ذات العيون الناعسة

Part(28)

كال هاي الكلمة ، عيوني صارت بالكاع ماحجيت اي شي ..

باي..
كلت هاي الكلمة ، ومشيت من عندة سـريع . . الـوقت جان ابدا مو مناسب ..

بعـد هذا الموضوع اختفى طه ، وصار من يشوفني يتجنبني واني كذلك ..

خلصت السنة الثانية على خير .. دخلنا على سنة جديدة ..

٢٠١٦..
سنة باردة مابيهة ايي شي مختلف .. صرت كل يوم ادخل للفيس اشوف صورتة واسـد الجهاز ..

احـس روحي مشتاقة الة ، اية وعادل طولو بفترة الخطوبة .. كضوهة مشاكل كل يوم هي مخابرتني تبچي ..

وبيوم// ٢٠١٦
هذا اليوم جان يوم حزين على كُل گلب عراقي .. منطقتنة جانت كلش قريبة على الكرادة مريم..

من صار الانفجار جنت واكفة بالمطبخ احمي الچاي لعمة  ، من صارت يمي الطبة وكف كلبي ..

اول مت وصلت للغرفة ، انطيت الجاي لعمة وكعدت اتفرج بالتليفون مالتي

نايمة فزيت على صوت التليفون ..
ساعة ١٠:٣٠ الصُبح ..

اية المتصل ..
اول ما رفعت الخط ، اسمع صوت صراخهة ..

_ ولججج جَنة ، عادل البارحة طلع هو وجماعتة للكرادة .. ومن البارحة لليٌوم اتصل بي ما يرُد علية ولجج جنة واح اموت ..

_ مدري ليش لزمت كلبي ، سالتهة وهي بهذا الوضع ، اية طه وياهم ؟

_ ايييي ولجج اييي جنة راح اموت فدوة الحكيني.:

_ زين ما اتصلتي على احد من اهلة ..

_ ماكو محد يرد ..

ضليت بالنص ساعة احجي وياهة واهدي بيهة ، بس ما تفهم مني بس تبجي اخر شي سدت الخط بوجهي..

مدري ليش خفت على طه ، للـ ١٢ الظهر وماكو ٲي خبر .. اية متخربطة.

ضليت اللوب البجية صارت بطرف عيني ، ما اريد اخسر ايي شخص بعـد ..

صليت الطهر ، وقررت احاجي بلكت يجاوبني ..

سديت باب الغرفة و اخذت التلفون.. كتب الة مسج ..

طه ، انت بخير 💬
_ ماكو اي رد ، صفنت على المُحادثة ..
هفف هم ماكو توترت اكثر ، يربيي شلون هسة ..

بالي يم اية الي محد من اهلة يرد علية ..
ادردم وي روפــي ، اجاني صوت مسج مال مازنجر ..

جنت كالبة الجهاز على المخدة ، كلبي رجف .
وفعلا طلع هو .. يمةة فتحت المازنجر كان راسل امثر من مسج ..

💬تفضلي ؟
💬شنوو ، انت جنات ؟؟
💬جنةةة هاي انت ، بوية رُدي عليّ ؟

_ ابتسمت ، جنت مسوية الفيس باسمي. جنات سلطان ..

كتبت واكلبي يدك ، واحس من الخوف ايدي خدرت ..

💬اي اني جنة ، اية حالتهة مو زينة اجيت أسالك اذا تعرف شي عن عادل ؟