هذا واحد من جماعتي يسولف...
يگول چنت احبلي وحدة بمنطقتنه بس هيه مو بحالي.
واهلها ناس الله موفقهم واني اشتغل بمكتبه ابيع كتب ومحد يشتري😂
يگول اكثر من مره خطبتها وابوها يطردني من الباب وهيه اتريد من مستواها .
لحد ما تعبت منها وقررت گلت مثل ما شلعو گلبي اريد اطيح صبغهم واغسلهم
يگول اكو بصفي سيد يبيع كتب ويقرة كتب شعوذه ماضال خيط براسه رحتله وسولفتله سالفتي.😭
گالي شغلتك يمي بس تكلفك 500 الف گتله اريد الله ما يوفقهم وكون يطگهم الفگر ويصيرون انگس من حالتي😁
يگول وره يومين جابلي بيضه مال افعئ (حيه) وگالي هاي تروح تكسرها بابهم بعد مايشوفون التوفيق بحياتهم ايگول خذتها ورحت بليل وكسرتها بابهم ورجعت
گلت بعد چم يوم يجوني يتوسلون ويقبلون بية
وره يومين يگول الصبح سمعت هوسة طلعت لگيتها من بيت الابنيه گلت والله هذا السيد بالمچان طلع
تقربت من يمهم اريد اعرف شنو سالفة گالولي ابو فلانه اليوم مشتري سيارة جكسارة وبنفس الوقت اخوها طلع اسمه بالنفط تعيين😂😂😂
يگول گعدت باب الحوش مدري ابچي على الجكسارة مدري ع 500 الخذاها السيد المسلوت 😂😂😂
#المايضحك هذا يروح دكتور نفسيه عيادتة بصف مكتبة السيد،😅😅😅
