Perting lipaya ni Jamie sa dihang nabasa niya ang sulod sa email nga iyang nadawat. Pila sya kaadlaw nga nagpaabot sa resulta. Dali sya nga ni gawas sa iyang kwarto ug iyang gihalog iyang amahan. Tungod kay nagkape man kini sa ilang kusina, hapit kini matuk-an tungod sa iyang paghalog.
"Unsa man nang maayong balita nga imong nadawat ug grabe man gyud nimong lipaya?"
Nagkatawa ang iyang amahan sa iyang paghalog. Nibuhi sa paghalog si Jamie sa iyang amahan ug nilingkod siya sa tapad nga bangko niini.
"Pa! Guess what?" excited niya nga pagpatag-an sa amahan.
"Unsa man gud na? Sulti-e na lang ko, Jamie." sulti sa iyang amahan nga gakatawa atubang sa iyang anak.
"Paaaa! Nakapasar ko sa maong skwelahaaan!" singgit ni Jamie sulod sa ilang kusina.
"Mao ba, anak? Maayo hinuon. Madayon na jud ang imong pangandoy nga mahimong nurse..."
Kadali nga nihilom ang amahan ni Jamie ug makita sa mga mata niini ang mga luha. Luha sa kalipay.
"Paaa, wa'y hilakay! Buhi pa ko, pa. Unya na hilak ug wala nako. Hahaha!" binuang niya sa amahan.
"Ayaw pod tawon. Ikaw na lang ang nabilin sa akoa sukad namatay ang imong inahan. Unsa na lang kaha'y akong buhaton ug musunod ka." gakurog ang tingog nga sulti sa amahan ni Jamie. Gihuwap-huwap kini ang iyang buhok ug ni pahiyom kaniya.
"Pa, ha! Wa'y hilakay be. Wala ta sa MMK. HAHAHAHA!"
Gipakatawa ni Jamie ang iyang amahan, aron mawala sad sa huna-huna niini ang iyang inahan nga dugay rang nibiya kanila. Eight years old pa lang si Jamie sa dihang namatay ang iyang inahan tungod sa sakit niini sa baga. Nakita niya kung unsa ka miserable ang iyang amahan sa dihang nawala iyang inahan. Dili siya ganahan nga makita pa to pag-usab, maong gipaningkamutan ni Jamie nga mahimuot ang iyang amahan bisan sa gagmay lang nga mga butang.
"Pero sure jud ka nga kaya nimo malayo diri sa probinsya, nak? Dili man gani ka mugawas diri sa atong balay, ang muadto na ba ug syudad."
Sakto si papa, huna-huna ni Jamie. Dili jud kaayo sya tig gawas sa balay. Naa man sya'y mga suod sa ilang dapit pero mas pilion ni Jamie ang magpundo lang sa balay kaysa sa maglaag. Kung wala na jud sya'y lingaw sa ilang balay, muadto ra siya sa ilang basakan ug didto magpalabay sa oras. Malingaw ra man sad sya ug tan-aw sa mga langgam ug iya usab nga gi-atngan ang pagsalop sa adlaw.
"Mura'g kinahanglan na jud nako mag-anad nga malayo ninyo diri, pa. Dise nuwebe anyos nako, dapat siguro makat-on nasad ko kung unsa ang kinabuhi gawas diri sa atong probinsya." tubag niya sa amahan.
Nitando ra ang iyang amahan sa iyang gisulti ug nibarog kini.
"Kung mao man gani na imong desisyon, support ra kaayo ko nimo, anak. Basta ang timan.e..."
"...Books before boys."
BINABASA MO ANG
Bisaya Kini Series #6: Some Jokes Are Half Meant (ONGOING)
RomanceBISAYA KINI ANTHOLOGY SERIES #6 - Dili malikayan, naa gyu'y tawo nga mao'y hinungdan sa atong mga pahiyom. Bisa'g ang mga panultion nga nigawas sa ilang baba, puro atik lang. Bisa'g ang ilang gibuhat sa imoha kay para lang makapahimuot sa uban. Bisa...
