فلاش باك:
ناديه : نعم انت بتقول ايه
شريف : والله لو بتحبي عيلتك هاتعملى كدا لازم يكرهوكي علشان لما يركزوا معاكي اخد كل حاجه ياما اقتلهم اختاري
ناديه: لا والنبي خلاص هاعمل اللي تقول عليه عيلتي لا
شريف: شاطره
وبدأ يعمل الخطه انكم تسمعوني بكلم واحد وكأنه عشيقي
وفعلا بعدتو عني
ادهم: يبقا انتي بتخونيني يا زباله
وطبعا أدهم كان بيحبني اوي
كنت كل يوم بموت بس ألمهم تكونوا بخير
بااااك
انا عمري مافكرت في نفسي انا كنت عايزه احافظ عليكم شريف مالوش عزيز وبيقتل اي حد بدم بارد وبدأت تعيط وكله مصدوم
اثر : أصدق ان مش بتخوني بابا
ناديه بعياط: لا والله
اثر بحزن : يعني ايه يعني ظلمناكي
ناديه: اتحرمت منكم ولما مات فكرت ان كدا خلاص لكنه عصي ابنه وللأسف ابنه مفكر اننا ظلمناه وان دا حقه لكن ابنه مايعرفشي الحقيقه مايعرفشي ان ابوه ضيع كل حاجه بسبب الخمره والستات ضيع فلوسه علي الحرام
كلهم بصوا في الارض بحزن
ياسين جري عليها باس ايدها: انا اسف والله اسف
ناديه: مالكوش زنب انا الغلطانه وكمان فرحانه انكم بقيتو في حضني خلاص
كلهم جريوا عليها حضنوها
وكدا الحياه رجعت فل بينهم
بعد مرور اسبوع بدون أحداث والأجواء رجعت طبيعيه وشهد طبعا قعدت معاهم لان أهلها متوفيين
يوسف دخل عليهم وهما بيفطروا: صباح الخير
كلهم: صباح النور
اثر : تعالي اقعد افطر
يوسف: لا مش عايز انا عايز اتجوز يانااااااس مش قادر اتلم علي البونيه
كلهم ضحكو عليه
اثر : طب اصبر شويه
يوسف : ماليش دعوة لو ماوافقتيش اتجوز ياسيد هاتبقا دم ياسيد
ماحدش قدر يمسك نفسه من الضحك
وحياه كانت مكسوفه جدا
اثر: خلاص ياعم هاتاكلنا جيب اهلك بليل ونتفق علي كل حاجه
ياسين : وهي جات عليا انا عايز اتجوز
ناديه: ومين سعيده الحظ
ياسين: انتو تعرفوها
اسيل: اوبااااا قول ياحبيبي
ياسين رفع ياقه القميص بغرور مضحك : صاحبه جوري مني
جوري قامت اتنطط زي الأطفال: بتهرج صح
ياسين بضحك : لا بتكلم جد
جوري سقفت : ايوا بقاااااااا
اثر : طب جوري تاخد ميعاد من اهل مني ويوسف بليل
كلهم فرحوا جدا
بليل
والد يوسف : طلباتكم يابني
اثر : احنا عايزنكم تحطوها جوا عنيكم مش اكتر
والده يوسف : ربنا يعلم معزتها زي بنتي بالظبط
واتفقوا على الفرح بعد اسبوعين
.....
يوسف رن علي حياه
يوسف : اخيرا هاتبقي في بيتي بقا
حياه بكسوف : اممم
يوسف: امممم ايه ياللي تنشكي في بطنك
حياه : انت بتدعي عليا
يوسف : ايوا دا اللي عايزه دلوقتي لسانك شبرين
يوسف: والله حاسس اني في حلم ربنا يجمعني بيكي ياقلبي علي خير
حياه : يارب ياحبيبي يالا نام بقا علشان شغلك
يوسف : ماشي ياحبيبتي سلام
.....
تاني يوم كانت جوري خدت ميعاد من اهل مني
ياسين : انا كدا حلو
ناديه : قمر والله
اثر : يالا ياخويا والا وكبرت ياض
وكلهم راحوا البيت
والد مني : شرفتونا يابني والله
اثر : الشرف لينا ياعمي دلوقتي حضرتك احنا جايين علشان نطلب ايد الانسه مني لاخويا ياسين وهو شغال مهندس في شركتنا واللي انتو عايزينه احنا تحت أمركم
والد مني : احنا مش طالبين حاجه غير أن ياسين ياخد باله منها هي بنتنا الوحيده
ياسين : في عيني ياعمي والله
جوري كانت جوا مع مني
مني : انا خايفه اوي
جوري : اجمدي يابت ولا يهزنا
وفضلوا يضحكوا
والده مني خبطت : يالا يابنات
مني طلعت وهي ماسكه في ايد جوري
ياسين فضل متنحلها ومني مكسوفه جدا من بصته
اثر خبط ياسين : يخربيتك هاتفضحنا لم عينك
والد مني : ايه رايك يابنتي
مني بكسوف : اللي تشوفه حضرتك
البنات كلها زغرطوا وسقفوا
ياسين : شوف ياعمي عايز شبكه بكام وانا تحت امرك احنا لينا فيلتنا يعني مش ناقصه غير العروسه ولو عايزه فيلا برا انا موافق ماعنديش اي مشكله
والد مني : لا يابني كفايه راحت بنتي
اثر : طب طلما متفقين يالانقرا الفاتحه
قراو الفاتحه وياسين عينه علي مني
ياسين : احم طب ياعمي دلوقتي اختي فرحها بعد اسبوعين وانا مش شايف ناجل لان الحمدلله جاهز فا لة نعمل الفرح معاهم
والد مني : طب وليه التسرع يابني
ياسين : معلشي ياعمي ارجوك وافق
والد مني بعد إلحاح من ياسين : خلاص يابني الي تشوفوه
ياسين قام زغرط: ايوا بقاااا
اثر يخربيت هبلك وكلهم ضحكوا عليه
......
كان طول الأسبوعين تجهيزات علي قدم وساق
البنات اتجمعوا فيةاوضه
جوري : احم عايزه اتكلم معاكم في موضوع كدا.
حياه واسيل قعدوا ادامها: احكي
جوري: دلوقتي لو انا ادامي بطيخه مفتوحه وبطيخه مقفوله هاخد انهي
حياه: اكيد المقفوله
جوري : تمام احنا كدا برضو
اسيل بعدم فهم: ازاى
جوري: يعني دلوقتي ربنا خلقنا كلنا في أحسن تقويم وكلنا ربنا خلقنا حلوين اوي مش لازم الشكل نفسه كفايه جوهرنا الرسول وصفنا بالمؤنسات الغاليات ليه احنا مش بنعمل بكدا كلنا حلوين جدا بشعرنا بس لازم لما نخرج نكون ساترين نفسنا علي الاقل ماحدش يبصلنا وحش او ناخد زنوب احنا مش عارفين هانموت امتي ليه نموت علي معصيه احنا جواهر مصونه اعملى اللي يعجبك.في بيتك بس برا نمشي علي دينا فكروا في كلامي كويس وشوفوا انتو عايزين تكونوا ايه البطيخه المفتوحه والا المقفوله وماتنسوش الدنيا احنا جايين اختبار وهانمشي
اسيل وحياه عنيهم دمعت وحضنوا جوري : بنحبك اوي
جوري : وانا بحبك اوي
اسيل : عايزه اجرب الخمار
حياه : وانا كمان
قاموا علي اوضه جوري وفعلا طلعوا قمرات اوي وكانوا فرحانين
حياه : طب ياجوري عايزين ننزل بكرا نغير لبسنا ممكن
جوري : اكيد طبعا
سعاد خبطت علي الباب : بيقولكم اثر بيه العشا جاهز
نزلوا اتعشوا وأثر باصص لجوري
جوري بصتله بكسوف
وبعدين خلصوا اكل
حياه : عايزين جوري بكرا مشوار يا اثر
اثر : فين
حياه : المول ومش هانتاخر وا ناقصنا حاجات
اثر : تمام المهم تاخدوا بالكم من نفسكم وانا هاجهزلكم حرس
جوري بفرحه : اشطا بقااااا
اثر : والله طفله
اثر : صحيح تصحوا الصبح تخلصوا علشان عازمين اهل يوسف ومعتز
كلهم : تمام
طلعوا فوق
اثر : حبيبي اللي مش عارف اتلم عليها شويه
جوري بضحك : فرح بقا وكدا
اثر قرب منها : الفرح ياخدك مني
جوري : ها لا ابدا يالا نناااااام
اثر : لاحظي امتحاناتك قربت تمام ياروحي
جوري : سيره معفنه الحقيقه يالا ياخويا ننام
وناموا
تاني يوم اسيل وحياه فضلوا يخبطوا علي اثر وجوري
اثر صحي : ايوا
اسيل وحياه : عايزين جوري عايزين جوري
اثر : مجانين اقسم بالله هاصحيها اهو انزلوا وبص لجوري حبيبتي اصحي يالا
جوري: حاضر
اثر : مش بداها بقا مش بتصحي الا كدا وشالها وغسل وشها
جوري : هيييح اااه ايه اللي بتعمله دا
اثر : البنات مستنينك تحت وانت مش راضيه تصحي
جوري : عاااااا وهاخرج وهاخرج
اثر : هبله خدي بالك من نفسك ياروحي علشان خاطري
جوري : عنيا
وجهزوا ونزلوا
قعدوا يفطروا
حياه: يالا ياجوري
جوري : يالا هامشي انا بقا يا اثر
اثر : ماشي ياروحي خدوا بالكم من بعض
وادا لجوري فيزا جيبي اللي يعجبك
جوري : بس انا مش عايزه
اثر : قلت جيبي الي عايزاه وكل واحده كدا معاها الفيزا يالا امشوا
ومشيوا
اثر بص لناديه: انا هامشي انا ياماما وياريت تصحي ياسين علشان اتاخرنا علي الشغل
ياسين من وراه : انا هنا يابرو
اثر : هاسبقك تعالي ورايا افطر بسرعه
ياسين: هوا
.....
نرجع للبنات راحوا يشتروا كل اللي عجبهم وجوري اشترت دريس واحد
ورجعوا البيت
ناديه: حمدالله علي سلامتكم استريحو واطلعوا اجهزوا علشان الناس علي وصول
كلهم : حاضر وطلعوا جهزوا وكانوا زي الاميرات بالظبط
اثر : سعاد نادي علي البنات
سعاد طلعتلهم
وفاجاه لقوا نازلين
جوري لابسه دريس اسود وعليه ورد والخمار لون الورد كان رقيق وحلو اوي
حياه لابسه دريس بينك علي خمار اوف وايت
اسيل لابسه دريس ازرق بيلمع علي خمار اوف وايت
كانوا بيخطفوا الانظار كله قام ومذهول
اثر : دا حلم
يوسف : فوقني بسرعه
اثر ضربه في وشه
كله ضحك
جوري نزلت لاثر
اثر باس دماغها : ربنا يحميكي ليا يارب
جوري : يارب ياحبيبي
عند يوسف : يخربيت جمال امك اخيرا اتحجبتي ربنا استجاب لدعوتي
حياه : بجد شكلى حلو
يوسف: حلو بس دا حلو وحلو وحلو احمدي ربك اننا مش لوحدنا
حياه اتكسفت طب يالا علشان ناكل
معتز فضل متابع اسيل
ناديه خدتهم بالحضن وكانت فرحانه اوي وياسين كان فرحان جدا
خلصوا اكل في جو مرح
وقعدوا كلهم مع بعض وفاجاه
معتز : اثر عايز اطلب منك حاجه
اثر : خير يامعتز
معتز : الصراحه طالب ايد الانسه اسيل
كلهم بصدمه ماعدا جوري :
اثر : ها لا مش موافق
....
