البنات وقطاع طرق؟!

البارت الثامن

بعد ضرب الي جاء لطارق وشلته كانو كأنهم جثث
رشاش
قمت منه بعد ما مسحت فيه الارض نزلت له
رشاش : عرفت قدرك ي كلب؟
طارق وهو جثه ماتتحرك
حركته وابتسمت وانل راضي بالخريطه الي سويتها بوجه طارق
طلعت الباكيت ومشيت وانا متلطم ادخن
وادور على غاليه
.
مصلح
بحد ما صلخت جلد الي تحرش بمنيره ومسحت فيه الارض وعلمته قدره مشيت بسوق وانا متلثم ادور لها
.
.
في مكان في أطراف السوق
غاليه : بنات شوفو محل ذهب!
نوره: ولله انك فاضيه امشي بسرعه
غاليه : بس شوي بشوف ذهب ذا
منيره : تكفين نوره كلي تبن ثواني نشوف المحل
حصه : وربي بيجون وبينهونكم بسرعه امشو
قمزه: امشي للخيام واسحبي عليهم
نوره : بروح معك
حصه : وانا بجي
ملاك : ودي اجلس و ودي اروح
حصه وهي تعطيها نظره
ملاك:خلاص خلاص بروح معكم
غاليه ومنيره : يعني تخوفين روحو بس
.
بعد ماراحو البنات
.
غاليه: شوفي ذا الذهب يجنن شكله
منيره : حتى ذا شوفي شكله
غاليه : لا ذا يعني مو ذاك زود
.
مصلح مشيت الا اشوفها في أحد المحلات
مصلح هديت نفسي لان راعي المحل يناظر فيها
مسكت نفسي وهديت وانتظرت غاليه تلتهي بشيء
وسحبتها من المحل في مكان ماينشاف
مصلح: وين بتروحين مني؟
منيره وهي تبلع ريقها : مصلح!!
مصلح : لو اشيلك الحين من هنا محد بيدري
منيره : جرب بس عشان الم عليك اهل سوق كله وامحق عليك اليوم
مصلح : جربي بس
.
لمحت مصلح وهو يسحب منيره من المحل
وشفت غاليه جالسه في المحل
دخلت داخل وانا معصب وأشرت لصاحب المحل يطلع
غاليه : رشاش صل على النبي وشفيك
حشرت غاليه في زاوية المحل عشان ماتهرب
ورميت فلوس على راعي المحل وقلت له..
"زوجتي وبتفاهم معها اطلع"
غاليه : كذاببب تعال هيهه انت
رشاش وهو يقرب : وش هيه أنت تعرفينه يعرفك؟؟؟
غاليه : لا لا حتى انت ما اعرفك ولا تعرفني
رشاش وهو يقرب: ترا انا معصب واحاول امسك اعصابي
قربت وحاوطتها ونزلت رأسي وبصوت عميق وقريب
" خلينا نجلس شوي كذا بدون ولا كلمه "
غاليه
كنت بموت من الخجل كان قريب مني كنت اقول بقلبي اقوله؟
.
.
مصلح: جربي بس
منيره كنت بصيح الا فجأة اشوفه يقرب من طرحتي
منيره : وش تسوي!
مصلح : لو صحتي ولله لا ابوسك
منيره بصدمه : ماتستحي على وجهك ؟
مصلح وهو يقرب منها : انتي خليتي فيني عقل؟ خليتي فيني حياء؟
منيره وهي تخبصت من كلامه : هاه
مصلح: قال جربي تصيحين عشان اسكتك بطريقتي
منيره : خلاص بسكت اوعدك
مصلح : امشي قدامي
منيره : وين؟
مصلح : لبيتكم وين بعد مانيب بمخليك تروحين لحالك
منيره : غاليه لحالها
مصلح : عندها شخص يخاف عليها أكثر منك
منيره وهي تلف عليه : لا يكون رشاش
مصلح : لا تخربين على رشاش امشي قدامي للبيت
مصلح مشيت معها وانا ماني حاس
بالوقت الا و وصلنا للخيام
.
بعد نص ساعه
غاليه : انت كويس؟
رشاش : جالس اروق على ريحتك
غاليه : وجع احسب فيك شيء
رشاش : انتِ مخدرات من النوع الخطير
غاليه وهي شوي بتموت من كلامه
رشاش : ناظري في عيوني
غاليه بخجل : مقدر
رشاش: ليه كنتي تبكين ذاك اليوم
غاليه
مقدر اقوله أني كنت أبكي عشانه
اقول؟ لا ماراح اقول
غاليه : لا بس هو انا عيوني ايه عيوني دخل فيها غبار..
رشاش وهو يشوفها تتكلم وكأنه شوي ويأكلها من نظراته
غاليه : برجع البيت عادي؟
رشاش بأنفعال: بوصلك
غاليه : لا بروح مع منيره
رشاش : لا بوصلك ، منيره وصلها شخص ثاني
غاليه باستغراب: مين؟
رشاش : شخص
غاليه : طيب خلاص واضح ماتبي تعلم بعرف منها
رشاش وهو يناظر بسماء : امسكي يدي
غاليه : هاه ليه؟
رشاش وهو يدور كذبه
"لا بس عشان راعي المحل قلت له اني زوجك"
غاليه بغباء : اها
رشاش وهو ماسك يدي وطالعين من سوق
كنت اناظر بيده كانت كبيره عكس يدي الصغيرة
رشاش: وش فيك تناظرين يدي؟
غاليه : يدك ماتشبه يدي
رشاش وهو يضغط ويلعب بيدي
غاليه: وجع اول مره تمسك يد
.
.
بعد مارجعنا البيت جلسنا نسولف انا والبنات عن الي صار
وعترفنا لهم..
حصه: انا مستحيل احب واحد فيهم
قمزه: اي ولله مو منجدكم ذول مجرمين
غاليه : كلي تبن خربتي جوي شرهه على الي يعلمك اصلاً
نوره : اي ولله تشوفين ايش تقول
منيره : مادري بنات بس خلاص واضحه وصريحه يحبني
ملاك : بنات ولله سوالفكم تجيب المغص
غاليه : يعنني طالعه منها وانتي جالسه تسولفين مع عمر
منيره : تحسبين ما شفناك
ملاك : شفيكم قلبتو علي بسم الله
حصه : الا ي قمزه..
قمزه تشخر
حصه : منجدك نمتي ؟ اجل بنام انا بعد
.
في اليوم ثاني المغرب..
.
مهل وهو يأكل حبوب: وشفيهم ذول؟
قحص: وضعهم يخوف أمس كانو شوي ويقتلون حد
واليوم كل واحد يوزع ابتسامات
رشاش وهو يبتسم : وش تقولون؟
قحص : لا بس نشوفك مروق ومستانس
عمر وهو داخل : ياجعله دوم
قحص: يلا بروح اجيب كم غرض قريب واجي
قحص
كنت ماشي وماسك الخط الا واشوف شخص يهدد حرمتين
نزلت عليه وضربته وخليته ينمسح بالأرض
قحص: ماستقويت الا على الحريم
الشخص : اسف اسف
قحص: رجع لهم اغراضهم
الشخص : هاكم بس خلني حي تكفى
قحص : اذلف زلابه
قحص لمحت نسوان رحت ورجعت لسياره
الا واشوفهم جايين لي
قحص : وش
ام نوره : يعطيك العافيه ي ولدي
ام ملاك : ما قصرت معنا
قحص : واجبي تبون اوصلكم؟
ام نوره : ايه ي ولدي
ام ملاك : الله يخلي لك عيالك
قحص وهو يضحك على كلامها
ام ملاك : وشفيك تضحك
قحص : لا بس ماني متزوج
ام ملاك وهي تبتسم : شرايك ازوجك وحده من بناتي
قحص وهو يسوق : نشوف الله وش كاتب لي
وصلتهم الا واشوف خيام
ام ملاك : ذيك خيامنا الي فوق الجبل
قحص : لكم محرم؟
ام نوره : لا ولله ما عندنا توفى زوجي وزوجها في حادث
قحص : الله يرحمهم بوصلكم الى التل
ام ملاك : الله يخلي لك شيبانك ما قصرت معنا
قحص : مالي احد شيباني متوفين
ام نوره : ياجعلك تشوفهم في الجنه
قحص: ان شاء الله
وصلت الحرمتين
ام ملاك : عازمينك على العشاء بكره عشان نشكرك
قحص : ابشري بجي بكره
ام نوره : وش رايك ي ولدي تنام عندنا كل يوم وتحمينا شوفت عينك مالنا أحد
قحص وهو يفكر يسوي خير: ابشري بجي لكم انام
ام ملاك بفرحه : خلاص ي ولدي ننتظرك بكره
.
.
رحت منهم ونسيت اجيب الاغراض رجعت مره ثانيه
اجيب الاغراض من القريه..
.
جاء بكره الليل
رحت بدون ما العيال يحسون قلت بسوي خير بيني وبين نفسي
وصلت لهم دخلوني الخيمه
.
غاليه بفضول : من أمس وامي تمدح فيه
نوره : وربي ي بنات بموت فضول مين شخص الي ساعد امي
ملاك : قسم بالله حتى امي جالسه بس تمدح
قمزه: بينام عندنا كل يوم متخيلين
حصه :على الأقل رجال طيب ومنها نرتاح ووننام براحه
منيره: بنام براحه اليوم
غاليه : اي ولله
قمزه: ماجاكم فضول نشوفه؟
غاليه : تفكرون ايش افكر؟
منيره : امشو نويق
مشينا بكل هدوء وامي وخالتي يجهزون له المكان ويعطونه العشاء
ملاك بهمس: قسم بالله كانت فيه مخرق بذي الخيمه
منيره : لقيتها اصبرو انا اول وحده
ناظرت الا واشهق وانحولت
غاليه : وشفيك؟
منيره وهي ماتقدر تتكلم
غاليه وهي تويق: قحح ص
نوره وهي تناظر: يمههه شجابه
قمزه وهي تناظر: ذا منجده!
ملاك : خلاص اسكتو امشو نرجع لخيمتنا
.
قمزه: بنات تتوقعون يعرف؟
غاليه : اتوقع لا
منيره بحماس : مصلح بيجي معه؟
نوره : خفيفه فشلتنا
منيره : كلي تبن
.
مكان ثاني
مهل
صحيت من نوم مالقيت قحص لقيت
فراشه مرتب ما اهتميت وكملت نوم
.

العيال وكلهم مجتمعين
مهل : وينك الليل كله ؟
قحص : كنت نايم عند حرمتين انقذتهم أمس
عمر : حركات
.

نوره
كنت جالسه اتمشى كان شوي ليل
وكنت أقول ابيات شعر.. قلت فيها
في لمة افكاري تطري طواريك
وينتابني "شوق"يهز العظامي
في داخلي شوق عظيم يناديك
قلبي وعيني من بعدك ظوامي
هذا شعور انسان بالحيل يغليك.

سلطان الخفيف كان يمشي وعرفها من
صوتها وجلس يسمع شعرها وتحمس ورد عليها وقال
يـ مرحبا ياغلى ضيوف القلب واغلى معازيبه..
ويامرحبا يـ شوقاً يناديني بهونه
و يـ فز قلبي كل ما شافه.
.
نوره
كنت اشعر وأنا سرحانه الا وسمع صوت اعرفه عدل
الا وأشوف سلطان طالع وهو يشعر
انصدمت بنفس الوقت رديت عليه وقلت

وش جابك في عز ما كنت اهوجس
وش جابك ي بن الأوادم وش جابك؟.

فرح سلطان وقال وهو يناظرها..

في عز ماكنت أهوجس فيك خذتني رجلي لبابك
وجيتك وأنا مااذكر إني كنت رايح لك
بس اذكر اني كذا لا طول غيابك
ياما ترددت مدري كيف بشرح لك
أبيك و تقول وش جابك ؟
ياابنت الأوادم ترى مليت ألمح لك
أنا أعزك ..وأحبك.....واعشق ترابك
حبيت أوضح لك
مستقبلي في يدينك... وأعملي حسابك
لو ضاع مستقبلي مانيب سامح لك.

ختم سلطان الابيات وهو يناظر تعابير نوره
.
نوره وهي تركض مستحيه للخيام

سلطان
وانا اضرب نفسي واضرب أي شيء قدامي
اعترفت لها وش سويت ي سلطان
جلست وانا اناظر الخيام من بعيد الا وانا اشوف قحص
طالع من وحده من الخيام انصدمت يوم جيت أروح له
الا واشوف الحرمتين الي يكلمونه قربت اسمع..
ام ملاك: ي ولدي نام اليوم هنا
قحص : يعطيك العافيه
ام نوره : يلا تصبح على خير
سلطان رجعت بسرعه للخيام ودخلت على العيال
لقيت رشاش يدخن ومصلح مع عمر يسولفون ومهل يأكل حبوب
سلطان وهو يجلس: وين قحص؟
رشاش: نسيت؟
عمر: عند الحرمتين الي انقذهم ذاك اليوم
سلطا: عارف بس انا شايفه عند الخيام الي عند التل
مصلح وهو يعدل جلسته : عند الي خطفناهم؟
سلطان : اي الحرمتين الي انقذهم يصيرون للبنات
رشاش: الكلب!
مصلح : وهو دايم يروح وينام في المكان الي تنام فيه منيره ؟
قام رشاش وقام معه مصلح وسلطان
واتجهو لتل
مهل : ناويين على شر شكلهم؟
عمر : بروح معهم قبل يسوون شيء