"මිත්තනියනි,ඇයි කිසිවෙක් කිසිවක් නොපවසන්නේ? රජතුමාට එක්වරම කුමක්ද සිදුව ඇත්තේ?" ටේහ්‍යුන් කුමරු විමසුවේ කදුලු පිරි දෑසින් යුතුව.
උද්‍යානයේදී එක්වරම සිහිසුන් වූ රජුව මාළිගය අවට මුරසේවයේ යෙදී සිටි සෙබළෙකුගේද ආධාරයෙන් කුටිය වෙත ගෙන ආ ටේහ්‍යුන් කුමරු ඉක්මනින් වෙදදුරුතුමාව කැදෙව්වා.
රජුගේ කුටියේ රැදී සිටි සියල්ලන්වම එතනින් පිටතට යැවූ වෙදදුරු බොහෝ වෙලාවක් තිස්සේ රජුව පරීක්ශා කළා.
බියෙන් හා කුතුහලයෙන් ගතවුනු නිහඩ පැය කිහිපයකට පසුව වෙදදුරු මියොන්ග්සොන්ග් රැජිනව ඇතුලට කැදෙව්වා.
ටේහ්‍යුන් කුමරුන්ටත් රජු අසළට යාමට අවශ්‍ය වූවත් වසර ගණනාවක් තිස්සේ ජොන් රජ පවුලට සේවය කර තිබූ ඒ දක්ෂ වෙදදුරුගේ උපදෙස්වලට ගරු කළ ඔහු මිත්තනියට යාමට ඉඩ දී පසෙකට වුනා.
පැයකට පමණ පසු මියොන්ග්සොන්ග් රැජින පිටතට පැමිණියේ දැඩි කනස්සල්ලෙන් යුතු මුහුනකින්.ඇගේ දෑස්වල දැඩි බියක මෙන්ම යමක් සැගවීමට දරන වෑයමක සේයාවක් පෙනෙන්නට තිබුනා.
නමුත් තමාව දුටු විගස මියොන්ග්සොන්ග් රැජින අපහසුවෙන් යුතුව මුහුනට සිනහවක් නගා ගත් බව ටේහ්‍යුන් කුමරුගේ තියුණු දෑස් දැක ගත්තා.
"මි-මිත්තනියනි , රජු සුවෙන් නොවේද?ඔහුට කුමක්ද සිදුවී ඇත්තේ?" ටේහ්‍යුන් කුමරු විමසුවේ යම් පමණක බියකින්.
"කිසිවක් නැහැ කුමරුනී.රජුගේ හදවතේ පීඩනය එක්වරම අඩුවී ගොස් ඇති බවයි වෙදදුරුතුමා පවසන්නේ.ඔහු ඖෂධ නියම කළා.රජුට ඉක්මනින් සුවවේවී" මද සිනාවක් සමගින් මියොන්ග්සොන්ග් රැජිනගේ මුව පැවසුවත් ඇගේ දෑස් පැවසුවේ වෙනම කතාවක්.
ටේහ්‍යුන් කුමරුට රජු ගැන වඩාත් බිය සිතුනේම ඒ නිසාමයි.එමෙන්ම ඔහු වටා රැස්ව සිටි යූනා කුමරියගේ මෙන්ම හෝසොක් කුමරුගේ නිහඩ බවද ඔහුගේ සිතට ගෙන දුන්නේ දැඩි බියක්.
"මිත්තනියනි...රජතුමා මා සමග සිටින විටයි එතුමාට මෙසේ සිදු වූයේ.ඊට මට කමාකරන්න" කදුලු පිරුනු දෑස් බිමට හරවාගත් ටේහ්‍යුන් කුමරු සමාව ඉල්ලුවා.
YOU ARE READING
𝗕𝗲𝗮𝘂𝘁𝘆 & 𝗧𝗵𝗲 𝗕𝗲𝗮𝘀𝘁
Fanfic♥︎Tale as old as time... True as it can be... Barely even friends... Then somebody bends... Unexpectedly... Just a little change... Small to say the least... Both a little scared... Neither one prepared... Beauty and the Beast...♥︎ Cover credit goes...
