا استنى هنزل اجيب اكل
اسماء ... تسلم يارب انشالله تنستر
محمد بضحك ... بت اسكتى خالص انا نازل
اسماء ... طب متتأخرش عشان عجااانه
محمد نزل يجيب اكل وطلع لأسماء
اسماء بفرحه ... الله اكل
محمد بضحك على طريقتها ... خدى يا اختى
اسماء خلصت اكل وقالت لمحمد يودى الاكل
اسماء ... محمد نزل الاكل
محمد ... طب ما نخليه ونزله الصبح عاوز اتكلم معاكى يا ستى
اسماء ... يلا بس نزله اكون اخدت شاور وغيرت
محمد بنظره حب ... بس كده من عيونى لحظه واكون عندك
نزل محمد الاكل وطلع بسرعه خبط و فتح الباب لقى اسماء نايمه
محمد بغضب ... اه يابت ال*
فى اوضه فهد
.... الله الأوضه حلوه اوى اوى ايه الجمال ده
فهد بحب ... اوضتنا
.... نعم هو انا وانت فى اوضه واحده
فهد برفعه الحاجب ... نعم امال لينا اوضتين انا جوزك يا روضه
.... متنساش انه مؤقت انا عاوزه اروح اوضه تانيه مليش دعوه ( قولت كده بتزمر اطفال )
فهد كان هيطق ... اتفضلي يا اختى
.... شكرا
فهد ... نامى فى الاوضه دى النهارده ومن بكره نبقي نشوف الموضوع ده
بصيت بنظره شكر وخجل ... شكرا
فهد ... على ايه
.... على كل حاجه أهمهم انك بتحمينى وانت متعرفنيش
فهد ... مش هقول تانى انا جوزك يعنى واجبي احميكى
