ذات العيون الناعسة

Part(14)

الجــُزء الرابـع عـَشّر //بـقلمي مريم علاء//

مُشاهدة مُمتِعة احبـتي ..

🔗🔗🔗🔗🔗🔗🔗🔗🔗🔗🔗🔗🔗🔗🔗

شفت الي كل عمري يما اتمنى اشوفة .. عُمر واكف يم باب العمارة منتظرنة ننزل ..
كلبي صار يدك سريع وخوف بية من المواجهة.. ٲي اعترف اني انسانة ضعيفة.. وفقيرة كلش مو قوية ولا صاحبة لسان. ولا متمردة .

هوَ من شافني ضل صافن بعيوني.. مادري شلون نزلت عيني على ايدة وشفت الحلقة كلبي وجعني بالزايد اكثر من الوجع الي بي ..

هو كبل كال :
شلونج جَنة..

- اسمي جنات وليس جَنة فقط الي قريب مني يصيح الي جنة..

— اني غريب ؟

_ اي بعمرك ما جنت قريب ، ولا راح تصير ..

_ يجي يوم وتعذريني يا جنات ..

_ ما جاوبت عفتة وركبت بالسيارة ، شوي ونزلت عمة لازمة امي من ايدها .. من شافتني تذكرت احنا شنو اني وعمر.. حسيتها ناسية ..

رحنة للطبيب نزلت عمة وامي وهو واني بقيت بالسيارة ، اباوع عيون الناس الي  طالعة فرحانة ، عيون تبجي.. كل واحد بينة عندة همة بهاي الدنية الفانية..

مرة قريت حديث للامام زين العابدين يكول .. ان الراحة لم تخلق للدنيا ولا لاهل الدينا .. فالراحة خُلقت للجنة واهل الجنة..

فعلا البني ادم ما يرتاح بحياتة من هو صغير يكول اتمنى اكبر .. ومن يكبر يكول اتمنى ارجع صغير ..

شوي وركب عُمر السيارة وكال
: تريدين اجيب الج شي ..

_ لا ..

_ لا تكونين هيج باردة وياي .. لو بيدي اكُلج على كل شي لكن ما بأيدي شي .. غير اني هواي احبج ..

_ اشششش ، اسكت كل شي ما اريد اسمع منك .. وهاي السوالف احجيهن للي راح تصير زوجتك ..

باوع عليه بالمراية عيونة حُمر بس ما حجة شي . صفن بعيوني صفنة طويلة

.. نزل راسة يمسح الدمعة الي خانتة ونزلت من خدة ..
صعبة رجال يبجي.. هذا الشي خلاني اكره روحي يوم حبيتة..

اجت عمة وامي من سالتهن شنو صــٰار كالت عمة زِينة ،،

: ماكو شي بنيتي ، مجرد تعب والسكر مرتفع عدها وهيج صاير بيها ، انطاها علاج..

رجعنة للبيت ضلت عمة يمنة .. شوي سوت الي واهس اكل كالت :

بنيتي امج مو زينة ، ديري بالج على روحج لخاطرها. طلعت بيج من هالدينا ، اخذت الدنيا منهة زوجها وهسة ابنها ،، كوني قوية لخاطرهة ..

_ خليت راسي على جتفهة.. شكد جنت محتاجة هيج كلام عمة .. شكد جنت محتاجة هيج جتف يشيل مني هموم الدينا..

ثاني يوم عمة رجعت لان بيبي ماتكدر بدونها..

بعد يومين يوم
١٠/٦ /٢٠١٤
هذا التاريخ ابدا ما انسى

جانت امي نايمة. اني كاعدة برة اقرة قران اندكت باب الشقة طلع رضوان مبدل ..
كال كومي فوتي جوة يم امج دَيـفوت الولد ياخذ الاغراض ..

كمت بس احس روحي راح اوكع يعني صارت صُـدك

.. شلت هم امي شنو راح يصير بيهة..

دخلت للغرفة واول ما دخلت كعدت ..
كلبهة حس اكو شي كبل كالت :

ها يُمة اكو شي ؟

— ها ، لا يُمة ماكو شي شكو قابل ..

_ احجي جَنة اخوج بي شي ..

_ من كالت اخوج.. اني الدمعة جانت بطرف عيني بس كالت هيج بجيت.. كبل كامت دفعتني وطلعت برة..

خليت على راسي شال واخذت شال الهة ، ضلت تباوع عليهم وهي مصدومة..

_ حَسنة ..يمة رضوان ، راح تروح وتعرف امك وحدهة ..
ابوس راسك يمة لا تروح ..

نزلت على رجلة كبال الولد تبوس بيهة .. دنك شالهة كال الها :
كافي يمة بعد كلامج ما يفيد .. ها هي راح اطلع بعد ..

عافتة وتوجهت لنبا الي جانت واكفة لابسة صايتهة ومبستمة..

_ ولج يمة ابوس راسج قنعي ، ولج يمة ما اكدر بدونة ..لزمت ايدها تبوس بيها .. كبل عتت ايدها وكالت :

ايع شبيج عمة وخري عني وخري ..

_ اباوع على امي الي شبعت مذلة ، واخوية الي ما رفلة جفن ولا تحرك اخذتها من يم نبأ. دفعتني وكالت

: ولج جَنة راح يروح منو الي بعدة جَنة..
حضنتهة جانت تتكلب جوى حضني من القهر ..

صاروا العمال يطلعون بالاغراض وحدة ورة وحدة كبالهة هواي حاولت افوتهة جوة المنظر يقهر ..

تدفع ايدي ومتقبل تكول خل اشبع من طولة الحلو قبل ما يفارك عيوني ..

من خلص غراض كال

: اني رايح ، اجى امر عليكم بين فترة وفترة..
ومصروفكم يجيكم بيد ولد صديقي ..

في امان الله...

طلعت وراه كل عقلي .. رحت اترس طاسة مي اذبهة ورا بكلت يرجع ..

شمرت المي ورا و امسح بدموعي ياربي.رحمتك بينة ، صعب الفراك واكره لحضات الوداع شلون با امي الي تعزة  وكأنو قطعة من روحهة

فتت للبيت واشوف  ، اشوف هاي المكرودة شنو صــار بيهة اكيد حال الضيم حالهة
دخلت ليجوة وجان اشوف امي واگعة من طولها بالمكان الي عفتها بي ..

///////////////////:

إنـتُم الكـام بنوتة كـل يوم احبكم أكثر..

رأيكم بالبارت..

توقعاتكُم لبارت باجر ،

شوكت تحبون يكون وقت التنزيل ؟

س _ شنو رأيكم بالحُـب في عُمر صغير ؟