بعد مرور شهر..
الحادية عشر مساءً..
قصر راشد الدمنهوري..
استعدل ف قعدتو لقدام وقال:طيب ليهو شهر لحدي هسي..ليه قاطع الحركة؟!
محمود وهو بهز ف رجلو:ح يتحرك..بس محتاج وقت النجاشي بحسب خطوتو قبل يخطيها
محمد عاين ليهو مساافة:يخ نحنا نمش الحتة الورانا ليها الحسن قبل يموت..متأكد ح يكون هناك
محمود:تؤ..م ح يكون هناك..لأنو عارف الحسن مات واكيد ح يكون ورانا مكانو قبل يموت..هو م غبي عشان يرجانا فيهو
محمد عاين ليهو مسااافة:والحل؟!
محمود عاين ليهو:نرجاهو لمن يطلع.. ابتسم بالجنبة..لاحقين شنو؟!
محمد اتنهد وهو بعاين ل ريتا البدت تخت الصحون ف الصفرة..
شيرين وسمر جو نازلين ختو معاها باقي الحاجات وقعدو ياكلو كلهم..
بعد اكلو وكد سمر ومحمود طلعو..مازن طلع معاهم عشان يقدمهم..
سمر وهي ماشة جنبو:خلاص يعني خلصتا التسجيل؟!
مازن:فضل لي البطاقة استلمها بس..وممكن زاتو استلمها بعد ننزل
سمر:ح تنزلو قبل العيد؟!
مازن:لا لا قبل العيد مف طريقة..بعد العيد
سمر:اي العيد فضل ليهو 4 يوم
محمود عاين ليهم..
سمر عاينت ليهو:جا بسرعة صح؟!
حرك ليها راسو نظام اي:كنتا ناسيهو عديل
مازن ضحك:السنة دي ح يكون عندنا خروف زايد
محمود عاين لسمر عشان ردو فعلها شنو..
سكتت وفتحت باب العربية ركبت..
محمود ركب..
مازن لوح:يلاا
سمر:يلاا
ومشو..
وصلو ف سكاات..
محمود قعد ف الجنينة وهي طلعت استحمت وكد..
في حتة تانية..
مضلمة غرفتها وشغالة بتلفونها واكيد بتتفرج ف صورو..
شافت صورة ليهو كاتب فيها..
"برلوم الرباط"
ابتسمت..شالوهو الرباط يعني..
اتنهدت..ح يخش الجامعة ويتعرف ع بنات وكد..ح ينساها..هه كأنو هسي متذكرها يعني..
امها جاتها داخلة:شفق؟!..المصحيك لي هسي شنو؟!
عاينت ليها:خلاص اهو نمتا
وختت تلفونها ف الشاحن ورقدت نامت..عشان تصحى لي بكرة المدرسة..اخر يوم ومنو اجازة العيد😴
قصر حفتر..
قاعدة ف الصالة وبتتكلم بالتلفون:لا ي شرييه..مام عديل..كفاية امبارح رسمتا بسببك وانا اصلا م داخل لي ف راسي
شيرين:سمر يعني دار تقعدي غبشة؟!..المفروض تكوني مرة مجيهة
سمر:مرة مجيهة في حالة معرسة البحبو وراضية عن الزواج..لكين في حالتي دي م مفروض اي شي
شيرين:والخلاهو م مفروض شنو؟!
سمر:لأنو انا ومحمود م ري المعرسين الطبيعين
شيرين:عشان عورة..مهما كانت الظروف الجبرتكم تعرسو المفروض تكونو اتجاوزوتها وعرستو زي الناس والخلق
سمر:شبه اتجاوزنا..بس م ظنيت نعيش زي الخلق والناس
شيرين اتنهدت بقلة حيلة:خليتك ي سمر..راسك حجر
سمر:اي خليني عليك الله..انا ادري ب حالتي
شيرين:تمام..محمد جا زاتو اقطعي وشك
سمر:امشي ي قليلة الادب
ضحكت:يلا يلا
وقفلت..سمر اتنهدت وهي
بتعاين للرسمة الرسمتها امبارح بسبب اصرار شيرين..
الثانية صباحاً..
جا داخل الغرفة..عاين ليها وهي نايمة..
ابتسم ومشا رقد ف الكنبة..فكرة انها مرتو..نايمة ف سريرو دي براها مريحة حتي لو م رقدت جنبو..
