ملجأي 😌❤️:(عرين الأسد 🐱)

البدايه

في حي من أحياء عروس البحر الابيض المتوسط ( الاسكندريه)
في الصباح في غرفة بطلتنا....
الام ( سوسن ) : انتي يا زفته اصحي بقا.....
تمارا : يوووه يماما خمس دقائق كمان ونبي
الام ( سوسن) والله هصحيكي بطريقتي
( طبعا الطريقه بتاعت اي ام اللي كلنا عارفنها 😂)
تمارا : ايه ده انا قومت اهوه أنا في الحمام اصلا يماما
الام ( سوسن ) : اخلصي وتعالي ساعديني بسرعه يا زفته
تمارا لنفسها : استغفر الله العظيم متعرفش تتكلم منغير ما تشتم
الام ( سوسن ) : بتقولي حاجه يا بت
تمارا : لا طبعا بقول حاضر هاجي
دخلت الحمام وتوضأت وخرجت وصلت فرضها وارتدت ملابسها المكونه من فستان اسود لأنها تعشق هذا اللون وحجاب باللون اللبني وشوز ابيض واتجهت للمطبخ
في المطبخ .....
الام ( سوسن ) : خدي الاطباق حطيها علي السفره يا تمارا يلا
تمارا وهي تضع يدها علي جبهة امها : انتي سخنه يماما ولا حاجه
الام بغيظ من ابنتها : اخلصي يا زفته
تمارا بمرح : أيوه كده انتي امي
ذهبت تمارا لتضع الاطباق علي السفره
جلسوا جميعا ليتناولوا وجبة الإفطار علي السفره
تمارا بمرح : صباح الموز باللبن علي الجميع
الام بنفاذ صبر : يا بنتي اعقلي بقا وبطلي جنان امتا هشوفك عاقله
تمارا بمرح : عارفه امتا يا ماما
الام بتساؤل : امتا ......
تمارا بغناء : لما السما تنزل علي الارض
يارا بمرح وغناء وهي ترد عليها : ولما في يوليو تموت من البرد
تمارا بضحك : أيوه بقا يا جامده يا يارا
يارا بضحك : اختشييي حبيبتي
الام : منكوا لله ، اخرصي انتي وهيه اومال فين تميم وابوكو
تمارا : تميم في اوضته اما اروح اصحيه وانتي يا ماما شوفي بابا فين
في غرفة تميم كانت تمارا تدق الباب
تميم من الداخل : مين ....؟!
تمارا بمرح وغناء : أنا مين وكمان نسيت صوتي ورقمي ضاع
تميم بمرح وغناء وهو يرد عليها : مقدرش يا اوزعه اومال مين يجبلي صداعع
تمارا بغضب : متقولش اوزعه طب
تميم بضحك : يا بنتي دنا بوطي علشان أسلم عليكي هههههه
تمارا باستفزاز وهي ترد عليه : عندما يشمون الورد ينحنون له 😌
تميم بضحك : طب اخلصي عايزه ايه
تمارا : يلا الفطار جاهز يلا علشان تطفح
تميم وهو يجري خلفها وتمارا تجري وتضحك : وربنا لاضربك يا تمارا الكلب استني بس
الاب ( عبدالحميد ) : بس يا ولاد عيب كده
تمارا وهي تقبله : صباح الخير يا حبيبي
الاب ( عبدالحميد) بحنان : صباح النور يقمر
تميم باستفزاز: دي قمر دي استغفر الله العظيم ده القمر المفروض ينتحر علشان اتشبهت بيه ههههه
تمارا وهي ترد عليه وتردح : نعااااام يا عنيااااا دنا مصر كلها بتجري ورايا
يارا بمرح وضحك : تلاقيكي مسجله خطر ... هههههه
تمارا بغضب : اه يا يارا الكلب انتي ...... أنا ماشيه رايحه الجامعه سلااااامووووز
ودعت عائلتها وذهبت للكليه للالتقاء بصديقة عمرها

اما علي الجانب الآخر في فيلا في حي راقي جدا أقل ما يقال عنها أنها تحفه فنيه يسكن بها بطلنا ، في احدي غرفها اللتي تمتاز بالتصميم العصري والرائع
الام ( نجوي ) : عدي يا عدي انت صحيت
عدي : اه يماما من بدري خمس دقائق ونازل
الام ( نجوي ) : تمام يا حبيبي
في غرفه أخري تصميمها شبابي ورائع ذهبت الام لتيقظ ابنها الآخر
الام ( نجوي ) : علي انت يا ابني اصحا بقا تعبتني
علي بتثأوب: صحيت اهوه يماما ،
ثم أردف بمرح : صباح الفل يا عسل انت
الام ( نجوي ) : صباح الخير يا حبيبي...... يلا علشان الفطار جاهز
علي بإيماء : حاضر يماما عشر دقائق ونازل
خرجت الام من الغرفه ونزلت للاسفل علي السفره
الاب ( صفوان ) بتساؤل : ايه هما لسه مصحيوووش ولا ايه
الام : لا صحيوا ونازلين
عدي وهو ينزل على السلالم بعدما ارتدي ملابسه المكونه من بدله باللون الاسود وشوز من نفس لون البدله وسرح شعره بطريقه جذابه ووضع عطره النفاذ قابل علي
علي بمرح : صباح الحلويات علي الأسد ....
عدي بجديه : صباح الخير يا علي
ثم نزلو وجلسوا علي السفره
علي وعدي : صباح الخير يا بابا
الاب : صباح الخير يا ولاد
عدي وهو يقف : أنا مضطر امشي علشان عندي محاضرات وبعدها هطلع علي الشركه
علي بمرح : Lion ممكن تاخدني معاك في طريقك
عدي بضحك : ماشي يلا

اما علي الجانب الآخر في كلية الهندسة
نيرة بغضب في الهاتف : انتي فين يا تمارا
تمارا بمرح : أنا قدامك اهوه ههههه
نيرة بغضب منها : انتي بتهزري صحح يا تمارا كل ده كده هنتأخر علي المحاضره
تمارا وهي تسحبها من يدها ليذهبا: احنا كده هنتأخر وانتي واقفه حضرتك يلا يا كلبوبه انتي
ضحكت نيرة وذهبوا للمدرج
وصل عدي الي الكليه ودخل المدرج ورأي وسمع ما جعله ينصدم
   يتبع .....
يا تري شاااف ايه ..؟!
اتمني الرواية تعجبكوا وياريت تشجيع علشان اكملها