البنات وقطاع طرق؟!

البارت الرابع عشر

مصلح
دخلت الغرفه وانا عيوني تدورها
الا واشوف شيء تحت المفرش قفلت الباب
وقربت منها وانا اقول بهمس
مصلح وهو عند أذنها : ليه منعتي نفسك من الأكل
.
منيره
حسيت حد يدخل بس ما كان يتكلم توقعت انها غاليه
كملت وانا بالمفرش الا واسمع صوت رجولي يقولي : ليش ما كليتي وأنفاسه تضرب رقبتي انصدمت ولفيت
كان وجهي و وجهه مره قريب أبعدت بسرعه
.
مصلح
لفت منيره وكان وجهها قريب كنت اقدر اعد رموشها كنت اناظر
عيونها الحمراء وشفايفها وشامتها الي في نص خدها
كنت بس اناظر لها الا وتبعد هي بسرعه مني
ناظرتها
منيره وهي تبكي  : الكل شافني ي مصلح سيرتي
بتصير على كل آلسان
مصلح قربت منها أضمها : يخسى ولله  كل من جاب سيرتك
منيره وعيونها غرقانه بالدموع ما كان واضح لها وجه مصلح
وكل ما مسحت عيونها ترجع عيونها تغرق : انت تكرهني؟
مصلح بصدمه : كل الي سويته وتقولين اني أكرهك انا مجنون في بنت اسمها منيره أكرهك ؟؟ وذا سؤال ينقال منيره انا احبك 
كيف بكرهه وحده خلتني احس بلذة الحياه 
منيره بخجل من كلامه وفرحه خلتها تنسى كل الحزن : وانا كمان
مصلح : انتي ايش!!
الا ويشوف الباب انفتح..
والبنات طاحو على بعض
غاليه : الله يخذ قمزه
قمزه : وش دخلني الي دزتني ملاك
ملاك : آكلو تبن فشلتونا
مصلح وهو يناظرهم ومعصب : اطلعو برا وجيبو اكل ولله لا اشوف وحده تتوطوط عند الباب..يبي يكمل بس هربو
قفلت الباب واشوفها ماسكه يدي
منيره : وش ذا ي مصلح!!!
مصلح : ذا كنت انا
منيره وهي ما تسمعه وتبكي اكثر : مصلح تكفى انت تنزف
وباقي تسولف معي اجلس بسرعه
مصلح وانا جالس وهي تمسك يدي تعالجها
الا ويدخلون ومعهم الأكل
مصلح وانا اناظرهم : خلصتو؟
ملاك : خلاص بنطلع
غاليه : أوف
حصه : وش صار ماتستحون تتجسسون خلوهم
قمزه : مرهه يجننون ي بنات
غاليه : عقبالي انا ورشاش
ملاك وهي تضربها : اثقلي وجع
حصه وهي تقلدها : بنات ضمني عمر
ملاك : ما اسوي كذا انا
غاليه : فشلتونا انتبهو امي تدخل او خالتي الغرفه
قمزه : لا تخافين هم عند جدتهم
.
منيره
عالجته وهو عيونه تتبعني في كل مكان اروح له في الغرفه
مصلح : آكلي قدامي
منيره : ما ابغى
مصلح : آكلي ولا أكلتك غصب
منيره : خلاص تمام
منيره وهي تأخذ لقمه صغيره
مصلح : أخذي لقمه اكبر
.
قحص
جالس وانا واقف عند باب بيتها
وأفكر بشعرها وصوتها ذيك لحظات ما راحت عن بالي
وهو يردد في مخه قمزه قمزه..بس قمزه
.
قمزه
جالسه وانا اضحك مع البنات
قمزه يوم طحنا عند الباب يوه الفشله
غاليه : اي ولله
حصه : انا ملانه ابغى اسوي شيء
قمزه : شرايكم...
ام ملاك : وشفيها غرفة منيره مقفوله؟
حصه : لا يمه أبشرك جلست تأكل وراحت تنام
غاليه : ايه يمه ما شاء الله عليها وكانت تضحك
ام ملاك : بدخل أشوفها
ملاك: يوه يمه نسيتي تبدلين ملابس العرس؟
ام ملاك : اي ولله انحست
راحت ام ملاك
غاليه : الحمدلله
ام ملاك وهي ترجع : قمزه أخذي زباله وشليها
قمزه : ابشرييي
راحت ام ملاك..
.
قمزه رحت للمطبخ وأخذت زباله
ابي ارميها
.
قحص
واقف أتخيلها الا واشوف شخص طالع من البيت وانا اناظرها
وهي ترمي زباله قلبي فز ، كانت تناظر يمين ويسار
.
قمزه
رميت زباله الا واشوف الجده طالعه من البيت
قمزه : وين بتروحين ي جده
الجده : بروح اسلم على ام ريم
قمزه : وش ام ريم ناس بالليل الحين ادخلي نامي
الجده وهي تضربها بالعصا : لا بروح لبيت ام ريم
قحص نزلت وانا متجهه لهم : السلام عليكم ي قمزه
قمزه : هلا ي قحص
قحص : وش سالفه
قمزه وهي تضحك : ما تبغى تدخل
الجده : اسكتي انتي وزوجك ومالكم دخل بروح لام ريم
قمزه بإحراج
قحص يحاول يستوعب: يازين زوجتي انشهد انها مزعجه
قمزه وهي تناظره : كذاببب
الجده : كنت عارفه ما تستحي زوجتك تمنعني امسكها خلني اروح لام ريم اسولف معها
قمزه : يوه عاد لا تشوفين زوجي طول اليوم مع خوياهه ولا يجي يسولف معي اهبديهه
الجده وهي تضرب قحص : وانت ماتستحي مخلي زوجتك طول اليوم لحالها بالبيت
قحص وهو مستأنس على الي جالس يصير  : زوجتي هي الي ما تبغى تشوفني طول اليوم
قمزه : الا ابغى اشوفك بس انت طول وقتك مع اخوياك ي نصاب
قحص وهو يغمز : خلاص من اليوم بجلس معك طول الوقت مادامت تبين تشوفيني
قمزه وهي تحس تحرك شيء بقلبها : هاه اقصد
الجده وهي تناظرهم يتهاوشون: خلاص اهدو بحل مشكلتكم
امشو معي المجلس
دخلت الجده البيت
قمزه : يعطيك العافيه ي قحص
قحص وهو يغمز ويصر على الكلمه الاخيره  : اذا تبين شيء ثاني علميني ي زوجتي
.
قمزه
قفلت الباب بإحراج من كلمته
.
غاليه
كان الكل نايم رحت لمنيره بعد ماراح منها مصلح
غاليه وهي تبكي : منيره منيره قومي
منيره : هاه وشفيك الناس اخر الليل وش مصحيك
غاليه : مقدر انام
منيره : ليه
غاليه : صار شيء مرهههه
منيره بفضول : قولي وشو؟؟
غاليه : اليوم قلت لرشاش يدور لك بعدين قرب مني وقال احبك
وقفل الباب كنت ابي أقوله راحت الفرصه هو اغبى
رجال شفته بحياتييي بس برضو بموت من الفرحه بنفس الوقت
منيره : اجلل بقولك شيء
غاليه بضحكه : عارفههه اعترف لك؟؟؟
منيره بهمس  : اييييي 
غاليه وهي تضم منيره
غاليه:  قايله لك انه يحبني
منير ه: لا تكذبين
غاليه : ظنك شصار مع نوره اختي الحين؟
.
نوره
بدلت ملابسي ولبست وتانقت بشكل حلو وتعطرت
وناظرته وهو يبدل
سلطان : بتنامين ؟
نوره : مقدر انام جنبك
سلطان : ليه
نوره : مقدر
سلطان وهو يسحبها : تعالي بس ما صدقت على الله
نوره : خنقتني ي دب
سلطان بضحكه : لا تقرصين ي بنت
نوره : عادي بكره اروح للبنات؟
سلطان : روحي بس لا تطولين
نوره بحماس : تمام اوعدك برجع بسرعه واسوي لك العشاء
.
يوم وصباح جديد
غاليه قمت وانا مره نشيطه ومروقه
لقيت مافيه فطور!
رحت ادور امي لقيتها بفراشها؟
غاليه: يمه ؟
ام نوره بصعوبة : هلا
غاليه : الصباح الحين غريبه ما قمتي
ام نوره : معي حراره مقدر أقوم من سرير
غاليه لمست رأسها الا وحار مره
ركضت انادي خالتي وتذكرت انها كانت تبكي عشان
منيره فقلت ماراح اعلمها أخذت كمادات وانا احطها
على رأسها وطلعت اشوف ثلاجه عشان اسوي شوربة دجاج
بس ما حصلت المكونات
لبست عباتي
ورحت طالعه من البيت لسوق
.
رشاش
أمشي في سوق ادور عمر مادري وين راح
الا اشوفها تحاول مع راعي المحل يخفض السعر
ابتسمت بحماس وش ذا الحظ رحت لها
رشاش : غاليه ؟
غاليه انفر قلبي  يوم سمعت صوته : هاه هلا رشاش
رشاش : وش تسوي الحلوه هنا في ذا صباح
غاليه بحماس : امي تعبانه وقررت أخفف حرارتها بشوربه
رشاش : بدفع الأغراض
غاليه : لا ماراح تدفع دفعت انا
رشاش : وش دفعتي وانتي شوي بتصفقين راعي المحل
غاليه : اقصد شسمه شرايك تبي تشرب من شوربتي وتذوقها؟
رشاش : اكيد ودي يعني
رحت معها وسحبت على عمر الي مادري وينه
.
دخلت معها الأغراض
غاليه اجلس هنا
غاليه : يمه ببدل لك الكمامات وبسوي شوربه لك
ام نوره وهي ماهي في وعيها : تمام ي روحي
غاليه : عندنا زائر يوم عرف انم تعبانه حلف يجي معي
ام نوره : مين
غاليه وهي تبدل الكمامات : رشاش ي يمه
ام نوره : حياه الله
.
غاليه
رحت للمطبخ الا واشوف داخل معي
غاليه : وش تسوي هنا؟
رشاش : بجلس اشوفك وانتي تطبخين
غاليه : مو منجدك
بعد فترة صمت
رشاش بعد ما استجمعت نفسي : وش ردك
غاليه : ايش تقول
رشاش: اقصد ردك
غاليه فهمت بس تحاول ما تفهم : يعني وش ردك؟
رشاش : فاهمه قصدي زين ي غاليه
غاليه: طيب وش هي
رشاش : الكلمه ذيك
غاليه : الكلمه وشهي
رشاش وهو يناظر مكان ثاني بإحراج : كلمة احبك
غاليه : وانا بعد
رشاش بصدمه : هاه وش عيدييي؟؟؟
غاليه : انا بعد
رشاش : انتي وش؟؟
غاليه بهمس : احبك ي غبي
رشاش : وانا اموت فيك
غاليه : خلاص كل تبن مقدر
رشاش : قلبتي
غاليه : اسكت امي مريضه لاتسمع
رشاش : بروح اقولها
غاليه : !-وش تقول لها؟
رشاش : اخطبك
غاليه : اجلس
رشاش : ي بنت مقدر اصبر يمكن اسوي فيك شيء
غاليه تركته من الاحراج
رشاش
أخذتها فرصه وانا انادي ام نوره
ام نوره وهي تتغطى : ادخل الغرفه ي وليدي
رشاش : اسمعي انا ودي ادخل في الموضوع انا احب بنتك غاليه وتكفين اطلبك تعطيني بنتك اليوم تكفين
ام نوره تحسب الحراره اثرت عليها : وش تقول!
رشاش : ابغي بنتك غاليه زوجه لي
ام نوره بفرحه : انشهد موافقه وين احصل رجال نفسك
رشاش : اجل نقول تم؟
ام نوره : بس بقولها
رشاش : ازهليها هي موافقه بس عادي أتزوجها اليوم؟
ام نوره : وشفيك ي وليدي اركد
غاليه وهي تمسع محادثتهم وتحط يدها على وجهها : حسبي الله عليك ي رشاش قسم انك مجنون
.
عمر
امشي وانا ادور رشاش توقعت انه رجع
رجعت وانا اناظر باب بيتها
عمر : ودي اعرف وش تسوي
نوره : هلا ي عمر
عمر : هلا ي نوره كيف حالك ومبروك
نوره : الله يبارك فيك الحمدلله
عمر : بتروحين للبنات؟
نوره : ايه
عمر : عادي تعطيني ذي لملاك
نوره بضحكه : أبشر ي عمر
عمر وهو يعطيها الكيس : انتبهي على ملاك
نوره باستغراب : ليه ؟
عمر : بروح السعوديه
نوره بصدمه : بيصيدونك لو رجعت!
عمر : لا تعلمين حد
نوره : وش موديك هناك ؟
عمر : ودي اشوف امي
نوره : حافظ على نفسك
عمر : ابشري
نوره : متى بتروح؟
عمر: ان شاء الله اليوم الليل
نوره : اها
.
سلطان
دخلت عليهم
مصلح : اوه جاء معرسنا
مهل وهو يضم سلطان : كيف حالك
سلطان : يازين ترحيبكم
قحص : الا تعالو محد منكم بيتزوج غرت من سلطان
مصلح : افكر اطلب يد منيره ان شاء الله بس ابي حد معي ي عيال
مهل وهو يدق الصدر : انا معك بجي
قحص : اجل بروح معكم ي عيال
.
نوره
مشيت ودخلت للبيت
واحصل رشاش وامي وغاليه
نوره : غريبه عندنا رشاش
رشاش : يلا يعطيكم العافيه انا بروح
غاليه وه تضم نوره
غاليه : اشتقت لك
نوره : وانا اكثر
غاليه : امي تعبانه وقمت بالواجب شوفي
ام نوره : اي ولله خفت حراراتي وسبب غاليه وشوربتها
غاليه : يمه بروح لخالتي لعنود مع نوره عادي؟
ام نوره : انزين وخليها تجيني ابيها بموضوع
غاليه وهي متوتره ومعارفه الموضوع : ابشري
رحت انا ونوره
لبيت خالتي وإلقاء البنات
يلعبون بالحوش
واحصل منيره ورحت لها
نوره
مسكت ملاك ورحت معها لغرفه
ملاك : وشفيك
نوره : ذي كيسه من عمر مادري وشهي
ملاك : عمر منجد ؟
نوره : افتحي مره فضولي شوي ويوصل لسماء
ملاك
فتحتها الا واحصل عقد ذهب؟
ورساله مكتوب فيها 
العقد ذا امي تقول اذا خطفت قلبك بنت عطها ذا العقد
وانتي هي البنت الي خطفت قلبي واختارتها لي
يمكن ذا اخر شيء تسمعينه مني بس احبك..
.
ملاك وهي تبكي
ناظرت العقد ولبسته
ورحت اشوف شكلي بالمنظره
نوره وهي ودها تقول لملاك : ملاك
ملاك : هلا
نوره : ترا عمر ماراح يرجع
ملاك : كيف؟
نوره : بيروح لسعوديه اليوم بالليل
ملاك : وش تقولين؟؟؟
نوره : مثل ما سمعتي يبي يروح يقابل أمه
ملاك : احد داري
نوره : لا محد يدري
ملاك وهي تبكي : لا بيقتلونه تستهبلين
نوره : ملاك اهجدي ان شاء الله يرجع
.
كان اخر الليل
ملاك
أخذت عباتي
وكنت أراقب وانتظر عمر يطلع
إلى ان شفت الباب ينفتح حصلت عمر طالع
من البيت طلعت وانا اتتبعه بكل حذر
وشفته شغل السياره ولف يبي يأخذ شنطته
دخلت لسيار وتخبيت قبل ينتبه لي
.
عمر
ماسك الخط وانا افكر برجع لهم مره ثانيه
هل راح أقابل ملاك مره ثانيه؟
يتابع..
وش راح يصير مع عمر بالسعوديه مع ملاك ؟؟
هل راح يعرف رشاش؟
يتابع 🏃🏻‍♀️🏃🏻‍♀️