UNICODE
ကံဆိုတာ လည်ပတ်နေတဲ့ စက်ဝိုင်းကြီးတစ်ခုလိုပဲ
အစပြုရာနေရာစီကနေ လွန်မြောက်ပြီး
တစ်ပတ်ပြည့်သွားတဲ့အခါ စမှတ်မှာပဲပြန်အဆုံးသတ်
လေ့ရှိတယ်။
အခုကံကြမ္မာစက်ဝန်းက
တစ်ပတ်ပြည့်သွားပြီ စမှတ်တွေကအသက်ဝင်ချိန်တန်ပြီ
ပျက်ဆီးခြင်းတွေအစပျိုးဖို့ကောင်းပြီ ဖြေးဖြေးလေးပါပဲ
တစ်ခုချင်းစီပဲ ဖဲ့ခြွေမှာ တကယ်ကိုနည်းနည်းချင်းစီပဲ။
" မင်လေး "
ကားပေါ်မှာတိတ်ဆိတ်စွာပါလာရင်းအတွေးများနေသူ
သည် ခေါ်သံလေးကြောင့် အသိဝင်သွားသည်
ညစ်ထေးထေးအပြုံးတွေသည်လည်း ပျောက်ကွယ်သွားပြီး
မင်ယွန်းဂီ အတွက်သာပြုံးတဲ့ နုထွေးထွေးအပြုံးလေးတွေ
ရုတ်ချည်း ထွက်ပေါ်လာသည်။
ပတ်မင်းယောင်းဘဝတုန်းက ဟန်ဆောင်မှုဆိုတာ
အဖြူလားအမဲလားမသဲကွဲခဲ့သူလေးက
လောကဓံရဲ့သင်ကြားပေးမှုအောက်မှာ
ပတ်ဂျီမင်းဆိုတဲ့ဘဝမှာ မာယာမျက်နှာဖုံးလေး
တွေကိုအရောင်အသွေးအစုံအလင်နဲ့
လှတပတလေး ချိတ်ဆွဲတတ်လာလေပြီ။
ဘယ်သူသင်ပေးခဲ့တာလေ နာကျင်မှုတွေလေ
ဘယ်သူ့အတွက် လဲဆိုရင် ဂျွန်ဂျောင်ကုတို့
တစ်မိသားစုလုံးအတွက်ပဲ ။
" ပြောပါ ကိုကို "
မင်ယွန်းဂီ သည် ဖိုင်တွဲတစ်ခုကိုယူပြီး မြတ်နိုးရသူလေးကို
ပေးလိုက်တော့ လှမ်းယူလာတဲ့ လက်ချောင်းလေးတွေကအစ
အနုပညာဆန်စွာလှလှပပ ကြွကြွရွရွကလေး။
ဖိုင်တွဲကိုတစ်ချက်စစ်ဆေးကြည့်တော့
အန်ဆန်းလုပ်ငန်းစုကအချက်အလက်တွေကို ကိုကိုက
သေသေချာချာ စုံစမ်းပေးထားတာပဲ။
" ဒါက "
" အန်ဆန်းလုပ်ငန်းစုရဲ့ အချက်အလက်တွေပဲ
လက်ရှိမှာ ဥက္ကဋ္ဌဂျောင်ဆန်မင်း ကပဲ ဦးစီးနေပြီး
သူ့သား ကို CEO ရာထူးခန့်ထားတယ်
သိပ်ကောင်းတဲ့ အခြေအနေတော့မဟုတ်ဘူး
ပြောရရင် အန်ဆန်းက အပြင်ပန်းသာ ထုထည်ကြီးနေတာ
အတွင်းမှာ လှိုက်စားပြီး ယိုင်နဲ့နဲ့ဖြစ်နေပြီ "
နှုတ်ခမ်း ဖူးဖူးလေးတွေသည်
လှပစွာကွေးညွှတ်သွားသည် သိပ်ကောင်းတဲ့
အခြေအနေပဲ အန်ဆန်းကို ဝင်ဖို့ဆိုတာ
ပတ်ဂျီမင်းအတွက် သိပ်ကိုလွယ်ကူသွားပြီ။
YOU ARE READING
လှပစွာရေးသီသော အမုန်း
Fanfiction~~~ သံသရာအဆက်ဆက် မင်းမျက်ရည်တွေကို ငါခြေဆေးပစ်မယ် ဂျွန် ~~~
