عشقتها ولكن.؟(مكتمله)

البارت الرابع

هلوو شلونكم يحبايب روحي انتوو جداااا اعتذر منزلت البارحه بس اختي مريضه ولتهيت وياها اندعولهه وهذا بارت لعيونكم واذا كدرت بليل هم انزللكم بارت..... حبكمم

مرتضى..... جنه دنمشي وكالت
نوره.....  مرتضى..
مرتضى.... عيونه
نوره.... تسلم عيونك باع اني جذبت عليك بشي بس لتزعل لان اني مادري ليش هيج تصرفت...
مرتضى..... شنو احجي حبيبتي خوفتيني كل ضني حتحجي ع جمان بس كالت
نوره..... بيوم الكتلك حشوفك بالسنتر اني جنت موجوده جذب لا مريضه ولا شي وشفتك دخلت وبعدين طلعت ولتسئلني ليش هيج سويتي... لان اني مادري بنفسي ليش هيج سويت بس يمكن ارتبكت وخجلت هيچ شي شفته ضل صافن وكال..

مرتضى... صراحه نصدمت تعجبت صفنت مدري. احس دخت ليش هيج سوت بعدين كالت ارتبكت كتلهه ليش كالت مادري والله بس رتبكت كلتلهه عادي حبيبتي لتضوجين ماكو مشكله ضلينه نفتر ونسولف وتعرفنه اكثر دخلنه للمحاضره وشفت الكروب موجودين سلمت وكعدنه خلصت المحاضره كوووه واخيرااا طلعنه نسولف وضليت اشاقه وي جمان واخذت جنطتهه وسوالف كامت تضحك ككلللللووووووششش هههههههه واخيرااااا رضت ونبي معزتهه خاصه مو شلون مجان شويه واجت نوره سلمت عليهم بس شفت اسامه يباوع النوره مدري ليش ضجت باوعت عليهه جانت رافعه راسهه من باوعت عليهه نزلت راسهه ضلينه سوالف وضحك لحد مخلص الدوام بين المحاضرات والضحك طلعنه نتغده بالمطعم اني وجمان ومريم ونسرين وعلي واسامه وحيدر طبعا حيدر وعلي ونسرين مالهم دور مهم فقط جمان ومريم واسامه المهم تغدينه وجمان اجه ابوهه وني هم رحت ومريم وكولنه طشينه رجعنه للبيت وراسا نمت لان العصر ارجع لأربيل لان مضل شي ع امتحانات الشهريه وكلت هالاسبوع اكعد اقره  . رجعت نمت ساعتين وكمت بدلت واخذت غراضي وسلمت ع بنت خالتي ورجلهه وتشكرت منهم ورجلهه كال شوكت متجي البيت مفتوح تشكرت منهم وطلعت رجعت وبعد تعب وصلت وكبل رحت الامي لغرفتهه نايمه بستهه ي
براسهه وايدهه وكعدت حضنتني وسلمت عليه وبوستني كتلهه رجعي نامي كالت جوعان كتلهه لا يمه كالت روح نام وليدي بستهه وطلعت صعدت فوك كبل سبحت وستسلمت للنووم.....

.... في بغداد الحبيبه.....

نوره.... رجعنه من الدوام ونمت كعدت بليل تذكرت اليوم مرتضى يرجع ضجت تعشيت ودزيتله رساله ماكو كلت اكيد بالطريق سديته ونمت واجه بالي اسامه صديق مرتضى غمضت عيني ونمت كعدت ثاني يوم ب1الضهر لان جمعه نزلت ابوي بالشغل وامي تطبخ كعدت اكلت بسكت صار الغده اجه ابويه بسته وكعدنه نتغده خلصنه وغسلت المواعين صعدت لكيت مرتضى داز رساله.......

مرتضى.... نمت وكعدت الضهر ب12 نزلت يم اهلي سلمت عليهم وكعدت تريكت لان غدانه يتأخر ع ما يجي ابويه ضلينه كاعدين ونسولف وسولفت الامي ع نوره وكالت اذا خوش بنيه ليش لا اهم شي سعادتك حبيبي انته بستهه وكعدت يمهه وكالت يمه دير بالك خاف لا سامح الله يصير شي ماريدك تتأذه انته تأكدت هيه تحبك ورايدتك كتلهه اي يمه كالت ان شالله خير وليدي
صعدت للغرفة لزمت التلفون دزيت رسالة لنوره، گلتلها اني وصلت للبيت و گلتلها انو فد كم يوم اعرفها على امي

نوره..... لگيت مرتضى داز رسالة گايل بيها وصل لبيتهم و انو يريدني بعد كم يوم اتعرف على امه ف اني گلتله عادي حبيبي شوكت متريد  اتعرف عليها  كتبتله الحمد لله على سلامتك  كال الله يسلمج حبيبتي وكال..
مرتضى...  اسمعيني نوره امي هيه روحي من الدنيا وكلش احبهه اريدج تعزيهه وتحبيهه مثل متحببني واكثر اريد امي تصير امج ابويه ابوج واخواني وخواتي اخوانج كالت...

نوره.. بده يشرحلي شلون يحب امه وابو وخواته شكد حلو كتله تدلل حبيبي بعيوني ضلينه نسواف وشويه وراح يتغده واني كمت اقره كلت من يجي اخلي يقريني....

مرتضى.. تغديت وسلمت ع ابويه من اجه وخواتي هم اجن لان مزوجات سولفت شويه وصعدت لكيت نوره دازتلي رساله كاتبه

نوره.. دزيت رساله المرتضى وكتبتله اكولك عمري هذا ينأكل ينشرب ع المسئله وهوه حلاهه ودزهه ودز البقيه قرينه بعدين سولفنه وحجالي شلون حباني اول مره شافني بيهه واني ثافنه بعدين اني هم حجيتله ضلينه ل10وكال روحي تعشي ونامي كتله ماشي حبيبي بيباي تصبح على خير كال اجمعين...

مرتضى... كملنه شرح ونزلت تعشيت وتعللنه اني واهلي وسوالف وضحك ل12ونص صعدت للغرفة لزمت التلفون وضليت اكلب بي بعدين نمت لان تعبااااان ومرت حياتنه بهدوء اني ونوره واحلا ثنين وتقريبا من محادثاتنه بالكروب العام مال قسم الكل عرف عدنه علاقه وبالعكس افتخرت بهل شي ويوميه احجي ويه جمان ومريم وقبل لا اروح للدوام بيومين تذكرت اعرف امي ع نوره وصدك راسلتهه وكلتلهه حدك دكيت وضلينه نحجي وكتلهه حنزل تسلمين ع امي وكالت......

لهنا والنهايه؟؟؟ لااا من هنا وبدت القصه شتتوقعون شكالت نوره لمرتضى؟؟ وتتوقعون هيج وحتكون النهايه؟ لو القدر اله شي ثاني... انتضرو التكمله والاحداث واسفه البارت كصير بس والله تعبت اكتب وارجع اعدل وماخليت خطأ بليل انزللكم بارت ثاني لعيونكم....... احبكم اختكم الكاتبه زهوو ❤❤😊

......... مو انه العشگتك گلبي ورطني
اول مره هيج بموقف يحطني .........