البارت التاسع من روايه عندما يعشق القاسي
جوري بتنهيده : كنت طفله عندي تسع سنين بابا توفي الوقت دا ساعتها الخبر نزل عليا زي الصاعقه لانه كان الوحيد اللي بيقف معايا ضد اخويا عرفت وقتها اني كدا ماعدشي ليا سند
وبدأت تعيط اثر خدها في حضنه وفضل يهديها علشان تكمل بعدت عنه بهدوء وبعدين كملت
بعد ما بابا توفي بكام يوم بقا اخويا وامي عليا طول الوقت بيطلبوا حاجات اعملها ولما كنت بقول تعبت كانت أمي بتجيب سيخ تلسعني بيه في اي مكان واخويا كان يديني العلقه التمام ويحبسوني في اوضه ليومين من غير اكل ولا شرب لحد ما جالي فوبيا من الضلمه
اثر : طب عرفتي منين ان عندك القلب
جوري : كنت في فتره مش بقدر اخد نفسي وساعات بيغمي عليا كتير في البدايه اتجاهلت الموضوع وبعدين في يوم رايحه المدرسه لاقيت المخده بتاعتي كلها دم ببص لاقيت بؤي ومناخيري جيبين دم اتفاجات وبعدين فضلت احوش من فلوس الدروس اللي كنت بروحها وماعنتيش بروح لحد.ماجمعت مبلغ وروحت كشفت
ساعتها عرفت ان عندي القلب
اثر : طب حد من أهلك.عرف
جوري: لا بس لما كانوا بيضربوني جامد وانا ماختيش الحبوب كنت بترجاهم علشان يسيبوني واقولهم قلبي والله بس ماكنشي حد بتصدقني
جوري كانت انهارت في الوقت دا
اثر كان حزين عليها اوي : طب ممكن تهدي.نكمل بعدين
جوري: لا هاكمل انا كويسه
اثر : انتي متأكده
جوري ومسحت دموعها بايدها زي الأطفال وبعدين كملت : كنت لما بطلع من الأوائل وبيبقا في حفله ولازم اهلى معايا كنت بجري علي ماما كان ساعتها بتمسكني من شعري لحد ما تقطعه وتضربني جامد واخويا كان بيكمل عليا لحد ما في يوم جات
فلاش باك
الام : بصي يابت انتي من النهارده مافيش دروس عندك المدرسه اخوكي بيحتاج الفلوس
جوري : طب هاعمل ايه المدرسه مش بتشرح كويس
الام: بقولك اخوكي بيحتاج الفلوس خلص الكلام ماعدشي في فاهمه
ساعتها فضلت افكر ازاى هاجيب فلوس العلاج
مني : مالك يابنتي وشك مخطوف ليه
جوري: ها لا مافيش
مني : احكيلي اهلك عملولك حاجه تاني
جوري : بصي طالبه منك مساعده
مني : قولى ياروحي
جوري : بصي هما منعوني من الدروس وزي مانتي عارفه كنت باخد الفلوس علشان مرضي وكدا فا هاضطر اخد منك الحصص بتاعتي وانا هانزل الشغل هاخليه في ميعاد المدرسه
مني بحزن : طب انتي كدا هاتقدري انتي تعبانه وانتي عارفه الدكتور قالك الراحه وممنوع مجهود واخوكي وامك مش راحمينك
جوري بعياط: طب هاتصرف ازاى اجيب العلاج ازاى
مني : انا هاديكي
جوري : لا لا ممكن توافقي علي طلبي لو تقيل عليكي انا هاتصرف
مني : بس يابت احنا اخوات وحضنوا بعض
تاني يوم جوري لفيت علي لما لاقيت شغل بس كان في كافيه
المدير : مش عايز غلطه وم عايز تأخير علي مواعيد تمام
جوري: حاضر ممكن ابدا من النهارده
المدير : تمام اتفضلي البسي الذي دا
وبدأت اشتغل كان الضغط عليا جامد.اوي لدرجه كنت باخد حبيتين علشان اقدر اكمل شغل
بعد مرور يومين
جوري: يارب انا دايخه كدا ليه يارب استرها
وطلعت تدي العصير لشخص
الشخص : حطيها هنا لو سمحت
كان ساعتها الدوخه زادت ووقعت اغمي عليها
المدير: انتي ياهانم مخصوم منك يوم
جوري بعياط: ابوس ايدك انا محتاجه المرتب دا
المدير: اتفضلي علي شغلك والا اعتبري نفسك مرفوده
خلصت الشيفت دا وبعدين روحت
اول مادخلت البيت
محمود: عايز اكل اخلصي اعمليلي الاكل
جوري بتعب : طب ممكن ارتاح عشر دقايق بس
محمود: انا قلت كلمه
جوري : طب هاغير
محمود قام مسكها وفضل يضربها بالقلم وزقها وقعت علي الارض ودماغها اتخبطت في ترابيزه اغمي عليها
محمود جاب الميه وغرقها بيها
محمود : قوم انتي لسه هاتدلعي
جوري قامت جري ماكنتشي قادره تقف علي رجلها وخدت العلاج ودخلت عملت الاكل
جوري: اتفضل الاكل جهز
محمود: انتي كمان بتكلميني بالطريقه دي شكلك عايزه تتربي
وقام ضربها تاني جامد وحبسها في اوضه ضلمه
تاني يوم
الام ضربتها في بطنها: قومي يابت اخفي روحي مدرستك
جوري قامت جري علشان تلحق الشغل
وكان يومي كله الصبح الشغل ولما باجي كنت بعمل شغل البيت
وكنت بزاكر كل فين وفين
باااااك
اثر كان مصدوم من اللي بيسمعه
جوري بشهقه : تعبت اوي والله ماعرفشي عملت ايه علشان كدا بتعاقب بس كنت دايما متأكده ان ربنا هايعوضني لحد مانت جيت
اثر خدها في حضنه وضمها ليه جامد : اوعدك اني عمري ماسيبك ولا تنامي زعلانه أبدا
جوري حضنته: حتي لو انت ضربتني وعملت فيا ايه كفايه اني بحس معاك بالأمان
اثر : تنشل ايدي لو اتمديت عليكي
جوري باست ايده : ربنا يخليك ليا
اثر : طب معلشي كمان سؤال
جوري : اتفضل
اثر: ممكن اعرف دراعك كان حاصله ايه
جوري : اليوم دا كنت اجازه من الشغل وحبيت اخرج اقعد علي البحر وخرجت وانا مروحه البيت لاقيت اخويا
محمود: كنتي فين
جوري بخوف : كنت كنت علي البحر
محمود مسكها وطلع بيها
محمود : بتطلعي علي البحر وقلع حزامه ونزل عليها ضرب
ولما جيت اقوم
محمود : وادا ايدك اهي علشان كل اما تفكري تخرجي تشوفي ايدك
وقام ماسك ايدها ورا ضهرها واتكا عليها لحد ماتكسرت وبعدين زقها في الارض
الام: الحمدلله احسن يارب تموتي بقا وتريحينا منك
جيت بليل كنت في الاوضه لاقيتهم بيقولوا اجهزي في عريس اتزللت ليهم علشان لسه صغيره اخويا ضربني
جوري في الوقت دا كانت في أصعب حاله ليها
اثر فضل يهديها وحب يلطف الجو
اثر : ياختي قمر وانتي بتعيطي بس وانتي بتضحكي احلى
جوري ضحكت علي طريقته
اثر : اهو اهو شوفتي وانتي بتضحكي قمر ازاى
جوري بكسوف : بس بقا🙂
اثر : حبيبي المكسوف بقا بصي بقا ياستي بكرا ان شاءالله احنا مسافرين تمام عايزك تنسي اي حاجه حصلتلك انا معاكي وفي ضهرك اياكي وإياك الخوف ارمي كل حاجه عليا
جوري اكتفت انها حضنته
اثر : طب ايه بقا مش هاننزل نتغدا علشان لو فضلنا كمان شويه هاعمل حاجات هاموت واعملها
جوري فهمت اصدي ومسكت الريمود اكنه مسدس
جوري : يالا ننزل ناكل بدال ماضربك بالمسدس
اثر ضحك علي طفولتها
ورفع ايده لفوق باستسلام
اثر : يالا ياباشا ونزلوا تحت
جوري جايه تقعد جنب اثر
ناديه: ايه القرف دا انتي ازاى تقعدي جنب اسيادك يابت
اثر : انا حذرتك مره تمام دي مراتي مش حابه القاعده تقدري تروحي في اي حته ومسك ايد جوري
وفاجاه
مجهول: اثر
اثر بصدمه
ياتري مين المجهول
والله علي سفر ومارضيتشي ازعلكم وكتبتلكم البارت لو لاقيت تفاعل قمر زيكم كدا هانزل البارت اللي بعده بليل 🥰🥰لو التفاعل مش حلو هانزله بكرا
