شلونكم بعد چبدي ❤️
ضوجة واريد اسولفلكم سالفة قديمة 😂😂
گبل لا تجي كورونا والتدريس الألكتروني أبن خالي چان طالب مرحلة اولئ ادارة واقتصاد ف بيوم من
الايام خابرني بليل گال علاوي ماعندك جل(مثبت شعر) كتله لا والله ليش گال باچر دوام وماعندي
والمحل معزل اليمنه ف گتله تعال يمنه مرة چبيرة جيرانه عدها دكان ازغير اتبيع بي للجهال كتله تعال
خلي نروحلها بلكت عدها😂 ف اجاني رحنى بليل ضلمة هندس صحنه طلع ابنها گنالة اخيك فتح المحل انريد جل گال ماعدنه گنالة دجيب المفتاح
تعذرت وحدك خلي انشوف والله راح جاب المفتاح واجه دورنه چان اشوف فوگ الرف (جل)هذا ابو ألف
الاصفر گتلة مو هذا واحد گال والله اول مرة اشوف امي تبيع منه ماعدنة المهم🥴 خذا انطينا ألف ورجعنه نتمشى اني ويا چان يصير صوت بالقوطية
گتلة ولك خاف يابس هذا گال شو افتح ضوه موبايلك علية وهنا لو ما فاتحة اتمنيت😂 وحق
كلام الله ضويت چان يطلع فچ مال اسنون الحجيه مخليته بالقوطية وخالة بي ماي وتضمه بالمحل
ماسولفلكم الخرعة مددت بالشارع من الضحك😂😂😂 رجعنا للولد گناله خوية انريد انرده گال ليش گتله اذا خذنا هذا الجل امك الصبح تاكل بس شوربة😂😂
لليوم من انروح نشتري منها كلشي نشتري بس چبس ابو الهدية ما ناخذة خاف ضامته بي😂😂😂
علي الحسناوي
