البارت السابع عشر من رواية عَشقتُ ذا اللحيةَ❤🧔🏻
رحمه بقلق وقالت: الصراحه ياماما انا مرتحاله جدا
ساره: يعني موافقه!؟
رحمه بخجل: احمم ايوا
حضنت سارة بنتها وقالتلها: مبروك ياحبيبتي ربنا يتمم بخير وعقبال الليله الكبيره ان شاء الله اللهم اجعله خير ليكم اللهم امين
رحمه: يارب ياحبيبتي وميحرمنيش منك ابدا يارب
سارة: قلبي بقا هروح اقول لبابا افرحه كمان
نزلت سارة عند سليم لاقته قاعد فاتح الاب توب وبيشتغل
سارة: سليم رحمه وافقت على عمر
سليم بفرحه: طيب كويس جدا الحمدلله ان شاء الله ربنا يتمم بخير يارب..، انا هرن عليه بقا علشان يجي يعملو رؤية شرعيه تاني
سارة: تمام ان شاء الله..
ـــــــــــــــــــــــــــــــــــــــــــــــــــــــــــــــ
فى بيت عمر:
والدة: ايه ياعمر يبنى عملت ايه؟
عمر: والله يابابا ان شاء الله خير انا استخرت ربنا وحاسس اني مطمن اوى ومرتاح يبقي اكيد ده خير
والد عمر بتنهيده: الحمدلله ياااارب
عمر: بابا كنت عايز اقول لحضرتك خبر حلو
والد عمر: اتفضل يبنى
عمر: انا رايح رحلة دعويه كمان 5 ايام للصعيد بالأخص
"سوهاج و قنا"))
والده: الحمدلله يبنى انا موافق ياحبيبي بس هتفضل كام يوم كده
عمر: هفضل ان شاء الله..... _تليفونه يرن_
عمر: لمؤاخذه يابابا
والده: ولا يهمك ياعمر يبنى
عمر: السلام عليكم ورحمة الله وبركاته،،،، اااه،،، بجد،، الحمدلله،، اه تمام ان شاء الله،،، بس مش هينفع والله اليومين دول بالذات،،،، حاضر والله هحاول بإذن الله،،، ايه ده ياربي بجد فرحت الف حمد وشكر ليك يارب،،، وعليكم السلام ورحمة الله وبركاته
بص عمر لوالده بفرحه: بابا رحمه وافقت الحمدلله
والد عمر وهو بيحضن ابنه: مبارك ياحبيبي ربنا يتمم بخير ويسعدكم ويوفقكم يارب
باس عمر ايد والده وهو بيقول: متحرمش منك يابابا
ـــــــــــــــــــــــــــــــــــــــــــــــــــــــــــــــ
ااه ياعم الجامد بقا محدش قادك خلاص ، مش عايزينك بقا تتكبر علينا ياقمر _قالتها اسماء بفرحه لرحمه _
رحمه: يابت اسكتيييي مش عاوزه اسمع صوتك
اسماء: ياعم المكسووووف بقا
رحمه: خلى عندك دم يابت الله!
اسماء: خلاص خلاص يستى هو انتى هتضربيني ولا ايه،!؟ هقوم انا آكل الجاتوه اللى احمد كان جايبه ده
رحمه: يا أم كرش انا قاعده معاكي احترامينى حتي
اسماء: احترم مين ياما هو انتى كنتى ستى
