اللّه اكبر..
اللّه اكبر..
ارتفع صوت اذان الفجر..وقفت علي حيلا ومسحت وشها..كانت متجهة علي الحمام وقفت لمن سمعت صوت طرقات الباب..اتجهت عليهو عشان تفتح..افتكرتها سمر لأنو الوحيدة الممكن تجيها..
فتحت ورجعت لورا خطوة لمن لقتو محمد..
محمد كان منزل راسو رفعو وعاين ليها..
قال:ممكن نتكلم؟!
حركت ليهو راسها نظام لاا وكانت عايزة تقفل الباب..ثبتو بي يدو..
فكت ليهو الباب ورجعت لورا..
محمددخل:شيرييين..اسمعيني
رجعت لورا:م دار اسمع شي
محمد جراها:شريييه
شيرين:داير شنو..صح د العايز تصل ليهو؟!تذلني وتكسرني؟!
محمد:م دار اذلك..ولا هاين علي البتعمليهو في نفسك د
شيرين لزتو:لو م هاين م كان قلتا عايزني من البداية..انت اصلا عارف انو عمو ح يجبرني عليك
محمد:م كنتا عارفاك ح تعملي في نفسك كد..شيرين انا بحبك..وعايزك تحبيني وتعرسيني بي رضااك
عاينت ليهو..قال بحبها ولا هي بتخيل ليها؟!
محمد تابع كلامو:انا م ح اعرسك جبر..لو م عايزاني ح واقف..بس قبل تاخدي قرارك عايزك تعرفي اني بحبك شديد..والحركاتي الكنتا بعملا ليك د كلها حب م اكتر..واني م بتهون علي دموعك ومستعد اعمل اي شي في سبيل اوقفها..حتي لو كان الشي د اني الغي العرس
عاينت ليهو..
مسك يدينها الاتنين ودنقر راسو:بس والله م بقدر اعيش من غيرك..وم بقدر اجبرك تعرسيني
بقت تعاين ليهو..
رفع راسو:شيرين انا بين نارين..ساعديني وقربيني ليك
بلعت ريقه ا وم عرفت تقول ليهو شنو..
محمد:ح اخليك تفكري لي بكرة..لو واقفتي اطلعي مع سمر وخالتك السوق جيبو الشيلة ولو رفضتي..خليك في غرفتك
عاينت ليهو..
محمد:بس وانتي بتفكري في الموضوع..ختا ليها يدها في قلبو..اتذكري د..ح يموت لو بعدتي عنو..اتذكري رجفة صوتي وانا بترجاك انك توافقي..اتذكري كمية المشاعر الانتي شايفاها في عيوني دي
جرت يدها منو وهي بتعاين لي عيونو البلمعو بالدموع..
قالت:لو عرسنا م ح تقرب مني ولا ح تجبرني علي حاجة؟!
محمد حرك راسو نظام لاا:عمري م ح اجبرك علي حاجة ولا ح اخلي زول يجبرك علي حاجة..شوفي راحتك وين واعمليها..حتي لو علي حساب راحتي
حركت ليهو راسها نظام طيب..
ابتسم:خايف شديد انك ترفضي..بس الخوف احسن من شوفتك بتعذبي في روحك كد
زحت لورا خطوة..
محمد عاين ليها مسااافة:حياتي بين يدينك
اتلفتت علي الشباك..وهو طلع من غرفتها..
عاينت لل باب وهو بقفل..قعدت في السرير براحة..د محمد؟!..بحبها؟!..واترجاها عشان توافق بيهو؟!..كان ممكن يتم العرس من غير ما يتلفت عليها بس موقفو د دووب قلبها وكسب حنيتها..
قال انو حياتي بين يدينك وقال انو م بعيش بعيد منها..حنيتها معروفة وكل الناس تشهد بيها..مستحيل تقسى عليهو..
د كان القرار الاخدتو بعد صلت الصبح واستخارات..
التاسعة والنصف صباحاً..
سمر عاينت ليها مساافة وضيقت عيونها:انتي جادة؟!
شيرين:اي جادة..قومي عشان نطلع بعد د خالتو بتكون وصلت
سمر وقفت جنبها:انتي كويسة؟!
شيرين زحت واتجهت للتوليت:كويسة ي سمر..اطلعي عشان م نتأخر علي خالتو
سمر عاينت ليها مسااافة:اوكيييه..مسافة البس بس
واتجهت علي غرفتها عشان تجهز..وهي متحييرة..امبارح القريبة دي شيرين كانت كاتلة روحها بالبكا..الليلة من الصباح تقرر تمش السوق؟!..يمكن رضخت للواقع ويمكن اقتنعت انو محمد ود عمها احق بيها من اي زول سواه..
