عشقتها ولكن.؟(مكتمله)

البارت الثالث

هلوووو شلونكم يحلوين طبعا ونبي جد اشكركم ع التفاعل واسفه ع التأخير ونبي كولش فرحت من شفت المشاهدات والتصويت رغم قليل بس هواييه فرحت ومع انو نفسيتي تعبانه بس الخاطركم نزلت وعلمود ثنين كاتبات لتتخرين كلت ونبي اله انزل بليل ب1وكعدت اكتب وكتبت 2000كلمه والنت راح والبارت نحذف مدري ليش فد نقهرت وهسه كعدت اكتب لخاطر عيونكم احبكم كووم وحجيت هواي يلا ابدو وكولولي شنو رئيكم....... الكاتبه زهوو

نوره..... جنت واكفه اني وصديقتي وشفت مرتضى يشاقه وي هاي المتسمه يمكن جمان يشاقه ويضحك ولازم جنطتهه شبيت نار 🔥ضليت اخزر وهوه باوعلي وغمز دنكت ورحت دخلنه محاضره وطلعنه جنه واكفين اجت جمان سلمت وكالت عندج كلينكس امسح الكوحله شوي نزلت كتلهه لا شوي وراحت ابتسمت واجتني فكره. رجعنه وره مخلص الدوام سلمت ع اهلي وصعدت بدلت ونزلت تغديت وصعدت فوك للغرفه دزيت رساله  المرتضى وكتبت.

مرتضى... كعدت العصر لزمت الفون وشفت الصدمه نوره دازتلي رساله وكاتبه.../(محتوى الرساله)/هلو مرتضى شلونك.. حبيبي اريد اكولك شي بس لتضوج اليوم من اجت جمان يمنه سلمت علينه وكلتلهه شلونه مرتضى اشو كالتلي مينشاف وبس يقره وميساعد احد ومن واحد يسئله ميجاوب صدوك انته هيج تسوي؟؟؟....

مرتضى.... صراحه هواااااي نصدمتت يعني جمان البارحه جانت تحجي وياي عمود الشرح مال مسائل وحليناهن سوه شلون هيج تكوللهه ضليت صافن ودزتلي جمان......(صار لازم تتعرفون ع الابطال البقيه الي هنه جمان.. مريم) والبقيه بعدين ... يلا جمان عرفي ع نفسج....

جمان.... هلوو اني اسمي جمان من بغداد عمري 20مرحله اولى قسم علوم الحياة اني قزومه يمكن اكصر وحده بالجامعه هههههههه طولي 142لتستغربون اني ناعمه ومواصفاتي طفوليه عيوني لون عسلي ع صفار كول اليشوفني عباله عدسات  بشرتي بيضه عندي خدود بس مو كبار خشمي حلو وشفايفي زغار ومملوئه حواجبي مشمورات وجسمي لا سمينه ولا ضعيفه وسط عائلتي امي وابوي واني الجبيره واختي الوسطانيه واخت زغيره ماعندي اخ بس مرتضى هوه صار اخويه هوه وعلي واسامه كولش حبابين وهمه اخواني ومريم هم صارت اختي المجابتهه امي ادب اخلاق اسلوب كولشي حلو بيهه احبهه هواي.. مرتضى معزته خاصه الله شاهد اقرب واحد الي دائما نحجي فديوم رحنه للجامعه كولنه التمينه بس مرتضى ماكو شكد انتضرنه وماكو رحنه للسنتر ننتضره وشفنا هوه وكاعده يمه وحده اسمهه نوره الله شاهد من شفتهه مدري ليش مرتاحيتلهه تباوعلنه وتضحك وتسولف ويا وهوه حتى ما اجه وسلم كولنه زعلنه وطلعنه من السنتر وبعدين وره المحاضره اجه يمنه بره ومحد حجه ويا بس بعدين بده يشاقينه ويضحك وكال عيب ومدري ايش من كال هيج حسيت اكو شي بينهم كلت من نرجع اسئله اخذ الجنطه وصار الحجي الفوك وره المحاضره الاخيره ردت كلينكس لان مالتي وكعت وذبيتهه سئلت صديقاتي كالن والله ماعدنه شفت صديقتي مريم ونوره وحده واكفه سئلتهن محد عدهه سئلت نوره كالت لا والله حبيبتي ماعندي رجعت ومرتضى انطاني تشكرت ومسحت الكحله لان شويه نزلت ضلينه نفتر لحد ما طلعنه اجه بابا ورجعت تغديت وسولفت الاختي الوسطانيه والعصر تذكرت مرتضى شو اليوم ماكو دزيتله وصدمني بجوابه وحجيه وياي.....