البنات وقطاع طرق؟!

البدايه

"تبدأ قصتي في القرن العشرين"
بتحديد في منتصف الثمانينات..
.
.
في قريه صغيره وبسيطه في السعوديه
.
.
يمه شوفي بنتك نوره مو ناويه تصحى
علامها اختس مصروعه قولي لها لو ما تقوم ابقوم علاها
أبشري ي الغاليه بروح اهددها آفا عليتس
ام نوره: فديت غاليه يلا وأنا أمك روحي صحيها انا بروح لخالتكم

ركضت مسرعه بغيت اخبط الباب
غاليه: قومي قومي نويران ماشبعتي نوم اخلصي ساعديني
نوره: وش تبين خليني اكمل حلمي غثيثه حتى بحلمي ناشبه فيه
غاليه وهي تسحبها: قومي اخلصي أمي تقول لو ما قامت بتتوطى بطنك اصحي
نوره بخوف: ه هاه قمت قمت ولله قمت
غاليه بصدمه: ولله ام نوره عندها هيبه فديتها
اصحي اصحي سوي الفطور معي
نوره: ياليل صبرك أبشري قومي طسي من وجهي الحين
غاليه رمت عليها ثوب بقوه وهربت
نوره: مالت عليكِ ي صخله وربي فيكِ
.
.
بمكان ثاني
تحديداً البر
.
.
مهل : ي رجال سبيكين ذول
سلطان : عاد عمر خلك رجال وشفيك يخي صاير كنك دجاجه
رشاش: تلايط انت وياه ، الا مصلح وقحص جو؟
مهل: هاذا هم جو
قحص: الكلب الي كان يعطينا معلومات عن الشرطه غدرفينا
مصلح : ورقوه شكلهم عشانه اعترف
رشاش وهو يبتسم: يويله جاب الموت له
عمر: قايل لكم شيء الي نسويه ماراح ينفعنا بيمسكونا ي رشاش
رشاش وهو يضحك : يخي انطم خلاص ، انا بحميك معليك
سلطان : وش نسوي الحين ي رشاش
رشاش : معليكم ي عيال خلوني أخلص مشوار بسيط وأعلمكم بعدين مصلح سلطان عمر تعالو معي ابغاكم مهل قحص حاولو تأخذون معلومات جديده
مهل: أبشر
.
.
ام نوره: ولله وأنا اختس تعبت من ذول البنات من بعد ما مات ابوهم وأنا حالتي حاله مغير احاول ادور رزقي وعايني الله يصبرني وأنا اختس تعبت
ام ملاك: عاد انا ايش أقول وايش اخلي اربع بنات عله على تسبدي وغاثتني كل وحده الله يرحم أبو ملاك وأبو نوره ما كنا نحس بشيء
ام نوره: ولله إنه انكسر ظهري من بعد أبو نوره
ام ملاك : الا وينهم نوره وغاليه ماجبتيهم
ام نوره وهي تضحك: معليتس كادتهم بالبيت
ام ملاك بحماس : اجل شرايتس اجيب بناتي ينظفون معهم
ام نوره: خلتس فيهم
ام ملاك وهي تصارخ: ي بنات الحقو علي
البنات كل وحده طاحت على ثانيه من الخوف
ملاك: بسم الله عليك
منيره: يمه وشفيك
حصه: قايله لكم تضحك علينا هي وخالتي
ام ملاك : وين قمزه؟
قمزه وهي جايه تركض وهي مسويه لهم دقت تحيه
قمزه: لبيه ي روح بنتك بخدمتك بنتك قمزه
ام ملاك: اذلفو لبيت خالتكم ونظفو مع غاليه ونوره
منيره: نذلف يعني عادي
حصه وهي ترقص وتركض
قمزه : اخر وحده تطلع من البيت هي بقره
كلهم يناظرون بعض ويركضون يلبسون عباياتهم
ام نوره : يازينهم
ام ملاك : اي ولله الا شفتي ام عبدالله اليوم ما جت للبسطه
.
.
سلطان : وش بتسوي ي رشاش هنا؟
رشاش: ولله لا ابكي أمه عليه اوريه
عمر: رشاش وش بتسوي ؟!
مصلح بهمس: ولله انه راح فيها الله يرحمه مقدماً
رشاش: هه صار الضابط عبدالله اجل امشو
ركبو سياره وهم متجهين لبيت الضابط عبدالله..
.
.
ملاك: بووووو
غاليه ونوره وهم يصرخون: وجع ملاكوه
حصه : بموتتت اشتقت لكم
منيره: بنات خالتي المصرقعات قسم وحشتوني اخر مره شفتكم امس
قمزه وهي تركض: وجع بنات مالي حيل الله يخذكم غبرتو علي خير
غاليه: خالتي ملاك راضيه عليكم شكلها
قمزه: اسمعي بس صدمه وربي
حصه: وش فيها المخبوله نوره شوي وتنام وهي واقفه؟
نوره: تخيلو امس جلست العب مع ولد جيرانا صغير الا أفوز عليه
غاليه وهي تكمل بضحك: وما فازت عليه حتى مصخرها الورع
نوره: أصلاً انا اقدر أفوز عليه بس قلت حرام بزر
منيره: نعنبو غيركم مليت وربي ملل
وهم يناظرون منيره..
حصه: وش تبين نسوي اجل
قمزه : ولله اجل طفش ناظري وجهي يروح طفش
نوره: طفشانه؟
منيره: اي ولله امانه
نوره: فيه اربع جدران اختاري وحده منها واضربي رأسك فيها يروح الملل
منيره: كلي تبن بالله
غاليه: لا صدق صدق نبي نسوي شيء
ملاك: ولله انا مع غاليه
منيره: وأنا معكم
قمزه : اجل انا مع القوم
نوره : طيب وش تسوون؟
غاليه بحماس: نسوق؟
منيره: قدام امانه تكفين سيارة أبوي الله يرحمه موجوده نلعب فيها؟
حصه: لا بنات انا خايفه بندعم او يصير لنا شيء ما ابي وفيه ناس يسرقون واصلاً ايش بيقولون أهل القريه عنكم
منيره: ياليل الخوافه فكوني عليها
غاليه وهي تقلد حصه: انننن شيقولون ناس بطقاق يقولون الي يقولون
نوره: ترا الحياه مره وحده وأنا أختك وترا بنسوق شوي وبعدها بنرجع البيت واصلاً ماراح نسوق بالقريه بنبعد عن القريه شوي
ولا تنسين ان منيره وغاليه يعرفواً يسوقواً كويس
غاليه: معليه لا تخافين
منيره: يلا بنات اجيب المفتاح؟
نوره: خالتي ملاك لا تعرف
قمزه: يوه عاد أمي الحين جالسه مع خالتي بيروحون يحطون بسطتهم مع نسوان ازهلي بس ماراح يعرفون
قمزه: اجل منيره انقزي جيبي المفتاح وحن بنلبس
وجيبو لنا ي حصه شيء نأكله لان بنجلس في البر الحين شتاء والجو يفتح نفس
منيره: الله بتكون كشته ؟
غاليه: كشته ام خمسة دقائق بموت
بعد مده
قمزه: يلا خلصتو؟
نوره: يازين سيارة رجال خالتي مرتبه ونظيفه
غاليه : منجد تجنن
حصه: اي ولله اشتقت له احس ببكي
منيره: وجع وجع رايحين نستانس بسرعه قبل أمي وخالتي يجون
ملاك: من تسوق الحين؟
نوره: خلي منيره لان غاليه غشيمه اعرفها اختي
ملاك: لا لا احس غاليه تعرف تسوق احسن من منيره
منيره: اذا غاليه خلتكم تغرسون انا مالي دخل
وهم يناظرون بعض
قمزه: عندي حل شرايكم نسوي قرعه؟
والي يطلع لها تسوق
غاليه: قدام
منيره: تم
حصه: خلاص طيب بسرعه ي بنات انا خايفه
نوره: اسحبي ي قمزه..
قمزه: طلعت منيره!
منيره: يلا يلا بس غلاوي انزلي ي نونو
غاليه : كلي تبن تف
منيره: اننن
.
.
عمر وهو يدق الباب : الضابط عبدالله اطلع صحافه
عبدالله  وهو فرحان: اقلط حياك وين المصورين؟
عمر: بيجون بيجون الحين
.
دخل رشاش
وعبدالله تجمد وتقشعر جسمه..
.
عبدالله بخوف: اوهه رشاش ارحب؟!
رشاش : هلا ولله بالصديق مستانس بترقيه؟
مصلح وهو يضحك: ي كتكوت تحسب ماتجي لنا اخبارك؟
.
رشاش وهو يقرب له خطوه خطوه وكل خطوه تأكد له ان موته قريب لا محاله
.
عبدالله: كيف مافهمت
عمر وهو يهمس له : الله يرحمك
ارشاش : عمر رح لسياره وانتظرني
عمر: أبشر أبشر
سلطان : الحين من وين نبدأ؟
ارشاش وهو يضحك : شرايك نقطع السانه عشان ما يتكلم
مصلح : لاوين قليل عليه نخلع عيونه؟ ونقطع اذنه شرايكم؟
عبدالله وهو يبكي : تكفى لا  تكفى
ارشاش وهو ينزل لمستوى عبدالله تحسب لو انك ترقية بينفعونك؟ مثل ما خليتك معروف بين الشرطه بدفنك بيديني تخوني اجل عشان ترقيه تفو خلهم ينفعونك الحين سمعني صياحك بس
وهم يقربون له
عبدالله...
.
.
فـ سياره
عمر: خلصتو الحين ؟ بننسجن وننقص عشان قتلنا الضابط
مصلح: ارشاش مر بشتري لمهل كم ثوب وأغراض
ارشاش : عمر مر لنا على المحطه الي بعد شارع ذا
عمر: ولا كأني أتكلم حتى
.
.
منيره : بنات الثوب أضيق من حياتي
نوره : اصبري شوي بس عشان يدرون أن معنا محرم
قمزه :خلينا نطلع من القريه قربنا أصلاً   
حصه : فيه محطه بعد القريه وقفي عندها وبدلي ثوب والغتره
منيره: تمام
.
.
بعد مده وقفنا عند المحطه
ملاك: بنات امانه امانه تكفون بس بشوف شكل البقاله من داخل
غاليه: معي ثلاثه ريال
حصه : شسمه خذوني معكم بشوف فضولي مره توب
منيره: وانا بروح ابدل نوره تعالي معي
قمزه: وانا؟ وش بسوي
حصه : اجلسي بسياره
قمزه: لا بنزل معكم امانه
منيره: يلا اجل أنزلو بسرعه
نزلنا كلنا وكانت المحطه نتفه صغيره مره
وكانت فيه سياره ثانيه واقفه ما هتمينا نزلنا
وتوزعنا
ملاك : يمه ذي اسمها بقاله شكلها حلو من داخل
غاليه: تطقطين انتي وخشتك؟
حصه: اسحبي عليها غاليه معك ثلاثه ريال؟ عطيني ريال
غاليه: من عيونها خذي
راعي البقاله: ايش تبون؟
حصه بحماس طفولي: مسدس الموياء بكم؟
راعي البقاله: بريال
غاليه : جيب ثلاثه مسدس موياء صديق
بنص حديثنا كان فيه شخصين داخل البقاله بس هاديين مره وكأنهم
جت منيره : وش ذا البقاله الي كلها هنود وقسم يازين العبايات احسن من ثوب والغتره الا الحين اخذتو الي تبون ؟
غاليه وهي ترش: اي أخذنا ذا
منيره: وجع مالتس داعي ترشين علي موياء وصختيني بالماء
غاليه: عشان انتقم وما تسوقين مره ثانيه
حصه: بموت 
نوره: جيت يلا وش تسوون؟
قمزه: لو شريتو لنا موياء أو عصير كان احسن
نوره: امشو يالمبزره خلصوني
غاليه: خفي علينا
بنص حديثنا
مصلح : كم الحساب ؟
راعي البقاله بخوف : ١٢ريال
.
منيره وهي تناظر لمصلح ، لمحت المسدس بجيبه وكان واضح مره
والغتره الي فيها دم
منيره: بنات يلا نروح السياره
مشينا كلنا وكأننا نمل
.
رشاش وهو نازل من سياره وعينه على الجمس الي جنبهم
عمر: وش فيك نزلت
رشاش : يخي ذي السياره داخله مزاجي
.
كنت امشي وانا خايفه الا اشوف هندي عند سيارتنا
ممنيره : صديق وش تبي؟
رشاش وهو يناظر وساكت
غاليه : وش فيكِ على الهندي حرام عليكِ منيره
منيره: وش قلت له انا اركبي سياره بس
غاليه وهي تقرب
غاليه:صديق خذ ما معي الا مسدس ماء فلوس ما عندي عطه ولدك
رشاش وهو يضحك وينزل لمستوى غاليه
رشاش بصوت عميق: شكراً ي حلوه بس خليه يمكن ينفعك بعد شوي
غاليه بصدمه: انت سعودي؟
ركضت لسياره واحس ود الارض تنشق وتبلعني
منيره وهي تمسك الباب وتنادي: اصعدو
.
بعد ماصعدنا كلنا
منيره: بنات انا شفت مع الهندي الي كان يحاسب مسدس!
غاليه: موياء؟
منيره : لا ي بقره مسدس صدقي
البنات بخوف : يمه منجدك
منيره: وغترته كلها دم
وشكل خوياه ذول الي بسياره
غاليه بخوف : لا تكذبي
نوره: امشو بنات احس مو مطمنه
حصه: قلت لكم لا نروح
ملاك : خلاص بنات استهدو بالله
قمزه: لا تخافون امشو للبيت الحين بكل هدوء
أخذنا الخط وسيارة الاشخاص الي شفناهم بالمحطه ورانا
نوره: عادي بنات يمكن هم بنفس طريقنا
.
.
رشاش : دخلت مزاجي السياره
عمر: انت منجدك صح؟ وش تبي فيهم يخي خلهم
مصلح: قصدك الي دخل مزاجك سياره ولا الي في سياره؟
سلطان وهو يضحك: حدد ي رجال
رشاش: نذلين ، عمر خلاص لا تلحقهم الى متى
عمر بفرحه كبيره..
رشاش : اقطع طريقهم وخلصني
عمر: انت منجدك نقطع طريق بنات !
مصلح وهو يغمز لسلطان:يخي هو يبي السياره لا تخاف
عمر وهو يقطع طريقهم
.
.
قمره: بنات ببكي
حصه : تكفون ياليتني ماطعت كلامكم انا بقره
ملاك : اخر مره اسمع كلامكم
منيره وهي تحاول تركز لان هي حست بمسؤوليه
غاليه: انا اعترف اني صاحبة الفكرة بس معليكم ي بنات لا تخافون اوعدكم بتطلعون سالمياً تطمنو
نوره وهي تبكي : انا بستخدم دلتي وبصفق الي يقرب مني
مصلح وهو ينزل مع سلطان
ورشاش وعمر نزلت منيره وغاليه..
غاليه: كل الي بسياره ذمه برقبتي ولله لو تمسون شعره منهم أن تندمون وش تبون؟
.
رشاش وهو يقرب ويتجاهل الي تقوله
ومعه مسدس
.
غاليه والخوف مسيطر عليها بس تحاول تسيطر على خوفها
.
رشاش وهو ينفخ على غاليه سيجاره: قلت لك خلي مسدس الموياء يمكن ينفعك بعدين
غاليه: كل تبن يالهندي وش تبي
رشاش : لا ولله بس ابي سيارتكم وبسرقها و مع ركابها عندك مانع؟
.
رشاش: انا بربط ذي يبي لها ترويض شف الباقيات ربطهم
غاليه : ولله محد يلمس  الي في سياره الا على جثتي..
بعد دقايق..
.
حصه : اامممامم (ترجمه: الله يخذ غاليه)
غاليه: اممامام (يكلب فك قيدي)
قمزه: اممم (انا ليه رحت معكم)
رشاش : الي ما تسكت ولله لا اصوب عليها
غاليه بعناد وهي تناظر بنظرات حقد: امممممم اممم( ي كلب )
عمر: يخي رشاش فك القيد من فمهم على الأقل
مصلح وهو يضحك: ترا رشاش مايهمه حد يمكن يرمي أي شخص
غاليه: امم امممم امممم( خله يجرب كل شيء إلا خواتي)
رشاش: بأخذ ذي البنت بـ سياره ثانيه لان مافي مساحه لي ولها هنا
عمر: وانا
رشاش : انت اجلس هنا وسوق شلة الغنم ذول وراي
.
يتابع