رنا ...تحولت بيت عيالي غرفة فقار موجوده
السلام عليكم
ام فقار هلى بنتي نورتينا ..تعالي سمو روحي وياها ورتبوا اغراضهم وملابسهم بالكناتير
حسان ..هلا وغلا اشلونج رنو اكول اليوم البيت بي اناره قويه
قحطان ..اشلونج مرت اخوي
رنا ..الحمد لله انتو اشلونكم
دخل فقار ...السلام عليكم ديرو بالكم على رنو اني اتاخر عندي شغل
رنا ..ماراح تجي عالغده ...عشا
فقار ..وقتي مو ملكي حسب شغلي ...اروح ....يمه ما اوصيج ديري بالج ع رنو
ام فقار ..بعيوني وليدي الله وياك
رنا ..صعدنا فوك الولد صعدوا وياي شنط الاغراض
سما ..تعالي رنو نرتب المكياج اول شي
رنا ..ههههه اول شي الملابس واذا يعجبج انت رتبي المكياج
تقربت لسما كنت فتره اشعًر بالوحده لكن وجودي بنص عائلة فقار اسعدني خصوصا فقار يغيب عن البيت بحكم عمله
واني اشتغل دخت وصار عندي لعبان نفس ووجهي صار اصفر
سما ..هاي اشبيج رنو ..يوم تعالي شوفي رنا اشبيها
ام فقار ..ها يمه سلامتج اشبيج ؟
رنا ..اشو دايخه خالتي ولعبان نفس
ام فقار ..شكد صار لهه الدوره الشهرية مجايتج
رنا ...تقريبا شهر ونص
ام فقار ...كلووووش هاي هي حامل
رنا ..صدك خالتي نفس أعراض الحمل الي صارت عندي بالمره السابقة
ام فقار ...بنتي ما طول المره عند الرجل اكيد تحبل هذه سنة الحياة
رنا ..ان شاء الله يبقى هالمره وما يوكع
ام فقار ..انت ديري بالج على نفسج وان شاء الله يبقى
انشغلت بيت عيالي اني تعودت من الصغر على شغل البيت وابد ما اتعاجز اهتميت بيتهم ارتب وأنظف حتى الاكل مرات اني اسوي وزوج عمتي كنت اني أوكله لانه رجل كبير حتى من يريد يدخل الحمام احضر ملابسه وخالتي تلبسه
حبوني عمي وعمتي
قحطان يدرس او طالع ما اشوفة قليل
حسان ..يفتر وراي بالبيت وعيونه علي وكاني فريسه أمامه ويريد يقتنص الفرصة كي يصطادهه ولكن كوني صاحبه تجربه بسبب اخوي ثامر ...كنت حذره من حسان كلامي معاه قليل وبحدود حتى ملابسي البس عريض وما يبرز اي
شي من جسمي لان احسه شيطان مو انسان
رنا ...خالتي جاي تحجين ويه فقار ؟
ام فقار ..اي
رنا انطينيا ...هلو حبيبي شوكت تجي ؟ كنت فرحانه بحملي وأريد افرحه بالحمل
فقار ..اليوم حبي انتظريني
كملت شغلي وفتت سبحت ولبست ملابس حلوه
سمعت صوت سياره فقار واني بغرفتي انتظره مشتاقة لحبيبي
من دخل سمعت صياح وعياط وفقار يضرب سما بالحزام والصوت يوصل ليمي
بقى يضربها لحد ما اغمى عليها اني من يمي خفت انرعبت ولزمت بطني كامت توجعني
سمعت خالتي تصيح يمه كول شمسويه ولج يمه كومي
البنية اغمى عليها من الضرب قفل عليها الباب وحبسها بعدهه .....
سمعت صوت خطواته وهو يصعد الدرج ....دخل فقار وعيونه تجدح نار ولازم بايده الحزام
رنا ...لا فقار والله مامسويه شي
فقار ...لعد ليل ونهار مكابلتهه
رنا ...بس فهمني شصاير واني اكولك
فقار ...لج البارحه كنت بالواجب وشفت المفوضين والشرطه
يحجون بينهم ويباوعون بموبايل على صوره بنت
كتلهم سبيلكم مخبوصين
باوع شوف الجمال سيدي هذه البنت شكد حلوه
فقار ..اشو خلي اشوفهه
ولما باوعت صوره اختي بدون حجاب وشعرهه مفتوح
تدرين شصار بي اشتعلت نار لو بيدي احركهم كولهم
سألتهم هذا تلفون منو؟
سيدي تلفون مفوض سمير
رحت على مفوض سمير ولزمته وضربته لحد ما اغمى عليهه ...الكلبه الحقيره الساقطه
رنا ...هي صوره ميعني شي يجوز ماخذهه من اخته صديقته
مو شرط اختك دازتهه
فقار .. لزمني من شعري يعني عندج عادي صوره اختي بين المفوضين والشرطه ؟
رنا ..عفيه فقار جاي تاذيني ..
حبيبي اريد اكولك شي حتى يصير عندك علم (ترى اني حامل )
فقار ...شنو ؟ شنو كلتي ؟
رنا ...حامل ..حامل ..
تغير وجهه وترك شعري وحظني وشالني وفرني بالغرفة
حبيبتي حامل ...حبيبتي حامل
رنا ..فقار نزلني لا اوكع
بقينا نسولف ونضحك ...وتعرفون ......و...... تعبير عن فرحته ...
خليت راسي على صدره
رنا ..فقوري حبيبي اختك مو سجينه عندك احنا البنات ميجوز تعاملنه بالضرب لكن المعامله الحسنه هي الي تقودنا
حبيبي انزل على اختك وافتهم منهه اشلون وصلت صورتها لهذا الشخص وبعدين احكم يمكن وحده من صديقاتها موصله صورتها كلشي توقع ...
فقار ...تدرين من اكون عصبي افقد حتى مع الناس الي احبهم
وما احس ع نفسي الا المقابل اغمى عليه
انت الوحيده الي تطفئ نار كلبي
رنا ...هههه يعني ماكو بحياتك نساء غيري
فقار ..ماتحلى بعيني مره من بعدج انت الحب كوله
رنا ...حبيبي وانت هم حبيب عمري روح على اختك خطيه رضيهه
نزل فقار على رنا واني أفتش بتلفونه طبعا كالمعتاد اسماء بنات
نزل فقار واسمعهه تصيح وتبجي رحت اريد انزل من الدرج وأسمعها دكوله هي مرتك الي جبتهه هنا محد غيرهه
فقار ..لج مرتي اشرف منج
سما ..روح شوفهه شتسوي وراك ماشبعانه بيك هي تلزم موبايلي اكيد هي
(هي مخلية رمز للموبايل واني ما اعرف الرمز )
طلع من الغرفه واني ركضت صعدت لغرفتي
دخل فقار ..لزمني من شعري ليش رنا ليش
بلعت ريكي ورفعت عيوني عليه.
يتبع..
متابعة وتصويت حبايبي ❤️🥺
متابعة وتصويت حبايبي ❤️🥺
متابعة وتصويت حبايبي ❤️🥺
أنت تقرأ
سيادة النقيب
ChickLitرنا ..هلو مهند رايد شي ؟ مهند ..لج هاي شطالعه اليوم حتى الكمر زعل وما طلع رنا ..هاي شنو اليوم تحجي غزل مهند ..انت حركتي مشاعري اليوم جمالج ما ينوصف رنو اني احبج وانت ما تتزوجين غيري رنا ..اشلون يعني ما اصير لغيرك مهند ...مثل ما اكولج انت من...
