[أنت دولتي ....♡..]

°part{2}°

.
.
لا حول ولا قوة إلا بالله .سبحان الله العظيم وبحمده .
.

داخل المستشفى يلي كان الكل يخدم فيها الكل  على قدم وساق نذهب بالتحديد إلى غرفة دكتورة العظام (عائشه الهاروني ) كانت تشتغل بتركيز على بعض الأوراق ولكن قطع عليها تركيزها دخول  الزميله مسره بسرعه دون ان تطرق الباب
عائشه :باهي بالشويه يا مسره شن هذا رعشتيني
مسره :هيا مافيش وقت بسرعه نوضي ألحقي على الدكتور طه يبيك معاه في غرفه العمليات .
عائشه :اني خيره مش من عوايده يطلبني معاه في العمليات إلا اذا كان في نقص
مسره:لا ياسمحه ماهو يلي في الغرفه شخصيه مهمه فهمتي عليش
عائشه باه تمام امشي معاياهي
_______________________________

ذهبت  عائشة إلى غرفة العمليات بعد ان قامت بالتعقيم المطلوب ودخلت إلى الغرفه ،بينما في الخارج كان الأحفاد الأربعه ومعهم  آبائهم ،ينتظرون خروج الدكتور
.
.
بعد وقت اشويه طويل مر على البعض طويل وعلى البعض الأخر مخيف خرج الدكتور من العمليات وما إن خرج حتى اصبح الجميع من حوله وأولهم
اصيل :ها يادكتور طمنا جدي كيف حاله
الدكتور طه : والله شن بنقول اولا يا جماعه اهدوا اشويه لأن الرصاصه جت في العمود الفقري وبصعوبه طلعناها وهذا ح يأثر عليه لأن مش حيقدريمشي
اصيل :كيف ترا شن تقول انت
الدكتورطه:وسع بالك اشويه مش معش يقدر يمشي بكل لا مع العنايه والتمرين اكويس ح يقدر يتخطى الأزمه هذي وأهم شي حالته النفسيه ،بمجرد ما كمل الدكتور كلامه مشي يجري خاف منهم يديروله مشكله ،قدم ايهم على اصيل
اسلام  :شن انديروا توا  كيف الحل
اصيل:اني مختار هذا روحه مش حتكفيني كلم منذر قوله يجي توا
اسلام  :تم هي  ماتخممش
مشي اسلام  كلم منذر وقاله تعال .....
منذر :نعم يادوله اؤمر شن تبي
اصيل:نبيك تجمع الرجاله  توا اتطلعلي مختار من تحت الأرض ونبيه عايش
منذر :تم يا دوله ....
_______________
  في مكان بعيد اشويه السيده خديجه كانت اتوتي في الغدي لحفيدتها عشان لما تروح تلقاه واتي .
كان صوت باب الحوش يدق ،مشت خديجه تفتح الباب واول ما فتحت انصدمت
خديجه حاطه يدها على فمها من الصدمه .
.....:معقوله مافيش ادخل  ولا ما تبيش تسقبليني خلاص يعني تبريتي من خوك
خديجه بعد ما رجعت من تأثير الصدمه يلي كان مسيطر عليها
خديجه :لا لا عاد كيف أهلا بوخيي تفضل خش
مختار :زاد فضلك يا أختي 
خديجه :شن تحب تشرب
مختار :لا ما تعبيش روحك لكن وين حفيدتك الصغيره ناديها خلينا نسلموا عليها ،كانت خديجه بتمشي بضيفه حاجه لكن بمجرد ما كمل باقي كلامه تجمدت  في مكانها
خديجه :مختار دير كل شئ إلا حفيدتي هذي رد بالك تقربها
مختار ضحك بشيطانيه :لا لا خيرك خفتي خدوج وسعي بالك كنت نبي نسلم عليها بس ولا لأنها حفيدة الحب حتى هيا ماترضيش عليها  وكمل كلامه مع ضحكه استهزاء .
خديجه :للمرة الثانيه يامختار انقولك وخر من عليها ،مش ح نسمح انك تدمر حياتها زي مادمرتلي حياتي رد بالك لأن موتك على يدي ح يكون بعدها
مختار:وسعي بالك بس كنت نبيها في موضوع
خديجه :اني عارفه يامختار جيتك هذي مش لله قول شن تبي وبعدها قوم انقلع
مختار :تؤ تؤ تؤ  لا لا لا فهمتيني غلط اني جاي ناوي نقعد معاكم شويه  تعرفي انه ماعندكمش راجل في الحوش قلت انونسكم اشويه ،ناضت خديجه للمطبخ تكمل الغدي وتتصل بعائشه تشوفها خيرها تأخرت
______________________________
داخل المستشفى .
.
.
.
.
كانت عائشه تمشي في الممرات تتفقد في بعض المرضى المسئوله عنهم  وزيدها المريض المهم يلي وصاها عليه الدكتور طه ، عائشه تمشي وتكلم في نفسها (ووااااووو شن هذا الدكتور طه شن دخلي اني توا بالمريض هذا مفروض هوا ياخده مش اني  ،ودام انه شخصيه مهمه ليش هوا ما خداشي ، )شافت لساعة يدها لقتها الساعه 8:30بالضبط 
عائشه :أوف تأخرت على أمي واجد  وبينما هيا تمشي خبط فيها  شخص كأنه كان يمشي بسرعه ، طاحت ع الأرض بالقويه
عائشه :أه شن هذا بالشويه وانت تمشي
وقف أحمد :بسم الله يا أختي أسف والله ما ريتك كنت مستعجل وقف مدلها يده عشان يساعدها
عائشه ناضت بدون ما تمسك يده
عائشه :تمام مش مشكله .
احمد :نكرر اسفي مره ثانيه  والله كنت مستعجل جدي اليوم جايبينه مضروب  برصاصه واني توا جيت من االمطار لعند هنا طول ، بعد ما كمل كلا مه جت عائشه بتمشي لكن وقفها صوته
احمد:يأختي لو سمحتي كأني شايفك قبل
عائشه برفعة حاجب :نعم
احمد :لا لا شئ بس ما تعرفيش  جدي في الغرفه كم
عائشه :اني توا ماشيتله تعال معايا كان تبي تشوفه
_______________/
داخل الغرفه الموجود فيها (عمران الهاروني).
.
.
.
.
.
.....أصيل : باس راس جده وقال الحمد لله على السلامه ياجدي
عمران بصوت واضح فيه التعب الشويه:  الله يسلمك
اسلام  :خوفتنا عليك يا جدي  قالها بضحكه خفيفه
مراد :لا لا غير كان يدلع علينا اشويه بس
عمران ضحك بالشويه لأن هذا وين طالع من غرفة المعاينه :امالا الأولاد وينهم ماجوش
اصيل بنبره فيها السخريه :هه كيف تبيهم يجوا ويسيبوا الشركات 
فنص فيه مراد وقال :لا يا جدي هما كانوا قاعدينبس تعرف يبوهم في الشغل  ف مشوا غادي
عمران :باهي باه امالا احمد وين ولا ماقلتولاش
اسلام لا توا بيجي كلمني قبل اشويه قال هذا وين وصل في المطار ، لحظه سكتوا كلهم فيها بعد فتح الباب ودخول الدكتور ووراها أحمد  مشي احمد يجري يتعنق في جده
احمد :أووو عمراننا ليش خوفتنا عليك ولا كنت تجس في النبض .
عمران  :ههههه  انشوف فيك يتجي بسرعه ولا لا بس
احمد :  تي اني نطيرلك اطياره
عائشه : احم
خلت الكل ينتبهلها عمران توقف بيه الزمن للحظات
عائشه وهيا تكلم لأحمد :لو سمحت وسع اشويه خليني انشوف شغلي
احمد :اه تفضلي طبعا
عائشة :خلاص تقدروا تطلعوا اضني تطمنتوا على حالته  المريض يحتاج للراحه
الكل طلع ما عدا اصيل يلي قعد ولا كأن الكلام يعنيه
عائشه شافت لأصيل من فوق لتحت بمعنى شن ادير هنا
اصيل :شوفي شغلك خير ما انقلعلك اعيونك الفرحانه بيهم .
عائشه ضحكت بصوت واطي لكن وصله وفاتت لعمران تقيسله في الضغط وتشوف في العلامات الحيويه  كانت الغرفه هدوء إلى ان قطع عليهم صوت
عمران :شكرا يابنتي ،سكت اشويه ، لكن اني كأني امشبه عليك انت من عيت منو
عائشه ابتسمت لعمران بلطافه :عفوا ،اني عائشه الهاروني  المسئوله عن حالتك إن شاء الله  ماكملتش كلامها حتى اصيل وعمران شافوا لبعض بصدمه 
عائشه :انت هكي تمام ،لكن ان شاء الله مع  المداومه والتمرين تتحسن .
عمران :تمرين شن ،اصيل توتر لأن مزال ما قالوش لجده على المشكله
عائشه عرفت انه عمران ما يعرفش شن صارله
عائشه بإبتسامه لطيفه :لا ما اتخافش ما فيش مشكله غير انه الرصاصه ح تأثر على حركة في المشي لكن يرجع المشي زي قبل وافضل مع المراجعه  تمام هكي ،الموضوع بسيط جدا
عمران ضحك وقال:باه امتى نقدر انروح ،
عائشه :ههه لا انت اليوم طالع من غرفة العمليات وسع بالك
عمران:اني ما انحبش قعدت المستشفى
عائشه :ولو لازم تقعد ،هي نسيبك ترتاح  وعطت نظره من فوق لتحت لأصيل وطلعت ،اصيل شافلها  وقريب عطاها كف خلاها  تتعدل
.
.
..
.