ذات العيون الناعسة

Part(25)

البـارت الخامس والعشرون ..
بقلمـي مريم علاء ♥️
/////////////////////////....

جَنة : شفت صديقتي بحالة مو حلوة ..
عيونها حُمر ، وجهة بس من يم عيونها احمر مزرق مبين مضروبة. شفتها يابس عليهة دم بس ممسوح ، تحت عينها سواد قوي ،، وماكو اي قطرة ميكاج بوجهة..

كل هذا بكوم ، ومن شفت لبسهة والشال على راسهة ،، هنا تأكدت اني الي في بالي صحيح ..

بدون ما نحجي اي شي اخذتني لمُكان ورا الجامعة بس طُلاب بس قليل يعني بس السجاجين يجون هنا علمود يقرون ،،

اول ما كعدنا خلت  راسهة على كتفي وما اسمع بس صوت بجيهة الناصي ..

_ اية : راح احجي كُل شي ، بس محتاجة حضنج جنو ..

كاعدة على جربايتي ، اريد أكمل التقرير حتى اخابر عادل ونحجي ،، متفقين احنة ساعة ١٠ نتخابر اذا غير ساعة ١٠ هاي مو اني .:

على حظي سمعت امي تصيح خليت الجهاز على التخم الي بالصالة ورحت الهة ،،

_ ها يُمة ؟

_ تعالي يمة اخيتج راح تجي هي ورجلهة ،، تعالي عاونيني بالعشة ،،

بديت اگلي وي امي من الـ ٩ للساعة عشرة ، راح من بالي عادل

والله توني احط الاكل بالفرن اسمع صوت منتظر يصيح ، ياهو انت ابن الكلب ..

وگف كلبي حسبالي تعاركوا هو واخوية ،

توجهت للهول اشوف شكو ، لكيت جهازي بأيد منتظر والوجه مايتفسر ..

فقدت الامل بعد ، ما جنت خايفة من شي غير عادل ..

لزمني يا جنو كطعتي تكطع ، امي هم استلمتني ويا  ، تخيلي اتصلوا على اختي كالو الهة لا تجي حتى يتفننون بعذابي ..

جنت مخلية أملي بابوية راح يجي ينقذني منهم ، لان هو يحبني بس اجة ابوية كال لمنتظر هاي كبالك شنو تريد تسوي بية سوي..

جنو طلع شايف كل المسجات بينة وبيني ، وكلها جانت حجي مو زين عادل يحجي وياي ..

.. شهكت شهگة قوية وكملت..

جنو اني جنت اتجاوب ويا لان بس اكول الة اسكت ما احب هاي السوالف يزعل ..

من شافهن دخلني للغرفة ، وبالنطاق مالتة جنة شبعني كتل ، وما اكتفى صار يضرب بية بوكسيات على عيني وجهي ،

ومن طلع تفل عليّ وكال جامعة بعدرماكو ، ضلي خدامة هنا ،،

وكل هذا الي صار ، واني يا جنة افكر بي ي بـعادل لان ادري بمنتظر ما راح يسكت..

يومين اني بدون اكل حال الضيم حالي ، مثل الجلب يعاملوني ينطوني بس مي حتى ما اموت .. لو ميتة احسن ..

كمت بليل اريد اخذ جهاز امي اتصل بي اكُول الة انهزم من البيت اخاف يجي يكُتلك متحلف بيك ،