حبي وعشقي الابدى

الفصل الرابع

حبي وعشقي الابدى
البارت : الرابع
مايا: ايوا هنا حلو اووى وعلق الزينه هنا وعند الاوض
تيا: مامي حلو الفستان دا
مايا : تحفه يقلبي يلا روحى اجهزى بقا عشان الحفله قربت
تيا: اوكي
سليم: مايا بتعملى اى
مايا: بنفخ بلالين انفخ معايا
سليم : وأنا مالى انا بل الحاجات دى انا خارج نص ساعه وجى
مايا : لا بتهزر انت قولت انك اجازه رايحه فين
سليم : هرجع واقولك سلام
مايا : ي سليم استنا يوووه بردو سبنى وخرج 
  ناديه : مالك يبنتى بتكلمى نفسك ولااى
مايا : ابدااا ي ماما
ناديه:سليم  مزعلك بردو
مايا : لا خالص بس راح مشوار
ناديه : انا عارفه انك بتخبي وديما بتكدبي عاليا ومتنسيش انك بنتى مش مرات ابنى
مايا : عارفه ي ماما والله عن اذنك هشوف تيا
***********************************
طارق بزعيق: وانا قولت مافيش نزول بل الزفت دا ي روقيه
روقيه كانت لبسه فستان بحملات عريضه  ويوصل لى ابل الركبه وضيق جداا
روقيه:ممكن اعرف بتزعق لى الفستان حلو اووى
طارق : انتى بتسمى قمصان النوم دى فساتين انتى اتهبلتى ولا اى همشي بيكى قدام الناس كدا ازاى  متقولى حاجة ي ماما عزيزه
عزيزه: روقيه خطيبك عندو حق
روقيه : مامالو سمحت اولا ي استاذ طارق مش بنزل بى قمصان نوم دول فساتين ولو انت مش شايفهم كدايبقا دى حاجه ترجعلك وبعدين وهما الناس هيقولو اى يعنى واحد وخطبتو اى الكلام ف كداا وانا خلاص لبست وجهزت
طارق : تمام مدام انتى شايفه كدا يبقا مافيش نزول ي روقيه
روقيه : لا هنزل ي طارق ويلا عشان اتاخرنا
طارق : هنزل هستناكى خمس دقايق تحت قسمابالله لو لقيتك مش مغيرا الزفت دا اعرفى انى ليلتك هتبقا سوده عليكى وبيسبها وينزل روقيه بتدخل اوضتها بنرفزه يوووه كل حاجة معترض عاليها كدا اووف بجد
جنه: مالك ف اى
روقيه : طارق كل اما يشوفنى لبسه حاجة يقولى قاميص نوم لما كرهنى فيهم بجد
جنه بضحك : مهو عندو حق
روقيه : شوفى مين بيتكلم داانتى لبسه فستان مش بيلو حاجة  جنه كانت لبسه فستان كأن مفتوح من الضهر ومقفول من عند الصدر وضيق ونازل بي وسع لحد منتصف الفاخدين
جنه : مهو محترم اهو
روقيه : اها ماانا واخده بالى اطلعى بره عادل جه
جنه بتطلع تجري وروقيه بتغير فستانها وبتلبس واحد غيرو وبيكون لونو اجمر غامق بااكمام ضيقه  ومفتوح فتحه صغيره من عند الصدر وبيوصل لى اخر رجليها وبتفرض شعرها الاسود القصير الى بيوصل لى حد اكتافها وبتظبط الميكب بتاعتها وبتنزل لى طارق وسط نظراتو ليها وجمالها الى خطف قلبو وبتحط ايديها ف وسطها وبتقول حلو كداا ولا قميص نوم بردو
طارق مش بيرد عاليها وبيركب عربيتو وهيا بتنرفز اكتر وبتركب جمبو وبيبدا يطلع بل العربيه
طارق : متعصبه لي
روقيه : لااابدا وهو ف حاجه تعصب
طارق بضحكه: كل دا عشان مش قولت رآي وبيوقف العربيه مره واحده وبيقرب من روقيه
روقيه بتوتر: طارق وقفت لى هنتاخر
طارق بخبث: هقول رآى
روقيه : طارق اتلم واخلص خلينا تمشي
طارق بيقرب منها وبيطبع بوسه صغيره ع خدها
وروقيه بتبتسم بخجل وبتداري وشها بعيد عنو وهو بيبتسم وبيكمل سواقه
*************************************
عند عادل وجنه وكانو قربو يوصلو الحفله
جنه : ممكن اعرف هتفضل زعلان منى كدا كتير
عادل بيبص لى جنه وبيسكت
وجنه بتتكلم بدلع: طب خلاص انااسفه مش هقف اتكلم مع حد بعد كدا
عادل لسه ع سكوته وجنه بتنفخ بضيق وبيفضل الصمت بنهم لحد اما بيوصلو
************************************
مايا : سليم كل دا
سليم : معلش هلبس واجيلك
مايا : اوك
تيا : روقااا وبتجري ع روقيه وبتحضنها جامد
روقيه : كل سنة وانتى طيبه يقلب روقا
تيا: وانتى طيبه شوفتى كبرت وبقا عندى 8 سنين
روقيه  : وعقبال المليون يقلبي يلا غمضي عيونك
تيا بتغمض عيونها بطاعه
روقيه : فتحي
تيا: هييييييه العروسه الى كانت عجبانى
روقيه : ايوا حلوه
تيا وهيا بتحضنها: اوى اوى
طارق : مخلاص يبت كفايه احضان
تيا: لا هحضنها براحتى خاليك انت ف حالك
طارق : بت انتى لمى لسانك الى عايز يتبطر دا
تيا وهيا بطلع لسانها : لااا
طارق : كدا طب تعالى وبتطلع تجري وهو بيجرى وراها وسط ضحك الموجدين
روقيه : عامله اى ي مايا مع سليم
مايا : اهو الحمدالله
روقيه : طب الحمدالله ي حبيبتى
مايا : وراكى حاجة بكره
روقيه : اها مسافره شرم عندى مقابله مع السوياح وكدا لى ف حاجه
مايا : لاابداا اصل كنت عايزا انزل اشتري هديه لى سليم لاانى عيد الحب اقرب وكدا
روقيه بضحك :  بوصي عيد الحب فضلو اسبوع وانا كده كده كنت هجيب لى طارق معايا من شرم واكيد جنه وسلمى هيخولنى اجيبلهم معايا ف شوفى انتى عايزا تجيبي اى وانا اجللك معايا
مايا : خلاص هقولك بليل وانا عارفه انتى ذوقك حلو
روقيه : حبيبتى تسلمى
وبتدخل جنه عاليهم هيا وعادل الى واضح عالى الزعل وبعد اما بيسلمو ع بعض
جنه : تيا فين
وبيجى طارق من وراهم وهو شايل تيا ع ضهرو
وبينزلها
طارق : اهمدى بقا فرهديني
تيا بضحك: جنه واحشتينى
جنه : أنتى كمان ي روحى بوصي جبتلك اي
تيا : وااو جميله اوى
جنه : كل سنة وانتى طيبه يروحى
طارق وهو بيميل ع عادل: اتخنقتو ولااى
عادل : مش اوى بس انا ال. ضارب وش الزعل عشان اديقها
طارق : كتك القرف وانت عامل زيي
عادل بضحك : عيب عليك ي صاحبي وهما هيتجننو مننا من شويه
طارق : اهلا سليم شرف
سليم : اهلا ي خويا منك لي وبيفضلو واقفين مع بعض وسط هزارهم ومنقارتهم وبتنهى الحفله وكل واحدبياخد حبيبتو ويروحها بتها وعدا الليل  ع كدا
وجه تانى يوم معاد سفر روقيه وكانت صاحيه مستعده جدااا وكانت محضره  نفسها ولبست وباست اختها من خدها الى كانت غرقانه ف نومها
وخرجت بره
عزيزه : تعالى افطري الاول ي حبيبتى
روقيه : لا ي ماما مش هلحق
عبده: طب ي حبيبتى خالى بالك ع نفسك
روقيه :حاضر
وبتنزل وبتتفاج بي طارق واقف تحت البيت
روقيه : بتعمل اى هنا
طارق : يلا اركبي ونتكلم ف الطريق وبياخد الشنطه وبيحطها ف العربيه وروقيه بتركب وبيطلع بل العربيه
روقيه : مش قولتلى يعنى انك هتيجى توصلني
طارق : ومن امتا وانا بسيبك يعني
روقيه بحب: ربنا يخليك ليا
طارق : ويخليكى ليا يلا وصلنا
روقيه بااستغراب: اى دا مش طريق المطار
طارق : افطري الاول ونروح المطار يلا انزلى
روقيه :لا طارق بليززز هتاخر
طارق : انزلى وبطلى رغي خلينا نفطر
روقيه : ع فكره انت مستفز
طارق :عارف
روقيه :عااااااا يارب صبرني
وبينزلو وبيدخلو المطعم وبيفطرو
طارق : روقيه
روقيه : نعم ي حبيبي
طارق بخوف: اوعدينى انك تخدى بالك من نفسك
روقيه : حاضر يروحى مش تقلق
طارق : لا طبعا لازم اقلق انتى كل مره بتسافري بتكونى وخدا قلبي وروحى معاكي
روقيه : عارفه ي حبيبي واوعدك هاخد بالى ع نفسي ومن الشغل لى الفندق مش هكلم حد ولا هقف مع حد
طارق : ماشي يقلبي يلا خلصتى فطارك عشان مش تتاخري
روقيه : اها خلصت يلا بينا
*************************************
جنه كانت نايمه وعادل فضل يرن عاليها لحد اما صحيت
جنه بنوم: صباح الفل
عادل : صباح الجمال  ف عروسه تفضل نايمه لحد دلوقت
جنه بتقوم مره واحده : عروسه مين
عادل بضحك : كلها شهر واحد ودبلتك هتنور ف ايدك
جنه بفرحة : بجد
عادل : اها بجد اتفقت مع الحج  وحددتنا كل حاجه.
جنه : هييييييه انا لازم انزل اشوف الفساتين والميكب ارتست لازم اجيب جزا حاجه
عادل : اهدى ي مجنونه لسه العيال التانيه دول نخلص من كتب كتابهم ونشوف احنا هنعمل ايه
************************
عند طارق بعد اما وصل روقيه المطار وبيودعها
خدى بالك ع نفسك فاهمه
روقيه: فاهمه
وطارق بيحضنها جامد اوى وهيا بتتعلق ف رقبتو وبعد دقايق روقيه بتكرب الطياره وبتبدى شغلها
وطارق بيمشي يروح ع شركتو
طارق دخل مكتبو وسليم رحلو : عملت اى ف السلفه الى اخدها
طارق : قصدك السرقه
سليم : طااااارق هو حد قالك انى حرامى انا بس كنت محتاج الفلوس وع العموم اتفضل الفلوس اهى
طارق : تمام رجعهم الحسابات
سليم : طب مترجعهم انت
طارق : زى مخدتهم رجعهم ي سليم واها ف بضاعه هتتوزع انهرضه
سليم : فين
طارق : معرفش بس حسابتها وصلتلى من ساعه
سليم: تمام
وبيعدى بقيت اليوم ع الكل
وروقيه بتكون وصلت الغردقه وف اوضتها ف الفندق مع سلمى
روقيه : اوووف اليوم كان طويل جدااا اى دا سفر وشغل ف نفس الوقت ي ساتر
سلمي: ومين سمعك انا فصلت تعالى ننام احسن
روقيه : لا هخرج اتمشا ع البحر شويه تعالى معايا
سلمى : كان نفسي بس عايزاانام بكره بقا
روقيه : ماشي يختى
روقيه بتخرج وبتفضل ماشيه ع البحر ف عز الليل والهدوء وبتتصور كام صوره وبتبعتهم لى طارق وبتقولو: الجو دا محتاجك اوى
وبتقعد ع سخرا وطارق بيرن عاليها
روقيه : واحشتنى
طارق : وانتى كمان ي روحى  انتى ع البحر ولااى
روقيه : اها مخنوقه شويه قولت اطلع اتمشا
طارق : مالك ف اى
روقيه : مافيش حاجة والله بس يمكن انت واحشنى بس مش اكتر
طارق بضحك : اى يبت الرومانسيه الى نزلت عليكى فجا دى
روقيه : انا طول عمري رومانسيه ع فكرة
طارق : عارف يقلبي امال مش سامع صوت سلمي يعنى جمبك
روقيه : لاماهيا نامت وانا لوحدى
طارق بصوت عالى : وحياااات امككك مشالى ع البحر بليل لوحدك وف بلد كلها سواح واجانب روقيه خمس دقايق وتوصلى الفندق
روقيه : بس
وقطعها طارق: روووقيه الخمس دقايق بيعدو يلا وانا معاكى
روقيه فعلا بتروح الفندق وبتتدخل اوضتها وبعصبيه
انا هقفل وانام
طارق : طيب يلا مع السلامه
روقيه بتتغاظ منو اكتر وبتقفل وبترمى الفون بعصبيه: بنى ادم بارد ومستفز ورخم بس بحبو
وطارق بيقفل معاها: عيله حيوانه ومتخلفه ريحا تمشيلى ع البحر لوحدها
لمااشوفك ي بنت عزيزه
قال اى انا هنام م تنامى يختى هتقرفينى لى
بت هبله بس بعشقها 😂♥️
*************************************
وبيجى يوم جديد
وجنه بتنزل جمعتها وتقريبا عزمت الكل ع الخطوبه من ابل م تحدد مكانها اصلا بس حبها لى عادل خلها طايره من الفرحه
نوها : مبرووك واخيرا خلصنا من واحده وهنخلص من التانيه
هبه بتضربها ع كتفها: ومين قالك انك هتخلصي مننا ع قلبك يروحى وبعدين نصيحه منى اوعى تفكري ف الجواز
جنه : هبه لا ابوص ايدك طاقتك السلبيه العظيمه دى مش عايزا اسمع منها حاجة انا عروسه هااا عروسه
نوها بصوت عالى : لا ولا ولا ولا عندنا عروسه وانتو لا
وكلو بيقول وراها
لا ولا ولا ولا عندنا فرح وانتو لا
هبه : وهنترفض دلوقت ولا ولاولاولا
وفضلو كلهم يغنو وسط ضحكهم وهزارهم ف وسط الجامعه
**************************************
عند روقيه وسلمى ف شرم
روقيه : تمام ي فندم وان شاء ع بليل كل حاجة هتبقا جاهزه
سلمى : روقيه هننزل امتا
روقيه : ممكن دلوقت البسي وننزل نشتري الهدايه والحاجه
بقا كدا ي طارق ماشي عيد الحب بعد كام يوم وانت ولا معبرنى
سلمى: يختى اتنيلى وهو مين معبر التاني
روقيه : انا وطارق غير اى اتنين
سلمى : عادى يعنى زيكم زى اى اتنين مخطوبين
روقيه بحب: لا طبعا انا وطارق حبينا بعض من اربع سنين من يوم م مامتو وماما بقو صحاب وف مره شوفت طارق بل الصدفه سعتها بس حسيت انى لقيت الشخص الصح وهو كمان وحبينه بعض من اول نظره واول م لمس ايدى وسلمت عالى حسيت انى قلبي هيطلع من مكانو
ويوم م جه اعترفلى بحبو ليا حسيت انى طايرا مش ع الارض واول م دبلتو لمست ايدى اخد عهد ع نفسي انها تكون اول واخر دبله تدخل ايدى  انا ولا بحب طارق ولا بعشقو انا مش لقيا وصف لى حبي لي
روقيه خلصت كلامها ولقت سلمي مسكه فونها وحطا قدامها
روقيه : تصدقي انك مهزقه عشان عماله اتكلم معاكى وانتى عماله تلعبي ف الفون
طارق : قلبتى لى ماانتى كنتى ماشيه كويسه وكنت هشغلك عمرو دياب دلوقت
روقيه بصدمه: انت رنيت عاليا امتا ولاانا فتحت ازاى
سلمى بضحك : لا انا الى رنيت عالى وهو سمع كل حاجة  بس اى يبت الرومانسيه دى
طارق : ايوا طبعا يبنتى انا مراتى مافيش منها ااتنين
سلمي : طب اسيبك مع مرااتك بقا واخلع انا
طارق : ساكته لى
روقيه بكسوف: لا عادى هقول اى
طارق : كملى الى كنتى بتقولى يقلبي
روقيه : لا خلصت خلاص
طارق : متاكده
روقيه : اها ويلا بقا اقفل مش فضيالك انا
طارق.: هو انتى يبنتى لى ديما فصلان كدا متعرفيش تبقي رومانسيه عشر دقايق ع بعد
روقيه بضحك : لا مش بعرف يلا سلام
طارق : سلام يختى
وتانى يوم روقيه رجعت القاهره وعدا تلات ايام كمان وجه يوم ال valantain
طارق : طب اخلصي يلا كل دا بتجهزى
روقيه : حاضر خلاص نزله اهو وبتنزل روقيه ومعاها بوكس وبتحاول تتداري
انا جهزه هنروح فين
طارق بيسرح ف جمالها : هاه اها اركبي مفاجا
روقيه : مفاجا اى
طارق بهدوء: ممكن مسمعش صوتك لحد اما نوصل
روقيه باابتسامه: حاضر

بقلم : سوما محمد ♥️