اسكريبتات مكتملة بقلمي سارة خليل

اسكريبت مكتمل

اسكريبت مسيرتي الشاقة
بقلمي سارة خليل💜
قبل م ابدأ حابه اقولكم ياريت متنسوش التفاعل علشان اقدر استمر.. 💜💜

يااااارب لي مبنجحش في أي حاجة!!
قلت كداا وأنا منهارة ودخلت في نوبة بكاء مش طبيعية لحد م لقيت حد بيطبطب علياا ويقولي
_ اصبري ربنا شايلك فرحه كبيرة صدقيني.
_ لأمتي أنا تعبت أوي بضيع حجات من إيدي علشان أعمل حجات تانية وبفشل في الاتنين معنتش ناجحه في حاجه اناا خلاص مش قادره أكمل انا استسلمت خلاص كل حاجه راحت.
_مفيش حاجه راحت بصي حواليكي ابدأي من الأول خليكي واثقة في ربنا وعدله وانه ميرضاش بالظلم أبداً.
_ حلمي رااح خلاص انا انتهيت مع ظهور النتيجة.. كان عندي أمل كبير أوي إني أحقق حلمي كنت بتنفس وقلبي بينبض وانا بتخيل نفسي مهندسة.
_ انتي بتكتبي ممكن يبقي ليكي مستقبل حلو انتي كتاباتك كلهاا هادفه وجميلة انا بقرا كل اللي بتكتبيه بتكتبي من قلبك ممكن في المستقبل تبقي حاجه كبيرة مين عارف.
_ ومين بيقرالي غيرك انتي وكام واحده انتي مفكره ان كتاباتي ورواياتي واي حاجه بكتبهاا هتشهر بيهاا انتي متعرفيش الناس اليومين دول مبيدوروش غير عالكتاابات المشهورة أو الأبيحه روحي قولي لحد اقرا دي حلوه هتلاقيه مطنش ومش هيقرا حاجه وقولي لنفس الشخص متقراش الرواية دي مش كويسة تاني يوم هتلاقيه مخلصهاا.
_ مش الكل صدقيني دي نسبه صغيرة جدا في ناس كتير بتحب الحاجات الهادفة والمحترمة واللي بتشد زي اللي بتكتبيه.
_ ومين هيقرالي برضو هفضل أكتب وبعدين اي معنديش جمهور.
SaRa KhaLiL.. ♡
عيطت كتير أوي كل يوم بشوف فشلي قدامي وبكمل بس خلاص معنتش قادرة أعمل اي بس.
_ طب انتي بترسمي حلو أوي اجتهدي وحاولي ممكن تبقي رسامة كبيرة في المستقبل.
_ رساامة!! إنتي شايفة دا مجتمع يهتم بالرسم دا حتي التعليم باظ هيهتموا بالرسم ارجوكي متحاوليش خلاص انا استسلمت مفيش حاجه تخليني ارجع واكمل واحلم واسعي لاحقيق أحلامي.
سكتت علي صوت قلم نزل علي وشي من ماما اللي بتزعق في وشي.
_ فوقي بقي بطلي تندبي حظك تالته ثانوي اي اللي وقفتي عندهاا.. تالته ثانوي ما هي الا نقطة في بحر لسه مبدأتيش أصلا علشان تخسري متتهزيش قومي وحاولي الإرادة بتعمل كل حاجه بس تحاولي بصدق افتكري كل حاجه كنتي عايزاهاا واحنا رافضين عملتي اي علشان توصليلهاا افتكري تخطيطك واحلامك احلمي تاني ومالوا افشلي اوقعي واتكسري وقومي اقوي من الأول بارداة اكبر اضحكي للمشاكل وقابليها بترحاب وفكري كويس دوري عالنقطة اللي هتبتدي منها تاني.

بعد كلام ماما ليا مسحت دموعي وقومت صليت ركعتين ومسكت تلفوني وقعدت أقلب فيه ووقفت عند فديو بالصدفة والفديو كان بيتكلموا عن قصة ولد:

في ولد رجع من المدرسة ل أمه في يوم واداها جواب وقالها اقريه اخدت امه الجواب وقرته وقالت ابنك ذكي جدا والمدرسة قليله علي قدراته فعلميه في البيت.. عدت الايام والام اتوفت والولد دا وهو بيفتش في حجاتهاا لقي الجواب دا وكان مكتوب فيه ابنك غبي جدا من بكره ميجيش المدرسة.. الولد دا كان ايديسون العبقري مخترع الكهرباء بكي اديسون كتير وكتب في مذكراته: كان ايديسون غبيا ولكن بفصل والدته الرائعة صار اديسون عبقري.
استجمعت كل عزيمتي وقررت أكمل وابدأ من الأول أنا أستحق إني اقاوم علشان احقق أحلامي علشان افرح أهلي اللي عملوا كل اللي عليهم مقابل فرحه واني احقق حلمي وخذلتهم.
ومن اليوم دا بدأت وحاولت وفكرت ووقعت وقمت وصممت إني ارجع احط احلام واحققها.

عزيزي القاريء اذا كنت تنتظر النهاية فأريد إخبارك أننا وحدنا نستطيع صنع النهاية بأيديناا سواء سعيدة أم حزينة واريد اخبارك أيضا أن الخسارة ما هي الفشل الفشل الحقيقي أن تكف عن المحاولة وأن النجاح الحقيقي هو رحلتك لتحقيق أحلامك وليس تحقيق ما تريده.
بقلمي سارة خليل 💜