أنتقام

بارت 17

خبطت اماني وسمحتلها كامليا بالدخول بعد ما بعدوا عن بعض وظبطوا نفسهم
دخلت اماني....
كامليا...ايوه يا اماني.
اماني...كامليا هانم.. قبل ما تكمل كان ظهر في ضهرها بيجاد...
بيجاد باشا عايز يقابل حضرتك......
ارتبكت سما وساره اول ما شافوه....
وحست كامليا بارتباكهم..
سما....ساره....بيجاد😳
زين....خالووووووو جري عليه شاله بيجاد من الارض..
أماني...تؤمريني بحاجه كامليا هانم
كامليا... اتفضلي انتي يا اماني وبصت لبيجاد بغرور وياريت تجيبي قهوه بيجاد باشا.
اماني....تحت امر حضرتك خرجت اماني...
وحست...كامليا بتوتر سما وساره الغير طبيعي بمجرد ما شافوا بيجاد.
كامليا....راحت علي مكتبها اتفضلوا اعدوا...
راح بيجاد اعد وهو شايل زين...اعدت ادامه ساره وسما..
فضلوا ساكتين دقيقه من غير ولا كلمه بيجاد باصصلهم وساره وسما باعدين عينهم عنه
قطع بيجاد...الصمت...ايه اللي جابكم هنا ياسما....
سما...بارتباك....اااا انا
كامليا.....بتحدي هو ممنوع انهم يجوا هنا ولا ايه...يا بيجاد باشا.
بصلها بيجاد....لا مش ممنوع ورجع بص لسما....بس محدش فيهم قال.ولا ايه ياسما.
سما....بيجاد..انا كان لازم اجي لكامليا انت عارف اني مكنتش هقدر مجيش وبردو انت عارف كامليا عندي ايه..
بيجاد...حسن.عارف
بصت سما لساره وكامليا بارتباك.
بيجاد....ماتردي
كامليا...كانت اعده تتفرج وساكته مش عارفه تتكلم وفنفس الوقت متفاجأه بشخصيه بيجاد القويه ...
سما....لا ميعرفش😔
بيجاد....يعني هو عارف انك فالبيت الوقت.
سما...لا قولتله اني هتغدي بره وهخرج زين يلعب وقالي خدي معاكي ساره😔
بيجاد.....تمام..لسه في كلام بينك انتي وكامليا ولا خلصتي.
سما.....لا كنت ماشيه...
بيجاد....طيب اتفضلي يلا بس ياريت تلحقني نفسك وتعرفي جوزك قبل ما اعرفه انا..
سما...بيجاد. بس.
بيجاد...بهدوء.بس ايه انتي كدبتي وقبلتيها علي نفسك عايزاني انا اكدب..زي ماقولتلك تخرجي من هنا تعرفي حسن عشان لما اخلص مع كامليا انا هكلمه واظن ساعتها شكلك هيكون وحش اوي..مفهوم.
سما...حاضر..
وقفت سما وساره...
سما....بصت لكامليا شكرا يا كامليا...قامت كامليا من الكرسي وراحتلها...وكلمتها بصوت واطي...عشان تضحكها متأكده ان السمج ده بيجاد.
ضحكت ساره وسما بصوت واطي.
سما....اه متاكده.
كامليا....عايزه اشوفك تاني
سما....اكيد.
كامليا..ده الكارت بتاعي كلميني انتي وساره.
سما...حاضر..حضنتها سما.
كان بيجاد مستغرب اللي بيحصل وكان فاكر ان كامليا قابلتهم بطريقه وحشه..
سما...يلا يازين.
زين...لا انا عايز اعد مع بيجاد صاحبي.
سما....هو هيجي البيت لما يجي ابقي اعد معاه.
زين...لا مليش دعوه.
بيجاد...زينو حبيبي اسمع الكلام انا هخلص شغل واجيلك.
زين...بس انا عايزك.
بيجاد...مش هينفع يازينو انت عارف اني عندي شغل صح هخلص واجيلك علي طول وهجبلك معايا حاجه هتعجبك كمان اتفقنا.
زين....اتفقنا
بيجاد....تروحي علي طول.
سما...حاضر.
وصلتهم كامليا لحد الباب وقفلت الباب من تاني ورجعت بخطوات كلها ثقه وغرور...وراحت اعدت فالكرسي اللي ادامه علي طول...حطت رجل علي رجل ومسكت علبه السجاير ولسه هتولع..
مسك بيجاد من ايدها السجاير..اظن الدكتور قال انك تخفيها خالص صح.
اتفجأت كامليا من الحركه...😳
وانت مالك اصلا.
بيجاد....كلتي قبل ما تشربي
كامليا...حاجه متخصكش.
قرب بيجاد لادام بقي قريب منها مسك ايدها...اتكلمي عدل .
حست كامليا بارتباك فظيع من قربه.
كامليا ..انت بتعمل ايه سيب ايدي.
ساب بيجاد ايدها وفضل باصصلها وحس انها مرتبكه من نظراته..
حاولت كامليا تجمع نفسها.. وتستعيد قوتها من تاني...عايز ايه ياابن الراوي جاي ليه.
بيجاد....فرح وفريده كانوا بيعملوا ايه هنا.
كامليا....هتفضل لحد امته عايش في دور اللي ميعرفش اي حاجه.
بيجاد...وهتفضلي لحد امته شايفه اني اعرف..
كامليا....عمري ما هشوفك غير كده لا انت ولا اي حد من العيله دي
بيجاد....غريبه
كامليا ...هو ايه اللي غريب.
بيجاد...يعني اول ما دخلت وشوفت شكل سما وساره قولت انك اتكلمتي معاهم بطريقه مش حلوه او طردتيهم مثلا ولما شوفتك الوقت بتسلمي عليهم وبتحضنيهم وبتقولي لسما عليا سمج...
كامليا...اتصدمت انه سمع.😳😳
بيجاد...يعني قولت انك مصدقاهم...
بس مكنتش اعرف انك بتمثلي عليهم و انك شيفاهم هما كمان بنفس نظرتك لاي حد من عيله الراوي
كامليا....اولا انا مش شايفه سما وساره من عيله الراوي ولا عمري هشوفهم كده...عشان انا واثقه انهم مش زيكم ثانيا انت بقي كنت راني ودنك معانا ولا ايه..
بيجاد...انا مرمتش ودني انتي اللي فاكره صوتك واطي بس ما علينا اما بقي من ناحيه مش زيكم وصيغه الجمع...لما انتي شايفه اني عارف ان كريم ه‍يجي وشاكر الراوي وابنه هيجوا وفرح وفريده هيجوا والمفروض اني عارف هما جايين ليه وانا بمثل اني معرفش انتي ايه اللي عرفك بقي اني مش باعت سما وساره كنان وجاي بمثل عليكي.
كامليا...عشان انا واثقه فيهم وعارفه انهم صادقين.. وانا احساسي عمره ما خانني.
بيجاد...ولما انتي احساسك فظيع وقوي اوي كده ليه شيفاني وحش...
كامليا...معرفتش ترد وحاولت تغير الموضوع...جاي ليه يا بيجاد.
بيجاد...قولتلك عايز اعرف فرح وفريده جولك ليه.
كامليا....وانت ايه اللي عرفك اصلا انهم جم.
بيجاد...انا مفيش خطوه العيله دي بتخطيها غير لما بعرفها
كامليا...مكنتش اعرف والله ان حضرتك جامد اوي كده.
بيجاد...اديكي عرفتي جاوبي.
كامليا....روح أسالهم.
بيجاد....مانا اكيد هسالهم بس حابب اعرف منك.
كامليا..وانا مش هتكلم.
بيجاد...تمام يا كامليا براحتك بس مش هكررلك كلامي تاني فرح وفريده ميمفعش يأثروا عليكي.
كامليا...انا محدش يقدر يسيطر عليا
بيجاد.. اتمني
كامليا...اطلع من دماغي يابيجاد وياريت تبعد عني وملكش دعوه بيا .
بيجاد.....طول ما في حواليكي قلق مش هطلع من دماغك يا كامليا خليكي عارفه ده كويس وقولتهالك وهقولهالك تاني ومش عايزك تصدقيني اكيد الايام هتثبتلك انا مش زيهم ومش هسمح لاي مخلوق فيهم انه يأذيكي طول ما اما عايش.
كامليا...انت مين عينك واصي عليا.
بيجاد...انا .....انا عينت نفسي واصي عليكي بمزاجك غصب عنك
كامليا....حاسه انها مرتبكه من طريقته ومن كلامه من احساسها اللي بتحاول تكدبه...
رن..موبايل كامليا فالوقت ده مسكته واول ما شافته اتفجات فضلت باصه عالاسم وساكته...
حس بيجاد...انها مرتبكه فصل التليفون ورجع رن تاني.
بيجاد....مين بيكلمك.
كامليا...وانت مالك.
بيجاد...مين بيكلمك يا كامليا...
كامليا...بصتله بنظره تحدي وحاولت ترجع قوتها اللي بتضعف ادامه...وردت ادامه عالموبايل
كامليا...الووو.
كريم....ازيك ياكامليا.
كامليا...تمام..
كريم...عارفه مين معاكي ولا لا.
كامليا...بصت كامليا لبيجاد بتحدي.طبعا عارفه مين صوتك مميز ياكريم وصعب انساه.
حس بيجاد..بوجع..وغضب وفضل باصصلها عينه بتطلع شرار.
كامليا كانت مرتبكه من نظرانه ومش قادره تفهم السبب لاكن حاولت تخفيه.
كريم....بجد يا كامليا.يعني لسه فاكره صوتي.
كامليا...اكيد
كريم...كامليا انا مش هطول عليكي ولا هفضل الف وادور...بس انا كنت عايز اطلب منك طلب واتمني مترفضيش.
كامليا...طلب ايه.؟
كريم...هترفضي.؟؟
كامليا...مش لما اعرف الاول واشوف هقبل ولا ارفض.
كريم....عايز اشوفك يا كامليا يعني لو فاضيه انهرده اقابلك فالمكان اللي تقولي عليه.
كامليا....حست ان فرصتها جت لحد عندها ونسيت خالص بيجاد....طيب ورضوي عارفه.
كريم.....لا وحتي لو تعرف مش مهم انا عايز اشوفك وبس.
كامليا....ايوه بس
كريم...ارجوكي ياكامليا عندي كلام كتير اوي محتاج اقولهولك.
كامليا....تمام يا كريم.
كريم...امته.
كامليا....يعني انا شويه وراحه عالڤيلا هظبط نفسي واجي.10 كويس.
كريم....الوقت اللي هتقوليلي عليه انا معنديش مشكله.
كامليا...تمام يبقي 10 معادنا.
كريم....تمام هستني الوقت يجري بفارغ الصبر.
كامليا....متستعجلش ياكريم كله بوقته.
كريم...بابتسامه عندك حق..
كامليا...هشوف بليل.
كريم...تمام باي.
كامليا...باي.
بيجاد....كريم عايز ايه.
حطت كامليا رجل علي رجل ورفعت حاجبها بابتسامه. ابدا عايز يقابلني..
وقف بيجاد وبمجرد ما وقف كان ساحبها من ايدها بقوه لدرجه انها اصطدمت بصدره..
كامليا...ااااه.
بيجاد....بغضب...مش هتقابليه انتي فاهمه.
بعدت كامليا ايده بعنف وانت مالك انت اتجدننت ازاي تمسكني كده...هقابله يابيجاد.
بيجاد...قولتلك مش هتقابليه..
كامليا...وانا قولتلك هقابله وقولتلك ابعد عن طريقي وده لمصلحتك مش لمصلحتي  ولو انت حابب تثبت يا بيجاد انك مش معاهم ولا زيهم يبقي خليك بعيد واقف اتفرج وانت ساكت...اما بقي لو انت خايف عليهم. وان التمثيل اللي انت فيه ده مش هتقدر تكمله فحاول تقرب وصدقني يابيجاد النار اللي جوايا هيطولك انت اول واحد😠..
بيجاد....غبيه كنت فاكرك اذكي من كده
كنت فاكر ان احساسك اللي بتقوليه في اشعار ده قوي بس للاسف الانتقام اللي جواكي عاميكي ومخليكي ماشيه تلطشي فالكل...ثقتك اتعدمت مبقتيش قادره تميزي مابين اللي معاكي واللي عليكي ..
كامليا....لو انت مش معاهم يابيجاد سبني اخد حقي.منهم
بيجاد....وميييين قالك اني مش عايز اخليكي تاخدي حقك يا غبيه...بس انا مش ضامنهم ومش ضامنك انتي اكتر..اوعي تفكري يا كامليا اني مصدق الماسك اللي انتي لبساه ده ماسك القوه والجبروت  انتي جواكي لسه مماتش ياكامليا لسه عايش وعارف ان اللعبه اللي هما بيلعبوها ودخلت العيله والسند والاحتواء والاسف دخله صح لعبوها بذكاء عشان عارفين انك هتيجي بالطريقه دي .
كامليا....خلصت كلامك.
بيجاد..ايوه ياكامليا خلصت..
كامليا....اتمني تكون دي اخر مره اشوفك فيها عشان مش ناويه بعد كده اقف واخد وادي معاك فالكلام كتير...انا مش جايه عشان اتكلم يابيجاد....انتي ليه مش راضي تقتنع اني جايه عشان انتقم وادمر فيكم واشوفكم بتتمنوا الموت ومش قادرين تطولوه...اتقل يابيجاد عشان اللي جاي دمار عالكل واولهم انت لو حاولت تقف ادامي..لو حابب تقنعني انك مش زيهم ماشي ياسيدي صدقت وهتعامل معاك نفس المعامله اللي هعاملها لسما وساره...لان باختصار لعبتي مش معاك...بس لو عرفت انك معاهم مش هسمي عليك..غير كده تقف بعيد وتتفرج ولو اعترضت هتحصلهم..
بيجاد كان باصصلها بحب وعاجبه شكلها وهي بتهدده مش متخيل ان كامليا الصغيره الطفله اللي كانت بضفيرتين بتهدد وبتتعصب وبتنتقم.
سرح بيجاد في ملامحها...
استغربت كامليا هدوءه وارتبكت من نظراته..
كامليا.....انت انت ساكت ليه وباصص كده ليه..
ابتسم بيجاد وركز في عينها واتكلم بصوت هادي وجذاب.
تعرفي ان شكلك حلو وانتي متعصبه ..
كامليا......بصتله وسكتت مصدومه..
بيجاد....بجد..
كامليا...احممم انت بتقول ايه.
بيجاد...ببتسامه ولا حاجه انا ماشي
كامليا...هو ايه اللي ولا حاجه استني هنا.
بيجاد...عايزه ايه.
كامليا...هو ايه اللي عايزه ايه انا بشحت منك اقف هنا.
بيجاد...بأبتسامه جذابه مانا واقف علي فكره ..
كامليا...ابتسمت ابتسامه خفيفه غصب عنها...
بيجاد....بتخبيها ليه.
كامليا...هي ايه.
بيجاد...ابتسامتك.
كامليا....انت عايز مني ايه يا بيجاد.
بيجاد....ولا حاجه انا ماشي.
كامليا...ماشي ليه..اقصد يعني مقولتليش انت جاي ليه
بيجاد....قولتلك بس واضح انك بتنسي  سالتك عن فرح وفريده كانوا جايين ليه قولتيلي مش هقولك وروح اسالهم  وانا هسمع كلامك..
كامليا....رجعت نظره الحزن ليها من تاني ولاول مره تتكلم مع بيجاد بهدوء وكانها اقتنعت انه مش معاهم او هي كانت عارفه بس بتكابر.
كامليا.....فرح وفريده عايزني اسامحهم.. جايين يقنعوني انهم مظلوميين والاهم من كل ده انهم بيقنعوني انهم بيحبوني....طب اصدقهم ازاي وانا شايفه كرههم لنفسهم ولبعض...يمكن ممكن اصدق فرح شويه لانها طول عمرها ماشيه ورا فريده واللي بتقوله فريده بيمشي من غير نقاش عارف!!!🥺 زمان واحنا لسه اطفال صغيره كنت لما احب العب معاهم فرح كانت توافق فريده تقولها خلاص العبوا انتوا انا مش هلعب عشان عارفه ان فرح مش هترضي تلعب معايا من غيرها..فرح كانت تسيبني وتروح تلعب معاها..كنت لما بفتكر كل الحجات الصغيره دي اقول عادي كنا اطفال بس لما كبرنا....الوضع بقي اسوء كنت بشوف الكره في عين فريده وعمري ما قدرت اعرف السبب لانها عمرها ما ادتني فرصه احاول اقرب منها واتكلم معاها واعرف انا زعلتها في ايه عشان تعاملني كده كنت بحاول اقرب من فرح عشان اعرف منها ولان فريده كانت دايما واخده فرح في ايدها فاطبيعي تكون عارفه.  لاكن عمر ما فريده سابتلي مساحه اقرب منها...حتي فرح بقت تبعد عني مع اني بشوف في عينها انها احسن مشكله فرح انها ضعيفه وخوافه ماشيه ورا فريده زي خيالها بتخاف تزعلها بتخاف انها تعمل حاجه من غير ما فريده توافق فريده مسيطره عليها جدا.حتي انهرده لما جم وطلبوا مني اسامحم التمثيل كان باين في عينهم هما الاتنين بس مكنتش حساه في فرح زي ما انا حساه في فريده يمكن اكون طول عمري بعيده عنهم وعمري ماحسيت انهم اخواتي مع اني حاولت كتير اقرب لاكن هما كانوا بيبعدوني يوم بعد يوم لاكن رغم بعدي إلا اني حفظاهم يمكن اكتر من نفسهم كلامهم طريقتهم نظرات عيونهم اللي للاسف فرح مشافتهاش في فريده لما قالت انها حامل في ولد....انا شوفتها في عين فريده وبالرغم من اني جايه وناويه ان محدش فيهم هيصعب عليا  لاكن نظره فرح وخوفها عاللي في بطنها لما قولتلها خلي بالك منه احسن يحصل فيه زي ما حصل في شادي وجعتنيي اوي....
انت عارف....لما قولتلها كده مكنتش عارفه مين اللي بيتكلم كامليا بتاعت زمان الطيبه اللي بتحزرها وخايفه عليها وبتنصحها انها تخلي بالها ولا كامليا الجديده اللي بتحاول تتنتقم وبتحاول تخلي النار تاكل فريده من جوه وتخليها تفكر فالفكره اللي وصلتهلها بكل سهوله انها تعمل في ابن فرح زي ما اتعمل في شادي ....انا مبقتش عارفه انا مين طيبه ولا وحشه كان نفسي فريده ترد عليا وتقولي ليه نظره الكره اللي بشوفها في عينها كان نفسي تكدب وتقول اي حاجه وانا كنت هعرف اطلع من كدبها رد مناسب يقنعني انت عارف انا جه عليا وقت تخيلت انها مثلا بتحب كريم ومضايقه ان انا وهو مرتبطين تخيلت كل حاجه ومقدرتش اعرف....مسحت كامليا دمعه خانتها ونزلت من عينها
بيجاد.....اولا انا مش مصدق انك واقفه ادامي وبتتكلمي بهدوء وبتخرجي كل اللي جواكي لدرجه اني شكيت انك سرحتي.. ولو مسرحتيش فا دي علامه كويسه انك عالاقل ابتديتي تحسي اني مش بكدب عليكي  ثانيا انتي مش وحشه يا كامليا انتي بس مشوشه جواكي صراع بين حد طيب الكل جه عليه وبين وحش اتولد جواكي ومتعرفيش عنه حاجه عايز ينتقم ويدمر اي حد جه عليكي والاتنين جواكي مسكوا في بعض كل واحد فيهم حابب يموت التاني جواكي الطيب عايز يموت اللي بينتقم والعكس لدرجه انك مش عارفه تكملي بمين فيهم...انا بالنسبالي لو حابه تاخدي برأيي اللي يريحك اعمليه بس حاولي تختاري بينهم الطيب ولا اللي بينتقم يا تسامحي ياكامليا بس توافقي انك تعيشي بوجعك العمر كله ياتاخدي حقك عشان ترتاحي لاكن مينفعش تتوهي وسط صراع داخلي جواكي عشان اللي انتي واقعه معاهم مش هيسموا عليكي لما يلاقوكي تايهه وما هيصدقوا انا مش بسخنك عليهم بالعكس انا حابب اشوفك مرتاحه وانتي شايفه حقك بيرجع وحاسه انك قويه مش ضعيفه.  وحابب اقولك سواء كملتي وقفتي انا مش هقف يا كامليا انا هعرف احاسب كل واحد فيهم عاللي عمله فيكي... وحابب اقولك حاجه يمكن ترتاحي حتي لو شويه بسيطه فريده مشكلتها معاكي مش ارتباطك بكريم ولا فريده عمرها حبت كريم...
كامليا....تقصد ايه.
بيجاد....بعدين هتعرفي حجات كتير اوي يا كامليا في حجات لسه مجاش وقتها.
كامليا...بس انا محتاجه اعرف عشان ارتاح وابطل تفكير
بيجاد....عارف وعارف انك تعبانه وده مضايقني اوي بس صدقيني في حجات لازم تتعرف في وقتها او في حجات لازم تحصل قبل ما تعرفي
كامليا...ليه.
بيجاد....عشان حجات كتير اوي يمكن لو قولتلك اول حاجه هتيجي في بالك اني بكدب عليكي وبمثل عليكي واني معاهم واني متفق وحجات كتير وعادي مش هزعل لو سمعته منك بس اللي هيزعلني انك لو مصدقتنيش مش هتقدري توصلي للحقيقه تاني حاجه لو صدقتيني هخاف عليكي اكتر او بمعني تاني انا عايز افضل ادامهم اني في نظرك زيهم وانك مش بتصدقيني
كامليا....انا مش فهماك.انت عايزني اشوفك زيهم ولا عايزني اصدقك واشوفك غيرهم
بيجاد....مش مهم المهم الوقت اني عايز طريقتك معايا تفضل زي ماهي متتغيرش عايزك تشوفيني وحش لاكن في نفس الوقت لما اقولك علي حاجه عنهم تعرفي انها حقيقه واني مش بضحك عليكي ..
كامليا...انت ليه مصمم تلغبطني اكتر مانا متلغبطه ليه مصمم تخليني ارجع اتهز من تاني..
بيجاد...بغضب...اوعي اوعي ياكامليا اشوفك مهزوزه ولا متلغبطه انتي قررتي ترجعي وتاخدي حقك ومشيتي طريقك متجيش لما وصلتيله وهما عرفوا بوجودك تضعفي ارجوكي كملي زي مانتي بس انا عايز اقولك حاجه بسيطه....واتمني لو احساسك بجد قوي احساسي يوصلك وتصدقيني....ربنا يخليلك شادي  واي حد بيحبك من قلبه بجد وواقف معاكي بيساعدك وبيدعمك...بس انا لاخر نفس فيا مش بس هقف جمبك واساعدك وادعمك انا ضهرك يا فريده ولو حد حاول بس يقرب منك انا همحيه من علي وش الارض حتي لو كان مين...انتي تحت عيني وهتفضلي ديما تحت عيني ياكامليا...
كامليا....عشان كده بتعرف مين اللي بيجيلي..انت بتراقبني يابيجاد.
بيجاد....ليه ماتقوليش اني بحميكي..
كامليا....بتحميني هو انت مش شايف الجاردات اللي عندي ولا ايه اظن اني مش محتاجه حمايه.
بيجاد....يمكن بس الجاردات اللي عندك منظر واجهه يقدروا يحموكي صحيح بس ميعرفوش هيحموكي امته وازاي ومن مين .....
كامليا.....بيجاد انا سالتك قبل كده سؤال وانت مردتش عليا اتمني ترد انت ليه بتعمل معايا كده...
بيجاد.....عشان خاطري ياكامليا أجلي اي سؤال الوقت قولتلك في حجات كتير لما بتتعرف في غير معادها حجات كتير ممكن تتأثر وانا مش عايز اي حاجه تتأثر اهم حاجه تكوني بس مصدقاني...لاكن لو في يوم حسيتي انك مش مصدقاني امشي ورا احساسك يا كامليا ...
فضلت كامليا تسمعه جواها حجلت كتير وكلام واسئله اكتر حاجه غريبه حساها من ناحيه بيجاد مش عارفه تفسرها .حاسه انها مصدقاه نظراته ليها غريبه والاغرب انها من يوم مارجعت واتقابلت بيه كذا مره عمرها ماحست من ناحيته بالقلق والخوف ديما حاسه انها معاه في امان....حتي يوم ما تعبت وكانت معاه في ڤيلته لوحدها تفاصيل اليوم ده مش قادره تنساه نظره عينه وهو خايف عليها مش قادره تنساها
بيجاد.....انا همشي الوقت خلي بالك من نفسك واي وقت تحتاجيني اكيد هتلاقيني.
كامليا.....هزت راسها بهدوء
بيجاد....بابتسامه بسيطه...سلام..
كامليا...بيجاد...ممكن طلب.
بيجاد...طبعا🙂
كامليا....متزعلش سما وساره.من فضلك
بيجاد....متقلقيش انا مقدرش ازعلهم هما اه غلطوا انهم خرجوا من غير ما يقولوا بس هعديها...
كامليا...ماشي وعلي فكره انا مش باكل ولا بعض يعني هتلاقيهم زي ماهما اصل عرفت انك مانعهم يجولي.
بيجاد...ضحك بيجاد خالص والله بس سما وساره طيبين اوي ومش بيعرفوا يتكلموا خصوصا سما كنت خايف تحرجيهم تضايقيهم
كامليا....اطمن سما وساره كانوا اقرب حد ليا وانا عرفاهم من جواهم يمكن اكتر منك لاني عشت معاهم طفولتي وعشت معاهم واحنا كبار يعني حافظين بعض.
بيجاد...تمام عموما لو حبيتوا تشوفوا بعض ياريت اكون عارف عشان تشوفوا بعض بطريقه تانيه مش عايز حد يعرف انكم بتتعاملوا مع بعض عشان يدوهم الامان او عالاقل ميتأذوش منهم تمام.
كامليا....حاضر.
بيجاد....يلا سلام وياريت تاكلي.
ابتسمت كامليا....حاضر
بيجاد...باي😉
كامليا...باي🙄