اليوم اريد اسولفلكم سالفه قديمة اتضحچ صدگ
قبل چانت ماكو عدنة مولدات مال منطقة كل بيت عندة مولد ازغيرة ف احنى چانت عدنه مولد الله وكيلكم مو مولد اتگول ست البيت😁تشتغل نفط بانزين ف بيوم المولد هلكت رفست من التعب خذناها انجفتها ف أبوي كون يجونه خطاطير هواي شاف السالفة وجعانه راح اشتره مولد جديد وجاني كون ابو حسين فهيم بالمولده گالي بويه عليوي هاي الجديده اتشغلها بس على البانزين والقديمة اتشغلها ع النفط واذا رجعت رفست شغل الجديده گتله خوش ف اني شغلت عقلي گعدت بالمضيف افكر وياريت ممفكر😂😂😂گلت ليش ما اشغل القديمة ع الماي حتى اوفر على ابوي الخساير .ماطول عليكم السالفه رحت للمولده گلت هاي اذا اشغلها گبل ع الماي تحترج وتشعل اهلي 🥴خلي اليوم اخلي بيها دولچة ماي واذا بلعتها باچر اكثر الدولچة المهم عبيتها نفط ودرت الدولچة مال الماي شغلتها اشتغلت لان چان نازل نفط بيها بعدها ما شافطه الماي رحت ركض طفيت الغراض ومكيف اول ماجيت اريد ارفع الجوزه اوصل كهرباء وهنا الكارثه
الله وكيلكم انفجرت ابوجهي كل برغي راح بمچان 🥺🥺 اجه ابوي گال هاي شلون گتله هذا المصلح منعول الوالدين ممصلحها عدل لان ابوي بيها چان ضايج من شغلة واذا اسولفه سوايتي يطبع العگال على ضهري والله خذتلها السالفة سبوع اجيت لگيت ابوي يباوع فيديو مال واحد عجمي مشغل سيارته على الماي گال لعد شبيك اثول ماتسوي مثله 😁اني گلت اجت والله جابها سولفتله سوايتي گتله بس انفجرت لان المولده قديمه خلي اجربها على الجديدة وتنجح گام يهز براسه گال ربي شمسويلك وتشمرلي هاي الفروخ ادري حاش الجت مال طليان يعقوب لو زارف السفينه مال نوح وبسل العگال 😅وعلي يومين اني انام على بطني من الوجع..😂😂😂
#تحذير لا تجرب هكذا أمور في المنزل وخاصة اذا عدكم عگال بالبيت😅😅😁
#علي_الحسناوي
