معتز راح علي المخزن : فكوه
الحارس فكه
معتز بصله: هاتقول والا اجبلك عيالك هنا يخلوك ترد
الشخص: لا هاقول كل حاجه بس تحميلي عيالي
معتز : تمام اتفضل
الشخص : الست هانم والده حضرتك طلبت مني اركب الصور دي ولو قلت لحد هاتقتل عيالي والله دا اللي حصل
معتز بصله بغضب : ظبطوه وارموه عند أي مستشفي وسابهم وخرج
راح البيت
معتز بصوت عالي : يا اميييي
امه جات جري واسيل ونزلت جري
امه: ايه في ايه
معتز: عايز افهم عملتي كدا ليه
امه: عملت ايه
معتز : سمعها التسجيل
امه بصتله بصدمه: مش انا
معتز : والله لو ماقلتي الحقيقه لاطلبلك البوليس
امه: بقا تطلب لامك البوليس
معتز : اما تغلطي غلطه زي دي اه
امه : امال عايزني اوافق علي جوازتك من واحده مغتصبه
اسيل عيطت
معتز: ماهي لو بنتك اللي حصل فيها كدا ماكنتيش قلتي كدا
امه: كنت هاربيها
معتز: اه ولما تيجي حاجه غصب عنها انا عمري ماسامحك
امه: لو بتحبها ماكنتيش صدقت إنما أنت كنت عايز اللي يديك الدفعه مش اكتر وانا ساعدتك في كدا وياريت هي تخلى عندها دم وطلقها
اسيل مسحت دموعها: هو انا ماقلتلكيش
امه بصتلها بقرف : قولتيلي ايه
اسيل : لا معتز يقولك
معتز : اسيل عارفه كل حاجه للاسف واحنا اللي عملنا كدا 💁🏼♀️انا عمري ماصدق علي حاجه دي من مراتي
امه بصدمه: نعم ازاى وازاى انتو كنتو جايين لسه وانت طلقتها في وقتها
معتز : هاحكيلك عنيا
فلاش باك
معتز : اسيل ياروحي اصحي يالا علشان نلحق نجهز حاجتنا ونمشي
اسيل بقلق : طب ومامتك هي مش موافقه علي جوازتنا
معتز قعد علي الارض ادامها وباس ايدها : طول مانا جنبك ماحدش يقدر يمس شعره منك انا بحبك زي مانتي ماحدش ليه حق اصلا يقول نكمل مع بعض او لا دي حياتنا وبعدين انتي كنتي حلمي في يوم ازاى اتخلى عنه بالسهوله دي
اسيل دمعت: ربنا يخليك ليا
وفاجاه تليفون جيه لمعتز
معتز : الو
الشخص *****
معتز : انت متاكد
الشخص:******
معتز بصدمه: سلام
اسيل : مالك ياحبيبي
معتز قعد حط دماغه بين ايديه
اسيل خافت عليه : في حاجه حصلت احكيلي
معتز:انا قلتلك ان احنا مع بعض دايما صح
اسيل : ايوا
معتز : لازم اطلقك
اسيل : اييييه
معتز: اهدي افهمك
اسيل : تفهم ايه
معتز: اسمعيني لو سمحت
اسيل قعدت جنبه
معتز : دلوقتي ماما عامله خطه وعامله صورك في وضع مش كويس تمام علشان اشك فيكي فاحنا هاندخل وانا ويكاني اتصدمت واطلقك تمام هاتمثلى انك تعبانه اطلعك فوق وابلغ امي ان انا فعلا كرهتك
اسيل : طب ليه ما تواجهها
معتز : لازم دليل غير كدا هاتنكر وانا عايز ابعدها عنك لما اعاملك وحش ادامها كدا هاتفرح وهاتشيلك من دماغها خلاص
اسيل بدموع: حاضر بس ترجعني تاني لعصمتك
معتز: مش هايهون عليا ثانيه تكوني مش مراتي اطلقك ولما اطلع فوق يبقا كدا رجعتك تمام يالا نلم حاجتنا
وفعلا راحو ولقوا كدا بس اللي ساعدهم ان اسيل فعلا ماتحملتشي الكلمه حتي لو هزار
وراحوا المستشفي
معتز كان خايف علي اسيل ولما كان داخل ليها لقي حد بتراقبه
معتز بحزن : اتفضلي قومي
اسيل اديته قوه بنظرتها
معتز فرح جدا وروحوا بس لاحظ ان العربيه وراهم
معتز : شكل امي باعته حد يراقبنا هانحرس علي أفعالنا عارف اني جاي عليكي بس غصب عني
اسيل : بحبك ويكفيني انك بتحبني مهما واجهنا صعاب انا معاك وعمري ماسيبك
معتز: ربنا يخليكي ليا
وبعدين روحوا
واسيل طلعت فوق
امه : انت خايف عليها
معتز : لا هاخد حقي ولازم اربيها وطلع فوق
قفل الباب لقي امه بتتصنت عليهم
معتز شاور لاسيل وفعلا عاملها وحش
باااااااااك
امه بصدمه: انا ينضحك عليا علي اساس هاسيبكم في حالكم البت دي هاتطلق
معتز : اسف يا أمي احنا هانسيبلك الفيلا يالا يا اسيل
امه : هاتسيب امك
معتز : معلشي لازم اراضي الطرفين وحضرتك مش حابه وجودها يبقا لازم نمشي
وفعلا خدوا حاجتهم ومشيوا
اسيل : هانروح فين
معتز : علي بيتنا
اسيل : بيتنا
معتز : امال يابت هاخدك اشردك وضحكو
.......
عند جوري وأثر
اثر : اطلبي من عنيا
جوري : من غير زعل
اثر : من غير زعل
جوري : عايزه اشوف امي
اثر كان لسه هايتعصب افتكر انها محتاجه فعلا لأمها
اثر : ماشي ولو جيتي زعلانه
جوري : لا ماتقلقشي كدا كدا متعوده
اثر : موافق
جوري : بجد وحضنته وبعدين دخل عليها اهل اثر
حياه: الله الله يبقا احنا قلقانين وانتو بتحبوا في بعض
جوري بعدت عن اثر بكسوف
مني جريت عليها حضنتها
وجوري اتوجعت
مني : ماعنتيش تبعدي عني انتي فاهمه
جوري : حبيبتي انا معاكي ما تقلقيش
مني : كنت هاموت من خوفي عليكي
جوري: بعد الشر عنك
ياسين : حمدالله علي سلامتك يا جوري
جوري : الله يسلمك
ناديه : راحت عليها حضنتها الف سلامه عليكي يا بنتي ربنا يقومك لينا بالسلامه
جوري : الله يسلمك ياماما
وقعدوا مع بعض
وبعدين يوسف دخل عليهم شاف حياه
قام حاضنها
جوري حبيت تكسفها زي ماعملت معاها : الله الله فقره حب
حياه بعدت عنه بغيظ: لولا انك تعبانه كنت كسرتك بنفسي
وكله ضحك وقعدوا مع جوري شويه
الدكتور دخل : حمدالله علي سلامه المدام يا اثر بيه
اثر : الله يسلمك نقدر ناخد المدام امتي
الدكتور: تقدروا من دلوقتي بس اهم حاجه الراحه وبلاش حركه
اثر : تمام طب يالا ياجماعه اسبقونا وانا هاجيب جوري
ياسين : طب محتاج مساعده
اثر : اه هانركب معاك وماما وحياه مع يوسف
ياسين: تمام يالا يامني
وفعلا نزلوا
جوري بصتله
اثر : يالا ياروحي
جوري لسه هاتقوم
اثر جري عليها: بتعملى ايه
جوري هاقوم
اثر : لا طبعا وقام شايلها
جوري : لا ماينفعش الناس
اثر : بس يابت
جوري دفنت دماغها في حضنه من الكسوف ونزلوا تحت ركبها العربيه وقعد جنبها
بعد ماوصلوا
شال جوري ودخل بيها : ماما انا هاخد جوري فوق وخلى سعاد تجيب الاكل علشان نتغدا فوق وانتو اتغدوا ماشي
ناديه : ماشي ياحبيبي
لسه بيتلموا علي الاكل
مني ماستحملتشي ريحه الاكل قامت رجعت
ياسين بخضه قام وراها : مالك ياحبيبتي شكلك تعبانه
مني: لا ابدا
ياسين: لا ابدا ايه هاتصل بدكتوره تيجي نطمن
مني كانت فعلا تعبانه فا سكتت
بعد فتره الدكتوره جات : الف مبروك المدام حامل
كلهم فرحوا جدا
وياسين حضنها وماكنشي مصدق
بعد شويه
مني: ياسين عايزه اروح اقول لجوري
ياسين: قومي ياحبيبتي
وراحت خبطت كانت جوري لسه هاتنام
اثر : اتفضل
مني دخلت: جوري
جوري: مالك ياحبيبتي في حاجه
مني : اه وياسين كان وراها
ياسين : ما تقوليلها يابت
مني جريت عليها وحضنتها انا حامل وهاتبقي خاله
جوري بدموع: بتهزري
مني : لا والله
اثر قام حضن ياسين
.....
عدا شهر وأثر بيهتم بجوري جدا
وياسين مش بيسيب مني لحظه الا وقت الشغل
وشهد واحمد حياتهم ماشيه طبيعيه جدا وكذلك اسيل ومعتز
وزين وريناد علاقتهم اطورت وماعدوش بيتخانقوا زي الاول
كل كابل حبهم زاد اكتر واكتر
........
زين : انسه ريناد
ريناد بصتله : ايوا
زين : عايز ملفات *** ضروري
ريناد كان باين عليها التعب جدا : حاضر
زين : مالك في ايه تحبي تروحي لدكتور
ريناد : لا شويه إرهاق بس لحظه
جات تقوم حسيت بدوخه قعدت
زين : مالك اقعدي اهدي .
وجابلها ليمون
خدي اشربي واهدي كدا
ريناد : شكرا معلشي تعبتك.معايا
زين بحب : تعبك راحه
زين : احم انسه ريناد عايزك في موضوع
ريناد بتوتر : نعم
زين : خديلي ميعاد من اهلك
ريناد بدموع : لا مش هاينفع
زين بصدمه : ليه
ريناد: علشان اهلى مايتين وانا ماليش اهل
زين : امال عايشه مع مين
ريناد : بابا كان سايبلي بيت وانا قاعده فيه لوحدي
كانت بتبص الارض بدموع
زين : طب كنتي بتصرفي ازاى
ريناد: كان بيطلعلى فلوس من شغل بابا وكنت بعيش عليها لحد ماتخرجت وجيت اشتغلت عند حضرتك انا لازم استأذن انا مانفعكشي اسفه
زين : وماتنفعنيش ليه
ريناد: حضرتك المدير بتاعي ازاى توافق علي واحده مالهاش اهل اصلا
زين مسحلها دموعها : انا هابقا اهلك بس وافقي مانا زيك ماليش اهل
ريناد : لا عندك ولاد عمتك واختك
زين : بس برضو محتاج اهلى ابويا وامي
ممكن تبطلي عياط جهزي نفسك النهارده هاجيب الماذون ومش عايز اسمع منك حرف فاهمه
ريناد بفرحه: موافقه
زين : ايوا كدا. خلى الشمس تطلع قومي اوصلك علي بيتك يالا
ريناد: لا ماتتعبشي نفسك
زين : قلت كلمه ادامي
ووصلها وكان طول الطريق بيضحك معاها
وروح عند عمته
ناديه: اهلا ياحبيبي اخيرا جيت
زين :حبيبتي عايزك في موضوع كدا
ناديه بصتله باهتمام خير ياحبيبي
زين : عايز اتجوز
قامت ناديه مزغرطه يالف نهار ابيض
مني وجوري نزلوا علي صوت ناديه
جوري : خير ياماما مين حامل تاني
كلهم ضحكوا
ناديه: لا زين قرر يتجوز
كلهم فرحوا
زين : طب استأذن انا علشان اجهز نفسي هانكتب الكتاب النهارده
في الوقت دا دخل اثر وياسين.
اثر : كتب كتاب مين
ناديه بفرحه: زين
ياسين : اخيرا يابو حميد ريناد صح وغمزله
زين : ولا اتلم اه هي ياخويا
ناديه : انت تعرفها
ياسين : امال ياماما دي سكرتيره زين بس هاتحبيها ان شاءالله المهم يالا نتغدا
زين : لازم اروح اجهز نفسي
اثر : ياعم اقعد مالك مستعجل علي المر ليه
جوري: بتقول حاجه يا اثر
اثر : بقول دي احلى حاجه ياروحي
كلهم ضحكوا عليه
زين : احم عايز اطلب منكم طلب
اثر : اتفضل
زين : عايز البنات يكونوا معاها في اليوم دا ويجهزوها لان مالهاش حد واهلها متوفيين
ناديه: ياحبيبتي طيب هاخد البنات ونقوم نروحلها
جوري بصيت لاثر : اثر روحي ياحبيبتي بس خدي بالك من نفسك
جوري : عنيا
ومني بصيت لياسين :
ياسين : هو انا اقدر اتكلم قومي يابنتي اجهزي
زين حضنهم: ربنا يخليكم ليا يارب
اقوم ارن بقا علي شهد وانتوا بلغوا معتز ويوسف
امشي انا بقا سلام عليكم
كلهم : وعليكم السلام
زين بعت اللوكيشن لاثر علشان البنات تروحلها
وفعلا جهزوا
دخلت حياه واسيل حضنوهم وبعدين اثر خد ناديه وجوري
ويوسف خد حياه
وياسين خد مني
ومعتز خد اسيل
وطلعوا علي بيت ريناد
وبعدين كلهم اتجمعوا علي بيت زين
في بيت ريناد الباب بيخبط وهي بتستغرب
ريناد : مين وفتحت
لاقيت بنات وست كبيره
ريناد بابتسامه : حضرتكم مين بتسالوا علي حد
ناديه بابتسامه خدتها في حضنها: انا عمه زين وجايين نجهزك
ريناد بدموع: ازيك ياطنط اسفه ماكنتيش اعرف
ناديه: قوليلي يا ماما زيهم
ريناد : حاضر يا ماما اتفضلوا
وكلهم حضنوها وسلموا عليها وعرفوها بنفسهم
جوري انتي تقعدي واحنا علينا نظبطك
البنات : ايوا الله ينور عليكي وبداو في تجهيزها
طلعولها فستان لافندر وعليه فصوص وعليه خمار
جوري : علشان تبقي شبهنا بخمار لو مش عاجبك عادي
ممكن نلبسك طرحه
ريناد: لا لا كان نفسي البسه يالا
وفعلا جهزوها كانت شهد جات
شهد خبطت
اسيل فتحتلها
شهد: الله الله كلكم متجمعين وانا لا
كلهم جريوا عليها حضنوها
ناديه: وحشتيني احمد خدك مننا
شهد اتحرجت: خلاص بقا ياخالتو وروني العروسه
ودخلت بسم الله ماشاء الله قمر
بقا القمر دي هاتبقا مرات اخويا وحضنتها
وكلهم قعدوا يهزروا
في فيلا زين
طلع من الحمام لقي الشباب قاعده علي السرير
زين بخضه : يخربيتكم دخلتوا ازاى هاتقطعولى الخلف منكم لله والله
اثر بتسرع :يالا ياعم مش فاضيين
وجهزوه
جيه وقت كتب الكتاب
الشباب كلهم وصلوا
كانت ريناد قاعده متوتره
حياه : لا مش عايزين كسوف دلوقتي
كلهم ضحكو وبعدين طلعوها
كل واحد انسحر بحبيبته
وبعدين ناديه : اطلب مننا ايد ريناد واحنا هانفكر يالا
زين : نعمممم
جوري : مافيش عروسه
شهد : ماتخلص يلا
زين اتعدل في قعدته: لو سمحت ياهوانم عايز اتجوز ريناد هانم
كلهم ضحكو
اسيل : اسفين مافيش بنات للجواز
حياه: ايوا يالا احنا نقوم بقا
زين : اقعدوا بدال مارزعكم علقه فاكرين
كله ضحك
وبعدين الماذون وصل
وفعلا تم كتب الكتاب وكان اثر وصي علي ريناد
وياسين علي زين
وبعد ماقال جملته بارك الله لكما
زين جري خطف ريناد في حضنه
كأنه ماصدق الحلم اتحقق
الجو كان مليان فرح
زين : كدا بقيتي مراتي واظن كل حاجه جاهزه يبقا فرحنا كمان اسبوع ان شاءالله
عدا الاسبوع وكان كله شغال علي قدم وساق
وجيه اليوم طبعا
كانت اميره في فستانها
وكله كان منبهر بجمالها
زين اول ماشافها دمع وخدها في حضنه
والفرح كان مبهج جدا وريناد حسيت انها وسط أهلها
خلص الفرح وبعدين زين خدها وسافر يقضي شهر العسل
وكله رجع لشغله
بعد يومين
جوري : اثر كنت طالبه منك طلب انت نسيته
اثر : لا مانستشي لو حابه تجهزي نفسك اتفضلي
جوري : هيييييه وباسته في خده وجريت تلبس
اثر : والله متجوز طفله
وبعدين جهزوا وخدها وراح لمامتها
مامتها اول ماشافتهم
اهلا باللي قتلوا ابني تعرفي بتمني انك تموتي واخلص منك ماعنتيش عايزه اشوف خلقتك انتي فاهمه
جوري بعياط: انا عملتلك ايه
مامتها : عملتيلي ايه انا كنت بحب جوزي اللي هو أبو محمود وللأسف اتوفي والآخر اتجوزت اخوه غصب وجبتك عايزاني احبك ليه ها
جوري بعياط: يعني مش اخويا شقيقي
امها بكره : لا واخفي من وشي كتك داهيه انتي وابوكي
اثر خد جوري
اثر : ممكن لو سمحتي تبطلي عياط علشان خاطري انتي قايله مش هاتزعلى
جوري : حاضر يالا بينا
وفعلا مشيوا
.......
في بيت يوسف
فاجاه الباب خبط
دخلت امه وهي زعلانه : فين حياه
يوسف : حاضر هاندهالك وهو خايف الا تكلمها علي الحمل
حياه نزلت : ايوا ياماما
امه حضنتها: اسفه يابنتي اني قلتلك حاجه علي الحمل كان نفسي يبقا ليا حفيد ماتزعليش مني
حياه بدموع: لا مش زعلانه منك يا ماما دا حقك
وقعدوا مع بعض
عدا كذا شهر
وجوري دخلت تالته ثانوي .
وأثر كان معاها خطوه بخطوه ماسابهاش.
وفاجاه جيه يوم ولاده اسيل
اسيل : معتز الحقني بولد اااااه
معتز : ها اعمل ايه ها وبدأ يتنطط
اسيل : عايزه اولد يا متخلف
معتز : اه طب قومي البسي
اسيل : مش قادره اخلص بسرعه
معتز : لبسها بسرعه ونزل جري ورن علي ناديه
وكلهم اتجمعوا في المستشفي
اثر : اهدي يا معتز ان شاءالله تقوم بالسلامه
معتز : يارب يا اثر يارب
وفاجاه سمعوا صوت البيبي وكان ولد
كلهم جريوا عليه
ناديه : اللهم بارك
جوري : شوفتوا صغير ازاى
وفضلوا يضحكوا
وفاجاه لقوا مني بتصوت
مني : ياسين الحقني بولد
ياسين : حبيبتي انتي لسه في الشهر السابع
مني : والله بولد
ياسين : دكتور بسرعه
الدكتور : فعلا حاله ولاده مبكره
وولدت هي كمان وجابت بت
كلهم اتلموا
ناديه : اللهم بارك في يوم واحد
كلهم ضحكو
وبعدين لقوا حياه بترجع ودايخه
يوسف قلق عليها
ونادي لدكتور
(الدكتور رياكت اني زهجت)
الدكتور كشف عليها : مبروك المدام حامل في أسبوعين
كلهم كانوا فرحانين لحياه وكدا البيت اتملى بهجه وحب وسعاده
عدا شهور الثانويه بتاعت جوري وجيه ميعاد الامتحان
اثر: اولا كل حاجه خير ثانيا عملتي اللي عليكي ربنا المكان اللي شايفك فيه هايحطك فيه تمام ياروحي
جوري اتشجعت : بحبك اوي ادعيلي
وفعلا عديت ايام امتحانها
وجيه ميعاد النتيجه
جوري كانت قلقانه اوي
اثر : قلنا ايه
وبعدين النتيجه ظهرت وكان كله متجمع علشان جوري
اثر قام حضنها : مبروك ياقلبي ٩٩.٥ احلى دكتوره في الدنيا
جوري بعياط : بجد
وكلهم حضنوها وباركولها
جوري حضنت مني : عقبالك ياقلبي
مني : يارب ياحبيبتي
للعلم ياسين قدم لمني في نفس مدرسه جوري وهي نقصه سنه علشان أجلت
عدا يومين
شهد : احمد قوم عندي مغص
احمد قام مفزوع : مالك ياروحي
شهد: مش قادره
احمد خدها وكشف عليها
الدكتوره : مبروك المدام حامل
احمد.شالها وكان فرحان اوي ان بقا عنده عيله وشهد فرحانه انها جواها حته منه
عدا اسبوع
جوري : إنت واخدني فين ولابس بدله كدا
اثر : تعالي نتفسح بمناسبه نجاحك
وفعلا خدها
جيه ادام محل فساتين وقف بالعربيه استني هاجيب ميه
لقي واحده واقفه : ممكن بس المدام لو سمحت اصل في عريس عايز يفاجئ مراته ومقاسها نفس مقاسك
وفعلا دخلت
ولبست
جوري : ممكن اقلع بقا
الميكاب ارتيست : لا علشان نشوف الفستان
وبعدين جهزوها
وفاجاه دخل اثر انبهر بيها وبعدين شدها
جوري : استني اغير
اثر: خفي بسرعه في حاجه
جوري جريت معاه
وفاجاه دخلوا في حته ضلمه
جوري بخوف : اثر روحني
وفاجاه النور نور ولاقيت كل صحابها وجيرانها وأهل اثر موجودين
جوري بصدمه: في ايه
اثر قعد علي ركبته : تقبلى تبقي مراتي بس المره دي برضاكي
جوري بعياط : هزيت دماغها
اثر لبسها الخاتم ولف بيها
وكان احلى فرح اتعمل وكان موجودين الشرطه ورجال الأعمال
خدها وروحوا
وصلوا
اثر : اخيرا جيه اليوم اللي مستنيه
ونسيبهم مع بعض
تاني يوم جوري فتحت عينها لاقيت نفسها في حضن اثر فضلت بصاله جامد
اثر صحي : قلبي صباح الخير
جوري: صباح النور
اثر : في مفاجاه كدا محضرهالك
جوري : ايه هي
اثر: اتفضلي
لاقيت تذكرتين للسعوديه
جوري بتهزر انا هاروح احج
اثر: عارف انك نفسك في كدا يالا نجهز
وفعلا راحوا حجوا ورجعوا وحياتهم كلها متبدله للأحسن
عدا ايام
عند ريناد : زين يا زييييين قوم
زين : في ايه
ريناد: نام بعيد
زين : ليه
ريناد : ريحتك مش قادره وقامت رجعت
زين هرش في دماغه : ايه الكسفه دي بس انا ريحتي حلوة دخل وراها وغسلها وشها
زين : بقالك فتره مش بتاكل كويس وعماله تقولى برد في معدتي قومي اطمن عليكي .
وفعلا خدها
الدكتوره.: مبروك المدام الحامل
زين : اخيرا هايجيلي نسخه منك
ريناد: بحبك اوي
عدا سنه
اثر : اصحي يالا يا جوجو.
جوري : مش قادره سيبني انام
اثر : انتي بقالك فتره بتنامي كتير ليه
جوري : مش عارفه بقا
وفاجاه لقاها قامت ترجع
اثر : لا كدا كتير بقا وخدها للدكتوره
الدكتوره : مبروك المدام حامل
( مش عارفه ايه البارت اللي كله حوامل دا 🙂🙂)
اثر ماكنشي مصدق
جوري حضنته : اخيرا هابقا ماما
اثر : احلى ماما في الدنيا
عدا شهرين وأثر مع جوري في كل خطوه
وواخد باله منها جامد
وفي يوم
جوري: اثر يا اثر
اثر صحي من النوم مفزوع: مالك ياروحي تعبانه
جوري بعياط: طلقني يا خاين
اثر : يالهووووووي رجعنا تاني في ايه بس
جوري : إنت خونتني
اثر : خونتك فين
جوري: حلمت انك بتخوني طلقنيييي
اثر : بت اسكتي يخربيت هرمونات الحمل
جوري بعياط: وكمان بتزعقلي علشان حبيبه القلب
اثر خدها في حضنه : ماقدرشي اخونك ياقمر انتي
جوري : هو انا لسه قمر
اثر: طبعا وست البنات كمان يالا ننام
وفعلا ناموا
وجيه ميعاد ولاده جوري
جوري : ااااه الحقني ياللي منك لله بولد
اثر : انتي كل يوم بتقولى كدا ياحبيبتي وبنصحي الدكتوره علي الفاضي نامي
جوري : قوم ياللي تنشل بطنيييي اااه
اثر قام مفزوع : طب أعمل إيه اه افتكرت ولبسها ونزل
كان ياسين ومني وناديه صحيوا
وكلهم لبسوا وراحوا وراهم
جوري : طلقني انت السبب انت السبب وقامت عضاه في ايده
كله ضحك
اثر : سيبي ايدي ياعضاضه
جوري بعياط: والنبي خش معايا ماتسبنيش
اثر دخل معاها وحضن دماغها وفضل يهديها لحد ماولدت
الدكتوره: مبروك جالك بنت وولد زي القمر
اثر : أتنين
الدكتوره بابتسامه : ايوا وحضنهم وحضن جوري
بعد سبع سنين
جوري: حبايب قلب مامي كدا جاهزين علشان بابا يفسحنا
سيف و ايسل : هيييييه
وجيه اثر
بوسه لبابا الاول علشان اخرجكم
جريوا عليه باسوه
وجوري ربعت ايدها
اثر : بنتي طبعا الأولى وراح حضنها وبايسها وخدهم وخبا عين جوري
جوري : في ايه
اثر : اصبري بس
وشال القماشه من علي عينها ولاقيت عياده باسمها والنهارده افتتاح
جوري بعياط: مش معقول
اثر : بحبك يا قلبي يا احلى دكتوره
جوري: ربنا مايحرمني منك
وطبعا مني دخلت طب وكانت مع جوري
وكلهم حضنوها
اثر : يالا علشان نتصور صوره
وبكدا العيله اتجمعت ونشوفكم في روايه جديده ان شاءالله
ياريت ارائكم في الروايه دي لأنها اول روايه ليا
