حبي وعشقي الآبدى
البارت : التامنه عشر
عادل خرج من المستشفي وحالتو بدأت تتحسن وجنه بدأت ترتاح وترجع لى حياتها الطبيعيه
وبعد حوالى ست شهور
روقيه وهيا واقفه قدام المراية ومصدومه من شكلها وبطنها الى خلاص ع وش الولاده ف اى وقت ووزنها الى زايد
وطارق بيحضنها من ضهرها: حبيبتى سرحانه ف اى
روقيه: حسا انى كعبرت حبتين ي طارق
طارق : لا ي حبيبتى مش تقولى كدا قولى حبتين تلاته اربعه دا انا مبقتش اعرف انام جمبك ي روقيه
روقيه بتزوقو: بقا كدا طب عند فيك هتنام بره انهرضه
طارق: نعم ي حتى داانا اعملك قتيل ف الشقه هنا
روقيه بضحك: هو انا مجوزه واحد من المطبح
طارق: هو كدا اذا كان عجبك
روقيه بتضحك وبتحط اديها ع بطنها بتعب وطارق بيقرب منها : مالك ي حبيبتى
روقيه: ابدا بنتك عماله تضرب فيا بس
طارق بيحط ايدو ع بطنها: قلب بابا انا هنا جمبك ممكن مش تتعبي ماما كلها ايام وتيجى ي حياتى
روقيه بتبتسم بحب وبتحس برآحه لانى ببساطه من يوم م حملت وكانت بتتعب اول م طارق بيحط اديها ع بطنها روقيه بتهدا وكأنى البيبي بيكون عايز يطمن انى طارق معاهم وجمبها
روقيه بحب: طارق بنتك شكلها هتطلع محترمه بتسمع كلامك من وهيا ف بطنى لسه
طارق: والله مظنش ممكن تبقا بتسمع كلامى وهيا ف بطنك بس لكن اول م تيجى هتطلع عين امى زى أمها كدا
روقيه وهيا بتحط اديها ف وسطها: مالها امها بقا
طارق بضحك: حته من قلبي
روقيه:لا سبتنى
طارق: عيب عليكى داانا أبو التسبيت داانا كنت بسبت وبيحط ايدو ع بوقو وبيحس انو عك الدنيا
ليلتك مش معديا ي طارق
روقيه: كمل سكت لى
طارق: ابدا ي روحى كنت بقول انى بحبك وكدا
روقيه بصوت عالى: يعنى انت كنت بتسبت نص البناات ي خاين ي واطى بقا انت كنت بتخونى وبتلعب بيا
وتكدب عاليا ي جبان
طارق بصدمه: ي نهار اسود خاين وو طى ويلعب واتسلا بيكى وجبان وكداب انتى مجنونة يبت داانتى بنتك قربت تطلع من زورك
روقيه : اتريق اتريق ماانت خاين وجبان
طارق: يادى النيله ممكن تبطلى كلمت خاين دى عشان مش بحبها
روقيه: ماانت الى بتقولى اهو عيزنى أقولك اى
طارق: ي عبيطه دانا بنكشك
روقيه: ي راجل استهبل استهبل
طارق بضحك: والله ابدا كفايه نكد بقا
روقيه: مش عارفه حاسه انى من ساعت م حملت بقيت نكديه سيكه
طارق بيهز راسو بذهول: قولى تانى كدا
روقيه بقلت فهم: ف اى
طارق بصوتو كلو: مين دى ي مه الى نكديه سيكه وحمل مين دا داانتى من ساعت م تولدى وانتى بيحري ف دمك النكد داانتى جننتى امى نبقا ماشين كويس وفجا القا ماصورت هرموناتة النكد طفحت ف وشي قال سيكه قال ونبي اتلهي داانا خايف ع بت منك وبيرفع ايدو وبيدعى لى ربنا : ياارب ونبي يارب خلى البت تطلع زيها ف كل حاجه ال هرومانتها دى
روقيه وهيا ميته ع روحها من الضحك: بس ونبي مش قادره اهاا الله يخربيتك بقا انا نكديه ي طارق اخس عليك
طارق: لا ي روحى ابدا انا الى هرومانتى متركبه غلط
روقيه: اهااا ي بطنى 😂
طارق بضحك: بس بحبك اعمل اى بقا نصيبي
وف سرو نصيب اسود
روقيه:بتقول حاجة ي حبيبي
طارق: ابدا ي روحى
روقيه: امممممم طب يلا أطلع بره
طارق بذهول: اطلع بره فين حضرتك
روقيه: بره الا وضه انا قولت مافيش هتبات بره انهرضه
طارق: ياااااارب ارحمنى يااارب ياارب انا عملت اى ف حياتى عشان ترزقنى بوحده مجنونه وبتتقلب المزاج كل ساعه هرومانتها ع طول طفحه ف وشي
روقيه: هموووت بجد😂😂
*********************
عند سلمى وذياد
ذياد: مالك ي لو ما قعده ساكته كدا من امتا الهدوء دا
سلمى: ممكن أسألك سوال
ذياد: ف اى قولى
سلمى : هو انت مش عايز أطفال
ذياد: مين قال كدا داانا بموت ف حاجه اسمها أطفال داانا نفسي اجيب منك عشرين طفل واملا البيت عيال
سلمى بحزن : امال مش سألتني لى انك عايز او اتاخرنا ف الحمل لى
ذياد: انا سيبك براحتك قولت يمكن مش عايزا تخلفى اول م نتجوز كدا وبعدين اناخرتى فين احنا بكره هيبقا بقالنا سنه متجوزين ع فكره
سلمى بفرحه نستها الى كانت بتحكى فى: انت فاكر عيد جوازنا
ذياد: طبعا ودى حاجة تنسي ولااى
سلمى:اصل افتكرتك نسيت فعلا
ذياد : انا انسا الدنيا كلها وانتى لا ي روح قلبي هاه بقا ي ستى خلاص ققرتى تجيبي بيبي يعنى
سلمى بحزن بان ع وشها و ذياد حس بي : مالك ي سلمى فى اى ي حبيبتى
سلمى مقدرتش تمسك نفسها اكتر من كدا وانهارت ف حضنو وذ ياد بيهديها: سلمى اهدى وتبي
سلمى بعياط: انا ممكن مقدرش أخلف ي ذياد انت ممكن تتحرم من الأطفال بسببي
ذياد بصدمه: انتى بتقولى أى ي سلمى
سلمى: اول م اتجوزنا بعد أربع شهور ولما عرفت انى روقيه حامل حبيت اوى انى أكون ام وحسيت بشعور اول مره احسو ف حياتى
وبدأت أتابع واعمل تحاليل وكل مره كانت النتيجه سلبيه وكانت الدكتوره بتقولى انتى لسه عروسه ومش أقلق وممكن الحمل بس هياخد وقت ف البدايه وكانت ديما تهديني لحد الأسبوع الأسبوع فات شكت انى ف حاجه فعلا وخلتنى اعمل تحاليل معينا وبعياط يعنى انا ممكن معرفش أخلف ي ذياد عااااااااا
ذياد بحزن ووحع بيحاول يداري: اهدى ي حبيبتى ان شاءالله مش هيكون ف حاجه وحتا لو فى هنعدى المرحله دى سؤا وتتعالجى مش تخافى انا حاسس انك هتحملى وتبقي اجمل واحلا ام ف الدنيا
سلمى بعياط: يارب يارب
*********************
عند عادل وجنه وهما ف البيت عند جنه
عادل: هاه أخبار الدراسه اى ي هانم
جنه بكدب: فل الفل حاجة كدا ف منته الذاذه
عادل: واضح واضح كان عندك محاضرات محاضرات انهرضه بقا
جنه: هاه بتقول حاجه ي حبيبي اها صح عامل اى ف شغلك
عادل: والله انتى شايفه كدا انك هتتهربي من الكلام يعنى
جنه: ابدا ريح نفسك انا مش فاهمه حاجة ف اى حاجه انا قولت ودونى ع بيت حبيبي محدش سمع كلامى
عزيزه: دا ع اساس يبت انك فالحه ف حاجه عشان هتفلحى ف الجواز
جنه: يستى جربو بس وانتو هتلاقونى فلحت
عزيزه: اها ماانا عارفه
باامرت البيض الى بتحرقي والبطاطس الى مش بتعرفى حتا تقشريها
جنه : اى ي ماما الفضايح دى مش كدا منور ي عادل
عادل بذهول: نهارك منيل انتى مش بتعرفى تتطبخي امال فين داانا انهرضه
سنيت مكرونه بشمل اى ولا داانا انهرضه عملت كيكه تحفه كنتى بتحورى عاليه
عزيزه : طب استأذن انا بقا ي ولاد واسيبكم ع راحتكم
جنه: بعد بعد بعد بعد ي ست الكل روحى الله يسامحك هتصرف ازاى دلوقت ف الفضيحهة دى
وبتسكت شويه :حبيبي اعملك شاى.
عادل: اها صح مهو دا بس الى بتعرفي تعملى إلا قوليلى ي جنه لما نتجوز هتاكلينى اى
جنه: اى يروحى مهو ربنا خالق الدليفري لى
عادل: اها اها وما لو اوعى ي جنه من وشي عشان متغباش عليكى
جنه: وانا عملت حاجه ي عادل الله ماانا الجامعه واخده وقتى
عبده بيدخل عاليهم: دا ع اساس انى المذاكرة مقطعه بعضها يبت
جنه: اى ي والدى م كفايه الحجه ولا انتو متفقين عاليا ولااى انهرضه
عبده بضحك: اها عارف ي عادل انا لو منك افركش الجوازه دى واخلع.
عادل: عندك حق والله
جنه وهيا ع وشك العياط : بقا كدا ماشي ي عادل ال انت شايفو وبتسبهم وتدخل اوضتها وسط ضحك عادل وعبده
عبده: اى انت هتسيبها كدا ولااى
عادل: الصراحه آهة بفكر أطلع ف دماغها انى هبعد عشان تتلم وتتعلم المسئوليه شويه وتبدأ تركز ف دراستها والبيت
عبده: معاك حق وانا كمان هيدا ارخم عاليها عشان تعرف يعنى اى مسئوليه وجواز
عادل ف سرو: معلش ي حبيبتى عارف انى هوجعك
وهتفضلى تعيطى بسببي بس دا لى مصلحتك.
سمحينى
*********************
عند سليم ومايا
مايا وروقيه عرفو أنهم حوامل ف نفس اليوم لكن
روقيه المفروض انها هتولد ابل مايا بي أسبوع
مايا هيا بتكلم البيبي: عجبك كدا شوف الساعه بقت كام وبابا لسه مجاش عيزاك لما
يجى ترخم عالى ماشي
مايا بتبتسم وبتفكر اليوم لى عرفت ف انو ولد واد واد كانو مبسوطين وبذات تيا الى كانت ديما نفسها ف أخ مش اخت
سليم بيدخل عاليها: معلش ي حبيبتى بس كان عندى شغل والله ولسه مخلص
مايا بتمثل الزعل: تفرض ولد دلوقت هتقولى شغل بردو
سليم: اولا انا لو ورأيا اى وانتى م حتاجانى تكون معاكى ثانيا انتى لسه مش هتولدى دلوقت ثالثا والأهم حبيب بابا اخبارو اى
مايا : زعلان منك
سليم بيقرب من بطنها: واناااقدربردو ع زعلو انااسف ي حبيبي مش هتاخر عليك انت وماما تانى مايا: اتعشيت
سليم: لا خليكى وانا هحضر ونامى مش تتعبي نفسك
مايا: لا مانا هحضر عشان مش اكلت مستنياك
سليم: مايا آخر مره تعمليها انا يتأخر ف الشغل متخلنيش اشيل ذمبك انتى وابنك
مايا: حاضر يلا انا هجيب العشا هنا
*********************
وبيعدى الليل ع الكل
وبيحى نهار يوم جديد
عند طارق وروقيه
روقيه بتصحي طارق: حبيبي يلا اصحه كقايه نوم
طارق بنوم: اممم شويه وقايم
روقيه: لا قوم دلوقت إلا قولى ي طارق انهرضه كام
طارق: يبنتى عندك النتيجه والفزن جايه تسالى ع الصبح ف دماغى لى.
روقيه بعصبيه: الله انا غلطانه انى بسال ع العموم انهرضه 15 ف الشهر
طارق: اها
روفيه برفع حاجب: هو اى الى اها كتك اوا
طارق: لمي لسانك ع الصبح عشان مقطعهوش
روقيه: طب اليوم دا مش ب يفكرك بحاجه
طارق: لا لي
روقيه بزعل: لا ابداا قوم يلا عشان نفطر
ويتسيبو وبتروح ع المطبخ وهيا متعصبه اوى
وبنقطع ف الخيار: اها وانتى فاكره انو هيفتكر ولااى فعلا صدق الى قال الحب بينتهى بعد الجواز
والراجل بيتغير ماشي ي طارق انا هعرفك ازاى تنسا عيد جوازنا ماشي
طارق بيدخل عاليها: بتكلمى نفسك ي روحي
روقيه: ابداا ي حبيبي بقول يلا الفطار جاهز
طارق:اوكى خلينا نفطر ف المطبخ احسن
روقيه : ماشي
وهما بيفطرو
روقيه: الإ قولى هتتاخرف الشغل انهرضه
طارق: اه انهرضه ورايا شغل كتير ممكن أسهر كمان ومجيش إلا ع بليل
روقيه: كمان ماشي ابقه طمنى بقا عليك.
طارق: ماشي ي قلبي وراكى ميعاد مع الدكتوره انهرضه
روقيه: اها ي حبيبي
طارق: ابقي خدى بالك من نفسك
روقيه: حاضر طب ماانت حلو اهو وفاكر ميعادى عند الدكتوره امال مش فاكره اهم يوم ف حياتنا لى
طارق: بتقولى حاجه ي حبيبتي
روقيه:ها ابدا كل كل
*********************
روقيه بتروح عند الدكتوره وبتكون جنه طبعا معاها
روقيه وهيا نايمه ع السرير
والدكتوره بتعملها الصنار
روقيه: طمنينى ي دكتوره
الدكتوره: كل حاجه كويسه وزى الفل وينتك هتشرف كمان أسبوع
روقيه: بجد يعنى خلاص هولد
الدكتوره: ايوا يستى اهم حاجة ريحى نفسك الأسبوع دا عشان مش تتعبي أثناء ال والده
جنه: ياه يعنى خلاص جنه الصغيره هتيجى
الدكتوره : انتى هتسميها جنه
جنه: اها طبعا انا واختى اتفقنا انها هتسميها ع اسمى
روقيه: محصلش ع فكره.
جنه: لا حصل وهتسميها جنه
روقيه: قولنا كفايه مصيبه واحده مش هيبقو اتنين مش هقدر استحمل تانى الى استحملتو معاكى
جنه: لا هتجيبي جنه هاه وهجننها زي هاه
روقيه: وهيا مش ناقصه جنان دى شقيه من وهيا ف بطنى
جنه: شوفتى تبقا هتطلع و خالتها قمر
روقيه والدكتوره بيضحكو عاليها ورقيه بتمشي من عند الدكتوره وبتروح بيتها
وبتكلم طارق ف الفون
طارق: حبيبتى عملتى اى انهرضه عند الدكتوره
روقيه: كلو تمام الحمدالله وجنه هتشرف كمان أسبوع
طارق: واى الى دخل اختك الهبله ف كلا منه دلوقت
روقيه بضحك: لا مانا بقول ع بنتك الهبله نمبر 2
طارق: بتهزرى صح هو انا ناقص جنان ي روقيه دا كفايه انتى
روقيه: اذا كان عجبك المهم هتيجى امتا
طارق: كمان ساعتين ي روحي لي
روقيه: ابدا يسأل لما تبقا خلاص تحت البيت رن عاليا
طارق: لي
روقيه: اسمع الكلام ي طارق الله
طارق: ماشي يلا اقفلى
*********************
عند سلمى ذياد
ذياد: يلا ي سلمى هتتاخر
سلمى: انا جاهزه بس احنا هنروح فين ي ذياد انا قولتلك ماليش مزاج أخرج
ذياد:هنروح مشوار صغير وهنرحع يلا
وبيمشو
وبعد حاولى نص ساعه
بيوصلو قدام عباده نساء كبيره
سلمى بااستغراب: احنا بنعمل اى هنا .
ذياد: هتعرفى كل حاجه يلا ادخلى
بيدخلو وبيطلعو
وهما عند الدكتور
ذياد: دكتور حسن من اكبر الدكاترة النساء وأن شاءالله هنلافي الحل عندو
دكتور حسن: أهلا ي مدام سلمى اتفضلى قوليلى اى الى انتى عملتى
سلمى بتحكى لى الدكتور ع الى حصل كلو
الدكتور: تمام انتى هتعملى تحاليل الدى وتجبهالى بكره
وع فكره ي مدام سلمى واضح عليكى انك كويسه ومفكيش حاجه
سلمى بفرحه:بجد ي دكتور يعنى انا هبقا ام
حسن: أن شاء الله ربنا مش بيحرم حد من حاجه
ذياد: ونعمابالله
*********************
روقيه: هاه ي طارق انت فين
طارق: انا طالع اهو
روقيه : تمام وبتقفل بسرعه
وطارق بيطلع وبيفتح باب شقتو وبيلاقي الدنيا ضلمة خالص وبيستغرب: روقيه النور قاطع ولااى
وبيفتح النور وبيتفاجا بل الورد والبلاين الى مالين البيت وبيدخل وبلاقي شموع ا الصفره والكل مرصوص بطريقه جميله
وروقيه بتفتح باب الا وضه
وبتخرج منو وبتكون لبسه قميص نوم بل اللون الوردي
وبيكون بحملات رفيعه خالص وكان ضيق وبطنها وبيوصل لى ابل الفخادين وبتكون سببا شعرها الجميل وحطا ميكب خفيف وبطنها الى خلاص ع آخرها كانت مزودها جمال اكتر مهيا جميله طارق بيسرح ف جمالها وعيونها الخضرا الجميله الى مليانه حب وحنيه وبيقرب منها وبيلتهم شفايفها بكل حب وشوق
وروقيه بتبدلو نفس الاشتياق والحب
طارق: كل سنه وانتى طيبه ي ام جنه اول عيد جواز لينا شوفتى الايام بنجري ازاى
روقيه بحب: انت مش ناسي امال مش رضيت عاليا الصبح لي
طارق: انسا اى دى تبقا عيبه ف حقي والصبح كنت برخم عليكى مش اكتر وعشان اسبتلك انى مش ناسي وبيروح إلا وضه وبيطلع عليه صغيره
روقيه: فيها اى
طارق : افتحيها
روقيه بتفتحها و بتلاقي سنسله فيها قلبين وكل قلب جوا اسم روقيه وطارق
و بتلاقي سنسله صغيره
ع هيأت فراشه وقلب صغير وبتكون شكلها شيك اوى ويتعرف انى دى لى بنتهم
روقيه: طارق دول تحفه يجننو بجد
طارق بياخد منها السلسلة وبيلفها وبيرفع شعرها وبيلبسهالها وبيبسها من رقبتها وبتحضنها من ضهرها كل سنه وانتى ف قلبي
ي حبي وعشقي الآبدى
روقيه بحب:كل سنه وانت نور عينى وروح قلبي
ودنيتى كلها
روقيه: يلا تعالا نتعشا
طارق: لا عشا اى دلوقت ف حاجات اهم من العشا تعالى اقولك عاليها جوا
روقيه بضحك وهيا فهمه قصدو: لا نتعشا الأول جنه جعانه ومستنياك يلا
طارق: ماشي ي ستى يلا
وبيتعشو ف جو رومانسي ومليان بل الشموع والورد
وابل كل دا بحبهم لبعض
وبينتهو من العشا
وروقيه بتصمم أنهم يرقصو اسلو ع موسيقي بيانو هاديه ورومانسية
طارق وهو حاطط ايدو ع حصرها وهيا متعلقة ف رقبتو وعيونهم ف عيون بعض
روقيه: ف كل مره بكون معاك بحس انى ملكت الدنيا كلها مش مصدقه انى ف يوم زى دا من سنه جمعنا انا وانت بيت واحد
طارق: لا صدقي ي حبيبنى انا لحد دلوقت فاكر اول مره شوفتك فيها وقلبي الى كان هيطير من الفرحه ومكنتش عارف السبب اى
لكن من يوم م دخلتى فى وانا بحمد ربنا ليل نهار انو جمعنى بيكى
بتحبينى
روقيه ؛ لسه بتسأل ي طارق كل دا
طارق: ي ست رودى قولى اها
روقيه: اها وطارق لسه هيرد لقا روقيه تانى : اهاا
طارق بضحك: سمعت وربنا انتى علقتى ولاى
روقيه بصريخ: طارق بولد اهاااااااااااااااا
طب يجدعان ياريت تقدرو تعب الواحد وتتفاعلو شويه مش هتخسرو حاجه لو دوستو لايك وكتبتو كومنت يدعمنى وتعملو فولو عشان يوصلكو كل الجديد
بقلم : سوما محمد
أنت تقرأ
حبي وعشقي الابدى
General Fictionلقيت فيكى كل وصف معانى الحب سرحت كثيرا ف عيناكى التى سحرونى عشت معاكى اجمل سنين حياتى بحلوها ومرها فكرت كثيرا انكى تستحقي اسم يليق بحبي اليكى ولقتنى بقول هذا هي حبي وعشقي الابدى
