لم اكن اعلم

البـارت -2-

بـسم الله الرحمٰن الرحيم.

الكـاتبه : #سـيلي.
رواية : #لم_اكن_اعلم.
البـارت : #ألثاني.

قبل ﻼ نـبدء بالبـارت ﻼ تـنسون التصـويت والتفاعُل♥🔥..
.
.
اشتاق إليك ، راهنتُ نفسي الا اشتاق ولا احن ، ان احبس مشاعري سجنًا لا أُبالي بها ، جعلتُ نفسي عنيفة تتمرد بأبسط ما لديها ، كان جحيمي في الأعماق كُلما تذكرت انني اكابر ، انخمد واحترقُ جمرًا داخلي ، تذكرتُ الكلمات المحفورة في عظامِ جبيني ، كان يأسي ينمو أكثر مني..
.
.
.
بقـلمي أنـِـا : سـيلي.
ـــــــــــــــــــــــــــــــــــــــــــــــــــــــــــــــــ

ريماس : رحت للاستقبال ردت افتح الباب بس انتبهت ؏ لبسي لابسه بجامه وبدي مو مال اطب بيهن ، صعدت فوك لبست جبه اسلاميه هو اني مو محجبه بس مابيه حيل ابدل ، لبستها ونزلت طبيت للاستقبال وتفاچئت !! ، سمعت المدير رشيد يكُول الملاك

المدير رشيد : لتزعلين مِـن اختج تبقى هيَ اكبر منج ، هيَ عاشت وشافت وعليها ضغوطات شويه ، فـ هيَ جانت بمرحله اعصابها تلفانه ومالها خلك احد وانتي اجيتي بالوقت الغلط لذلك عصبت منج وصرخت عليج

الانسان دائمـاً لمن تكون عليه ضغوطات وبنفس الوقت الي تلفانه اعصابه بيها يجيله شخص فـ هوَ هنا راح يطلع سلبياته

ريماس مو بقصدها تعصب عليج بس ﻼن جانت تعبانه فـ لذلك طلعت عصبيتها وتعبها بيج وانتي جاي تكولين علاقتي كُلش قويه بيها وكُلشي تحجيلي فـ اكيد راح تعرفين كُل تفاصيلها ولازم تعذرينها ﻼنُ هيَ دتمر بفتره صعبه شويه..

ملاك : عادي تبقه اختي واعزها هواي ماضايجه منها..

ريماس : توقعت ملاك راح تحجيله عني وتكُله عصبيتها اوڤر لانُ ملاك ياهو التشوفه تكُله ريماس عصبيتها اوڤر

طبيت للاستقبال وتحمحمت..

رائف : هلا ريمو شلون صرتي

ريماس : الحمدلله احسن ، تفضلو كعدو ليش واكفين

المدير رشيد : ريماس باجر تكدرين تدوامين لو ناخذلج اجازه؟

ريماس : ﻼ استاذ شكراً ماحاجه للاجازه

المدير رشيد : تمام ؏ راحتج ، يلا احنه نترخص

ريماس بهدوء : براحتكم..

رائف : ريماس ديربالج ؏ نفسج وشربي العلاج الي كتبته الج الدكتوره

ريماس : هزيت راسي ابـ اي

رائف : يلا مع السلامه

ريماس : الله وياكم ، راحو وصعدت لغرفتي بطني تأذيني ومالي خلك ، تمددت ؏ جربايه وغمضت عيوني واستسلمت للنوم ، كعدت ؏ صوت مـلاك تكعدني