Icchhadhari Khargosh (Bunny Hybrid) || Completed

Chapter 9

(Play the song above)

Sab Y/N aur Siddharth ko room mein chodke bahar jate hai. Siddharth Y/N ke bed ke baju ke chair mein baithke uska hath pakadta hai.

Y/N : Siddharth, thank you. Meri zindagi mein aane ke liye. Agar aapse mile bina main duniya se chali jati, toh lagta ki meri zindagi adhuri reh gayi hai.

Siddharth ke aankhon se already aansu beh rahe the.

Siddharth : Y/N, tum negative kyu soch rahi ho? Abhi bhi sirf first stage hai. Hum operation karvayenge tumhara. Tumhe kuch nahi hoga.

Y/N apna sar naa mein hilati hai.

Y/N : Mere ghar wale itni badi rakam kabhi bhi jama nahi kar payenge. Maine doctor ki baat suni thi. Aur vaise bhi kaunsi badi baat hai? Mujhe kisi cheez se dar nahi lagta. Aap ro mat. Vaise rote hue bhi bohot handsome lagte ho lekin haste hue zyada handsome lagte ho.

Y/N Siddharth ka man halka karne ki koshish karti hai. Siddharth thoda sa hasta hai.

Siddharth : Tum aise vakt pe bhi mazak kar rahi ho?

Y/N : Mujhe na senti hona pasand nahi hai. I hate tears. Aur abh toh mera upar jane ka ticket aa gaya hai. Abh toh chalo shadi karte hai!

Siddharth rote hue hasta hai aur Y/N ko zor se hug karta hai.

Siddharth : Y/N, main tumhe kahi jane nahi dunge. Tumhara yeh har baar "chalo shadi karte hai" sune bina main ek din bhi nahi reh paunga. I love you, Y/N!

Y/N apne aapko aur control nahi kar paati hai aur zor zor se rone lag jati hai. Siddharth ne Y/N ko kabhi rote hue nahi dekha isliye vo shock ho jata hai. Vo kafi der tak roti hai. Phir hug todke bolti hai.

Y/N : Main marna nahi chahti, Siddharth! Main jina chahti hoon!

Siddharth cups her cheeks.

Siddharth : Tum jiogi, Y/N! Tum jiogi!

The next day

Doctor aur Y/N ke nana nanu Y/N ke room ke bahar khade hai.

Doctor : Aap log reception pe yeh sab formalities pura kar dijhiye aur phir aap Y/N ko ghar le jaa sakte hai.

Nana : Thank you, doctor.

Tabhi Siddharth vaha aata hai.

Nana : Siddharth beta, tum yaha?

Siddharth doctor ko ek envelope deta hai.

Siddharth : Doctor, yeh lijhiye, Y/N ke operation ke paise. Jaldi se jaldi use thik kar dijhiye.

Doctor : Aap yeh paise reception mein deke aaiye. Main operation ki tayari shuru karta hoon.

Doctor chale jate hai.

Nana : Siddharth, hum tumhe yeh paise wapas kaise lautayenge?

Siddharth nana ke hath pakadta hai.

Siddharth : Dadu, aapko yeh paise lautne ki zarurat nahi hai. Main bhi toh aapke pote jaisa hi hoon na? Aur Y/N mere liye bhi bohot important hai.

Vo aakhri sentence Y/N ke room mein Y/N ko dekhte hue bolta hai jo Jharna aur Tanuj ke sath has rahi thi.

Vo sab Y/N ke room mein jate hai. Nanu Y/N ke paas baithti hai.

Nanu : Y/N, acchi khabar hai. Tere operation ke liye paiso ka intezaam ho gaya.

Y/N : Sacchi?!

Y/N khush ho jati hai lekin phir uska chehra dull ho jata hai.

Y/N : Lekin operation ke paise aaye kaha se?

Nana : Siddharth ne diye hai paise.

Y/N Siddharth ki taraf dekhti hai. Use lagne lagta hai kuch toh galat ho raha hai. Uske room se sabke jane ke baad Siddharth room mein reh jata hai.

Siddharth : Maine bola tha na, tumhe kuch nahi hone dunga.

Y/N : Lekin Siddharth-

Siddharth : Shh... Abhi aaram karo. Tumhe rest ki zarurat hai.

Siddharth room se chala jata hai.

Time skip

Y/N ka operation ho chuka hai. Aur operation ke baad Y/N ko hosh aaya hai. Uske sabhi family members uske samne baithe hai.

Nanu : Y/N, abhi kaisa lag raha hai?

Y/N : Operation ho gaya?

Jharna : Haan, abh tu bilkul thik hai!

Tanuj : Pichle kuch ghante hum kitni tension mein the hum bata nahi sakte!

Y/N ki family usse thodi der baat karti hai. Phir ek nurse andar aake bolti hai.

Nurse : Chaliye, visiting time khatam ho gaya. Aap mein se koi ek inke sath rukiye.

Siddharth : Main rukunga!

Baki sab room se chale jate hai. Siddharth smile ke sath Y/N ke paas baithta hai.

Siddharth : Dekha? Sab kuch thik ho gaya. Abh fatafat thik ho jao! Mere ghar wale tumse dobara milne ke liye betaab ho rahe hai!

Y/N serious expression ke sath bolti hai.

Y/N : Siddharth, operation ke paise kaha se aaye?

Siddharth thoda ghabra jata hai. Lekin baat ko ghumate hue kehta hai.

Siddharth : Aree tum aam khao na! Gutliyan kyu gin rahi ho?

Y/N : Maine pucha paise kaha se aaye?

Siddharth : I'm sorry. Vo main tumhe nahi bata sakta.

Y/N : Aapka chehra dekhke hi mujhe pata chal raha hai aap kuch bada chupa rahe ho.

Siddharth : Y/N, tumhara operation abhi abhi hua hai. Itna tension mat lo! Sab first class hai!

Y/N Siddharth ka hath pakadke apne sar pe rakhti hai.

Y/N : Aapko meri kasam! Batao paise kaha se aaye!

_______________________________________

A/N : What are your guesses? Siddharth paise kaha se laya?

Please vote and comment.😇