شدة ياس

حچايات عراقيه..♡

مساء الآملين بالله 💙
شلونكم شخباركم إن شاءلله تكونون بخير

موضوع اليوم هواي حچايات عراقيه نداولها
بيومنا بس مانعرف شنو معناها فااليوم نوضح
بعض معاني وأصل الكلمات العراقي..

١/ (يمعود او يامعود) يستخدم العراقين هذه الكلمه
بكثرة، أما لطلب التساهل او للرد على حالة الاعتذار
دائمة الحدوث للشخص اوللنداءيقال أن أصل
الكلمه جاءت من احد شيوخ القبائل في مدينة
السماوة (محافظه المثنى) اعتاد على فعل الخيرات
والمكرمات بين اهله وقبيلته لكونه رئيس قبيلة
يطلق عليه عدة تسميات وألقاب منها:
محفوظ. طويل العمر والخ.. من الالقاب الي تليق به
ابناء القبيله أرادوا إن يختاروا لهذا الرجل الطيب
لقبا يليق بمكارم اخلاقه فاتفقوا أن يقولوا له يامعود
او يامتعود على فعل الخير أي "المعتاد على فعل الخير"
ولكون مجتمعنا يحب الاختصار، اصبحت عبارة
"يامعود" دون ذكر الباقي التكملة وهكذا اشتهرت
بين الناس.

     
                ____________________

٢/(سلم بلم) تقال هذه العبارة عند المقايضة
وعمليات او البيع والشراء القائم وليس الآجل
اي هي تسليم واستلام كأن يتم تسليم البضاعة
باليد اليسرى واستلام المال باليد اليمنى.

يقال أن أصل العبارة هو انه قديما كان الباعة
القادمين بحمولتهم من الريف او المدن الحاملين
بواسطة القوارب (البلم) كحمل الرقي من سامراء
الى بغداد بالقوارب عن طريق نهر دجلة.

يوقفون القوارب عند (المسناية) فيأتي المشتري
ويتفق مع البائع على سعر معين لشراء البضاعة
حينها يسلم المشتري النقود للبائع لياخذ السلعه
ومن هذه العملية جاءت هذه العبارة "سلم بلم"

                   ___________________

٣/ "عفية، خوش"
يستعمل العراقيين كلمة خوش أما للترجي وأصلها
من اللغة العربية (عافاك الله) أو بمعنى أحسنت
وأصل الكلمه من اللغه التركيه Aferin وتم
تحويرها لسهوله لفضها فأصبحت (عفيه)
ومازال بعض العراقيين القدامى يقولون عفارم
بدل عفية.

كذلك نستعمل كلمة "خوش" بمعنى جيد او
حسنا،  وجميل وأصلها من اللغة الفارسيه.

                ___________________

٤/ "هسه" نستعمل هذه الكلمه بحياتنا اليوميه
بمعنى حالا او الآن مثل (هسه اسافر)
أصل هذه الكلمه مختصر من (هذه الساعة)
كذلك اشتقت منها كلمه (هستوني) وبنفس المعنى
بعضهم يكتب هذه الكلمه( هسا، هسه، هساه، هساع)

                ___________________

٤/"مو" يستعمل العراقيين كلمه "مو" في لهجتهم
العامية وهي من بقايه التراث اللغوي السومري
حيث  انها اداة الجملة الفعليه السومريه التي إن
تتكون وفيها فعل الا باستخدام بادئه هي(مو)

هناك استخدامات لل (مو) منها:
1:مو النافيه: بمعنى ليس، مثل
(أنت كسرت الاستكان؟... والله مو أني).

2: مو الناهيه: بمعنى لا مثل
(مو تشغل المبردة بلا مي).

3:مو الأستفهامية: بمعنى أليس كذلك؟، مثل
(عمرنا راح يخلص مولدة لو وطنيه.. مو بالله؟).

4:مو السببيه بمعنى لأن: مثل
(الأب: أبني ليش ليهسه ماجايب صمون؟...
الابن: يابه مو المخبز معزل اليوم).

5:مو الضرفيه: بمعنى عندما: مثل
(مو تنزل للسوگ اشتريها بدربك).

6:مو التوبيخيه: مثل(مو كتلك جم مره لاتروح يمهم).

7:مو التحذيريه: مثل(مو گتلك نزيزه الكاع وغيوم
الصيف چذابه ولاتمطر).

وبس اتمنى يعجبكم واذا عجبتكم
الفقرة نزل بارت ثاني مع السلامه..💞🧚🏻‍♀️