قلبي أطمئن .. للكاتبة فاطمة الألفي

الفصل الرابع عشر

الفصل الرابع عشر

قلبي أطمئن

فى الصباح الباكر استيقظ غيث وأحضر حقيبته وطلب من احدي الخادمات ان تحضر اغراضها واغراض شقيقته لأنها سوف تذهب معهم لتعتني بشقيقته ، وتوجه هو لغرفه رقيه لايقاظها .

دلف بهدوء بعد ان طرق الباب وجدها مازالت تغط بنوم عميق .

اقترب.منها برفق وحاول أن يقظها على طريقته الخاصة ،

همس بجانب اذنيها بصوت مثل الفحيح :رقيه رووووكا اااصحي

فتحت عيناها وجدته جانبها يبتسم بحنان ، حاولت اغماض عيناها مرة اخرى

حملها برفق من على الفراش وشعرت بنفسها بين ذراعيه مثل الريشه يتطاير بها الهواء

دار بها بالغرفه وهو يبتسم لها بسعاده :بطلي كسل اصحي عندنا سفر

برقت عيناها الخضراء :سفر

غيث بجديه :طبعا سفر ورانا طياره كمان ساعه يلا مافيش وقت

رقيه بتردد :بس انا

غيث :مافيش نقاش انتهى الأمر وواجب التنفيذ

اجلسها بمقعدها المتحرك وخرج ليطلب من ناديه ان ترافقها وتبدل ملابسها وتظل جانبها ..

..............................

استيقظت فاطمه بنشاط واعدت الافطار وجلس والدها وشقيقها يتناول الافطار فى صمت

كان يريد والدها التحدث ولكن ظل صامتا

شعرت هى بريبه من الصمت المغيم بالمكان

فاطمه بابتسامة :ها يا كيمو عامل ايه فى دروسك

كريم بقلق :تمام الحمد لله

فاطمه :امال مالك كده ساكت ليه مش متعوده على هدوءك يا حبيبي هههه

كريم بتوتر :اصل الامتحانات فاضل عليها اقل من اسبوع بس يا طمطم وأنا خايف ومرعوب كمان

مصطفى :خليها على الله يا حبيبي وان شاء الله ربنا مش هيضع تعبك ولا مجهودك

فاطمه بابتسامة ؛سمعت درش قال ايه، خليك قوي وقدها يا بطل ربنا معاك وهيوفقك واعمل إللى عليك واللى على ربنا هيكون خير باذن الله ، يلا يا درش جاهز

مصطفى بتردد :بلاش انهارده يا بنتي

فاطمه بصدمه :ليه يا بابا خير فى حاجه

مصطفى يريد اخفاء أمر موعد أنس ولذلك يرفض أن يذهب اليوم المشفى لانه.يعود متعب ولم يقدر.على الحركه ويلزم الفراش ، لكن لا يعلم كيف يتهرب من ابنته ..

فاطمه :بابا حبيبي فى حاجه ليه مش عاوز نروح جلسه الغسيل انهارده

مصطفى بتنهيده :تعبت يا بنتي ومش بقيت قادر على بهدله المستشفيات كل يوم والتاني والنتيجه مافيش تحسن الصحه هى هى ، يبق نوفر الفلوس إللى بندفعها وبلاش بهدله انا كبرت ومش بقيت حمل كل ده