شلونكم بعد چبدي اعتذر عن الانقطاع بس والله يعني القصة ماعرف الشخص بعد ما انطاني تكملة بسبب ضروف خاصة وانشاء الله راح من باچر نرجع بقصص من الخاص💔 وقبل ما نبلش احب اسولفلكم سالفة المسدس شنو 😂
.
.
بيوم من الايام بليل احنى نبقى گاعدي الوقت متأخر بليل ف سمعت صوت ع السطح واحد گاعد يفتح
سرگي البيتونه ف اجيت الامي گتلها انطيني اسلاح ف هية ماقبلت تعرف بية مشلوش مال سلاح اذا ارمي حتمال اكتل حتى اهلي 😂 ف صعدنة اني
واخوي للسطح وسوينه صوت هنا الحرامي طفر
من نزلنة گتلهم ليش ماتنطوني السلاح گالت والله لو يبوگنه يمة مانطيك السلاح وانت بالصالة تگوم ترمي
😂 گتلهم خوش چا اني باچر راح اشتري مسدس الي ومحد اله علاقة بي رحت ثاني يوم من ولد
صاحبي اشتريت مسدس بس (صوتي) وجبت ويا طلقات گتلهم هذا بس صوت يعني مايخوف المهم مرت الايام اني مخلي بغرفة ابوي يم راسة وچنت
نايم بالمضيف سمعت صوت مال چلاب تنبح اني لحد هسة ما رامي ولا طلقة بالمسدس گلت خلي اگوم هذا ايجوز حرامي 😂 رحت اركض للغرفة مال
اهلي نايمين سويت صوت حتى يگعدون چنت اخاف الصدگ گلت لا يحمسني راجدي ويبوگ البيت واهلي نايمين ابوي فز گال شكو گتلة نام سمعت
صوت برة الحوش وخذت المسدس ابوي خو ما يضل نايم طفر وياي فتحت باب الحوش وسحبت المسدس اريد ارمي بالجو حتى عود يسمع الطلقات 🥴 رفعت ايدي ورميت چان ما يضرب المسدس
(دگست) يعني طلعت الطلقة تالفة ابوي يباوع علية سحبت الثانية رميت هم (دگست) والثالثة والرابعة نفس الشي😂 ابوي باوع علية گال ابن النعال
الحرامي هسة نايم بيتهم وانت ولا طلقة ثارت امشي طب جوة وباچر ترجع المسدس لا وحگ الحسين اشمرة بالشط اخلي السمچ يرمي بي 😂
المهم صبح الصبح گاعد نتريك لگيت ابن اخوي لازمة بيدة گتلة ولك جيبة لا يرمي ويعورك ابوي
باوع علية گال ما تنچب ولك امس للفجر انت ترمي الجيران گعدها الحرامي ومسدسك ما رمه خلي الفرخ يلعب بي وتزقنب 😂😂
😂😂😂
انتضروني باچر بقصة من الخاص واليضحك ترا المسدس موجود بعدة لا تخلوني اتهور 🥴
#علي_الحسناوي
