ذات العيون الناعسة

Part(11)

الجُـزء الحادي عشر // بقلمي مريم علاء//

_ جَنة اني هواي احبج ،ثقي بالله شما كُبرت انت بكلبي وبروحي كل شي صار مو بيدي ...

_هههههه ، صدك ضحكتني ..يعني شنو مو بيدك مرة انتَ يجبروك على زواج هاااا . احجي ليش ساكت ..

_ جَنة صارت هواي أشياء ،يفضل ما تعرفيهة ولا تقهرين روحج ،ياروحي..

_زين اذا انت تحبها ليش علقتني بيك ،ليش املتني بحب مالة وجود احجيييي .. روح من وجهي وانسى بيوم من الايام حبيتك يا ابن عمي ،اذا انت سويت بية هيج الغريب شيسوي...

_ جَنة ياروح روحي ،تمنيت اضمج بصدري عن كل هاي للدنيا ، واسف لان سببت الج هذا الوجع ، ادعي علية انتِ يتيمة بلكت بيوم من الايام اموت واخلص من هذا الهم ..

_ ان شاء الله ،كل عمرك ما تشوف الخير ..اللــه لايوفقك...

ابتسم بوجهي وراح ، ضليت واكفة دموعي تنزل .. الجو كأبني اكثر خنكة وبوخة بصدري حتى النفس خانكني..

رجعنة للبيت كبل نمت فاتت امي للغرفة مستغربة كالت
: يُمة جَنة شمالج وي النوم ، بيج شي بنيتي ؟

حسيتهة شاكة بشي كبل كلتلهة :
لا يمة بس تعبانة من الدراسة ...

_ نامي يُمة نوم العافية..

_ جَنة: طلعت وعافتني ، ما اجاني نوم بعد كمت على حيلي...

ادور امي ماكو ، رحت للمطبخ واشوفهة واكفة تسوي غدة . امي مرة جبيرة واكفة على الطباخ ضهرهة محدب من المكينة..

هنا اني بعد ما كدرت اسكت ..
توجهت لغرفة رضوان واني شايطة من العصبية كافي عاد لشوكت اضل اضم بكلبي ..

دكيت الباب كال رضوان:

فوتي ..

_ رضوان هاي ابدا مو حالة ، يعني امي المرة الجبيرة واكفة على الطباخ ومرتك كاعدة تتمضحك.. ميصير هيج ياخوية سكتت وكلت عادي بس مال اشوف امي فوك كسرة ضهرهة تسوي اكل واحنى ناكل ..

باوع على نبا وكال :

نبأ ، اني من سالتج شنو الغدة .. مو كلتيلي، مسوين فاصوليا بس اطبخرالتمن ، تجذبين عليه نبا ؟

نزلت راسهة بدون متحجي شي ..
كال رضوان :
روحي جَنة اني اتصرف .. طلعت وسديت الباب ﯠراي ..

_ حَسنة: ليش هيج بنيتي ، اني واكفة اسوي ماكو داعي هالمشاكل...

_ لا يمة لهنا وبس روحي طلعت صــار ٣ اشهر هي هنا صــٰارت مو غريبة تسوي شغلات وياي حتى الج ما اكلولها اسكت اكول متسوى اسوي مصيبة علموها..
بس كافي روحي طكت.. يعني هو شغل مراح تموت اذا اشتغلت اني سادس ويصير عليه هواي ضغط .. ولا عبالج من احجي هيج اتعاجز من شغل لا والله ، بس ما اتحمل بعد ...