[Unicode]
အုပ်မှိုင်းနေသော ကောင်းကင်ကြီးအောက်၌
အေးခဲနေသော နှင်းတွေအစဥ်အမြဲဖုံးလွှမ်းလျက်ရှိသောမြောက်ပိုင်းဒေသမှ Locus Kingdom ကြီးသည်အုပ်စိုးသော Jeonဘုရင်၏လက်အောက်၌စစ်မက်များကင်းဝေးလျက်သီးသန့်နေထိုင်ခြင်းဖြင့်ငြိမ်းချမ်းစွာတည်ရှိသည်။
Jeonမျိုးနွယ်စုတို့သည် အေးခဲသောဒေသ၌ရှင်သန်
လာသည့်အလျောက် နှင်းပွင့်သမျှဖြူဖွေးသောအသားအရေ ၊ပင်လယ်ပြာလိုရှင်းသန့်သော မျက်ဝန်းပြာတွေ
နှင့် ငွေမှင်ရောင်ဆံနွယ်တို့ဖြင့် အလှတရားနှင့်ပက်သက်၍ကျော်ကြားသည်။
"မင်းသားငယ် နန်းတော်ထဲမှာ မြှားလျှောက်မပစ်ပါနဲ့
ထိကုန်တော့မှာပဲ "
လေ့ကျင့်ချိန်မဟုတ်ပဲ နန်းတော်အတွင်းရှိတိုင်လုံးကြီး
တွေကို ပစ်မှတ်အလားလျှောက်ပစ်နေသော အသက်
၇ နှစ်အရွယ်မင်းသားငယ်သည် သူ၏အစောင့်တွေရဲ့
စကားကိုမကြားသည့်ယောင်ဆောင်ရင်း ခုန်ဆွခုန်ဆွနဲ့
လျှောက်သွားနေမြဲ ။
"မင်းသားငယ် အရှင့်အိပ်ဆောင်ရောက်နေပြီ
မဖြစ်ဘူး "
အလန့်တကြားတားမြစ်သံသည်နောက်ကျလေပြီ၊
မင်းသားငယ်၏ မြှားသည်လက်ဖက်ရည်တည်ခင်း
နေသော ဖခင်ဖြစ်သူနားမှ တိုင်လုံးကြီးထဲစိုက်ဝင်
သွားသည်။
"ခွင့်လွှတ်ပေးပါ အရှင် ... ခွင့်လွှတ်ပေးပါ"
"ဟား ... ပါးရဲ့ယုန်ပေါက်လေးကတော်လှချည်လား
လာပါဦး"
ဘုရင်ကြီးသည် မင်းသားငယ်ရဲ့နောက်လိုက်အစောင့်တွေရဲ့တောင်းပန်စကားကိုကျော်လွန်၍ သားဖြစ်သူ
ကိုသာ ပြုံးလျက်ဆိုလာသည်။
ထိုအခါမှနောက်လိုက်အစောင့်တွေသည်လည်းဘုရင်၏ကျေနပ်အားရသည့်မျက်နှာထားကြောင့် စိတ်လျှော့သွားဟန်ဖြင့် ငြိမ်သက်သွားပါသည်။
မင်းသားငယ်သည်ကား ပွေ့ဖက်ဖို့လက်လေးဆန့်တန်း
ပေးလာသော ဖခင်ဖြစ်သူရဲ့ရင်ခွင်ထဲဝင်တိုးပြီးခေါင်းလေးပွတ်သပ်ကာဝင်ချွဲသည်။
