اخ فقار الحكني واني نايمه على بطني
فقار ..ليش ماكتيلي انت حامل
رنا ..صفنت بوجهه انصدمت من سواله
جاي اتاذى ساعدني
لفني بالشرشف وشالني (حملني ) وصعدني بالسياره بالكشن الخلفي ورجع قفل الباب ع سحر بسرعه وصعد بالسياره ويسوق سريع
رنا ..اخ فقار على كيفك بالطسات جا اتوجع
فقار ..وصلنا وصلنا
رنا ..مابي حيل انزل النزيف قوي والحمل ببداية وكان ضعيف واني صغيره وجسمي ناعم والسبب الرئسي بالأسقاط هو الضرب الي ضربنيا
بهالاثناء فقدت الوعي بس اسمع اصوات الاطباء
الدكتوره ...بعدهه صغيره صعب تحبل بعد لان رحمها متاذي وهي طفله خطية ..زوجها مايخاف الله شمسوي بيهه
الممرضة ...دكتوره مبين ضاربها ضرب قوي ومسببلهه إسقاط
الدكتوره ..بنات بهالعمر يزوجوهن شنو ماعدهم اكل ليش يزوجوهن بهالعمر
رنا ...اسمع كلامهم واني ساكته وما اكدر احجي بس دموعي تنزل شجاوبهم شكول
مره انام ومره اصحى لحد ما فتحت عيني نايمه بغرفة وحوليني اهل فقار وفقار واكف يم راسي بس يباوع وميحجي
من شافوني فتحت عيني سلمو علي
ام فقار ..الحمد لله ع سلامتج بنتي وبوستني من راسي
وعمه زوج أمه ..الحمد لله ع سلامتج بنتي
اني اباوع عليهم بس تفكيري يم كلام الدكتوره
من غير الوجع في بطني
كنت اتلوى
ام فقار حبيبتي ربي يعوضج شدي حيلج وجيبيلنه فقار صغير
رنا ..شجاوبهه واني اشعر وكعت ببئر صار كم شهر والبنيه بالملحق وكل يوم يضربها ويعذبها واني ما اعرف
فقار ..باسني من راسي وهمس باذني ..اني أسف احبج
رنا ..مجاوبته شكوله كدام اهله
دخلت الدكتوره ..ممكن تفرغون الغرفة نريد نفحصهه
طلعوا كولهم بقت عمتي ام فقار
الدكتوره فحصتني وكتبتلي علاج
الدكتوره ...ماما كتبتلج علاج اخذي من بره وكتبتلج خروج تكدرين تطلعين ..بس ديري بالج تحبلين راسا انطي لرحمج راحه بعدج صغيره ماكو داعي للاستعجال
من طلعت الدكتوره
ام فقار ..يمه معليج بحجيها حبلي بسرعه اريد اشوف حفيدي
رنا ...عمه اريد ادخل للحمام قبل ما نطلع
ام فقار اي يمه خلي الزمج
دخلو فقار وعمه
ام فقار .. ماما هاي راجيته الدواء اشتري من الصيدليه
جابولي كرسي متحرك وفقار كعدني بالكرسي وهو بايده يدفعني ما سمح للفراشه تدفعني
رجعنه للبيت ونمت بالسرير واهله راحوا لبيتهم
فقار ..اجه يمي كعد عالسرير ..حبيبتي رنو اني أسف
رنا ..على شنو أسف انتو كلكم هيج ماعدكم رحمه تحبون بكيفكم وتحاسبونه وتضربونه بمزاجكم
اني كرهت نفسي انصدمت بيك معقوله الي جاي تسوي واني وياك هالفتره عايشه وما اعرف اكو انسانه جاي تتعذب على ايدك وليش حابسها
فقار .. هذا الشي ما يخصج هذا ثأر قديم
رنا ..يا قديم ياجديد انت وحش
تقرب مني كنت وحش والله من شفتج صار عندي كلب ويأشر على كلبه
رنو حبج رجعني انسان ...بوجودج بحياتي حبيت الحياة حبيت كولشي حلو بيهه احبج رنا احبج
رنا ...عوفني فقار
فقار ...حبيبتي رنو انت ملكي وما اعوفج وهسه اريد اطلع عندي شغل ومفتاح الملحق هذا بجيبي ديري بالج تتقربين
طلع وعافني بنارين نار اروح اهرب ووين اهرب اهلي هدرو دمي ومابين البقاء بالقرب منه وميقبل يعوف سحر تروح لحال سبيلها
مرت الايام وتحسنت صحتي وفقار يداريني يجيبلي اكل صحي واكثر من مره يحاول يعتذر بطريقته ...يوم يجيبلي هديه ويوم ياخذني يم اهله بس اني احاول اضغط عليه حتى يعوفها لانها بشر والبشر ميصير ينحبس مخليهه مثل الحيوان مربوطه ومن يسكر يروح للملحق ويضربها
اني صحيح حبيته لان هو الانسان الوحيد الي وكف وياي وحماني من اصدقاء اخوي لو مغتصبيني شنو كان مصيري
دائما اشعر ان فقار صاحب فضل علي أنقذني وأنقذ حياتي
واني لازم احاول اكون بجانبه واكيد هو محتاج لكلب حنون
يغير الحقد الي بكلبه ويعوضة عن الالم الي شأفة
مع هذا مابينت اله اني مسامحته ومن يجي سكران يكون انسان ثاني يتحول وحش يدوس على اقرب شخص اله واكو نار غضب يريد يطفيهه بهالقساوه الي ظاهره من نظره عيونه
حاولت أتغاضى من اشوفه يروح للملحق ويضربها حتى لايضربني وياذيني لان حاولت مره احجي وياه وهو سكران
لزمني وضربني صحيح تعلمت عالضرب لكن ما اريد اكرهه اريد ابقى احبه حتى اكدر أساعده
كعدت بالغرفة واحب اسمع اغنيه (حلمي تحطم واختفى )
كنت نسيت أيامي السوده ويه اخوي ثامر لكن بهالفتره رجعت علي ذيج الايام وأن ما يضربني الا اذا حجيت لكن خوفي منه وشعوري انسان ظالم ويعذب بنت حتى ينتقم منهه شي صعب
رنا ...فقار شنو تريد عالغده ؟
فقار ..اريد ابتسامتج ترجع ضحكتج الي خلت لحياتي طعم حلو
رنا ...صعب على اشوفك تقسي على سحر
فقار .. رنو اليوم راح افتح لج كلبي واحجيلج قصتي مع سحر ...
كنا اثنينا طلاب ناجحين من الخامس للسادس وسجلنه معهد تقويه من شافتني سحر اشطر طالب وبسرعه افهم المواد والشرح حاولت تستغلني وتقربتلي
سحر ...بنت حلوه وأنيقة وعدهه جاذبية واي شخص يتمنى يتعرف عليها وبالأحرى الكل يتمنون تحجي معاهم بس هي كانت مغروره ومتحجي ويه احد بنفس الوقت ابوهه بالحزب مسؤل بزمن النظام السابق بس منطيهه حر
متابعة وتصويت حبايبي ❤️🥺
متابعة وتصويت حبايبي ❤️🥺
متابعة وتصويت حبايبي ❤️🥺
أنت تقرأ
سيادة النقيب
ChickLitرنا ..هلو مهند رايد شي ؟ مهند ..لج هاي شطالعه اليوم حتى الكمر زعل وما طلع رنا ..هاي شنو اليوم تحجي غزل مهند ..انت حركتي مشاعري اليوم جمالج ما ينوصف رنو اني احبج وانت ما تتزوجين غيري رنا ..اشلون يعني ما اصير لغيرك مهند ...مثل ما اكولج انت من...
