احمد فضل يفوق فيها
احمد: شهد. شهد
جاب برفيوم وراشه عليها
صحيت ورجعت لورا
شهد بدموع: ليه كدبت عليا
احمد شدها لحضنه: والله كنت بهزر والله بهزر انا بحبك وماقدرشي ائذيكي وبعدين عرفت درجه حبك ليا وغمزلها
شهد بفرحه : بجد بجد يعني بتحبني ومش بتكدب
احمد : والله العظيم بحبك قومي يالا نغير
(اتخضيت عليا النعمه اتخضيت ياعم كامل)😂😂😂
غيروا وصلوا طبعا
احمد: حبيبتي عارف انك اتحملتي مني كتير وعارف مريتي بايه اوعدك اعوضك عن دا كله وابقا ابوكي واخوكي وابنك وكل حاجه ليكي صدقيني بحبك اوي لا بحبك دي كلمه قليله انا عشقتك مش حبيتك بس اتمني اسعدك
شهد: وجودك جنبي بيسعدني وانا بحبك اوي ياغلي هديه بعتها ربنا ليا
ونسيبهم مع بعض
.......
عند معتز واسيل طلعوا فوق
معتز : ماكنشي ليه لزوم تغني اصلا شكلك كان يقرف انا بقيت بقرف منك فاهمه
اسيل بعياط : انت قلتلى ماتخليش حد يحس وفاجاه جريت علي الحمام
معتز جري وراها لقاها بترجع
معتز: في ايه
اسيل خرجت ومسحت وشها
بطني تعباني اوي
معتز: معلشي ياختي يالا ننخمد
غيروا وناموا
عدا يوم علي أبطالنا
تاني يوم
اسيل صحيت تجري علي الحمام برضو
معتز صحي : هو كل يوم قرف علي الصبح روح لزفت دكتور
اسيل بتعب: اسفه والله هاحاول اروح لدكتور
معتز: رمي في وشها الفلوس خدي ابقي روحي اكشفي
اسيل بدموع: حاضر
معتز : يالا ننزل نفطر
اسيل : حاضر
ونزلوا
جايه تقعد لاقيته امه : انتي ليكي عين تأكلي معانا
اسيل جايه تقوم
معتز : معلشي يا أمي استحملى اترزي كلى
اسيل قعدت بخوف واول ماشميت ريحه الاكل قامت رجعت.
معتز لاحظ ان وشها اصفر وحالتها بتسوء
معتز : علشان نخلص من القرف دا قومي غيري نتهبب نروح المستشفي
اسيل بتعب : حاضر
امه: انت كمان خايف عليها
معتز : قلتلك يا أمي مش خايف بس لو حصلها حاجه هانروح في داهيه
امه: فعلا عندك حق
اسيل نزلت وهي بتتسند غلي السلم
معتز خدها وركبوا العربيه
معتز بص لاسيل :ماتهدى بقا في ايه
اسيل بدموع: بطني بتوجعني اوي يا معتز انا اسفه بس مش بايدي
معتز : بطلى عياط قلت وصلنا اهو
وفعلا راحوا المستشفي ودخلوا لدكتوره
الدكتوره : اتفضلي نامي وحضرتك ارفعلها هدومها لو سمحت
ومعتز فضل ماسك ايد اسيل
الدكتوره: الف مبروك يا مدام حامل في الأسبوع التالت
اسيل بدموع : انا انا هابقا ام
معتز بصلها بنظرات مش مفهومه
الدكتوره كتبتلها علي شويه فيتامينات
الدكتوره: اهم حاجه الراحه وماتجهديش نفسك
اسيل: حاضر يا دكتوره
معتز : طب نيجي امتي تاني
الدكتوره: كل أسبوعين ان شاءالله
معتز : تمام
وراحوا البيت
امه: السنيورة مالها
معتز كان قالب وشه : مافيش
امه في ايه احكيلي : الهانم حامل
امه بشهقه حامل
معتز : عايز اعرف يا هانم ابن مين اللي في بطنك
اسيل بدموع : والله ابنك
امه : وبتحلفي كدب كمان
معتز : لازم ينزل
اسيل قعدت علي الارض علي رجله
ابوس ايدك
والله ابنك طب اصبر لحد ماولد وشوف ال دي ان ايه بس ماتظلمنيش بالطريقه دي
معتز : فوق يالا
امه : انت هاتسيبها
معتز : افرض ابني
امه : ماشي وطلع وسابها
معتز طلع لاسيل وفضل يبصلها
اسيل بصتله : ايه
معتز : اتفضلي غيري واطفحي وبعدين خدي علاجك
اسيل : حاضر
وعملت اللي قالها عليه وعلاجها كان تقيل فعلا ونامت
معتز بيبص من البلكونه لقي مامته واقفه مع واحد
نزل جري
بيبص عليها لقاها بطلع فلوس لواحد ودخلت جري
مشي ورا الراجل
معتز : اركب
الشخص : حضرتك مين
معتز : قلت اركب
وركب معاه
......
اثر : جوري حبيبتي في مأمورية لازم اطلعها
جوري بخوف : لا علشان خاطري
اثر : معلشي والله صدقيني هارجعلك بخير بإذن الله ماتقلقيش
جوري فضلت حضناه شويه ودعتله وهو جهز ورن علي يوسف
يوسف : حاضر ياباشا هالبس واقابلك
وبعدين بص لحياه المرعوبه
يوسف : خلاص ياروحي بقا والله هاخد بالي من نفسي بس وطني اهم وباس دماغها
حياه بدموع: هاترجعلى
يوسف : ان شاء الله ادعيلي
حياه : لا اله الا الله
يوسف : محمد رسول الله
وبعدين اتقابل هو وأثر
جوري نزلت قعدت مع ناديه وهي قلقانه
ناديه: اهدي وادعيله هارجع ان شاء الله بالف خير
جوري : خايفه عليه اوي وفاجاه لقوا حياه داخله
حياه حضنت امها وفضلت تعيط
ناديه: مالك انتي كمان
حياه: خايفه علي يوسف اوي
ناديه : ماتقلقيش يابنتي ادعيله بس
وبعدين حياه وجوري حضنوا بعض وفضلوا يعيطوا
ناديه : طب ماتدعولهم احسن
مني نزلت هي وياسين
مني : في ايه مالكم
ياسين: خير
ناديه: يوسف وأثر سافروا لماموريه وهما خايفين
مني نزلت حضنتهم
وياسين قلق اكتر : يارب يجيبهم بالسلامه خلاص بقا تعالو ناكل
حياه وجوري : لما يرجعوا
ياسين : لو جوم وشافوكم كدا هايزعلوا يالا
وقعدوا ياكلوا
ياسين: اروح انا الشغل بدال ما اثر يجي يموتني
واتقابل هو ومعتز هناك
ياسين: مالك يا معتز بقالك فتره متغير
معتز : مافيش يا ياسين
ياسين: اسيل زعلتك
معتز : لا ابدا
ياسين: انت صاحبي وبحبك وزيك زي اثر لو حابب تتكلم انا موجود
معتز حضنه: ربنا يخليك ليا
وقعدوا يشتغلوا
ياسين: صحيح الواد زين ماجاش لسه المفروض يجي
معتز : انت عارفه مش بيجي في مواعيده 😂
.....
زين لسه نازل من العربيه كان هايخبط في واحده نزل جري .
زين بعصبيه : انتي ياغبيه حد يقف في نص الطريق كدا
البت بصتله تنح من جمالها
ريناد: وانت حيوان مش شايفني قاعده مش تفتح عينك
زين بعصبيه: لا ماشاء الله علي الاحترام يابت يعني تقعدي علي الارض وتبجحي
ريناد: شكلك عايز تتربي من اول وجديد
زين : اخفي يابت من هنا مش ناقص عطله
ريناد قامت رافعه ايدها وضربته بالقلم
وجريت
زين جري وراها كانت هربت منه
زين خبط رجله في الارض اه يابنت التيت بقا بتضربيني بالقلم ماااااشي ومشي
ريناد هووووف لازم يحصلي كدا اول يوم شغل منك لله
ريناد راحت علي شغلها وزين راح علي شغله وهو سايق كان كله تفكيره فيها
نوصف ريناد
بنت متوسطه الطول عيونها بني فاتح لابسه فستان بينك واسع وعليه طرحه لونها اوف وايت وكانت قمر اوي بشرتها خمريه
نرجع تاني
زين دخل الشركه
ياسين : عمرك ماجيت في ميعادك
زين : خلاص ياعم بقااا
ياسين يالا اعرفك علي الموظفين وفي سكرتيره جايه جديد النهارده شوف امكانيتها ولو هاتنفع اقبلها 💁🏼♀️
زين : تمام ان شاء الله انت عارف اني بكره البنات وبعدين افتكر ريناد ابتسم .
ياسين: منين بتكرههم ومنين بتبتسم هاتشلني
زين : يالا ياعم عرفني
ياسين : عرفهم ان دا مدير جديد معاهم وعرفوا بيهم وبعدين دخل مكتبه
الباب خبط
زين : اتفضل
بيلف بالكرسي لقاها
ريناد بصدمه: انت
زين: انتي بتعملى هنا ايه
ريناد: انت الي بتعمل هنا ايه انا هنا السكرتيرة الجديده حضرتك هنا ليه
زين ببسمه شماته: لا انا ماقلتلكيش انا مديرك
ريناد بتبلع ريقها بصعوبه: ها
زين : مفاجاه مش كدا
ريناد بصدمه: ها أنا بقول انا مرفوده استأذن انا
زين: مكانك هو دخول الحمام زي خروجه اتفضلي علي شغلك
ريناد بصدمه: نعم يعني مش هاترفد
زين : احنا هانقعد نهزر اتفضلي علي شغلك
عايز الحسابات بتاعت الشركه طول السنه
ريناد: بس دا كتير وصعب وانا لسه جديده
زين : انا قلت كلمه اتفضلي
ريناد طلعت وهي عماله تبرطم بالكلام
زين: شكلها احلويت اوي صبرك عليا وبعدين افتكر انها عنيده ولسانها طويل ضحك وقعد سرحان فيها
ياسين ومعتز دخلوا عليه لاقوه سرحان
معتز بص لياسين وغمزله
وبعدين راح جنب ودن زين : هي حلوة اوي كدا
زين : اوي وبعدين فاق هي مين دي
ياسين ومعتز ضحكو عليه
زين : بس بقا مافيش حاجه من اللي في بالكم
ياسين : اه ماهو واضح اوي
ونسيبهم بقا
...........
عند اثر ويوسف
اثر : دلوقتي احنا مش هانهجم الا لما اديكم اشاره تمام
كلهم : تمام يافندم
اثر : موفقين
يوسف بصله: خد بالك من نفسك ياصاحبي
اثر : سيبها علي الله يالا
ووقفوا في أماكنهم
لقوا مجموعه من الناس نازله من العربيه ولسه هايسلموا
اثر : هجووووم
وفعلا قدروا يقبضوا عليهم
في الوقت دا اثر جاله مكالمه
اثر : الو يافندم
الظابط :.****
اثر : نعم ازاى دا حصل انا جايلك فورا
يوسف : مالك يا اثر في ايه
اثر : هافهمك كل حاجه في الطريق
وجري بالعربيه
يوسف : فهمني طيب
اثر : محمود اخو جوري هرب
يوسف بصدمه: ها هرب ازاى
اثر : ماعرفشي ماعرفشي لازم اطمن علي جوري
واتصل علي جوري
جوري بلهفه: ايوا ياحبيبي طمني عليك
اثر : الحمدلله ياروحي تمت المهمه وكلنا كويسين المهم ماتخرجيش من البيت مهما حصل
جوري بقلق : ليه في ايه
اثر: علشان خاطري اسمعي كلامي تمام وإياك حد يخرج
يوسف : قولها حياه عندك
اثر : بقولك ياحبيبتي حياه عندك
جوري : ايوا موجوده هنا
اثر : تمام نبهي عليهم ماحدش يخرج وأما اجي افهمك في رعايه الله
جوري : في حفظ الله ونزلت تحت
ناديه: مالك وشك مخطوف كدا ليه اثر مارنيش عليكي
جوري : ها لا رن بس بيقول ماحدش يخرج برا البيت خالص
ناديه : ليه
جوري : مش عارفه والله ياماما هو قال كدا انا خايفه اوي
ناديه: لا ماتخافيش ان شاءالله خير
حياه : طب هما عاملين ايه
جوري : هما الحمدلله بخير بس اهم حاجه نسمع كلامه
كلهم: تمام
مني : لسه هاتتكلم فاجاه سمعوا ضرب نار
جوري : أجروا
جايين يجروا جوري اتكعبلت ووقعت
جوري فاجاه لاقيت منديل علي بؤها واغمي عليها
وشالها ومشي
البواب: آلو آلو يا اثر بيه الحقنا
اثر : في ايه ياعم محمد
البواب : الحق جوري هانم
اثر قام بخضه : مالها في ايه
البواب : كنت كنت بسقي الزرع يابيه وفاجاه سمعنا ضرب نار والهوانم كانوا قاعدين في الجنينه ولاقيت الرجاله انضربوا بالنار وواحد شال جوري هانم وانا مالحقتيش الحقهم
اثر : سلام دلوقتي
وبعدين بص للمقدم
هانعمل ايه
المقدم
: اهدي اهدي بس ونفكر بعقل
اثر بزعيق: عقل ايه يا فندم مراتي في خطر وتقولى عقل
يوسف : اهدي بس لازم فعلا نشوف حل لان كدا هي في خطر وقعدوا يدبروا وبعدين جاله اتصال
محمود: اثر بيه
اثر بزعيق وغضب : انت اه يابن*****
محمود : روق أعصابك بس علشان ماموتشي مراتك
اثر : واختك دا لو كنت ناسي انها اختك فعلا
محمود: بطل كلام كتير عشره مليون ادام مراتك
اثر : اه يا زباله يا واطي
كل دا وأثر بيحاول يطول في المكالمه علشان يقدر يحدد مكانها فين بالظبط
محمود :طب انت الى شتمت وانا حظرتك وشاور لرجالته ونزلوا ضرب في جوري
جوري بوجع : ابوس ايدك يا اثر الحقني هايموتنى
اثر : انا معاكي والله وانت فلوسك هاتكون جاهزه وماتلمسشي شعره من مراتي انت فاهم
محمود: ماشي ياعم الحبوب سلام واه نسيت لو جبت شرطه معاك اعرف انها ميته سلام وقفل في وشه
اثر قفل معاه وحط دماغه بين ايديه
المقدم: ها قدرت تحدد المكان
الظابط : ايوا يا فندم
اثر: لازم اروح لوحدى والا مراتى هاتبقا في خطر للاسف
المقدم: مقدر موقفك بس ماتبصيش للجانب العاطفي علشان تقدر تجيب مراتك لو عايزها ترجعلك
يوسف: عنده حق يا اثر اهدى
وفعلا احكموا خطه مناسبه جدا
وبداوا يتحركوا
.........
ياسين وزين اول مادخلو البيت لاقو الرجاله كلها ميته دخل يجري
مني مناااا
كلهم نزلوا وهما بيعيطوا
ياسين بقلق : حصل ايه فهموني
ناديه بعياط: جو جوري الحقها اتخطفت
زين بفزع: نعم اتخطفت اتخطفت ازاى
ياسين : طب هانعمل ايه وأثر في مأمورية
ناديه : اثر اخوك كلم جوري وقالها ماحدش يخرج وفاجاع لاقينا ضرب نار
وفضلوا يعيطوا
ياسين : طب اهدوا اهدوا ان شاءالله نرجعها بالف سلامه
مني جريت عليه حضنته
ابوس ايدك يا ياسين جبلي جوري دي اختي وياما شافت عمرها ماتهنت علي حياتها ابدا ابوس ايدك
ياسين فضل يهديها وبعدين بص لزين
ياسين : زين رن علي اثر بسرعه لا رن علي يوسف احسن
وفعلا رن
زين فتح الاسبيكر: الو يا يوسف انتو فين
يوسف: احنا رايحين نجيب جوري وياريت انت وياسين تاخدوا بالكم من البنات تمام
ياسين : طب عرفتوا مكانها
يوسف بتسرع : ايوا لازم اقفل سلام
وقفل معاهم
ياسين : خلاص ياحبيبتي ان شاءالله اثر مش هيرجع غير بيها خلاص
وفضلوا قاعدين علي اعصابهم
..........
عند.شهد واحمد
احمد: مبسوطه ياروحي
شهد : اوي حاسه اني في حلم بجد مش متخيله انك جوزي ومعايا
احمد : والله لو أطول الدنيا كلها لاجبهالك لحد عندك انا بقيت بعشقك
شهد : ربنا يخليك ليا انت الدنيا بالنسبه ليا مش عايزه حد غيرك تاني
صحيح عايزه ارن علي زين وخالتو مارنتشي عليها
احمد: يعني احنا مسافرين وتقولى زين تعالي بس اقولك حاجه
ونسيبهم مع بعض خلينا في همنا😂
....
عند جوري
محمود : مسكها من شعرها صدقيني لو أطول ادفنك هادفنك انا بكرهك وعمري ماحبيتك دايما ابويا بيفضلك عليا ونزل فيها ضرب
جوري بعياط: ابوس ايدك ارحمني اثر هايجبلك اللي انت عايزه
محمود: بفكرك هاسيبك لما يجيب الفلوس دا انا هاموتك وفضل يضرب فيها لحد ماغمي عليها
وبعدين جاب الميه رشها عليه وفضل يضرب فيها كل اما يغمي عليها يفوقها ويضرب فيها لحد ماجسمها بقا بينزف دم
محمود بصوت عالي : هاتو دكتوره حالا
الشخص : حاضر يافندم حالا
وجابو الدكتوره
الدكتوره: ايه دا انتو عاملين فيها ايه لازم أبلغ
محمود طلع المسدس ووجهوا علي دماغها صدقيني لو نطقتي اخر يوم في عمرك وقفيلي النزيف واخفي
الدكتوره بصتله بخوف وبدأت توقف النزيف ليها
وبعدين جوري بدأت تفوق
محمود: خدها وديها مكانها وبعدين بصلها بتهديد خليكي فاكره كلامي كويس
الدكتوره بخوف : فاكره فاكره
وبعدين مشيت
جوري ضمت ايدها ورجليها
وبعدين بصتله: انا انا عمري ماذيتك دايما كنت بحتاج حضنك بس انت ماحبتنيش وشايف ان بابا بيفضلني هو ماكنشي بيفضلني بس كان شايف اني بنت ولازم يبقا هادي معايا في الاول والاخر انت اخويا وبدأت تعيط ووشها كان وارم من الضرب وحاسه ان جسمها متكسر
بعدين اثر وصل
الشخص جري علي محمود : الراجل وصل
محمود : طب يالا بينا وهاتوا البت دي يالا
وطلعوا
اثر : وريني مراتي الاول
وبعدين شخص جابها
اثر حس بنغزه في قلبه لما شافها بالمنظر دا
محمود: تجيب الفلوس اجبلك مراتك اخلص
اثر : لا مراتي الاول
محمود : خلاص انت اللي ابتديت
اثر : خلاص خلاص وبعدين جاي يرميله الفلوس الظباط كانت واقفه حوالين للمكان وضربوا بالمسدس ايد اللي ماسك جوري وأثر جري عليها
وبدأ ضرب النار ولسه محمود هايضرب جوري
يوسف ضربه بالنار وقع مات
جوري : لا اخويا
اثر حضنها : اهدي ابوس ايدك هو كان هايموتك
جوري شددت من حضنه : كان نفسي احس انه اخويا اوي
اثر : وانا ابوكي واخوكي وحبيبك وكل حاجه ليكي
بدأت جوري ترتخي عرف انه اغمي عليها
جري بيها علي المستشفي
الدكتور طلع : عندها كسر في دراعها والحمدلله في حد قدر يوقفلها النزيف حمدالله علي سلامتها
اثر : الله يسلمك ودخلها
اثر مسك ايدها : اوعدك ماحدش تاني هايلمسك
جوري : ممكن اطلب منك طلب
...
بعتذر جدا علي التأخير حقيقي ماكنتيش عارفه اكتب بسبب ايدي
