ملجأي 😌❤️:(عرين الأسد 🐱)

بارت 3

بينما كانت تسير رأت قطه نعم فهي تخاف من القطط لديها ما يسمي بالفوبيا عندما رأتها جرت بأقصي سرعه عندها وهي تجري كانت تقول : اعاااااااااااا يا ماااااااااااامااااااااااا
وهي تجري اصطدمت بشخص ما
الشخص : مش تحاسبي
علياء وهي تنهج : معلش أنا اسفه جدا ثم تذكرت ما كانت تجري منه فقامت بالاختباء خلفه واردفت بخوووف وبكاء : هي .... هي .... مشيت صحح مشيها ونبي .... اهئ اهئ اهئ اهئ
الشخص بعدم فهم وتهدئه : اهدي اهدي .... هي مين دي ...؟!
علياء ببكاء : القطه ونبي هشها.... اهئ اهئ اهئ ( هههههههه خايفه من القطه دنا القطه اول ما بتلمحني بتجري هههههه)
الشخص بضحك عليها : هههههه انتي بتهزري صحح
علياء بعدم فهم : بهزر ايه بقولك شوفت قطه انت متخيل يعني ايه قطه
الشخص وهوه لا يقدر علي مقاومة الضحك : خلاص خلاص ...... هي مشيت اهدي بقا ... يلا اطلعي من ورايا
علياء بخجل من فعلتها : معلش اسفه .... بس انا بخاف من القطط اووووي ... أنا اسفه
الشخص بهدوء : ولا يهمك يا انسه .... معلش معرفش اسمك
علياء بابتسامه : اسمي علياء .... وحضرتك ...!؟
الشخص بابتسامه متبادلة : تميم .. دكتور تميم بشتغل هنا في المستشفي
علياء بابتسامه : اهلا وسهلا اتشرفنا يا دكتور
تميم وهو ينظر في عينيها : أنا اللي اتشرفت يا انسه علياء
علياء بخجل من نظراته : شكرا .... عن اذنك بقا يا دكتور علشان هسأل علي حاجه في الريسبشن...
تميم بتساؤل : تسألي علي ايه ...؟!
علياء : صحبتي تعبانه وبتتعالج هنا وكنت جايه ازورها عن اذنك..
تميم وهوه يمد يده لمصافحتها : مع السلامه اتشرفت بيكي يا انسه علياء ...
علياء وهي تمد يدها لمصافحتها بابتسامه جميله : مع السلامه يا دكتور تميم
ورحلت وهي تقول في نفسها الله تميم اسم حلو اووووي وشكله احلي كمان هييييحح..... بعدين بقا ايه اللي بقوله ده .... ههههه
بينما تميم بعدما كان ينظر في أثرها ويقول : مالي اول ما شوفت عينيها سحرتني ... حاسس اني كنت باصص للبحر وانا ببص فيهم .... يوه أنا هروح اكمل شغل ...

****************
في كافيتريا الجامعه كانت تجلس تمارا ونيرة
تمارا بعد ما حكت لها ما حدث في مكتب عدي
تمارا بتنهيدة : بس يا ستي هوه ده اللي حصل
نيرة بضحك : يخربيت دماغك يا تمارا انتي مسخره هههههههه
تمارا بمرح : سيبك انتي سمعتي اغنية مسلم  الجديدة
نيرة بتساؤل : لا مسمعتهاش.... بتقول ايه يا تمارا
تمارا بغناء : بتقول احم احم .... سيبتهاااااا ..... كرهتهااااااااا ..... ده كان غرور العظمه راكب مخها ...... رافعالي حاله قال ايه ندمانه .... مفكراني هخش ارد ده عندهااااااااااا. . 
نيرة وهي تسد أذنها من بشاعة صوتها : بااااااس بااااااس ... ايه بلاعه واتفتحت جتك القرف
تمارا وهي تكمل غناء : استني لسه الحته الحلوه جايه ههههه .. ...لااااء ثواني بقا .... أنا غلط وانت صح..... فرصة سعيده والدربندح .... دح ... دح ... دح .... دح
نيرة بضحك : يخربيتك اسكتي بقا يا بنتي .... المهم عايزه احكيلك حاجه
تمارا وهي تغني : دح .... دح .... دح ...
ثم أردفت بجدية : معلش يا نيرة اندمجت يلا احكي
نيرة بحزن : عصام يا تمارا مش حاسس بيا خااالص لاااااء مش حاسس ايه ده مش شايفني اصلا
تمارا بغضب : تستاهلي منتي اللي مدلوقه عليه
ثم أردفت بمرح : ده عايز رفاعي الدسوقي يجي يقوله ... قولي ياااض يا عصام يا نمر ايه الفرق بين الراجل والست غير الفرق اللي كل الناس عارفااااه قالتها وهي تقلده
نيرة بضحك : هموووت منك والله ههههههههه
ثم أردفت بتساؤل : صحيح يا تمارا ايه الفرق اللي كل الناس عارفااه ده ..؟!
تمارا بضحك : ونبي يا اختشي ما اعرف هههههه
ثم أردفت بجدية : نيرة بجد انسي عصام ده انا لو شايفه أنه يستاهلك كنت ساعدتك والله ... بلاااش يا نيرة سيبي قلبك للي يستاهله بجد
نيرة باقتناع بعض الشئ : حاضر يا تمارا هحاول
تمارا بمرح : طيب يا يا نونو علشان ست الكل متعملهاش معاايا ..... صحيح هتيجي معايا
نيرة : أيوة يا ستي استأذنت من ماما وقالت ماشي
تمارا : يلا بينا يا صاحبي
نيرة بضحك وغناء : صاحبي يا صاحبي
تمارا بضحك وتكمله : عم الناس هههههه
ضحك الاثنان وذهبا للمنزل

****************
في شركة الصفوان
شريف في الهاتف : مروه هاتيلي ملفات صفقة (......) علشان اراجعهم قبل ما عدي يجي
مروة : حاضر يا شريف بيه خمس دقائق وجايه
شريف بإيماء : تمام
جلس شريف وهو يتذكر الماضي
# فلاااش باااك#
شريف وهوه يجلس علي ركبتيه وفي يده خاتم : تقبلي تتجوزيني .... تقبلي تكملي حياتك معايا
نادين بفرحه مزيفه : موافقه  طبعا
شريف وهو يقف ويحتضنها : بحبك ... بحبك اوووي يا روحي
نادين بضحكه خبيثه : وانا كمان بحبك
مرت الايام وجاء يوم ميلاد نادين في المطعم
شريف بحنان وحب : ايه رأيك في المفاجأة يا روحي
نادين بفرحه زائفه : تحفه .... هاااه جبتلي هدية ايه
شريف وهو يضع علبه قطيفه لونها ازرق أمامها قامت بفتحها فوجدت بها عقد الماظ باااهظ الثمن
نادين بضحكه خبيثه وانبهار : واو ده تحفه اووووي ... ميرسي يا بيبي
بعد مرور القليل من الوقت قامت نادين وذهبت للحمام وتركت هاتفها رن هاتفها برقم غريب خمس مرات ثم قام بإرسال رسالة... امسك شريف الهاتف ووجد رساله محتواها
" حبيبتي كل سنه وانتي طيبه.... اول عيد ميلاد ليكي مع الدغف بتاعك وبعيد عني .... بس كل يهووون علشان خاطر النصابيه اللي هنطلع منها بقرشين حلوين .... حبيبك مصطفي .....بحبك "
صدم شريف من ما رأه للتو ثم قام بأخذ الرقم وقام بمعرفة صاحبه وقام بعمل خطته ...
# بااااك#
فاااق من شروده علي صوت دخول مروة
مروة بعمليه وأدب : اتفضل يا افندم الورق اهوه
شريف بإيماء : شكرا يا مروة
مروة بجديه : حضرتك الاجتماع هيبقا الساعه ٢ يعني فاضل عليه ساعه بالظبط
شريف : تمام يا مروة تقدري تتفضلي
اومأت مروة وخرجت .... ثم أردف شريف : ليه حصل معايا كده دنا كنت بحبها عمري ما فكرت اذيها ..... ( هما يا ابني كده اللي تحبهم هما اللي يخزوقوك في الاخر هههههه ) ... بس خلاص اللي بيتعلم مش بيتعلم ببلاش أنا استحاله افتح قلبي تاني كفايه اللي حصل اول مره ( اما نشوف يا اخويا ههههه كلكوا بتقولوا كده في الاول بس ههههه )
اخرج هاتفه واتصل بصديقه
علي الجانب الآخر علم عدي أن هاتفه يرن أخرجه فوجده شريف صديقه اجاب عدي : الو أيوه يا شريف
شريف : ايه يا عدي انت فين الاجتماع باقي عليه ساعه
عدي : أنا راكب العربيه وجاي مسافة السكه
شريف : تمام سلام
عدي : سلام

***************
في منزل تمارا قامت تمارا بدق الباب وهي تغني : أنا جيييت ....... خدت الصيييت ..... ليه اختفييييت
ونيرة تضحك عليها فتحت امها الباب وقامت برمي حذائها في وشها ( الشبشب ههههه )
تمارا وهي تكمل غناء : ليه اتخضيييت ......  ليه كده يا ماما حررررام عليكي والله هي دي حمدالله على السلامه بتاعتك .....
لم ترد عليها الام بل قامت باحتضان نيرة واردفت : عامله ايه يا حبيبتي وامك الوحشه اللي مش بتسأل عامله ايه
نيرة بضحك : أنا الحمدلله يا طنط وامي الوحشه بتسلم عليكي
تمارا وهي تفتح ذراعيها لتحتضن امها : ماما وحشتيني اووووي
الام وهي تذهب وتتركها : ونبي يا اختي اتلهييي
وقعت تمارا أرضا ونيرة تضحك عليها بشده ....
تمارا وهي تقلدها : هههههه اضحكي يا اختي اضحكي ... تمارا وهي تصيح بها : تعالي قوميني يا حيوانه
نيرة وهي تساندها وتضحك : ههههه امك بتحبك اوووي يا تيمو ... يلا قومي ندخل جوه
تمارا بمرح : هوه ده الحب عندنا يا بنتي اسكتي انتي ايش فهمك
دخلت تمارا ونيرة الغرفه

***********
اما في سيارة عدي بعث ليه شريف رساله لانه كان هناك خطأ في ورق الصفقه وكان ينظر بالرسالة ولم يرا هذه الفتاه اللتي وقفت أمامه ..... حاول التحكم بالفرامل ولكن حدث مالم يكن بالحسبان
يتبع ......

*****
ماذا حدث يا تري ومن هذه الفتاه
وماذا سيحدث لعدي
هنعرف البارت اللي جاي
سلاموووز يا قمرررات ....