I brought a four leave clover for u.
a day in the future.
" ဟေ့ကောင်.... ဖုန်းနဲ့ မက်ဆေ့ပဲ တောက်လျောက်ပို့နေတယ်။ ဒီလို နေ့မျိုးမှာ ပျော်စမ်းပါ.... ငါတို့ စာတွေအသည်းအသန်လုပ်ခဲ့ရတဲ့ နေ့တွေ ပြီးဆုံးသွားပြီ။ ငါတို့တက်ချင်တဲ့ တက္ကသိုလ်ကို ဝင်ခွင့်ရပြီ... လာကွာ.... ပျော်စမ်းပါ "
ကောင်လေးက ဖုန်းကိုပဲ ငုံ့ကြည့်ကာ စာရိုက်နေဆဲ ဖြစ်သည်။
" ကောင်မလေးရနေတာလား..... ဟေ့ကောင် စောသေးတယ်ကွ။ ဆေးတက္ကသိုလ်မှာ အပေါဆုံးက မိန်းမလှလေးတွေ.... လာ "
ကောင်လေးလက်ထဲကို သူက ဘီယာဘူးထည့်ပေးလိုက်သည်။
" ငါ... မသောက်ဘူး "
" ဟေ့... မင်းကလေးလား "
" မေကဲက ကြိုက်မှာမဟုတ်ဘူး "
" ဘယ်သူလဲ.... မင်းကောင်မလေးလား "
ကောင်လေးက ခေါင်းယမ်းပြသည်။
" မေကဲပါဆို.... "
Ding...
နောက်ထပ် message ဝင်လာတော့ ကောင်လေးက ဖုန်းကိုကြည့်သည်။ အဲဒါကို သူငယ်ချင်းဖြစ်သူက ဖုန်းကို လုယူကာ....
" ဘယ်သူလဲ မေကဲက။ အခု မက်ဆေ့ပို့တာသူလား.... မင်းကြောင်နေတဲ့ ကောင်မလေးလား "
ကောင်လေးက ဖုန်းကို ပြန်လုယူကာ...
" ဘာတွေလာပြောနေတာလဲ.... မေကဲဆိုတာ.... ငါ့အမေ.... "
သူငယ်ချင်းဖြစ်သူက ကောင်လေးကို အထူးအဆန်းဖြစ်ကာ ကြည့်နေသည်။
" မင်းအမေက ဆုံးသွားပြီဆို "
ကောင်လေးက ဖုန်းကိုပဲ ငုံ့ကြည့်နေသည်။
" အာ.... sorry... ဦးဘုန်းက နောက်မိန်းမယူတော့မှာလား။ ယူတော့ မယူရသေးဘူးမလား.... "
" ဘာတွေလျောက်ပြောနေတာလဲ.... ဇင်မင်းသန့်"
" ငါက.... မင်းပြောတာကို နားမှမလည်တာ။ မင်းပြောတော့ မင်းအမေဆုံးသွားပြီဆို.... "
" ငါ့မှာ နောက်ထပ်အမေတစ်ယောက်ရှိသေးတယ်.... "
" အဲ့ဒါကြောင့်မေးတာလေ.... ဦးဘုန်းက နောက်မိန်းမယူတော့မှာလားလို့ "
YOU ARE READING
When I find four leave clover again
Short StoryZawGyi code is below. About the unnameable loves.
