أنتقام

بارت 16

في صباح يوم جديد....
نزل الجميع علي شغله...
.......
في قصر الراوي...
عز كان اعد في مكتبه...وطلب فرح وفريده يدخلوله.
خبطت...فريده...ودخلت هي وفرح.
فرح...خير يا عمو حضرتك طلبتنا.
عز...تعالوا اعدوا يابنات.
اعدت فرح وفريده ادامه..
عز....عايزكم تروحوا لكامليا.
فريده...احنا.
عز...اه انتوا احنا اتفقنا ان الفتره دي لازم الكل يجر ناعم معاها خصوصا انتوا.
فرح...طيب تفتكر حضرتك انها هتوافق تقابلنا
عز...ماهي قابلت كريم وقابلت عمكم شاكر وجمال.
فريده....طيب هنقولها ايه.
عز ...هتحاولوا تتمسكنوا وتطلبوا منها انها تسامحكم وتعرفوها اني معملتش حاجه زي دي...وتعرفوها ان هي اتظلمت بسبب امها واني فهمت غلط وفكرتها بتداري عليها..
فرح...تفتكر هتقتنع ياعمو.
عز...دي شطارتكم بقي خلونا نخلص من الوش ده كامليا مش ناويه علي خير
فريده...اطمن يا عمو احنا هنظبط دماغها و بعدين لو عندت وديني لا اخلص عليها بأيدي
عز.....فريده احنا مش عايزين كده عالاقل الوقت عشان منكنش محل شك المهم نكسب ودها الوقت والباقي سيبوه عليا تسامح الاول وبعد كده هقولكم نعمل ايه.
فريده...عندك حق يا عمو اهو قبل ما تغور في داهيه ناخد منها فلوسها خساره فيها.
عز....اهو كده الكلام مش الاندفاع اللي انتي فيه ده علي طول.
فريده...حاضر يا عمو..
فرح...طيب هنروحلها امته.
عز...الوقت تطلعوا تجهزوا وتروحوا وتاخدوا معاكم البنات يمكن دول يكونوا نقطه ضعف ليها.
فرح...صح ياعمو
فريده...طيب يلا نقوم نجهز.
عز....متقولوش ادام سما او ساره او سماح مش عايز حد فيهم يعرف انتو رايحين فين.
فرح...اطمن يا عموا لو حد سأل هنقولهم اننا رايحين نجيب لبس للبيبي
بصت فريده...لفرح وعلي وشها ابتسامه صفرا ومن جوها هتموت.
عز...صح براڤو عليكي. يلا روحوا.
.........
في اوضه سما..
اتصلت سما بحسن.
حسن...الوووو ايوه ياحبيبي عامله ايه.
سما...تمام ياروحي بخير.
حسن...وزينو عامل ايه.
سما...الحمد لله بخير
حسن...خير يا قلبي في حاجه ولا ايه.
سما...لا بس كنت بكلمك عشان كنت عايزه اخرج انا وزينو شويه.
حسن...علي فين.
سما...ابدا هتمشي شويه وهوديه يلعب ومتغدي بره مخنوقه ومش طايقه اعد فالبيت.
حسن...طيب ما تستني بليل اجي اخدك ونخرج.
سما...معلش ياروحي انا حابه اخرج زين ونلعب مع بعض ونغير جو.
حسن...طيب ما تقولي لساره تيجي معاكي عشان متبقيش لوحدك.
سما....حاضر هشوفها كده ولو وافقت نخرج مع بعض.
حسن...ماشي ياروحي شويه وهكلمك اطمن عليكم.
سما...حاضر يا حبيبي يلا باي.
حسن...باي.
..........
خبط الباب بتاع اوضتها.
سما....ادخل.
ساره...من ورا الباب بتعملي ايه نزلتلك تحت مش لقيتك ولقيت الحيزبونات فرح وفريده كانوا خراجين من اوضه المكتب بتاعت خالو عز.
سما...طيب تعالي. كنت لسه هكلمك .
دخلت ساره وقفلت وراها...
سما.بصوت واطي...سمعتيهم بيتكلموا في حاجه.
ساره...لا ملحقتش انا يادوب نزلت لقيتهم بيفتحوا الباب وطالعين بس كانوا لوحدهم معهمش حد. وطلعوا علي اوضتهم.
سما....تفتكري في ايه.
ساره...مش عارفه بس اكيد بيفكروا في حاجه.
سما...انا اعصابي تعبت خلاص حاسه اني اعده مع عصابه.
ساره...انتي بتقولي فيها😏 المهم كنتي عيزاني في ايه.
سما...انا اتصلت بحسن وقولتله اني خارجه انا وحسن نتغدي بره ونغير جو والعب زين شويه...وقاللي خدي ساره معاكي لو فاضيه عشان متبقيش لوحدك.
ساره...ايه ده بالله طبعا انا راشقه اهو الواحد يرتاح شويه بعيد عن تخطيطهم
سما...بس انا كدبت علي حسن يا ساره انا مش عايزه اخرج عشان كده.
ساره....بتركيز امال ايه اوعي تكوني عايزه.
سما....ايوه يا ساره عايزه اروح لكامليا.
ساره....انا كمان نفسي اروحلها وعايزه اشوفها بس حسن لو عرف انك بتكدبي هيزعل منك وبيجاد بيجاد مش هيسكت لو ىوحنا من وراه.
سما...بدموع يحصل اللي يحصل بقي انا عايزه اروحلها وخلاص مش قادره مشوفهاش ولا اتكلم معاها مش قادره اشوف الكل متفق عليها وانا افضل ساكته...انا رايحلها لو حابه تيجي معايا تعالي مش حابه خليكي انتي
ساره...لا طبعا مش هسيلك وهاجي معاكي يحصل اللي يحصل بقي.بس لو ماما سالتني ولا طنط سماح سالتك هنقول ايه.
سما...مسحت دموعها زي ما قولت لحسن هنخرج نغير جو ونخرج زين.بس ياريت نفاجاهم واحنا لابسين وخارجين خلاص احسن حد فيهم يقول جاي معاكم
ساره...طيب تمام..انا هقوم اجهز بسرعه
سما...وانا هلبس انا وزين بسرعه.
ساره...اوك
...................
نزلت فرح وفريده فالوقت ده وخرجوا وراحوا علي شركه كامليا....
..................
بعد حوالي نص ساعه خرجت سما وزين من اوضتهم خبطوا علي ساره خدوها ونزلوا اتفاجئوا بسماح خارجه من المطبخ.
سماح...ايه ده انتوا خارجين يابنات ولا ايه.
سما...بارتباك...ايه اه .
ساره...لحقت الموقف عشان عارفه ان سما لخمه...سما عايزه تخرج تغير جو وتخرج زينو شويه وانا هروح معاهم
سماح...طيب مش كنتي قولتيلي كنت لبست وجيت معاكم
ساره...لا ما احنا مش هنتأخر يعني شويه كده واهو نرتاح من البومات اللي فالبيت ده.
سماح...لا ماهم خرجوا
سما...مين دول.
سماح...فرح وفريده قالوا خارجين يجيبوا هدوم للبيبي بتاع فرح.
ساره...والحيزبونه التالته فين.
سماح...في اوضتها مخرجتش من ساعت اللي حصل امبارح.
ساره...احسن يارب تفضل عامله نفسها زعلانه عشان نخلص منها ومن وشها.
سماح...بضحك...ماشي يا لمضه انتي خلوا بالكم من بعض.
سما...حاضر يا مامي
سماح...باي يازينو.
زين...باي يانناه.
خرجو....ركبوا عربيه سما ومشيوا بسرعه
................
وصلت فرح وفريده ادام الشركه بتاعت كامليا.....دخلوا جوه وعرفوا مكان مكتبها وصلوا عند اماني السكرتيره.
فريده...من فضلك عايزين نقابل كامليا
اماني....في معاد
فريده...للاسف لا يعني تقدري تقولي مفجأه.
اماني...طيب اقولها مين حضراتكم.
فريده...بغرور قوليلها فريده وفرح الراوي...اخواتها.
اماني....اهلا وسهلا حاضر يا افندم اتفضلوا لحظه ابلغها
.........
عند بيجاد فالشركه رن موبايله...
بيجاد....ايوه يا حسام في جديد ولا ايه
حسام...ايوه يا بيجاد باشا انا ادام الشركه من ساعت ما كامليا هانم وصلت الصبح ومتحركتش الوقت لقيت اتنين طالعينلها من اللي حضرتك باعتلي صورهم.
بيجاد....مين.
حسام...معرفش بس انا بعتلك صورهم اللي حضرتك كنت باعتهالي هما دول اللي شوفتهم طالعين  بعتهم لحضرتك بش يظهر انك مخدتش بالك.
بيجاد....خليك معايا.
فتح بيجاد الموبايل وشاف صوره فرح وفريده..
بيجاد....ايوه يا حسام هما الاتنين لوحده مش معاهم اي حد تاني مش معاهم اي راجل.
حسام...لا يا بيجاد باشا هما طالعين معاهم بنتين صغيرين..
بيجاد....تمام يا حسام خليك زي ما انت واقف وتركيزك مش عايزه يقل ابدا مفهوم.
حسام...تحت امر حضرتك.
بيجاد...سلام.
حسام...سلام يا باشا
بيجاد....لنفسه بتبعتلها اخوتها يا عز باشا بتلعب معاها من الحته دي.... يا انا يا انتم وعلي جثتي حد يمسها من هنا ورايح
...................
في اوضه كامليا.... كانت مندمجه فالشغل وبتحاول تشغل نفسها عشان متفكرش كتير....
خبطت اماني وسمحتلها كامليا بالدخول.
كامليا...في حاجه يا اماني.
اماني...في ناس بره بتقول انها عايزه تقابل حضرتك..
ابتسمت...كامليا لاماني ياتري مين من عيله الراوي.المرادي.
اماني...هو فعلا من عيله الراوي...بيقولوا اخوات حضرتك فريده وفرح الراوي.
كامليا...ملامحها اتغيرت .وافتكرت كلام بيجاد انهم هيحاولوا يقربوا منها ويجؤوا ناعم.....تمام يا اماني دخليهم..
اماني....حاضر.
خرجت اماني وسمحتلهم بالدخول...اتفضلوا..
دخلت فريده وفرح....كانت كامليا اعده علي مكتبها
فريده...ازيك يا كامليا.
كامليا...اهلا..
اماني....تامريني بحاجه ياكامليا هانم.
كامليا..القهوه بتاعتي من فضلك وشوفي الضيوف يشربوا ايه.
كانت تقصد كلمتها وحست فرح وفريده بالغيظ والغل منها..
اماني...تشربوا ايه.
فريده...لا ملوش لزوم
كامليا...ازاي انتوا اول مره تزوروني في الشركه ميصحش...
فريده....طيب انا كمان قهوه مظبوط.
فرح...وانا زيها.
اماني...تحت امركم
كامليا...اماني متنسيش العصير للولاد.
اماني...تحت امر حضرتك خرجت كامليا
كامليا....خير ياتري ايه سبب زيارتكم
فريده....مفيش سبب
كامليا...عايزه تعرفيني انك جايه لحد هنا من غير سبب
فرح...جايين نطمن عليكي وحشتينا.
كامليا...ضحكت...وحشتكم؟؟؟ طب قولي حاجه غير كده يا فرح عشان اصدقك.
فرح...بس دي الحقيقه ياكامليا لما جيتي من صدمتنا معرفناش نعبرلك عن فرحتنا برجوعك وبعيدا عن اي مشاكل يا كامليا احنا اخوات وملناش غير بعض.
فريده....دي حقيقه يا كامليا احنا مهما حصل بينا هنفضل اخوات ومفيش حاجه ممكن تفرقنا
كامليا...وده من امته يافريده هاااا من امته يا فرح....قولولي كده من امته حسيتوا اننا اخوات من امته حسستوني اني اختكم...امته زعلتوا علي اي حاجه حصلتلي لما احنا اخوات موقفتوش معايا ليه وقتها بلاش انا انا موقفتوش مع مامي ليه ..ليه مقولتوش لعمك ان امنا اشرف ست فالدنيا ومتعملش كده بلاش ليه مخلتهوش يطلعني من الاوضه اللي خدني وحبسني فيها ادااااااااام الكل وحرمني من اني اودع امي لاخر مره..موقفتوش ادامه ليه وقولتوله اختي مش مجنونه  موقفتوش ادامه ليه تقولوله ارحم اختنا كفايه عليها دخولها المصحه بلاش تدمرها اكتر من كده عملتوا ايه عشان تحسسوني اني اختكم ...بس انا اقولكم انتوا دوستوا علي كل ده بس عشان الفلوس مع انكم اغبيا اوي لو الفلوس مهمه اوي كده بالنسبالكم كان ممكن تدافعوا عني انا ومامي ولنتوا عارفين ان نصيبنا كان اكبر بالفلوس اللي جدوا كان كاتبها لبابي الله يرحمه...بس انتوا خفتوا عشان عز الرواي وقتها كان قوي ومفيش حاجه بتهده فقررتوا انكم متخسروش ودوستو عليا باوسسسسسسخ جزمه عليا معاه عشان تكسبوا وده ومتخسروش بعتوني انا عشان الفلوس ..عادي كان اللي بيجري جوانا مش دم ولا حتي مايه ده اوسخ من كده بكتير انتوا قولتوا كامليا اخرتها اتكتبت علي ايد الراوي فانقف معاها ليه وليه نقف ضد عز الراوي نبينله ولائنا ليه ونحسسه ان اللي انت بتعمله ده هو الصح...قال امكم خاينه وسوء سمعتها قولتوا امين قال اختكم زيها قولتوا امين قال مجنونه قولتوا امين قال نعذبها ونخلي حد يغتصبها وبعدين نموتها قولتوا اميييييين دوستوا وفرمتوا وافتريتوا ومحدش سمي عليا
كل واحد فيكم كان شايفني بطلع فالروح وكان مكمل من غير رحمه ده انا صعبت عاللي مش من دمي ياشيخه ده انا لو كلب كنتوا هتتاثروا باللي حصله اكتر من كده...
دخلت اماني حطت القهوه وخرجت.....
فريده...بدموع تمثيل كامليا انتي فاهمه غلط.
كامليا.....غلط طب فهميني انتي الصح.  قوليلي اني ظلماكم....اوعي تفكري يافريده اني غبيه وهتضحكوا عليا بكلمتين خالص....واوعي تفكري اني ممكن اقول مكنش في ايدكم حاجه ومغلوبين علي امركم مع اني عارفه ظلم ووساخه عز الراوي عارفه ليه لانكم وحشين من زمان من زمان اوي يافريده...انتوا عمركم ما كنتوا كويسين معايا ولا حنينين عليا طول عمركم مع بعض وانا لوحدي حتي واحنا اطفال كنتوا ديما مبتحبوش اني العب معاكم كنتوا ديما تتفقوا عليا وتضربوا فيا ولما كبرنا كرهكم ليا كان بيكبر معاكم ....خصوصا انتي يافريده طول عمري بشوف في عينك نظره عمري مانسيتها بس طول الوقت كنت بسال نفسي ايه سبب نظره الكره اللي جواكي ليا دي...كنت طول الوقت بسال نفسي انا عملت معاكي ايه مضايقك مني اوي كده...والحقيقه اني عمري ما وصلت لاجابه لدرجه ان دماغي وصلتني انك ممكن تكوني كنتي بتحبي كريم عشان كده انتي مضايقه اننا بنحب بعض....حاولت اقرب منك كتير عشان اعرف السبب بس انتي عمرك ما ادتيني فرصه انا اتوجعت كتير اوي بس الوجع منكم كان غير كان كسره وقهر عمركم ما هتحسوا باللي بقوله ده للاسف..
فرح...صدقينا يا كامليا...عمي لما قال كده علي مامي وجاب الصور مقدرناش نتكلم وقتها كنا حاسيين بكسره
كامليا...ده انتوا لو كنتوا شوفتوها بعينكم في اوضه راجل غريب كنتوا كدبتوا عنيكم بس للاسف انتوا كنتوا حابين تصدقوا..
فرح...انتي ظلمانا يا كامليا صدقيني احنا كنا اضعف بكتير من اننا نقف ادامه اديكي شوفتي بنفسك لما انتي وقفتي ادامه عمل فيكي ايه قال انك زيها ودخلك مصحه ومنعنا من اننا نزورك.
كامليا....اوعوا تفتكروا انه عمل كده عشان دافعت عن امي بالعكس عشان عرفت حقيقته هو واخواته عرفت انه رمي اخويا وموت ابويا ودي كانت بالنسباله صدمه
فريده...بس احنا مكناش نعرف كل ده صدقينا يا كامليا...
كامليا....اوعوا تفكروا أني كلامي معاكم الوقت ممكن يغير حاجه اللي زرعتوه جوايا صعب اوي انه يتنسي.
فريده...ادينا فرصه يا كامليا كلنا بنغلط مفيش حد فينا مبيلغطش..واحنا جاينلك انهرده عشان نمدلك ايدنا ونعتذرلك مبقاش في حاجه نضيعها العمر بيجري بلاش يجري من غير ما نكون مع بعض. صدقيني انا عمري ما كرهتك يمكن نكون كنا بعاد عن بعض ويمكن اكون كنت اقرب لفرح بس ده عشان هي توأمي ومن سني وانتي كنتي صغيره  لاكن عمري ما كرهتك وعمري ما حبيت كريم صدقيني انتي اللي فهمتي غلط
فرح...ياريت يا كامليا تسامحينا وتدينا فرصه نرجع ونتجمع مع بعض ونشوف شادي ونعوضه ده احنا جاينلك انهرده ومعانا الولاد عشان يتعرفوا علي خالتهم...
بصت كامليا لفرح وفريده الصغيريين بطيبه .
فريده....استغلت الموقف...فريده فرح روحوا لطنط سلموا عليها دي اخت مامي يافرح واخت مامي يا فريده...
راحوا البنتين جمب كامليا....
فريده...ازيك ياطنط.
كامليا....بحزن الحمد لله.
فرح....هو حضرتك اخت مامي.بجد
كامليا...سكتت
فرح...حضرتك جميله اوي.
كامليا.....انتي اللي جميله.
فريده...هو حضرتك ليه مش بتعيشي معانا.
كامليا...ابدا بس انا عندي بيت تاني
فريده...هو احنا ممكن نيجي نزور حضرتك..
بصت كامليا...لفرح وفريده....ورجعت بصت لفريده الصغيره...طبعا يا حبيبتي
ضحكت فريده وفرح بخبث... لاكن قطعت عليهم كامليا لحظه الفرحه...
كامليا...بس انا الايام دي مشغوله خالص عشان عندي شغل كتير اوي ...وبسافر اول ما اكون اعده فالبيت هعرفكم وتجولي .اتفقنا..
فريده...وفرح اتفقنا
كامليا...بصتلهم بنظره ثقه...اتمني لو حبيتوا انكم تكرروا زيارتكم ليا وتحاولوا تقنعوني انكم ملكوش ذنب عشان اسامحكم متبقوش تجيبوا معاكم ولادكم كامليا بتاعت زمان كان سهل اوي حركه زي دي تأثر عليها لاكن كامليا بتاعت الوقت صعب اوي الطريقه دي تاثر معاها.
فريده....انتي فهمتي غلط احنا جبنا الولاد عشان يتعرفوا عليكي.
فرح...فعلا وبعدين انا كمان حبيت ابلغك بخبر يمكن يفرحك انا حامل وهجيب ولد ونفسي المرادي تكوني معايا وانا بولد انتي مشوفتيش اي واحده فينا وهي بتولد ولا حضرتني لينا اي مناسبه ونفسي تكوني معايا.
بصت كامليا علي فريده اللي ملامحها كانت متغيره ونظراتها كلها حقد رغم ابتسامتها اللي بتحاول ترسمها علي وشها..
ابتسمت..كامليا...مبروك...عقبالك يا فريده...وبصت لفرح... صحيح يا فرح خلي بالك منه اوي..
فرح...بخوف...تقصدي ايه.
كامليا...ابدا اصل العيله دي تقريبا مش بتحب الولاد...بمجرد ما بيعرفوا ان الواحده حامل في ولد بيستنوا لحد ما تولد ويرموا ابنها فالشارع زي ما حصل في اخوكي كده....وطبعا مش اي حد هيعمل كده اللي ليه مصلحه وبصت لفريده او اللي جواه سواد وغيره...ورجعت بصت لفرح...وبعدين طبيعي الكبار عملوها زمان....جه وقت الصغيرين بقي  ماهي اصلها دايره ...
حطت فرح ايدها علي بطنها بخوف....وسرحت..
كامليا....ابتسمت كامليا لما شافت الخوف في عين فرح ....شرفتواااااااااا
بصت فريده وفرح لبعض..
فريده.... طيب احنا مش هنعطلك واتمني تفكري فالكلام اللي قولناه وياريت تسامحينا يا كامليا
كامليا....اتعمدت تجاهلها وبصت لفرح وفريده الصغيرين باي يا حلوين.
فرح...باي ياطنط.
فريده...باي يا طنط.
كامليا...باي.
خرجت فرح وفريده من مكتبها..
فرح...شارده ومن جواها مرعوبه من كلام كامليا اما فريده فكانت بتغلي من طريقه كامليا...
فريده....شوفتي طريقتها دي مش كامليا ابدا دي واحده تانيه انا لولا عمك موصينا باللي هنعمله لاكنت عرفت اربيها بس للاسف مقدرتش عشان مبوظش كل حاجه ...
فرح...................
فريده...انتي مبتتكلميش ليه سيباني اتكلم مع نفسي.
فرح.....خلينا نروح الاول يا فريده حاسه اني تعبانه ومحتاجه ارتاح..
فريده...بسخرية....ابتدينا وهتعيشي دور الحامل😏😏😏يلا
...................
وصلت سما وساره ادام الشركه....
سما...يلا انزلي ونزلي زينو لحد ما اركن العربيه
ساره...حاضر....ولسه بتفتح الباب...
سما....استني يا ساره
ساره...في ايه خضتيني.
سما...مش دول فرح وفريده..😲
ساره....ايه ده اه هما.😳😳 بيعملوا ايه هنا مش قالوا رايحين يجيبوا لبس للبيبي.
سما...استني متنزليش لحد ما يمشوا عشان ميشوفوناش..
دخلت فريده وفرح العربيه واتحركوا من غير ما يشوفوا ساره وسما...
سما.....ركنت العربيه..ونزلت هي وساره...
ساره...لما شوفتهم خارجين من عمد خالو...شكيت وحسيت ان في حاجه...
سما....اكيد كانوا بيتفقوا انهم يجوا لكامليا...زي ما قال بيجاد لما سمعهم انهم يقربوا منها كلهم .
ساره....جزء من خطتهم يعني..
سما...بالظبط....تعالي الوقت نطلع لكامليا...ونشوف بعدين حوارهم ده..
ساره...يلا.
.......
فالوقت ده مسك حسام الجارد بتاع بيجاد اللي بيراقب كامليا ...بعت لبيجاد صوره سما وساره....واتصل عليه...
حسام....ايوه يا بيجاد باشا..
بيجاد....ايوه يا حسام ايه الصور اللي انت بعتهالي دي...دول طلعوا لكامليا.
حسام...ايوه يا باشا لسه حالا طالعين ادامي والاتنين اللي طلعوا فالاول نزلوا.
بيجاد....متأكد.
حسام...ايوه ياباشا.
بيجاد...طيب تمام يا حسام.خليك مكانك انا جاي الوقت.
حسام...تحت امر حضرتك.
قفل بيجاد وخد موبايله وقام خرج من مكتبه..حسن قابله
حسن....بيجاد رايح فين.
بيجاد....مشوار بسيط كده وراجع.
حسن...في حاجه ولا ايه.
بيجاد...لا خالص لما ارجع هقولك.
حسن.....طيب تمام.
بيجاد...سلام.
حسن...سلام.
................
طلعت سما وساره وقفوا ادام اماني السكرتيره.
سما...من فضلك ممكن نقابل كامليا هانم.
اماني....اقولها مين..
سما...بارتباك..بصت لساره.
ساره...قوليلها سما وساره الراوي.
اماني...لنفسها يادي عيله الراوي .....حاضر اتفضلوا ارتاحوا هديها خبر .
سما....تمام...
خبطت اماني....ودخلت كانت كامليا اعده عالمكتب وحاطه ايدها الاتنين علي دماغها وعلي ملامحها الحزن.....
كامليا وهي علي نفس الوضع...خير يا اماني.
اماني...كامليا هانم..اسفه بس في ناس عايزه تقابلك تاني
نفخت كامليا مين
اماني....بيقولوا سما وساره الراوي...انا قولتلهم يرتاحوا لحد ما ادي لحضرتك خبر بس لو حضرتك تعبانه اقولهم يجوا وقت تاني....
سرحت كامليا لمجرد ما سمعت اسمهم..
فلاش بااااااك....
سما......ايه يابنتي بخبط بقالي كتير
كامليا....كانت اعده علي سريرها سرحانه وضامه رجلها  ...
سما....كوكي مالك سرحانه في ايه.
كامليا...هاااا بتقولي حاجه يا سما.
سما....بقول حاجه واضح انك مش معايا خالص مالك يا كوكي.
كامليا...مفيش.
سما...ده علي اساس اني مش عرفاكي يابنتي ده انا حفظاكي اكتر من نفسي مالك يا كوكي...اوعي تقوليلي كريم
كامليا....كريم متغير معايا اوي يا سما
حساه بارد حساه مش بيحبني زي ما بحبه.
سما...قولتهالك كتير يا كوكي وانتي مش بتاخدي بكلامي المفروض اني مقولكيش الكلام ده لان كريم اخويا بس بصراحه بقي انتي خساره فيه كريم مش بتاع حب يا كامليا كريم عملي اهم حاجه عنده الشغل الفلوس المركز اي حاجه بعد كده بالنسباله كامليات انتي تستهلي حد احسن صدقيني...انا المفروض مقولكيش كده بس انتي مش بنت عمي وبس انتي انتي اختي وصحبتي وتوأمي انا مليش غيرك يا كامليا .
كامليا....ولا انا ليا غيرك انتي ورضوي انتوا عندي اكتر من اخواتي نفسهم.
سما...اهي رضوي دي بالذات مبتنزليش من زور معرفش انتي بتحبيها علي ايه دي مش شبهك يا كامليا .
كامليا....انا مش عارفه انتي ليه ديما شيفاها كده دي طيبه والله.
سما...والله مافي اطيب منك يا كوكي...سيبك منها المهم الوقت خلينا في كريم اجمدي شويه يا كوكي وفكري في كلامي هو صحيح اخويا بس انتي تهميني اكتر
كامليا...بحبه يا سما.
سما....الحب اللي مفيهوش اهتمام وتبادل ميبقاش حب الحب اللي يبقي فيه شخص طول الوقت بيدي والتاني بياخد وبس ميبقاش حب صدقيني انتي تستاهلي حد احسن من كريم فكري في كلامي ممكن.
كامليا...حاضر يا سما.
بااااااااااك.
اماني...كامليا هانم كامليا هانم حضرتك كويسه.
كامليا....بتقولي حاجه يا اماني.
اماني....بقول لحضرتك تقابليهم ولا ابلغهم ان حضرتك مشغوله ..
كامليا....لا خليهم يدخلوا انا كويسه.
اماني...تحت امر حضرتك....
ولعت سما سيجاره...ومسكت دماغها من الصداع..
خبطت...اماني...اتفضلوا.
دخلت سما وساره...سما كانت مرتبكه جدا وبتقدم رحل وتاخر رجل.
ساره....ازيك يا كامليا..
كامليا...الحمد لله.
سما...بصالها ودموعها بتلمع في عينها وحاسه ان الكلام مش بيطلع..
كامليا.بنظره حزن...ازيك يا سما.
سما....بخير.
كامليا...اتفضلوا..
اعدوا ادامها
كامليا.....تشربوا ايه..
ساره....مفيش لزوم ياكامليا.
كامليا...ازاي انتوا اول مره تزوروني
ساره....طيب اي حاجه ممكن نسكافيه
كامليا....سما تشربي ايه.
سما....اي حاجه
كامليا...اماني هاتي القهوه بتاعتي ولساره نسكافيه وهاتي لسما عصير فراوله وبصت لسما مش ده عصيرك المفضل بردو.
ابتسمت سما ابتسامه بسيطه وهزت راسها.
كامليا وهاتي عصير للولد .
اماني...تحت امر حضرتك بعد اذنك
كامليا....هزت راسها لاماني
رن موبايل كامليا كان شادي...
كامليا...اسفه هرد علي التليفون وهكون معاكم.
ساره...براحتك.
كامليا...الوووو
شادي...كوكي حبيبتي عامله ايه.
كامليا...بخير ياحبيبي انت عامل ايه ونودي عامله ايه.
شادي...بخير يا حبيبتي الحمد لله احنا خدنا بريك قولت اكلمك واشوف الدنيا ماشيه معاكي ازاي.
كامليا...اطمن كله تمام
شادي....مفيش اي اخبار من عيله الراوي
كامليا...اطمن كله تحت السيطره.
شادي.....الحمد لله طمنيني عليكي بتاخدي العلاج ولا لا وكلتي ولا كالعاده ناسيه نفسك.
كامليا....ضحكت...لسه ولله يا شادي ملخومه فالشغل من الصبح
شادي....عشان خاطري ياكامليا اهتمي شويه بنفسك الشغل مش هيطير.
كامليا...حاضر ياحبيبي المهم انت خلي بالك من نفسك ومن نودي.
شادي....حاضر يا حبيبتي يلا روحي  شوفي اللي وراكي وهكلمك تاني
كامليا...تمام يا حبيبي سلملي علي نودي  باي.
شادي...باي
كامليا......بصتلهم نورتوا. ياتري ايه سبب الزياره .
بصت سما لساره وكان كل الكلام اللي كانت جايه تقولوا نسيته.
ساره....جاين نشوفك ياكامليا...يمكن تكوني مش حابه تشوفي اي حد فينا بس احنا مقدرناش نمنع نفسنا اننا نجيلك خصوصا سما واحنا جينا عشان انتي وحشتينا اوي يمكن متصدقيناش وده حقك بس صدقينا يا كامليا احنا والله مكناش نعرف انك عايشه..
كامليا.....مين قال اني مش هصدقكم ولا حتي اني مش عايزه اشوفكم...بالعكس...وبصت لسما....ساكته ليه ياسما اكيد مجيتيش لحد هنا عشان تسكتي.
سما....احممم ابدا بس ....يمكن اكون كنت محضرالك كلام كتير اوي بس كل كلمه كنت جايه اقولهالك اتبخرت او يعني مش لاقيه كلام اقوله عشان مهما قولت انتي مش هتصدقي.
كامليا...جربي مش يمكن اصدق.
سما....سكتت شويه ولمعت عينها بالدموع. لو قولتلك انك وحشتيني هتصدقي....لو قولتلك ان من يوم ما عرفت انك موتي وانا حياتي اتغيرت هتصدقيني لو قولتلك ان مفيش يوم عدي عليا من اخر مره شوفتك فيها من 9 سنين وانتي مبتفارقيش عقلي وقلبي هتصدقي....كلام كتير اوي ياكامليا وتفاصيل اكتر يمكن لو حكيتها مش هتصدقيها لانك باختصار شيفانا كلنا زي بعض....بس انتي عارفه اني مش زيهم وعارفه انتي عندي ايه.. يوم ما جيتي القصر ياكامليا كنت نفسي اجري واخدك في حضني بس بعد اللي سمعته منك خفت... خفت ومقدرتش اقرب منك....عشان استحاله تصدقيني خفت من التغيير اللي شوفتك بيه لو كنت شوفت كامليا بتاعت زمان مكنتش خفت لاني واثقه انك كنتي هتاخديني في حضنك لاكن كامليا اللي رجعت استحاله كانت تقبلني من تاني .
كامليا.... ولما انتي شايفه اني اتغيرت اوي كده جيتي ليه مخفتيش اشوفك زيهم.
سما...خفت بس انا من امبارح وانا مقرره اجيلك ويحصل اللي يحصل. المهم اشوفك واكلمك صدقيني ياكامليا والله العظيم انا معرفش اي حاجه من كل ده غير اليوم اللي جيتي فيه صدقيني عمري ما سمعت عن شادي عمري ولو حتي صدفه عمري ما عرفت اي تفاصيل لموت عمي غير اللي كلنا نعرفها حتي اللي حصل لطنط وفاء سمعته يوم مشكلتك مع بابي لما حبسك  وبعدها كل حاجه اتقفل عليها وكان ممنوع ان حد يتكلم فيها ولا حتي مع نفسه طلبت كتير ازورك بس بابي كان بيرفض اعترضت كتير مكنش بيسأل دافعت عنك كتير عشان اقول انك مش تعبانه مكنش بيسمعني  لدرجه أنه منعني فتره من الخروج عشان خايف اني اروحلك من وراهم لحد ما جه في يوم وقال انك موتي وان المصحه اتحرقت وانتي كنتي من ضمن اللي ماتوا انا اعدت شهور منهاره ومش بخرج من اوضتي....صدقيني يا كامليا والله ما كنت اعرف اي حاجه ومن يوم ما عرفت وانا مش عايزه افضل معاهم عايزه امشي واسيبهم مش طايقه اي حد فيهم
كامليا......وليه معملتيش كده...عز الراوي منعك بردو
سما...لا بيجاد رافض اننا نمشي الوقت
كامليا... ليه.
سما....بيجاد قال اننا هنمشي انا وهو وحسن وساره ومامي بس لو مشينا مش هنعرف هما بيدبرولك ايه وهو عايزنا نأعد عشان نحاول نعرف هما بيخططوا لايه...كامليا زمان انا حذرتك من كريم اخويا ومفرقش معايا انه اخويا كان اللي فارق معايا انتي....والوقت بردو هقولهالك انتي اللي فارقه معايا يمكن انتي عارفه اني كنت قريبه من بابي بس بعد اللي عرفته خلاص مش فارق معايا حد بس انتي فارقه معايا ولو عملتي ايه هيبقي حقك عشان كده عايزه اقولك ان هما بيدبرولك حاجه ويمكن ده اللي جابني انهرده اكتر كمان من اني عايزه اشوفك جيت عشان اعرفك ان كلهم متفقين عليكي كلهم بيدبرولك حاجه بيجاد سمعهم وهما بيتفقوا ان الفتره دي يقربوا منك ويحاولوا يقنعوكي باي حاجه عشان تسامحيهم... جالك كريم وجالك عمي شاكر وجمال وشوفت وانا طلعالك فرح وفريده وقبل ما نيجي ساره شافتهم خارجين من مكتب بابي وانا واثقه ان بابي هو اللي قالهم يجولك عشان يحاولوا يأثروا عليكي بابي عايزك تيجي تعيشي معانا من تاني وتأمنيلهم عشان يخلصوا منك فرح وفريده لحد امبارح يا كامليا نفسهم يخلصوا منك انهرده قبل بكره صدقيني ياكامليا....عشان كده بيجاد عايزنا نأعد ونستحمل.
ساره....ايوه يا كامليا اللي سما بتقوله ده صح كلهم بيخططوا لحاجه اوعي يغرك طيبتهم معاكي.
سما....كامليا اوعي تفكري اني جايه انهرده اقولك كده عشان اخليكي متقربيش مني انا ادامك لو حابه تنتقمي مني في اي حاجه شوفتيها منهم معنديش مشكله بس والله وحيات زين انا جايه عشان خايفه عليكي.
كامليا....بيجاد بقي هو اللي قالك تقوليلي كده ماهو اصل هو كمان بيحاول يقنعني انه مش زيهم.
سما....بيجاد فعلا مش زيهم ياكامليا بيجاد ميعرفش اي حاجه من اللي حصلت ولا حتي موت طنط وفاء ولا موتك كل اللي عرفه ان اعصابك تعبت وقت موت طنط وفاء ودخلتي المصحه وان بابي خاف احسن تأذي نفسك عشان كده دخلك وبعدها موتي...بيجاد مكنش عنده اي معلومه واتفاجئ بكل اللي قولتيه ..وعايزه اقولك حاجه كمان...محدش عارف اني جايه هنا غير ساره انا كدبت علي حسن وقولتله اني رايحه اتغدي بره واخرج زين شويه..
كامليا...وليه كدبتي لما انتوا مش زيهم
سما...عشان مكنش هو او بيجاد هيوافقوا خصوصا انهم عارفين انك اكيد هتقابليني بطريقه مش حلوه وو...
كامليا...وايه.
سما...يعني اكيد خايفين انك تعملي اي حاجه فيا وتنفذي كلامك فالانتقام.
كامليا....للدرجادي بقيت وحشه اوي كده وبخوف.
سما.....انتي عمرك ما كنتي وحشه ولا انا عمري خفت منك انا بس بقولك ليه كدبت .
ساره....كامليا.والله العظيم احنا مش زيهم انا من يوم ماعرفت اللي حصلك وجيتي القصر ولنا مرعوبه منهم كلهم حاسه اني هقوم الاقي نفسي ميته خايفه من امي من اخويا من خالوا خايفه منهم كلهم...حاسه اني عايشه مع عصابه....
سما....انا مبقتش اعرف انام يا كامليا طول الوقت عايشه معاهم في مشاكل كلهم حاطيني في دماغهم وده مش وقت ما انتي ظهرتي من زمان لان عمري ما كنت قريبه منهم خصوصا رضوي انا مفيش بيني وبينها اي تعامل ومن يوم ما جبت زين وهما ديما حاطيني في دماغهم فاكرين ان عشان جبت ولد فانا كده هاخد كل حاجه...كنت ديما حاسه بقلق بس مكنتش بحط في بالي اوي لاكن من يوم ما ظهرتي وانا مرعوبه علي ابني حاسه انه سهل عليهم يعملوا فيه حاجه لانه مش بعيد عليهم....
كامليا.....فضلت بصالهم وساكته.
سما.....انا طولت عليكي اسفه لو خدت من وقتك كتير بس مكنتش هسامح نفسي لو مجتلكيش عشان اشوفك وعشان اقولك تخلي بالك منهم....يلا ياساره...
وقفت سما وساره وراحوا ناحيه الباب..
وقفت كامليا...استنوا..
بصت سما وساره ليها.
قربت منهم كامليا...
....................
فالتوقيت ده وصل بيجاد تحت الشركه واتصل بحسام...
بيجاد...الووو.
بيجاد...ايوه يابيجاد باشا.
بيجاد....لسه فوق ولا نزلوا
حسام...لا محدش نزل وعربيتهم موجوده.
بص بيجاد علي عربيه سما لقاها.تمام سلام انت الوقت
حسام...سلام ياباشا.
......................
يمكن اكون اتغيرت كتير اوي يا سما...ويمكن مفيش مخلوق هيوقفني عن اللي ناويه اعمله بس عايزه اسالك سؤال انتي وساره لما تشوفوني برجع حقي من كل واحد دمرني فالعيله دي فالعيله هيبقي رد فعلكم ايه
ساره....لو هتحسي ان حقك رجع انا اول واحده مش هزعل لو اني عارفه ان اللي حصل فيكي ردك عليه هيبقي شويه هما يستاهلوا اكتر من كده بكتير.
كامليا...وانتي ياسما.
سما...انا قولتلك ان مش فارق معايا اي حد فيهم وهعمل كل حاجه اقدر عليها عشان اعرف هما بيفكروا في ايه بس صدقيني يا كامليا انا وساره وحسن وبيجاد ومامي ملناش دعوه بيهم واحنا بعيد عن كل حاجه وحشه بيعملوها احنا مش شبههم ومن قبل ظهورك واحنا ديما في خلاف معاهم ومش بقولك كده عشان اقنعك اننا مش زيهم بس دي حقيقه....حتي لو مصدقتنيش
كامليا....اتخلت عن الماسك اللي لبساه عن القوه والجبروت  ونزلت دموعها بس انا مقدرش مصدقكيش وعارفه انك عمرك ما هتكوني زيهم انتي وساره انتي قولتي لما شوفتيني كان نفسك تاخديني في حضنك بس خوفتي ارفض وجودك بسببهم انا بقي خوفت ابصلك حتي عشان مضعفش واسبقك بحضني ليكي..وحشتيني ياسما🥺🥺 ومحتجاكي اوي..
فاللحظه دي اترمت سما في حضنها والاتنين انهاروا من العياط ولاول مره كامليا تظهر بالضعف ده .. حضنتهم ساره وفضلوا يعيطوا  بوجع
سما...سامحيني لو كان في حاجه في ايدي اعملها ومعرفتش سامحيني ان اللي حصلك ده حصل بأمر من بابي
بعدت كامليا...مسمحاكي ومقدرش ازعل منك ولا ازعل من ساره عارفه انكم مكنش في حاجه في ايدكم تعملوها وقتها وعارفه انكم مش زيهم ومقدرش مثقش فيكم ابدا .
انهارت ساره فاللحظه دي وانتبهت كامليا وسما ليها باستغراب وصدمه
ساره...بدموع....انتقمي ياكامليا...اعملي فيهم كل حاجه....وانهارت فاللحظه دي دمريهم زي ما دمروكي  انا سمعتهم بنفسي ياكامليا سمعتهم وهما مش شايفني سمعت امي لما قالت انها حطت بايدها السم لخالوا. سمعت كل كلمه انتي قولتيها هما بيرددوها مكنتش مصدقه الاول بس اتاكدت بنفسي ومن يوم ما سمعت وانا حتي مقدرتش اقول لسما ولا بيجاد بس انا بقولك اهو انا سمعتهم ولو كنت عامله حسابي لكل كلمه قالوها كنت سجلتلهم وبلغت عنهم بنفسي ..وفضلت تعيط خدتها كامليا في حضنها...وفجأه الباب خبط...بعدت كامليا عن ساره مسحوا دموعهم وظبطوا نفسهم...
كامليا....ادخل..
دخلت اماني....
كامليا...ايوه يا اماني.
اماني...كامليا هانم.. قبل ما تكمل كان ظهر في ضهرها بيجاد...😱
بيجاد باشا عايز يقابل حضرتك......🙆‍♀️🙆‍♀️🙆‍♀️🙆‍♀️