يه
نطلع ونطب سويه تطورت علاقتنا تلفونات ولمده سنتين واني بهالفتره اتعب نفسي واطبعلها ملازم وحتى لو عندي امتحان أضيع وقتي في سبيل اشرحلهه اي شي مفاهمته
والسبب لان حبيتها ...حبيتها من كل كلبي كنت مستعد أضحي بحياتي بمستقبلي بروحي من اجل سحر
عندي صديقي ..احمد ابو ضابط بالمخابرات ووضعهم المادي جيد وتعرفين المخابرات يعني السلطه والقوه بدت تتقربله بعد ما عرفت معلومات عنه من عندي
واني ماكنت اعرف تكونت بينهم علاقة حب (خانوني اثنينهم ) واني كنت ابني أمالي واحلامي مع سحر بدون ما احس ولو للحظه انها ممكن تحب شخص ثاني غيري لكن هذا الي صار
رنا ..كمل ليش تتحسر مو سحر تحت ايدك تكدر تاخذ حقك منها وتكدر تتزوجها
فقار .. انت من كل عقلج اتقربلها او اكدر ألمسها ..لا انت متوهمه ...
رنا ..تريد تقنعني كل هالحب وانت ما لمستها ولا اعتديت عليها
فقار ..رنو اني صريح وياج وجاي احجيلج كل قصتي مع سحر ..لا تخليني ما اكمل
رنا ..اسفة كمل
كنت جالسه عالسرير تقرب مني ووضع راسه بحظني وتمدد مثل الطفل بحظن أمه
فقار ...حبيبتي انت رجعتيني لمأساة عشتها بشبابي بس لازم تفهمين موقفي
رنا ...كمل
فقار ..هي بعد ما تعرفت ع احمد صارت متقبل تطلع وياي
كلما اخابرهه ماتطلعلي على التلفون ..تعرفين قبل تلفونات ارضيه اكثر من مره اتصل وماكو مرات الكي تلفونهم مشغول فتره طويله بس ما شكيت لان ما كنت اريد افكر ولو للحظه انها ممكن تخوني ومع منو اقرب صديق الي
فد يوم كنت واكف براس شارع مدرستها بس مختفي ما تشوفني ردت اسويلها مفاجأة وهنا الصدمه
شفت سياره احمد شخط عالرصيف ويه طلعتها من المدرسه
وهي تضحك وصعدت بكل وقاحه وكانه خطيبها حبيبها نظرتهه لهفته فضحتها
اني تبسمرت بمكاني الي شفته عيوني ما صدكته كلت لا يمكن غلطان اني متوهم او هي عبالهه اني ويه احمد وصعدت وياه بالسياره خلي اروح يم بيتهم
رحت وكفت يم راس الفرع حتى اسيطر اذا تنزل براس الشارع أشوفها من يا سياره نزلت
بقيت تقريبا ساعه ...معناها كانو يفترون بالسياره هي واحمد واني المغفل احبها من كل كلبي
نزلت وهي تضحك وسعيده وشايله الفرحه وياها
دخلت بالفرع ركضت وراها
سحر ..سحر
التفتت ..هاي اشبيك فقار لا يشوفك ابوي روح
فقار ..ليش ماتردين ع تلفوني
سحر ..فقار الي بينا انتهى وبعد لا تتصل بي
فقار ..يعني الي شفته بعيني صحيح
سحر ..اي صحيح
فقار ...وحبنا لو اني كنت جسر تعبرين عليه من السادس حتى تنجحين ...مبروووك ست سحر نجحتي بامتياز
سحر ..فقار عوفني لا يجي بابا ويشوفك وتصير مشكله
فقار ..هيج بهالبساطه سحوره تبيعيني ويه منو ويه أعز صديق
سحر ..الي بينا مجان حب
فقار ..بس انت كلتي احبك
سحر ..من كل عقلك احبك اني ما احب هيج حثاله
فقار ..اني حثاله ؟ هذا رايج بي سحر
سحر ..ليش انت متعرف بنفسك هو انت وين واحمد وين
بعدك طالب مهتلف تاخذ مصرفك من ابوك وميكفي لفات فلافل جاي علي اني بنت ناس والناس مقامات
وعافتني ومشت ودخلت لبيتهم واني تبسمرت بمكاني لا اكدر احرك رجلي ولا اكدر اكعد احس اعصابي كولهه يبست
اريد ارفع رجلي حتى امشي ما اكدر اشرت لتكسي وكفلي
صعدت واني وجهي اصفر عيوني تجدح نار معقوله هذه سحر الي كان كلامهه ناعم ودرر ودكولي حثاله
السايق ..خوي وين تروح ؟
فقار ... ها ها اطلع واني اكولك
تذكرت ابن خالتي سعيد .. هو صحيح اكبر مني بس ع طول يضحك ودائما سعيد ومرتاح ويكول اني مطلك الدنيا ومشتري السعاده
سعيد ..هلا فقوري
فقار ..سعودي اريد انسى كولشي اريد افقد الذاكره ما اريد افكر ..
سعيد ..هلا هلا اليوم فقوري الحزين راح أخليك سعيد
لك عندي بطل ويسكي كنت ضامه للعيد بس لخاطرك راح افتحه ونسهر للصبح
شربت وشربت وسكَّرت وفقدت عقلي وطلعت على بيت اهل سحر ..واصيح سحر ولج سحر طلعي اني احبج ليش تعوفيني ولج تخونيني ويه صديقي .سحر ولج سحر
ابوهه طلع وبيده المسدس ظل يصيح وعباله يخوفني بالمسدس دفعني وكعت كمت ضربته
ظل يرمي بالهوى
اجه سعيد وجرجرني لبيتنا
ذاك اليوم تخربطت لان هذه اول مره اشرب بيهه هما يكولون الشرب ينسيك همومك لكن العكس الشرب يهيج الجروح ويخليك تحجي الي تخجل تحجي من انت صاحي
بعد كم يوم رجعت اشرب حتى انسى وصديقي احمد ماشفته لان كملنه الدراسه ولازم نكعد بالبيت نقرى
بس كل الي درسته طار من راسي حاولت أحبس نفسي بالبيت اقرى واقرى وكملت الفتره وكلما اتذكرهه اروح يم سعيد واشرب وسعيد ميخليني اروح يم بيتهم
لحد ما خلصت الامتحانات واني اريد انفجر رحت لسعيد وشربت ....شربت لحد ما فقدت واني بكلبي نار مشتعله
رحت على بيت اهل سحر وبقيت اصيح سحر خنتيني ويه احمد ولج سحر مو كتيلي احبك
ابوها اتصل بالامن واني رجعت بس رحت يم سعيد ما رحت لبيت اهلي
بالليل هجموا الأمن على بيت اهلي واخذو ابوي
ومعذبينه يردوني اني وراها عمامي هزموني للبصره
ابوي ماتحمل التعذيب ومات بالامن
حزنت حزن شديد وأقسمت يمين الا انتقم لدم ابوي واخذ بثأره وثأري من سحر وابوهه واحمد
كملت كليه وتغير النظام
متابعة وتصويت حبايبي ❤️🥺
متابعة وتصويت حبايبي ❤️🥺
متابعة وتصويت حبايبي ❤️🥺
أنت تقرأ
سيادة النقيب
ChickLitرنا ..هلو مهند رايد شي ؟ مهند ..لج هاي شطالعه اليوم حتى الكمر زعل وما طلع رنا ..هاي شنو اليوم تحجي غزل مهند ..انت حركتي مشاعري اليوم جمالج ما ينوصف رنو اني احبج وانت ما تتزوجين غيري رنا ..اشلون يعني ما اصير لغيرك مهند ...مثل ما اكولج انت من...
