Ikaw Lamang

Chapter 12

KULANG SIYA SA TULOG dahil sa kakahintay ng tawag nito. Umaga na lang ngunit kahit isang mensahe ay wala siyang natanggap. Oh well, who cares? Pumasok siya sa trabaho na parang walang nangyari.

Eh, kailangang ganoon. Ang problema iniiwan sa bahay ay hindi dinadala sa trabaho. Marami pa siyang kailangang gawin at iyon ang siyang pagtutuunan niya ng pansin. Kung magkikita sila sa araw na ito, fine. Kung iimikin siya nito, fine.

Pero paano kung hindi?

Napabuntong hininga siya. Mahirap pala kapag nagpapataasan ng pride.

"Good morning, Danelle," bati sa kanya ni Vhivian.

"G-Good morning, Ma'am Vhivian. " Hindi niya napansin ang pagdating nito.

"One coffee, please."

"Yes, Ma'am."

Pumasok na ito sa opisina. Tumayo siya at tumungong dirty kitchen para ipagtempla ito ng kape. Pagkatapos, bitbit ang coffee mug ay dumeretso na siya sa ipisina nito.

"Thank you," sabi nito.

"You're welcome. " Tumalikod na siya at lumabas na ng opisina.

Nakakapagod ang araw na ito. Mabigat ang katawan niya at tinatamad yata siyang magtrabaho. Ganito ba talaga ang epekto ng taong iyon sa akin? Duh! Binuksan niya ang desktop computer niya.

Hinubad niya ang sapatos niya at itinulak ng mga paa niya iyon sa ilalim ng mesa. Nabigla siya ng may parang kung ano siyang nasipa. Dumukwang siya at inalam kung ano iyon.

What the hell is this?

Kinuha niya ang isang paper bag at tiningnan ang laman. Tupperwares na naglalaman ng pagkain. At sino naman ang naglagay nito sa ilalim ng mesa niya?

Napatingin siya sa isang note na nakasuksok sa keyboard. Binasa niya iyon.

Enjoy your breakfast. Hope we can talk soon.

Parang hinaplos ng anghel ang puso niya. Galing iyon kay Dexter. Hindi rin pala siya nito kayang tiisin.

Oh please! sigaw ng utak niya. Not now. Kailangan niyang magtiis.

"Danelle, hi!"

Napatingala siya kay Alexa. "Hi! Good morning. May kailangan ka?"

Inabot nito ang ilang papeles sa kanya. "Notice para sa Pre-Procurement Conference."

"Okay. Thanks."

"Wow!" Tiningnan nito ang paper bag. "Mukhang masarap ah!"

"Take it." Ibinigay niya iyon rito. "Nakapag-agahan na ako. Hindi na ako makakakain pa."

"Are you sure?"

"Yes. Ubusin mo lahat iyan."

"Thanks. Nagugutom na talaga ako. Dederetso sana ako ng cafeteria after here. Pero hindi na kasi nailibre mo na ako. Million thanks to you, Danelle."

"You're welcome. "

Umalis na ito bitbit ang paper bag. Kinuha niya ang Procurement Notices na ibinigay ni Alexa at ipinasok iyon sa opisina ni Vhivian para mapirmahan. Hindi niya na hinintay iyon at bumalik na ng cubicle niya.

Napaintad siya sa pagtunog ng telepono ilang minuto ang nakakaraan. "Marketing Department, good---"

"In my office, now!"

Bahagya niyang nailayo ang telepono sa tenga matapos siyang bagsakan ni Dexter ng telepono. Sinigawan siya nito. Hindi siya makapaniwala.

"Danelle..."