فصلية الشيخ فهد سنيه

بارت السادس

الدكتور: صاعد ضغطها وايضاً عدها اختناق.

عمر: اي هيه عدها ربو اما ضغط هيه ماعدها

الدكتور: يصير الضغط عند كل انسان بسبب الضغوطات الارهاق النفسي وايضاً الغضب.

الاب: والحل؟

الدكتور: راح اكتبلها على اعلاجات واذا بقت مستمره عليهن ان شاءالله تصير احسن بس اهم شي هاي الفتره تحتاج للراحه، بگد ماتكدرون خلوها ترتاح.

عمر: ضغوطات ارهاق نفسي وغضب من شنو ؟ بقاها الدكتور ترتاح شويه اول ماگعدت بنين عيونها

مورمات مبين عليها باچيه 😐 كال تكدرون تطلعونه اخذنا بنين ع السياره وصعدت ليوره وخليت راسها

على رجليه ومشى ابويه وكفنه يم الصيدليه نزل ابويه جابلها علاج گلته يابه جيب وياك بخاخ هم شكد ماتكدر جيب وياك گال ماشي

بنين: عمر عندي بخاخات چثير

عمر: ميخالف حتى ماتخلصيهن ، ماراح من بالي عيونها المورمات 😞😞 باچيه وانوب ضغط سالفه ماتنكست الها.

اجه ابويه جايب علاج وبخاخات ورحنا للبيت وصلنه ونزلت من السياره امي لزمتها واخذتها على غرفتها

واني نزلت علاجها والباخاخات واخذتهن ع الثلاجه وقريت شوكت تاخذ علاجها . اخذت العلاج الازم تاخذه ورا الاكل ورحت للغرفه انطيتهن لامي كتلها هاي لازم تاخذهن هسه بس اول شي لازم تاكل.

الام: صار هسه اجيبلها اكل.

الاب: لازم ماتعبوها هاي الفتره بنين صاعد عدها الضغط.

الام: ياستار بنيتي بعدها زغيره ع الضغط

الاب: ربج رايدلها من هسه، من ترتاح استفسر منها عوفوها هسه بس اهم شي علاجها بوقته ماتتاخر عليه.

الام: صار بس اهم شي ترجع بنيتي مثل قبل كلشي مااريد.

عمر: اگلت واخذت علاجها وبقينا يمها اني وابويه وامي ماعفناها ابد، صارت الدنيا مغرب
 
الام: النوم وقت المغرب مو زين تعالي اطلعي اشويه هم ترتاح نفسيتج من الغرفه،

عمر: كاعدين بره اني وابويه واحد يسئل الثاني على الضغوطات الارهاق النفسي لصاير لـ بنين

الاب : يمكن من الدراسه لان حيل تعب نفسها بالقرايه وهيه طب والطب مو هين صعب

عمر: والله يابه مادري بس مااعتقد من الدراسه الا اكو شي.

الاب: مثل شنو؟

عمر: اروح للكليه باجر واستفسر ، اجت امي وبنين وكعدتها ويانه بنين حتى مارفعت راسها بس مدنگه، گتلها رقبتج راح توجعج ارفعي راسج،

بنين (شلون ارفع راسي واخلي عيني بعيونهم والطلاب يطعنون بشرفي ) لا رد

عمر: بنين احجي وياج رفعي راسج

الاب والام: عوفها

عمر: غير اعرف ليش مدنگه

بنين: راسي يوجعني

عمر: والراسه يوجعه يدنگ ارفعي راسج حتى يمشي الدم اخاف مگالولج عليها بدراستج؟ احاول اجرها بالحجي بس اعرفها ماكو ابرد منها بالرد تستفزز الواحد،

بنين: هاي رفعت راسي دكتور عمر اكو شي اخر

عمر: ايي ليش عيونج مورمات

بنين: 😳 لا رد

الام: يجوز من االضغط !

عمر: لا مبين باچيه مو مال ضغط

بنين: راسي يوجعني وبچيت

عمر: 😞وشوكت بچيتي؟

بنين: 😣لا رد

الام: بطل هاي العاده تستجوب اختك، لو صاير ضابط الله يعين المساجين عليك.حتى البريئ يعترف انو هو مجرم.

عمر: بعدني شاك اكو شي بنين ماتريدنا نعرفه. تعشينه وخذت علاجها ونامت بدون ماتحجي او

تنطق ولا حرف! گليت خلي يجي الصباح والله كريم
رحت على امي قبل لا تنام گتلها قبل لا يجي ابو الخط بربع ساعه گعديني ولا تطلعين عليه اني اطلع

الام: ليش شكو ؟

عمر: ماكو شي يوم لا تنسين تگعديني!

الام: ماشي

عمر: مانمت بسرعه التفكير اكل راسي اكل وبعدها ماحسيت على نفسي من نمت 😴 لحد ماكعدتني امي

الام: يمه عمر راح يجي ابو الخط

عمر: اي يمه گعدت غسلت وبدلت وطلعت انتظره اجه رحت ليمى گتله احد يكعد وياك بالصدر گال لا

صعدت وياه سئلني على بنين گتله اني اروح اليوم مكانها ضحك 😂 گال متبادلين ؟ گتله لا!
صار يفتر على طالبات وحده وحده صعدن گلهن

وطلع ع الكليه نزلت قبل الكل گلت لابو الخط ابقى لا تروح. گال ماشي دخلت ع الكليه صدگ حلوه بصراحه تهيهت تلگاني شخص گال انت جديد بالكليه

واني شمعرفني گتله اريد الإداره مال الكليه اشو هذا ضحك رفعت تك حاجب 😕 كتله حجيت نكته گال

دكاتره يا قسم او يامرحله تريد انت گتله مرحله الثالثه گال ذاك الدكتور عمار روح اسئله رحت السلام عليكم

دكتور عمار: وعليكم السلام (اول ماشفت عيونه تذكرت بنين نفس عيونها بالضبط)

عمر دكتور عمار: صح

دكتور عمار  : اي نعم انه دكتور عمار

عمر: اني عمر اخو بنين محمد...... تدرس طب مرحله ثالثه

دكتور عمار: اي عرفتها

عمر: دكتور اريد اخذ من وقتك واسئلك عن بنين مستواها بالكليه

دكتور عمار: بنين طالبه مجتهده واحسن طالبه عندي وعند كل الدكاتره

عمر: اريد اعرف البارحه شصار هنا بالكليه

دكتور عمار: ماافتهمت شنو قصدك شصار

عمر: البارحه بنين اول مارجعت للبيت وهيه حالتها حاله

دكتور عمار: بنين بيها شي؟
عمر: لا مابيها شي بس ارتفع ضغطها 😕 واجيت استفسر منكم

دكتور عمار:ارتفع ضغطها ليش؟ شبيها بالضبط

عمر: 😞( ترا صدگ بديت اشك اكثر واكثر) هو اني اجيت هنا حتى اعرف شنو السبب الي خله اختي يرتفع ضغطها.