البنات وقطاع طرق؟!

البارت الثاني

في طريق خالي وحالك الظلام
.
.
صحيت وأنا راسي يوجعني بمعنى الكلمه حسيت مقدر حتى احرك راسي من كثر الألم لقيت أغث شخص شفته بحياتي صحيت لقيت انه شال عن فمي القماش وكنت اناظر له وهو مركز بسواقته حاولت ما ابين له أني صحيت..
ارتحت يوم شفت البنات ورانا بسياره الثانيه
أخذت الحديده الي بسياره يوم بضربه
رشاش: لعب المبزره الي تسوينه مايمشي علي
وقفت سياره والتفت علي
خفت وهو يقرب مني وحسيت ودي أصيح
لقيته ربطني مره ثانيه
رشاش: كنت بعاملك بشكل كويس بس انتي خليتيني اسوي كذا
بعد مده..
وقفت سياره وأنا ما ودي حتى انزل من سياره
حاولت اناظر وين مكاني بضبط
لقيت صحراء وخيام والمكان مره مظلم
ورعب مع رجال غريب
ولقيت انه فك قيدي
رشاش: صارخي واركضي الحين خذي راحتك
غاليه بغصه : تتمسخر؟ وين البنات
رشاش: بيجون ورانا هم
.
سياره ثانيه..
قمزه وهي تحاول تفك قيدها
شافها عمر وسكت
فجأة
سلطان: عمر وقف
عمر: ليه وش فيك؟
مصلح : علامك سلطان
سلطان: ذي على وشك ينفك قيدها وربطته
مصلح: حرك حرك رشاش ينتظرنا
عمر:  وش فايدة البنات ذول وليه خطفهم
سلطان بضحكه: وش فيك يخي شكله واضح معجب بذي  الي اخذها بحجت مافيه مكان بسياره
مصلح : تشوف الاخ حب
عمر: لا ما اتوقع
.
.
رشاش وهو يشب النار
غاليه وهي تقرب لنار بدون ما يلاحظ
رشاش: شسمك؟
غاليه: مالك دخل
رشاش بحده : قولي شسمك
غاليه بخوف: غاليه وانت؟
رشاش : اسمي؟
غاليه: اي
رشاش : اسمي رشاش قاطع طريق
وهو يقرب اكثر: اتوقع سمعتي عني
غاليه برجفه : انا مايهمني انت مين أو ايش تسوي رجع لنا السياره ي اكيد امي خايفه علينا وانا ماراح اعلم احد عنك وعد
رشاش : هاذا هم جو
غاليه وهي رايحه لسياره ركض وتضمهم: بنات أنتم كويسين
البنات وهم يضمونها
مصلح وهو يركض لرشاش ويقلد غاليه : رشاش انت كويس
رشاش بضربه خفيفه كمزح لمصلح ويضحك
عمر وهو ينزل معصب : رشاش تعال ابيك الحين وضروري
مصلح وهو يضحك : ناوي يحط لك محاضره البيبي عمر
عمر: امش ي رشاش اخلص
رشاش: هاذاني جاي
.
في مكان بعيد شوي..
.
عمر: انت منجدك وش تبي تسوي بذول البنات
رشاش: يخي لا تخاف معليك
عمر: تقول لا تخاف اجل؟ انت منجدك وش تبي بذول البنات انا بحميهم ي رشاش لا تفكر تسوي الي في راسك ذول بنات حرام عليك
رشاش: شايفني نذل لدرجه ذي ماراح اخلي ست حريم يحملون
عمر: يخي ماني مرتاح للي اسويه
رشاش: رح
عمر: انا ماراح اروح واخليك بس انا انا.. ضايع وخايف عليك مشتاق لاهلي وامي رشاش انت دخلتني باشياء خلت حياتي وحياتك تنقلب فوق تحت
رشاش وهو يقرب عمر له ويربت عليه: هم زمان هو الي حدني على ذا شيء سامحني ما كنت أبغي اورطك
عمر: والبنات ي رشاش تكفى لا تورطهم مالهم ذنب؟
رشاش: لاتقلقني ازهل برجعهم البيت وانت الي بتسوق وتتاكد أنهم بخير لا تحاتي
عمر بفرحه : ابشر
رشاش وهو يضحك: امش قدامي بس
جت سياره بنص سالفتهم وقطعت حديثهم
قحص: وش ذا الحلوين من جابهم شسالفه؟
مهل : رشاش وش سالفة الحلوين احجز وحده
رشاش: معليك ي رجال مشكله وحليناها لا تحجز ولا وحده لا انتف لك لحيتك الا قلي وش اخر الاخبار
قحص : مخبر شرطه معتفس بعد ما القو الضابط عبدالله معذب تعذيب شنيع
مهل : وش سويتو له
سلطان : ماتحمل مزحنا شكله
رشاش: لعبنا معه شوي
منيره وهي قاطه: وش سويتو له
مصلح وهو يناظر لها ويقرب: تبيني اعلمك؟
منيره: لا مايحتاج
رشاش : انا وعمر بنرجع الخرفان لشبكهم بكره
مهل وهو يقطع تبادل نظرات..رشاش لغاليه
مهل: شريتو لي ثوب
مصلح: امسك ي قلبي شريت لك
.
.
ام نوره: ولله السوق اليوم متعب بس الحمدلله بسطتنا اليوم ممتازه
ام ملاك: عاد ولله أني فرحانه اشتريت من سوق الخضره اغراض
بنص حديثهم..
ام نوره: وين سيارة ابو ملاك؟
ام ملاك: غريبه امشي داخل البيت اكيد أنهم داخل
ام نوره: الصاله فاضيه؟
ام ملاك: المطبخ فاضي
ام نوره وفيها غصه: وين راحو
ام ملاك: بناتي وينهم امشي اكيد أنهم في بيتي
ركضو لبيت ام ملاك
ما حصلو احد
ام نوره: حسبي الله ونعم الوكيل
ام ملاك: وين راحو بناتي اكيد أنهم أخذوا سياره
ام نوره: تتوقعين
ام ملاك: امشي امشي معي نجلس ننتظرهم ولله ما اخليهم
ام نوره: ولله ما يسلمون
.
.
يتابع