ذات العيون الناعسة

Part(1)

انأ تلك القويـه ،
مـن بلاد قتلت فيـه الدماء متناثـرة . .
وأرضا يملائهـا السـّواد !
احببـُت ذلكـ الذي تهت بين عينيـة .
عجباً لهذه العيـون ممتلئته بالسواد اللامع
فاض حنين اشتياقي كـ الأنهار
اشتياقا لعينيه
في ظلام الليل الضائع . . .
أين أراك بين وجع أحلامي !!
ام خيالي التائه ؟

النَص للمبدعة   nx_90m

مشاهدة مُمتِعة يُمة ...♥️

...........................................................
كاعدة بالحوش اليوم الجو حلو
، يماااي شني هالريحة الطيبة الهوى مُنعش رفعت عيني للسماء الغيوم حاجبة ضوة الشمس ولون السمة الازرق ،جانت بيها مطرة
كمت افوتن للدار عبن صارت باردة

دخلت لتحت لكيت مرت اخوي سعد تشتغل بالمطبخ منگعة التمنات..

_ولج اديبة هاي لساتج ما مجهزة الغدة ، چا شلون اذا اجى ابوي وانتِ بعدج ،شمالج هجّي فاهية..

_اديبة : اكلج عفية حَسنة ، مو الشغل كلة علية وانتِ فالحة بس تفرفرين بالبستان ، ايدج وياي اجل نخلص من وكت ...

_حسنة : يبوووووي اني بنت العز والدلال تالي عمري انتِ تحَجين وياي هجّي ، انة الج يا اديبة ..

عفتهة ورحت ورة البيت لكيت امي خطية خالة الشال على وجهة وتشنگ بالعجين مستعدة تخبز ..

_ يمة يا وجه السعد شلونج اليوم ..

_ خير حَسنة شناوية شنهي المطلوب من الاخير ..

_ اروحلج فدوة ، ما اريدن شي اريدنج بخير حبيبة...
بس جيت اكلج انة طالعة للبستان اشمّن هوى بين ما يرجع ابوي واخوي سعد ..

_روحي يمة بس لا تبطين ويروح عليج الغدة..

_صار، عفت امي واتوجهت للغرفتي ، فرحانة عبن صار عندي حجرة(عرفة) وحيدي يمااااي ، فتت للحجرة جانت امي تارسة الحجرة نضد تگلي حجرتج فارغة تفيدنة ، فتحت البقجة مالتي ، خليت عبيتي على خصري ,وشيلتي على راسي ، مسوية ضفاير اثنين مكيفة بيهم ...

اتوجهت للبستان ، اللــه شني الريحة شني الجو جانت السماء بيهة غيم يخبل..

والگف سويرة بنت مسلم تگطف بالحلال مالت ابوي ، يماااي رحت ادبج مثل الثور ، المصكوعة البواگة ..

_لگفتج يبت مسلم ، ويلج تبوكين بحلال ابوي ، ولج مو عدكم حلال عليش جاية علينة احنى ...

بهتت ملامح وجهة ،وجهة صــار لونة مثل الكركم كالت
:والله حَسنة راضي دزني عبن يكسر خشمج شلون رفضتي من اجة رايدج مرة الة...

_ حَسنة : ولج خايبة اطم روحي بكبر ولا اتزوج اخوج ، يماي شناقصني انة ، اشو الحسن كلة عندي ، ومدللة وهلي مالين عويناتي ، شمالي أتزوج اخوج الفكر ...