عشقتها ولكن.؟(مكتمله)

البارت العاشر والاخير

هلووو شلونكم حبايب گلبي اشكركم ع تفاعل الحلوو واسفه ع التأخير وهذا البارت الاخير من قصه عشقتها ولكن.... يلا نبدي

جمان..... كولكم عرفتو شصار وي مرتضى وشلون بالاخير نكسر كلبه من وحده متخاف الله وماعدهه تربيه مرت هواي ايام واحنه خايفين ع مرتضى لان جانت صدمته مو عاديه لاا جانت صدمه قويه مو بس اله النه كولنه توقعنه تعوفه بس متوقعنه توصل ابهل مواصيل المهم مرت الايام ومرتضى بعد اصابته واصابه امه بكورونا تغير وصحه ع نفسه ورجع مثل مرتضى القديم والحمدلله كدر يجاوز الايام الصعبه وبلشنه بالكورس الثاني وتصرفات نوره خلتنه نكرهه اكثر واكثر بعدين رجعت تحجي ويا بس هوه جوابه مختصر وجنه خايفين يرجعلهه وتكسره مره ثانيه بس الحمدلله على كل حال وبالاخير احب اوجهلكم رساله للكل ولد او بنيه لتثقون بالشخص بسرعه خلو تحت تجارب ولتعيدون غلط مرتضى خليكم منتبهين وفكر بالعقل قبل الگلب نصيحه من اختكم الزغيره الجبيره بكيفكم المهم حافظو على نفسكم واختارو الصح من الغلط تحياتي الكم واحبكم كولش هوايه سلامي للجميع..... اختكم جمان

مريم...... مثل مشفتو والصار..صح كولنه خفنه ع مرتضى بس الحمدلله كدر يجاوز هذا الشي ونسه شي اسمه نوره وبده حياته بدراسته وبسس..... نصيحتي الكم اختارو الصح واهتمو بدراستكم ولتنشغلون بهالشغلات خلو كدامكم الشهاده اولااا بعدين باقي احلامكم وكونو اقوياء الضعيف ميعيش بهل زمن خصوصا البنات خليج قويه ولتتأثرين بأحد والولد نفس الكلام خليك قوي واختار الصح.. تحياتي الكم واحبكم...... اختكم مريم...

مرتضى....... مرت الايام وبدت نوره تحاول تحجي وتكثر حجي وياي بس جنت اصدهه وما انطيهه مجال مدري ندمت مدري تريد تكسرني مره ثانيه المهم نسيتهه وحضرتهه من جميع البرامج بدينه امتحانات الكورس الثاني والحمدلله جاوبت واجاباتي كولهه زينه جانت نص الكتروني ونص حضوري كدرت اكمل الامتحانات وبأجوبه ممتازه مرت ايام العطله ونشرو النتائج والحمدلله ناجح ودرجاتي كولهه امتياز ماعندي اقل والبنات والشباب هم كولهم ناجحين والحمدلله كملت فرحتنه وبديت ابدي بحياتي من جديد لحد مايوم دزتلي نوره رساله ع رصيد وفاجئتني ونصدمت من شفت الرساله وانو كاتبه..... محتوى رساله نوره لمرتضى.......(هلو مرتضى طبعا عيب عليك تسوي حسابات وهميه وتراسلني منهه وتراقبني كافي لتنزل نفسك الهل مستوى عيب عليك تسوي هيج) جانت صدمه الي شلون هيج كاتبه واني اصلا حاضرهه من البرامج ومن حياتي مثل ميكولون (حضر من الواقع والمواقع) ههههههههههه كتلهه عيب عليج هيج تحجين مو اني ناقص شرف حتى اسوي هيج ونتي عاشرتيني وماعتقد فديوم سويت هيج كافي استهتار عيب عليج لتصيرين رخيصه اكثر وحضرتهه الهع عين وجايه تكول هيج منو يكول ما اسامه الي دازلهه وجايه تتبله عليه ومرت الايام وهم دزتلي من غير رقم افتح الحضر عندي وياك موضوع مهم وضلت تحجي شلون مريم خليتهه مشرفه بكروب القسم مالتنه وكاتبه لان اكرهه خالهه ومدري شنو كتلهه خلصتي؟؟ كالت اي كتلهه مالج دخل ويلا اترخص خليت وحضرتهه تموووت تمووت اذا احضرهه وهيه تحجي ذبيت الفون ونمت بعدين كعدت وراسلت زهوو (ايوووو يختيي لتستغربون راسلني اني وحاجاني وحجينه شوي وسديته وهم اخذت منه كم سؤال) المهم مرت الايام والحمدلله نسيت او اتناسيت الصار ويايه ولتفتت الدراستي وهسه الحمدلله صرت مرحله ثانيه اني واصدقائي ايقنت ماكو شي اسمه ماكدر لااا ماكو هيج شي اكو شي اسمه نعمة النسان وهبهه رب العالمين النه حتى ننسه ونعيش ومثل ميكولون الحياة قطار ومايوكف بمحطه وحده لازم يستمر حتى الحياة تمشي والحمدلله حياتي مشت جنت اتوقع او مخلي ابالي انوو خلاااص حياتي انتهت او وكفت راحت نوره راحت حياتي هاهيه بعد بس لا الحياة متوكف ع احد والخلق نوره خلق مليون  غيرهه  كملت حياتي وطبعاا ما انسه وكفت اصدقائي ويايه الي مادري شوصفهم همه شي ثمين وكانو رب العالمين دزهم هديه اليه ولله العظيم لولاهم ما وصلت لهنا وبهالقوه وكاعد اقره قصتي واني ابتسم وكانو قصه شخص ثاني.... منين ابدي من جمان الي جانت الي اخت صديقه سند كولشي جانت وكفت ويايه رغم ماسمعت كلامهم ولا اخذت نصيحتهم بس وكفو ويايه ومنهم جمان متركتني وبقت ويايه هيه واختهه زهراء (حبيبي الغالي منورني ياورده.. نعم نعم اني الكاتبه زهوو اخت البطله جمان وصديقه مرتضى وان شالله ماعوفه وابقه وياا) ضليت احجي ويا زهوو وسوالف وضحك صدك جانت هيه وجمان اعز من روحي بحيث من اسمع ضحكتهم ارتاح خواتي هنه وبعدين عرفت زهو صايره كاتبه وتريد تنشر قصتي وراستا وافقت حتى الناس تاخذ عبره من قصتي.... مريم الي جانت بالنسبه الي هيه كولشي بحياتي هم متقل عن جمان وحيدر هذا تؤام روحي ماكو بيناتنه اسرار يدري بكولشي ادعي ربي يحفضهم الي وميفرقنه ويدوم صداقتنه كولنه واتمنالهم كل الخير وهواي اشكر زهوو الي طولت ويايه ومن قريت القصه تفاجئت شلون مسويتهه هيج وهيه فعلاا كاتبه احب اشكرج واكولج اني احبج هواي وربي يحفظج وان شالله دوم النجاح   .... هذي جانت قصتي عرفتوهه وعرفتو كولشي وكل تفاصيل ودائما نكول ((عسى ان تكرهوا شي وهوه خير لكم وعسى ان تحبوا شي وهوه شرا لكم))* مانكول غير الحمدلله على كل حال ونحمد الله على كل شيء   احبكمم اخوكم مرتضى.... سلامي وتحياتي للجميع....